معشوقتي متوحده.

Part ; 15

عند أصيِل مروان "
مروان : يا رجال من اليوم انتظرك ما بغيت تجي .
أصيِل وهو يحس قلبه مبسوط ولا يدري وش السبب : اسف يالخويي والله انشغلت مع شموخ .
مروان بملل : اشوف هالطفله خذت كل تفكيرك وخذت نص يومك .
أصيِل ضحك : يا رجال شفيك دايم تتحلطم تفائل بالخير .
مروان بـِ فضول : الا أصيِلوه بسألك !
أصيِل : أسأل ؟
مروان : ما قد شفتك مبسوط كذا دايم تجي متنكد من ريما واشوفك مبسوط ومرتاح مع شموخ .
أصيِل ابتسم : ريما احبها ومستعد أتحمل كل شي منها حتى عيوبها ، بالنسبه لـ شموخ هي مثل اختي وتزوجتها عشان احميها من الدنيا واكون سند لها ولا يروح بالك بعيد انا قلبي مو فندق والشرع محلل لي اربعه .
مروان : تخيل هالحب كله يتحول لـ شموخ!
أصيِل : انت شايف الفرق بيننا انا اكبر منها وهي تستاهل واحد قد عمرها ويحبها ويسعدها وانا مستحيل اتركها بكون لها بعد الله وابوها سند .
مروان ضحك بخفه : صدقني بتتعلق فيها ومستحيل تتركها لـ غيرك وقلبك بيميل لها وبالنسبه للعمر راح تنسى إنها اصغر منك بكثير .
أصيِل : انسى ، تدري بروح للمكتب واشتري اغراض مدرسه لـ شموخ .
مروان : ليش هي ما عندها مدرسه ؟
أصيِل : لا بس انا بسوي اي شي عشان اسعدها وبقسم وقت عشان دراستها وانا بدرسها .
مروان : طيب حط لها مدرسه وهي تتعلم .
أصيِل وهو ما يبي احد يقرب من شموخ : لا انا بنفسي بعلمها وبخليها تكمل تعلميها وبسجلها دورات وبدخلها احسن مدارس وبهتم فيها انا وبس .
مروان : كأنك ودك تملكها لوحدك ولا تبي احد يجيها .
أصيِل : مروان شموخ ما ترتاح الا معيي حتى يوم حطيتها مع خواتي مسكتني من يدي وقلت لها بروح اجيب اسكريم وجيتك .
مروان بينه وبين نفسه : الله يعلقك فيها يا أصيِل انت وشموخ لبعض ويبعدك عن العقربه ريما .
أصيِل : تفكر بـ شنو انت ؟
مروان : هاهه ؟
أصيِل : وجعاه شفيك ؟.
مروان بملل : قوم نتمشى وبوديك محل بيعجبك .
أصيِل ضحك : يلا بعدها بنروح للمكتبه طيب ؟
مروان : ابشر كل هذا عشان شموخ .
أصيِل : شموخ بجيب لها كل شي ماراح اترك شي ينقصها طول ما انا حي .
.
.

