اسكريبتات روان أحمد ♥️

اسكريبت 46

وانتى شغلتك اى فى المطعم .
ـ  بصوت منخفض :يووه جينا للسؤال اللى يضايق
عليت صوتى وقولت انا شيف فى المطعم دا .
ـ اووه على كدا بتعملى اكل حلو .
ـ بتلقائية: بص ومتضحكش انا بحمر اى حاجه يعنى بحمر الشعريه والمكرونه والفراخ اى حاجه فيها تحمير بتكون انا .
ـ ضحك بصوت عالى وفضل يكح دقيقه اتنين هدى وقال : دا بجد .
ـ هزيت دماغى بضيق ظهر على ملامحى وقولت : بجد اه .
ـ طب ودى اتوظفتى فيها ازاى .
ـ رفعت راسى بتعالى وقولت : مدير المطعم صاحب بابا  اللى هو باباك ف فيوم جيت هنا انا والعيله ناكل فكان عندهم نقص فى الشيف وكدا فنادى عليا اساعده عملت فى اليوم دا رز بالشعريه وحمرت فراخ وبسله وشيبسى فاعجب باكلى وبتحمرى للاكل فاشتغلت وبقيت شيف بس للتحمير .

ـ طب على كدا اقولك ادوق اكلك ولا تحميرك
ولا اقولك تسلمى على الاكل الحلو ولا على التحمير الحلو وفضل يضحك .
ـ بصتله من فوق لتحت وقولت بضيق وغضب : متقولش حاجه ومتجيش من اساسه دا انت ر..خم .

§ انا كاميليا عندى 23 سنه وبشتغل شيف فى المطعم دا والر..خم دا ابن صاحب بابا (مدير المطعم) للاسف المدير تعبان شويه وابنه بداله هنا والبيه بيتريق على شغلى اللى ابوه بيقدره جدا والناس بقت تيجى كتير هنا علشان تاكل الرز بالشعريه بتاعتى والاكل بتاعى وبيشكروه فيه جدا §.

ـ خلصت اليوم والمطعم قفل وروحت نمت ،قولت كويس ان الر...خم دا مغلسش عليا بقيت اليوم .
تانى يوم بردوا عدى بسلام ...
ـ  قمت من  النوم علشان اروح المطعم لقيت الفون بيرن رقم غريب فتحت الخط وقولت: الو ازاى يعنى انهارده اجازه هو حضرتك بتستعبط  طب سلام .
ـ بقى الر..خم دا بيستعبط لبست وروحت لوالده فى البيت ..

ـ وصلت وزوجته رحبت بيا وطلعت اشوفه فى اوضته ...
ـ ازى حضرتك .                    ـ الحمد لله اتفضلى يا بنتى اقعدى .
ـ شكرا ليك اخبار صحتك ايه .
ـ بخير الحمد لله انتى اخبارك ايه والمطعم عامل اى .
ـ كويس الحمد لله بس ناقص حضرتك تنوره .
ـ ان شاء الله قريب و طه عامل معاكى اي ..؟
ـ باستغراب : طه مين ..؟
ـ هههه متعرفيش ان ابنى اسمه طه وشغاله معاه بقالك ٣ ايام ومتعرفيش اسمه ههه .
ـ ضحكت بتوتر وقولت: ما هوانا جايه لحضرتك علشان اقولك على حاجه .
ـ اتفضلى يا بنتى.
ـ بغضب طفيف : انهارده ابن حضرتك قفل المطعم وقال ان النهارده ناخده اجازه وكدا مينفعش ،مينفعش يقفله واحنا لسه فى نص الاسبوع .
ـ  ضحك وقال: بسيطه يستى هجبلك مفتاح المطعم وافتحيه انتى كل يوم والفاشل ابنى دا سيبيه عليا .
ـ لا يعمو مش هاخد المفتاح انا بس بعرفك علشان مينفعش يقفله كدا استأذن أنا  .
ـ طب ممكن تفتحى الدرج دا من فضلك.
ـ فتحت الدرج واصر انى اخد المفتاح اخدته و نزلت لقيت طه دا طالع استغفرت ربنا ابتسم وقالى : دا اي النور دا الشيف المحمره عندنا فى البيت نورتينا.
ـ بصيتله بغضب ونزلت مشيت .

(عدى وقت كبير وهو بردوا مازال مستمر فى مضايقتى  ).

