غلبنا الهوى والهوى غلاب

البارت الثالث عشر

وشعرها الطويل مموج بطريقه تبهر من يناظر فيه وعيونها السواد الوساع وشامتها استوطنت راس ثغرها وقال بهيمان وانبهار فيها ....من خذاك بسنة الله ورسوله وش يبي ياخذ من الدنياء بعد !!
لفت عليه بكل جسمها استمعت ل كلامها فزت من داخلها له ؛ هلا ب ولد عبدالرحمن
عقاب : هلابسسس ي حرم عقاب
ابتسمت بخجل وتقدمت تسلم عليه خدادي ثبتها وقفها قدامه وباسها قد مكان شامتها
تكهربت كل خليه بجسمها له تجرات وبادلته الحضن وقالت بهدوا : حشا لو انه وداع ابعد عني بتنفس!
عقاب وهو يضحك عليها ويشوف وجنيتها وحمرارها من الخجل نطق : هههه معرفتس وانتي مستحيه
ايلاف بقهر : خير عقاب خير
ابتسم بوسع ثغرها من نطقت بسمه : لبيه ي ايلافي
ابتسمت  وجلست وجلس جنبها وقالت : ايه متى الزواج ؟
عقاب ببتسامه : بكره !
قحت بصدمه : نعمممم!!!
عقاب وهو يضحك؛ ههههههههههههه لا خير زوجنا بعد سنه
ايلاف بصدمه : وش بعد سنه !!!!
عقاب بخبث  : علامس مستعجله
ايلاف نيتها طارت : خير صدق خير مو مثل نيتك ي حمار بس سنه حشاء
عقاب بحده : ايلاففف تكلمي بحترام دام النفس طيبه عليسسس
وقال بعصبيه : الزواج بعد بكرهه مدام اني قدرت اجل مهمتي شوي
مسك يدها بكل برود الدنياء ولبسها دبلتها وطلع بدون اي كلمه
مقدرت ترد عليه من قوت صدمتها وكيف تعامله معها وجاهله برود عقاب ومزاجه له وكيف انه اذ كان مروق يعطيها من ورا ودونه واذ معصب مراح اشوف منه الا القساوه والقوه والبرود بنفس الوقت وحدة المشاعر تجمعت الدموع بعيونها وهي تشوفه طالع بدون اي كلامه منه وهو بدايت ملكتهم كذا وشلون بعد الزواج وهي اساسن تعتبر الحين زوجته بس قدام الناس زواج علني لا اكثر
مسحت دموعها بكل قصوه وجمود بداخلها اتجاها وقالت بحده : معاش من ينزل دموع ايلافف!!!!!
راحت ل الحريم ببتسامه واسعه مو كانها قبل شوي الي منهاره وتبكي
دخلت عليهم واستقبلنها زخريت ام عقاب وام تركي له : الف مبروك ي ايلاف والله يجمعكم على خير يارب
ايلاف : الله يبارك فيس ي خاله
ام عقاب : الله يوفقكم يارب
ايلاف :  امين
ام تركي بدموع تحجر عيونها وهي تضمنها له : الف الف مبروك ي امي الله يوفقك مع عقاب وانشهد انس خذيتي لس رجال وكفو
ايلاف ببتسامه وهي تشوف دموع امها لها نطقت : الله يبارك فيس يمه وعلام الدموع مفروض تستانسين مو تبكين !
ام تركي : دموع فرح ي امي انتي
الجده بحده : مبروك ي ايلاف منه المال ومنس العيال
ايلاف بهمس عقب الي صار من شوي يخسي بجد : الله يبارك فيكم وعقبال البنات الباقي
البنات : امين يارب
اجتمعو يباركون له
نوف همست له وقالت : ايلاف عقاب تعالي معي
ايلاف قالت بحده : لا تجمعين اسمي معه ميستاهل
نوف طاحت تضحك : علامس عليه
ايلاف : يقهررررر !! 
نوف سحبتها معها وطلعو ل جناح ايلاف وميلاف نوف : وش فيكم بسم الله ؟
ايلاف قالت له كل شي وش صار
نوف بجده : اسمعي ي قلبي ذي شخصيت عقاب من خلقت على الدنياء هو كذا عصبي ونادر تشوفينه اساسن يضحك واذ ضحك يكون مروق او مزاجي او شي عاجبه انتي معليك الا تسمعين كلامه وبس عشان تتجنبن عصبيته واليوم اساسن بعد معصب زود بعد من مهمته وانا وراه سنه وزود بعد
ايلاف بصرامه : خير مو كذا عاد اليوم ملكته !!!
