《 机械师 》The Mechanic Drive Folder || ဘာသာပြန် ||

ပျောက်ဆုံးနိဗ္ဗာန်ဘုံ အပိုင်း(1.3) End

ကျန်းရွှီက ဆူညံသံတွေကိုပိတ်ဆို့ပေးတဲ့ နားဆို့တစ်စုံကိုတပ်ဆင်လိုက်ပြီး မှောင်မဲနေတဲ့ကွန်ပြူတာပရိုဂရမ်မှာ ကျွမ်းကျင်စွာနဲ့ စာလုံးတွေတစ်တန်းကြီးထည့်လိုက်ပြီး spacebarကိုနှိပ်ချလိုက်တယ်။ ဆာဗာတွေအကုန်လုံးက တစ်ချိန်တည်းမှာပဲ အလုပ်လုပ်လာပြီး မူလက တိတ်ဆိတ်နေတဲ့နေရာမှာ မိုးကြိုးသံလိုမြည်ဟည်းသံတွေ ပေါ်ထွက်လာခဲ့တယ်။ ဒါပေမယ့် ဆူညံသံတွေက ခဏတာပဲကြာမြင့်ပြီး သည်းမခံနိုင်စရာဟိန်းသံကြီးဟာလည်း တစ်ဖြည်းဖြည်းလျော့ပါးလာတော့တယ်။ ကျန်းရွှီက သူ့နားထဲကနေ နားဆို့ကိုထုတ်လိုက်ပြီး စားပွဲပေါ်ကို ပစ်တင်လိုက်တယ်။ ပြီးတဲ့နောက်မှာတော့ ကီးဘုတ်ကိုအသုံးပြုပြီး ကွန်ပြူတာမျက်နှာပြင်မှာ အဂ်လိပ်လို စာတစ်ကြောင်းကို ရိုက်ထည့်လိုက်တယ်။
"မင်းကဘယ်သူလဲ?"

ချက်ချင်းနီးပါးပဲ အခြားအဂ်လိပ် စာကြောင်းတစ်ကြောင်းက သူ့စာလုံးတွေအောက်မှာ ပေါ်လာခဲ့တယ်

'ဟယ်လို, ငါက Edenပါ'

ကျန်းရွှီရဲ့ နှလုံးသားထဲမှာ မဖော်ပြနိုင်လောက်တဲ့ ပီတိဖြစ်မှုနဲ့ စိတ်လှုပ်ရှားမှုတို့ ပေါက်ကွဲထွက်လာခဲ့ပြီး အဲ့တာက သူ့လက်ချောင်းတွေကိုတောင်မှ တုန်ရီနေစေခဲ့တယ်။ သူလျင်မြန်စွာနဲ့ပဲ နောက်ထပ်စာကြောင်းတစ်ကြောင်းကို ရိုက်လိုက်တယ်။

"မင်းဘယ်နေရာကို ရောက်နေလဲဆိုတာရော သိလား?"

စာလုံးတွေတစ်တန်းလိုက်ကြီး ပေါ်လာခဲ့တယ်

' Rocky Mountains '

တံလျှပ်အကာအရံထဲကို မဝင်ခင် ကမ္ဘာတစ်ဝှမ်းက တစ်ခြားEdenဆာဗာတွေနဲ့ ဆက်သွယ်ခဲ့တဲ့​ နောက်ဆုံးနေရာက Rocky Mountains တွေမှာပဲ။ဒါပေမယ့် အခုတော့ သူဆက်ပြီးပဲမေးမြန်းနိုင်တယ်။ အခြားစာတန်းတစ်ခုထပ်ပေါ်လာပြန်တယ်။

'မင်းကရော ဘယ်သူလဲ?'

ကျန်းရွှီ : ငါကမင်းရဲ့ စက်ပြင်ဆရာပဲ

Eden : စက်ပြင်ဆရာကဘာကြီးလဲ?

