بقو يضحكون واني ع صفنتي ما بطلو قتل شلون يبطلون اذا همه مجرمين طلعو واني رجعت امشي وافكر شلون يگله اكتله بدم بارد صعدت لغرفتي مريت ع غرفه سيلين وسيران وجان اسمع كلام سيران الخله عقلي يوگف
سيران: لجج شلوون هسه شلون اواجهه
سيلين: شبيج انتِ لا تبقين ثوله تضحك عليج وانتِ مصدگه
سيران: نجبيي سيلين ولج هيه مخبللله بي تعرفين شنوو مخبله
سيلين: اييي خل تولللي والله اذا اجت وسوت مشكله اكضه من كفشته الي يگول كفشه ابو صابررر واطلعه سحل
سيران: سووي هيج واني اعللمج وهسه اريد اشوفه شلون
سيلين: اني مدخلني واليوم ما اريد اروح لخالتي احسه ملت مني بگد ما اروحلهم
سيران: فدووه گومي اريد اشوفه انتِ تعرفين شلون تحبه للسبع والله تتدمر
سيلين: سيران لا تبقين ثوله ولج اصحي ع نفس هيه ماتحب السبع تحب الفلوس وبس الفلووس
سيران: انتِ شبيج وي البنيه تره مامسويتلج شي
سيلين: مامسويه ليش ماتذكرين شسوت بالسبع هااا
سيران بقت ساكته وكأنما تتذكر شي رجعت سيلين اردفت
سيلين: اذكرري ززين ولا تنسيين السبع مستحيل يسامحه ع السوته وياا والكل عرف غايته من هذه الشي بس انتِ معمي ع عيونج وگلبج
سيلين عافته وراحت للحمام وسيران گعدت ع الجربايه صافنه عفتهن ورجعت واني افكر شسوت وي السبع وليش سيلين لهل درجه تكرها
سوينه عشه وخلصنه گعدنه كُلنه بس بنات سبع طالع جاي نحجي وندگ الجرس عبالي سبع اجه شويه ودخلت نور يماا مشتاقتله بسررعه ركضت حضنته
نور: ليش ما تسئلين عليه اني اعلمج
ليل: نجبي لعد انتِ ماتسئلين
نور: دائمن اگول للولد شلونه واسئل عليج يگلولي زينه
ليل: اي بس الحمدلله اجيتي مشتاقتلج
نور: ولج اني گلبي طاگ عليج
سيلين: هاا يابه شنوو هاي
باوعنه لـ سيلين لگيته متخصره ورافعه حاجبه
نور: شكوو
سيلين: من وين تعرفين ليل
نور: هههههه تصير صديقتي
سيلين: هاااا
نور: اي شبيج شو وخري اسلم ع عمتي
سلمت ع عمتي الماسه وسيران وگعدت واني يمه وسيلين كل شويه وگالت
سيلين: انتوو ضامين عليه شي
نور: هاي شبيج تره هيه صديقتي من زمان