نوف : توك مشفتي شي وصح انه اخوي بس شخصيته تقهر ويبيلك صبر عليها بس لحبك بيعطيك من وراه ودونه وتجنبي غيرتها فضيعه
ايلاف : بنشوف ي ولد عبد الرحمن الوضع معك
نوف : امشي طولنا على الحريم
ايلاف ببتسامه : يلاه
تقدمو يدخلون عن الحريم
ام عقاب : متى الزواج ي حرم عقاب
ابتسمت  وقالت بكلافه  : بعد بكره !
ام تركي بحده : نعم ممعنا وقت !! 
ام عقاب بجديه : عقاب عنده مهمه بعد اربع ايام واكيد استعجل بزواج عشان كذا
الحريم مع بعض اختلفت ردودهم مابين : الله يوفقه : الله يكون معهم : الله يرجعهم سالمين )
ام عقاب : امين يارب
اصايل بلجه الثانيه تهمس ل شوق : علامه اخوك ! ؟
شوق بعدم مبلاه : ميهمني
اصايل بحده : بعدين وش شايف فيها لا جمال ولا شي ؟!
شوق بتعجب من كلامها : ههاااي اذ تقصدين نفسك فانتي صادقه مافيك ولا من الجمال ذره وعشان كذا اخوي تركك بيوم الملكه واذ عن ايلاف صح اني ماحبها بس ماشاءلله قمر وملوم اخوي يوم استعجل بزواج
نوف الي سمعت كلامهم وقالت بصوت عالي : انشهد ي حض عقاب ب ميلافه
ايلاف قالت بكل جراه وخرور وهو مركزه على اصايل : انشهد يحضه فيني ومبروك عليه ايلاف بنت سند ومبروك علي بعد عقاب وانشهد انه رجال ونعم ي عمه اصايل انشهد جبتي رجال
ام عقاب بفخر ب حرم عقاب : معليك زود وانشهد ان خذينا بنت رجال وعالم وناس
ايلاف اكتفت ببتسامه
عند اصايل : خيررر وربي انها شينه يع عقاب مادري ووشولون التفت له
ميلاف بصدمه : ليه هو كان لك ؟؟
اصايل ببتسامه : ايوه كان خطيبي
البنات طاحو مع بعض يضحكون وقالت ميلاف : ملومه اجل يوم تركك
اصايل ناظرت لهم بصدمه وفشيله وقامت مسكت يدها  ايلاف بحده برعب بصوتها يشابه اخوها تركي وهيبته ابوها وثقتها بنفسها وغيره عليه وهي ماتدري ليه اغار عليه اساسن : هيههه احترمي نفسك وبعدين خير تجيبين سيرت واحد متزوج معندك كرامه وناظرت فيها من فوق ل تحت وقالت بضحك  : زين انه فسخ خطوبته فيك لن تشبهينه مره !!! ( قصدها يعني انها مسترجه)
ماتت قهر وهي تسمع ضحكهم وصدت تطلع من عندهم ....
عند الرجال
سعود نطق بجديه وقال : دامكم اليوم مجتمعين ومافيه ناس غريبه وابو مهند يعتبر منا وفينا
الرجال مع بعض لفو له يسمعونه وينصاغون له
عقاب ابتسم : اسلم
الجد محمد : وانت صادق ابو مهند ماهو غريب
سعود : ابدا والله ابي اتزوج
ابو مهند فز وهو يشوف سعود مناسب ل بنته ونعم الرجال قال : ابدا تبشر واذ كلن لك نيه بنتي موجوده وانت اولا فيها من الغريب
سعود ابتسم وهو يسمع كلامهم عنه وقال : ونعم فيك وببنتك لكن باخذ بنت عمتي ودامكم موجودين كلكم انا اقول ل ثامر يخطب اختك على سنت الله ورسوله
ابو سعود ضحك وقال : ونعم لكن ليتك قلت لنا
سعود : هذا انت يبه سمعت مني قدامهم وانتضر الجواب
ابو سعود : والله ونعم ببنات اختي واكيد اني موافق
الجد محمد : ها وش قولك ي ثامر ؟
ثامر ابتسم وهو يشوف خير ل ساره سعود بعد الي سوته ولا عاد يهمهم رايها بشي : ابدا موافقين وجتك ساره
سعود : اجل على البركه والملكه اليوم !