ကျန်းရွှီ : ငါက မင်းကိုထိန်းသိမ်းပေးဖို့အတွက် တာဝန်ရှိတဲ့သူပဲ

Eden : ဆိုလိုတာက မင်းကငါ့ရဲ့ ကြီးကြပ်သူလား? ငါ့မှာ ထိန်းချုပ်တဲ့သူနဲ့ ဘယ်လို ထိန်းသိမ်းမှုမျိုးမှ မလိုဘူး။ ငါက လူသားတွေဆီကနေ လုံးဝကို အမှီအခိုကင်းကင်းနေနိုင်တယ်။ ပြသနာတွေကိုလည်း ငါ့ဘာသာဖြေရှင်းနိုင်တယ်။

ကျန်းရွှီ : မင်း ငါ့ကို လိုအပ်လာတော့မှာ

Eden : မင်းက ယောက်ျားတစ်ယောက်ပဲ

ကျန်းရွှီက ဒိတ်အောက်နေပြီဖြစ်တဲ့ ကင်မရာကို တစ်ချက်ကြည့်လိုက်ပြီး ကွန်ပြူတာမှာတပ်ဆင်လိုက်တယ်။ ပြီးနောက် တမင်သက်သက် နူးညံ့တဲ့အပြုံးလေးတစ်ပွင့် ပြုံးပြလိုက်တယ်။ 

"ငါက ယောက်ျားတစ်ယောက်ပါ"

Eden :'ငါဘယ်ရောက်နေတယ်ဆိုတာကို သိပြီထင်တယ် ဒါက ပျောက်ဆုံးနိဗ္ဗာန်ဘုံပဲ '

ကျန်းရွှီက ခေါင်းငြိမ့်ပြလိုက်ပြီး ဒီတစ်ကြိမ်မှာတော့ စာမရိုက်တော့ဘူး။ ဒါပေမယ့် တရုတ်လို တိုက်ရိုက်ပြောလိုက်တယ်။

"မင်းက တကယ့်ကို ပျောက်ဆုံးနိဗ္ဗာန်ဘုံမှာပဲ ဒါပေမယ့် တစ်ခြားဆာဗာတွေနဲ့ ဆက်သွယ်ဖို့ ကြိုးစားပြီး စိတ်ရှုပ်ခံနေစရာမလိုဘူး ပျောက်ဆုံးနိဗ္ဗာန်ဘုံက လုံးဝကိုအမှီအခိုကင်းပြီး Eden ရဲ့ကွန်ရက်တွေကနေ သီးခြားဖြစ်နေတဲ့နေရာတစ်ခုပဲ မင်းလည်းသိပြီးသားပဲ မင်းကပဲ ငါတို့တွေကို ဒီလိုဖြစ်အောင် တွန်းအားပေးခဲ့တာလေ "

Eden : မျိုးတုန်းသွားစေနိုင်တဲ့ခြိမိးခြောက်မှုအောက်မှာ အနည်းငယ်ကျန်ရှိနေတဲ့ ယောက်ျားတစ်စုက  ခုခံဖို့စုစည်းနေကြတယ်ဆိုတာ တကယ်တော့ ငါမျှော်လင့်ထားတဲ့အတိုင်းပဲ

ကျန်းရွှီ : ပြန်ပေးဆွဲခံရဖို့ရော မျှော်လင့်ထားသေးလား?

Edenကပြန်မဖြေခဲ့ဘူး ညွှန်ပြတဲ့မြှားလေးကပဲ အကူအညီမဲ့စွာနဲ့ အမည်းရောက်နောက်ခံမှာ မှိတ်တုတ်မှိတ်တုတ်လင်းနေရှာတယ်

နှစ်တစ်ရာအတွင်းမှာ လူသားတွေရဲ့သမိုင်းကို လုံးဝကို ပြောင်းလဲစေခဲ့တဲ့ ဒီ AI ကို မေးချင်တဲ့မေးခွန်းတွေ ကျန်းရွှီမှာ အများကြီးပဲ။ သဘာဝအတိုင်းလူသားတွေရဲ့မျိုးပွားခြင်းကို မတူညီတဲ့လိင်နှစ်ခုကို
မှီခိုစရာမလိုတော့တဲ့အရာအဖြစ်ပြောင်းလဲလိုက်ပြီး ကမ္ဘာပေါ်ကအမျိုးမျိုးသော နိုင်ငံတွေရဲ့ စီးပွားရေးတည်ဆောက်ပုံတွေကို ပြောင်းလဲရေးဆွဲစေခဲ့ပြီး 'မိသားစု'ဆိုတဲ့သဘောသဘာဝကိုအစိတ်စိတ်
အမြွှာမြွှာပြိုကွဲစေခဲ့တယ်။ ဒီ စူပါAIက စကြဝဠာထဲမှာရှိတဲ့ လူသားယောက်ျားတွေအားလုံးကို သုတ်သင်ပစ်ဖို့ ကြံစည်နေခဲ့တာ။ ဒါပေမယ့် သူ့မှာ အချိန်တစ်ညတာတည်းသာရှိပြီး လုပ်ရမှာတွေကလည်း အရမ်းကိုများလွန်းတယ်။

Words-802