ـ ايدا اول مره تشرفنا فى المطبخ بس غريبه كله روح وانا كمان قربت اروح .
ـ ابتسم باحراج وقال : ممكن تعمليلى أكلتك المشهوره هنا فى المطعم .
ـ بصتله بتعجب كدا وقولت : جاى تأكل من اكلى انا دا انت بتتريق عليا طول المده دى كلها.
ـ خلاص مش عايز اكل ولف علشان يمشى .
ـ مسكت ايده بتسرع وقولت :استنى هعملك اكل رجع فسحبت ايدى وهو قعد على الكرسى .
ـ روحت غسلت ايدى وبدأت أبدا فى عمل الاكل .
ـ وهو متابعنى بعينه يبتسم بهدوء .....
ـ خلصت وقدمتله الاكله الرئيسيه للمنيو وهى فراخ محمره والارز بالشعريه والبسله أكل شعبى بسيط لكن الكل بيحبه جدا ....
ـ قعدنا نأكل بهدوء وبعد ما أكل اول معلقتين قال : اعترف انك اشطر شيف بتحمر الاكل وبتطبخه فى نفس الوقت .
ـ ضحكت وقولت : بالهنا .
ـ خلصنا أكل وشيلت الاطباق بهدوء وعملت الشاى وفضلنا نتكلم فى مواضيع كتير ...

(عدى كام يوم وبقينا اصحاب).
ـ تليفونى بيرن بصيت لقيت اسمه على الشاشه استغربت دا احنا لسه كنا مع بعض فى المطعم رديت وقولت : مش لسه موصلنى وقولت هتروح تنام ايه اللى حصل .
ـ بدل ما تقولى عامل اى على العموم انا عازمك على ايس كريم البسى وانزلى مستنيكى تحت البيت .
ـ بيتى انا ..؟.                 ـ اه يالا بسرعه .
ـ لبست ونزلت وصلنا لمكان جميل : اى المكان الجميل دا .
ـ علشان تعرفى انى ذوقى حلو .
ـ قعدنا على الترابيزه وطلبنا الايس كريم .
ـ ها يسيدى اى مناسبه العزومه دى .
ـ ضحك وقال : علشان عشمان بكره تعزمينى على اكله زى اللى اكلتها المره اللى فاتت.
ـ ضحكت وقولت : اها يا بتاع مصلحتك انت .
ـ الايس كريم نزل واكلت اول معلقه لقيته بيبصلى بابتسامه ....
ارتبكت وقولت : كل انت مش بتاكل ليه .
ـ ابتسم وقال : حاضر كلى انتى بس .
ـ اكلت تانى معلقه لقيت حاجه حديد فى فمى طلعتها ولقيتها خاتم اتكلمت بانفعال : اى الكافيه دا للدرجاتى اهمال بقى يقع منكم خاتم كدا فى الايس كريم .
ـ طه اتكلم بتشنج : اهمال ووقع منهم للدرجاتى عبيطه .
ـ بتقول كدا ليه ...
ـ علشان انا شوفت كدا فى فيلم وحبيت اعبر عن حبى زى الفليم .
ـ يعنى يعنى انت بتحبى .
ـ بحبك .
ـ اديته الخاتم وقولتله مش هتلبسهولى .
ـ ابتسم وفرح وقال : افهم من كدا انك بتحبينى .
ـ هزيت رأسى باه ولبسلى الخاتم .

النهارده المطعم قافل علشان فى عطل فى الغاز ..
ـ بقالى كام يوم بشتغل على البوتاجاز وفيه عطل فجبنا حد من الصيانه تصلحه .....
ـ بعد ما صلحوا فتحوا الغاز علشان يجربوا فشغلت البوتجاز بتاعى هشغل البوتجاز بالاشتعال الذاتى اول شعله محستش بحاجه غير بانفجار واتخبطت جامد فى الحيطه ومكونتش قادره اتحرك ، النار ولعت حوالينا والنار مسكت فى العمال اللى معايا ولعوا وانا النار بدأت تمسك فيا ....

صوت صراخ صادر من طه وهو بيشوف المطعم بينفجر قدامه وعارف ان حبيبته فيه حاول يدخل المطعم لكن كل حاجه كانت مولعه ومفيش اى مدخل للمطعم بكى وفى ناس منعته من انه يدخل والناس بدأت تتلم حواليه والمطافى جات وبدأت تطفى النار بعد ساعات النار اتخمدت اتميزت الجثه بالخاتم اللى فى ايديها ....

ـ واقف بانهيار امام القبر فـ مستقبله و احلامه وحياته اندفنت هنا .... 

"' ليس كل حياه نتمناها نعيشها وليس كل النهايات سعيده فهناك بعض النهايات مؤلمه ''.

ـ لـ روان احمد.
ـ تـمـت .
ـ رأيكم يا أحباب..🤍