" عند أصيِل وشموخ "
أصيِل دخل وشاف خواته وشموخ قاعدين ويتابعون وشموخ ترسم وراح لها وهو وده يشوف رسمتها ..
أصيِل من وراها وانبهر بالرسمه : الله الله تعرفين ترسميني.
شموخ إلتفت وهي تبتسم : لارد .
أصيِل جلس جنبها : تدرين يا شموخ انتي موهوبه بالرسم وانا بحقق هالحلم إن شاء الله .
بشاير وهي تعدل جلستها : الا اقول أصيِل انت قلت لابوي تبي تفضي غرفه!
أصيِل :اي بفضي غرفه فاضيه عشان ببداء احط فيها صبوره كبيره وكرسي وطاوله وبسوي فيها مكتبه .
بشاير وبيسان مستغربات : ليش ؟
أصيِل : لان بدرس شموخ وبأخذها بكرا تشتري مريول وشنطه عشان تحس إنها تدرس وانتم بتكونون خوياتها وتتمشون معها بالفسحه .
بيسان فقعت ضحك : أصيِل شكلك انت متوحد مو شموخ متأكد إنك بخير ؟
أصيِل بـِ عصبيه : شيضحك شايفتني اقول نكته بعدين انا اسوي هالشي عشان شموخ وابيها تخالط ويصير معها اصحاب وانتم بتساعدوني بهالشيي .
بشاير : تم قدام بس متى وقت دراستها ؟.
أصيِل : متى تخلصون انتم ؟.
بشاير : انا معلمة انقليزي اخلص ١٢ الظهر .
بيسان : وانا محاضراتي تخلص ٢:٣٠ .
أصيِل : دام كذا نبداء ندرسها العصر ٣ ساعات .
بشاير : تمام موافقين .
أصيِل : انتم مهمتكم سهله هي عندها فسحه ٣٠ دقيقه وانتم بتكونون معها عشان تبداء تخالط وكذا .
بيسان : الله وناسه بيصير عندنا مدرسه .
أصيِل : المدرسه لـ شموخ مو لك .
بيسان بوزت: والله يا اخوي صرت اغار من شموخ .
بشاير : منجدك أنتي تغارين من طفله!.
بيسان : لا امزح تخيلي اغار ههههههه .
أصيِل ضحك : اسمعو اذا سمعتو كلامي لكم مكافئة .
بيسان بـِ حماس : وش وش قول تكفى .
أصيِل ابتسم على حماسها : اذا تساعدوني دايم وتكونون مع شموخ بالفسحه ٣٠ دقيقه كل شهر لكم كل وحده مني الف ريال .
بيسان بـِ فرحه : الله عرض حلو ، الحمدالله الله جاب شموخ بحياتنا عشان نأخذ كل شهر الف .
بشاير : يخليك لنا يا اخوي .
أصيِل : امين يلا بخليكم .
.
.

" في الصباح "
هتِاف ناضرت للساعه انفجعت وبالغلط طاحت من السرير وضربت راسها وراحت بسرعه للحمام يكرمكم الله وبدت تفرش وهي تسرع وغسلت وجها وتوضت وطلعت وفرشت سجادتها وصلت وقامت وهي تلبس تنورتها والقميص وبدت تفكر وش تسوي تسريحه لشعرها وحست إنها تأخرت وخلته مفتوح وكان شكلها يجذب وقررت تأخذ شوي ماسكرا وروج بالشنطه والعطر وطلعت بسرعه وهي مستعجله ..
ام هتِاف : شوي شوي لا تطيحين .
هتِاف بـِ توتر : ماما باقي نص ساعه تبداء محاضره حقتي .
ام هتِاف : يلا استودعتك ربي .
.
.
" نروح لـِ مكان لاول مره نروح له "
كان نازل وهو بباله خطه قويه وقعد على الكنب وهو يتوعد ***
نايف وهو يحط راسه على وراء : والله الايام بيننا .
ام نايف جايه من المطبخ : هي نايف ولدي .
نايف لف عليها : هلا يمه أمريي؟
ام نايف وهي تجلس : شصاير فيك صار لك كم يوم تنشغل ولا تقعد مع امك وخوانك عسى خير.
نايف وهو فيه حقد : يمه ليش تسوين كذا ؟.
ام نايف : يا ولدي لا تعاتبني مالي دخل انا والله ..قاطعها.
نايف بـِ غضب : ابوي يبي يزوجني من بنت هذاك الواطي .
ام نايف وهي تهديه : هذا نصيبك والبنت مالها دخل بابوها .
نايف وهو يقوم : بروح الشركه بعدين اشوف هالموضوع.
ام نايف : الله يحفظك يا ولدي وانتبه لنفسك .
.
.
#معشوقتي متوحده

نوقف لهنا وللعلم باقي ٣٣ بارت وتخلص الروايه تفاعلوا كل يوم بنزل بحدود الـ٥بارتات عشان نختم إن شاء الله وأحبكم💙.