ثامر : ابد موافقين وخير البر عاجل
قامو الكل يباركون ل ثامر و سعود
عمر دخل وهو يتنحنح وقال بصوت عالي : يمه ساره تعالو
العمه شروق : يمه علامك كل مره تخرعني  ناد بشويش
عمر تقدم يبوس راسها وقال : رجال وش تبون صوتي !
ساره : اخلص ي الرجال وش تبي
العمه شروق قرصتها بمزح وقالت : علامس على اخوس ونعم الرجال والله
ساره بتافف : اي اي اخلص ؟
ثامر الي جاء وقال : ابدا ي طويلا العمر جايينك خطاب !
ساره ببرود : ماني موافقه
العمه شروق : علامس وانتي موافقه !
ثامر بحده : وماحد طالب رايك ترا انا موافقه وامي بعد اكيد ماهي رافضه سعود !!!
ساره بصدمه : نعم سعودددد !!! 
عمر : اي ماهو هذا الي تبين ؟!
ساره بدموع وهي توها بدت تصحح اغلاطها قالت بنكسار : تكفون مابيه مابيه ماهو غصيبه الزواج
ثامر بحده انهت النقاش وقال : ماهو على كيفس وبتاخذينه غصب بعد بعد الي سويتيه تنتظرين ناخذ رايك ؟! لا والملكه اليوم وتروحين مع بعد زواج عقاب وايلاف وخلاص انتهينا
ساره طاحت تبكي على رجول امها وتتكلم بدموع وانكسار على حالها : يمه يمه تكفين مابيه والله مابيه تكفون لا تغصبوني عليها
عمر : خلاصصصصص اسكتيييي وهذا هو نصيبك وبتاخذينه فاهمه ودرس لس مو هذا الي تبين من اول ؟
ثامر : هذا الي خربتي بينه وبين ايلاف والحين بتاخذينه مثل ماتبين واحمدي ربك انه خطبك والا بتقعدين عله على قلبونا طول العمر !!!
العمه شروق بحده : خلاص برا انت وهو يلاه وحنا موافقين
ساره وهي تبكي وتشاهق وتقول : يمه تكفين لا تكسروني يمهههه مابيه والله مابيهههه ارضىىىى اعيشش طوللل عمرييي ماتزوج ولا اخذه يمه لا تكسرين بنيتس
طاحت منهار سامحه ل دموعها تنزل وانكسرت على رجول امها الي مبادرت اساسن تقول له شي وهي تشوفه خيره له سعود قالت وسط دموعها وانهيارها وانكسارها (
يمه يطيح من التعب مجد ورجال
وشلون انا  ماطيح وانا بنيه ؟
معاددد قلبيي يحتمل خيبة امال
خذيني بحضنك وسمي عليا
يمهههه ما عاد ابغئ سوى راحت البال!
حتا الهواء اليوم ماعاد ليا .....
طاحت تبكي زياده وهي تشوف امها تروح  وسط دموعها منهار وهي كانت ناويه تعدل حياتها وتبتدي من جديد وهي نست سعود ومن سعود الحين قدامه غير واحد جبروها اهلها عليه
يالله كسروها فيهم اخوانها مفروض يكونون معها ببساطه وافقو على جحيم حياتها بنظرها  وامها الي راحت تبشرهم وهي مستانسه مفكرت ببنتها وش شعورها صح انها غلطته كثيررر بس كل الناس تغلط كل احد يغلط  ماحد معصوم عن الغلط تبكي بحرقت دم على حياتها الجايه وهي تعرف ان سعود ميحبها ولا هي تحبه بعد الي صار ونسته وش جابه الحين له ؟ وبعد كل شي صار جاي بكل برود دم يتقدم له ؟
قالت بحرقه تسكن جوفها : يارب يارب ابعده عني ياربي معاد فيني طاقه لشي معاد ابيه ان كان فيه خير لي او شر