أشباه الرجال 🫀مكتملة🫀

🫀الجزء 134🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 134●° 

هز الڤيست دياله وطلع لفوق و جبد تيليفونه من جيبه دوزلها تجي عنده للبيت حيت كانت هي و ياسمين جالسين فالبيت لاخور .. دخلات عنده لقاته كايبدل حوايجه خطات عنده حتى عاوناته فتحياد الحوايج ..

عمر( .. بعد يديها عليه و طلع حاجبه) .. واشتا كنتي ديري لتحت ؟ ..

ياقوت( .. بإستغراب) .. مافهمتشي ؟ كيفاش ؟

عمر( .. حيد قاميجته بزعفة) .. طاهر شكون دخلو لدار ؟ .. گلتي لخدامة تدخلو ولا واش ؟ ..

ياقوت( .. عقدت تعابيرها) .. ماقلتلا والو ! جبرتو دخل و جالس فالصالون ! ..

عمر( .. بحدة) .. ونتي واشتا دخلك لصالون واش دااك تسالمي معاه وتگبضي معاه الهضرة !!

ياقوت( .. بصدمة) .. كيفاش ا عمر شكون دخلني مافهمتشي ؟ .. عرفت بيلي طاهر فدار و دخلت سلمت شني فيا ؟ ..

عمر( .. ضرب يديه على الماريو بعصبية) .. تتفلاي عليا ولا واش ؟ .. (لبس تيشورت دياله بزعفة) .. طاهر مايدخلش لدار و هو عارف حرمتي فيها ! .. (بحدة) .. لي راني فاهمو دروك شي واحد گالو يدخل ويتسناني !! .. ( بنبرة قوية) .. شكون لي گالاه يدخل ؟ .. (ضرب بيديه على الماريو) .. شكون لي راه فالدار ؟؟؟ .. واااشتاا كنت نگووولك من نهار تزوجتك !!! اللغا مع الرجال مايكوونش !!

ياقوت ( .. بقات حالة عينيها بصدمة ) .. الخدامة جات عندي و قالتلي هو فلداخل !! .. انا كونت فالجردة مع ياسمين ماشوفتوشي فاش دخل !! هو فحال خوك جات ناقصة مانسولشي فيه !!  ..

عمر( .. كمل لبيس حوايجه و شاف فيها بطرف عيونه) ..  گلبي ساعا بوخرا الياقوت !! ..

ياقوت( .. جمعت حجبانها بحنق) .. دخولت نسلم عليه صافي ونقولو بيلي تينا مكاينشي هنا ! ..

عمر( .. غمض عينيه بنفاذ صبر وضرب الباب دالماريو ) .. روحي من گدامي الياقوت !!  ..

ياقوت( .. ابتلعت ريقها) .. واش باغي تنكدها عليا ولا علاياش ناوي ا عمر ؟ .. (عضت شنايفها بفقصة) .. ديما كاتعملي هايدا ديما ! .. ديما كاتردلي اللومة وانا ديما لي كانعمل علاش !! ..

لاحت كلامها وهو بنظراته ليها خلاتها ماتزيدش تهضر معاه ولا تزيد تناقش و عطاته بظهرها وخرجت خلاته متبع ليها العين حتى ضربت بالباب حتى هز حاجبه لفوق ومسح على وجهه وهي قصدت نيشان لكوزينة لتحت لقات الخدامة كاتوجد الغذا ..

ياقوت: .. نتينا لي قولتي ل طاهر يدخول ؟ ..

الخدامة( .. ضارت عندها فاش سمعاتها و حنات راسها) .. اه الالة !

ياقوت ( .. عضت شنايفها بعصبية) .. علاش تعمل شي حاجة من راسك بلا ماتشاورني ؟

الخدامة( .. بتوثر) .. سمحيلي الالة !

ياقوت: .. كونتي تقوليهالي و ندخول لدار و هو يجلس فالجردة حتى يجي عمر ! ..

الخدامة( .. بأسف) .. سمحيلي الالة قلت ليه يدخل حيت نتي جالسة فالجردة و فاش قالي سي طاهر راه غايجلس فيها حتى يجي سي عمر يدخل قلتلو راه لالة ياقوت برا فالجردة مكايناش فالدار ..

ياقوت( .. هدنت راسها مابغاتش تغوت عليها كاتبقا  إمرأة كبيرة عليها ردت عليها بهدوء) .. ماتبقاشي تعمل شي حاجة من راسك ! المارا الماجا قولي عاد عمل لي نقولك عليه ! (بتحذير) .. اخير مارا يتعاود هادشي يرحام يماك ! .. (بدلت الموضوع) .. حوط الغذا دبا ! ..

خرجت من عندها بلا خاطر طلعت لفوق عند ياسمين لقاتها شادة تيليفونها ..

ياقوت( .. تنهدت) .. ياسمين! يالاه تغدا ..

ياسمين( .. لبسات الشال) .. راجلك غايتغذا معانا ؟ ..

ياقوت( حركت راسها) .. ماعرفتشي واش بغا يتغذا ولا لا ! ..

ياسمين: .. صافي انا غير طلعيلي الغذا هنا !

ياقوت( .. خرجت عينيها) .. اواعدي زيد تاكل !!

ناضت ياسمين معاها وهي نزلت لتحت و ياقوت مشات لبيت حلاته و لقاته عاد خرج من الدوش و كايلبس حوايجه لباسه الرسمي دالخدمة ..

ياقوت( .. بنبرة خافتة غالب عليها البرود) .. الغذا واجد ! ..

عمر( .. شاف فيها بطرف عيونه و رد عليها بنفسها النبرة الباردة) .. مهانتغداش دروك خدام ! ..

مجاوباتوش ! خرجت فالحين وسدت الباب ونزلت بتحت لقات ياسمين جالسة فالصالون و الخدامة كاتحط فالغذا ..

ياقوت( .. جلست حداها) .. الصمت

ياسمين( .. ضيقت عيونها فيها) .. تخاصمتي نتي و زمانك ولا ؟

ياقوت( .. طلعت عينيه بهدوء) .. لا !

ياسمين( .. حركت راسها ببطئ) .. امم زعما ؟ .. فاش كنتي عندو و جيتي بنتيلي ماشي هي هاديك ! ..

ياقوت( .. إبتسمت من فوق خاطرها) .. مكاين والو !

..