علاقات مشبوهة

علاقات مشبوهة8

#علاقات_مشبوهة
#بقلمي  : #مشاعر_مبعثره
الجزء الأول
الفصل الثاني  (ذوات الدم البارد)
الحلقه (8)
العمل فيك كدا منو انطقي ما اكسر راسك  : لو سمحت خليني خليني في حالي  : ابدا انتي فاكره نفسك حاتسكتيني ذي الباقين كنتي بتطلعي مع امجد صح؟ حملتي منو هو؟  : لالا ما منو نحن انفصلنا من زمان : انفصلتو ولا رماك عشان واحده تانيه اسمعي كويس يا مناسك انا حاأجي بكرا وارجع اسألك تاني يا اتكلمتي ولا انا حاأعرف بطريقتي ولو انا العرفت يا مناسك والله العظيم ما اساعدك ولا اقيف معاك تاني انسي نهائي انو عندك ولد عم انا ماشي : ما حاتنتظر منى؟ : وانتظرا ليه؟ قاعده تتاخر زيك ولا بتلعب بشرفا؟
في المستشفى كان امجد وابوه في حوار جدلي
انا حزرتك قبل كدا ومنعتك تطلع بس لا كلمتي بقت ما بتنسمع نهائي وعاوزين تمشو الشغل انت وشاكر بطريقتكم اسي شوف حجم الخسائر شاكر قال له أمجد ما عندو ذنب انا الأصريت اخدو معاي  : انت حسابك معاي بعد تقوم من سريرك : بابا ممكن تهدأ؟ : ما بهدأ نحن دفعنا ثروة كلها ضاعت رميتوها في البحر : ما كلها انا شلت معاي شنطه بتغطي لينا جزء من الخساره قاعده مع سايكو حاليا وحايبيع بسعر مضاعف : سايكو وعمك شاكر تاني ما عندك علاقه معاهم اطلاقا من يوم الليله حاترجع تشتغل في الشركه زيك وزي إياد تاني شغل الناس الكبار ممنوع تدخل فيه : انا ما صغير وما زول مكتب انت عارفني : زمان كنت قاعد وشاطر في شغلك واسي ترجع عشان لو لا قدر الله حصل حاجه انت يدك تكون نضيفه
امجد طلع زعلان وصادف إياد في قدامو
بقيت كيف يا ولد الخاله؟ : ما كويس  : خير مالك : رجعنا زمايل تاني : طيب ما دا خبر كويس : هه انا ماشي نتلاقى في البيت : تمام
شاكر والنصري كانو بتكلمو لمن سمعو صوت إياد سكتو لانو ما عندو اي فكره عن نوع الشغل البقومو به دا شغلو كلو في الشركه والمكتب
سمر انا عاوزه اتزوج : شنو؟ : لقيت الراجل المناسب وخلاص قررت اكمل معاه : جمال صح؟ : لا ابدا دا واحد تاني شغال معاهم اسمو الصديق : انا ما حاأسمح لك تجيبي راجل وتعيشيه معانا في البيت دا بيت ابوي : ما قلنا شي خليه لابوك الراجل عندو بيت كبير وواسع ونحن حانمشي نسكن معاه : شنو : ايوا : نحن منو انا من البيت دا ما متحركه : يا بنت افهمي ياخ انا ما حاأقعد عمري كلو كدا طبعا انتي ما دايمه لي مصيرك تتزوجي وتمشي تخليني : اعملي العاوزاه : هو حابي يتعرف عليك عاوزه امشي وقفتني قالت لي سمر انا ما عملت حاجه حرام عشان تحاسبيني كدا ابوك السافر وسابكم ما حاسبتيه وبتحبيه كمان بقت علي انا؟ الناس دي كلها مسموح تمشي تعيش حيانا الا انا لم اعمل كدا اكون بغلط معاك؟
لمن كلمت ابوي قال لي دا حقها الطبيعي : بس انا مستحيل اعيش مع راجل ام غير كدا قالت عندو اولاد ديل اعيش معاهم كيف ابوي انا جاياك بس : ما مشكله تعالي غيري جو بس صعب تعيشي معاي الوضع ما مهيأ لازم ترجعي تاني : ارجع لمنو انا ما عندي غيرك يا ابوي : ما تخافي انا بحاول اشوف حل
امي خلت الراجل جاء البيت شكلو اصغر منها أرمل واولادو لسه صغار عمل نفسو حنين علي وعاوزني معاهم بس ما اديتو وش اول ما امي عقدت انا سافرت لابوي قعدت معاه قرابة السنه بس مليت وحسيت اني حمل زايد عليه فقررت ارجع ما وريت امي بس شكلو ابوي هو الوراها جات استقبلتني مع راجلا وعاوز ياخدني معاهم بس انا مشيت البيت جو معاي طبعا امي بتحاول تقنع فيني بس انا حالفه ما اسكن مع راجلا قالت لي يعني عاوزه تقعدي براك : بقعد : سمر الكلام دا ما بجي كيف يعني بنت زيك تسكن براها في البيت : انتو الاتخليتو عني كلكم ومشيتو
بيتت معاي اليوم داك على امل تقنعني بس ما حصل وهي راجلا طبعا ما بسمح انها تخليه وتقعد معاي قعدت يومين براي واليوم الثالث جابت لي بنت اهلنا بتقرا في الجامعه وساكنه داخليه  وبقو صحباتا بجو اصلا البيت كبير وواسع وهم ظريفات ما بضايقوني نهائي يعني عندي مساحتي الخاصه  راجل امي قال لقى لي شغل في شركه وانا انبسطت شديد طبعا لانه الشغل في الملابس والاحذيه والاكسسوارات  قال لي اول حاجه حاتبدي بشغل السكرتاريه وبعداك انتي وشطارتك لو اثبتي نفسك بضموك لفريق التصميم بتاعهم اهم شي انو الناس ديل شغلهم مختلف وما زي الحاجات البتتباع في السوق دي خاصة التياب والاكسسوارات اول يوم اخدني بنفسه للشغل الشركه اسما (إيليجنس) قلت له الشركه دي تابعه لمجموعة النصري؟؟ : دي الشركه الام والنصري هو المدير التنفيذي فيها بس في الفتره الاخيره دي خلى الشغل لولدو وفي تاني شريك شاكر فهمي سوري وعندو قرابه مع النصري : انت بتتكلم عن النصري والد امجد؟؟ : ايوا : يعني انا حاألاقيه في الشغل : امك قالت لي في مشاكل بينكم بس ما تخافي انا موصي عليك ما بقدر يسألك انتي عليك بشغلك وبس انا في البدايه اترددت بس الشغل شغل نزلت وعمو الصديق عرفني على مديري المباشر اسمو محمد واتعرفت على بنت ظريفه اسما هاله حتى جمال راجل هبه شغال هناك انا افتكرت انهم حايسلموني الشغل طوالي بس قالو حايخلوني تحت التدريب لمدة شهر اتعلم واقوم بالحاجات الخفيفه جمال لمن شافني عاوز يعمل حركات قال لي بعدين انا حأعمل لك توصيات ولو حابه بخليهم يعينوك سكرتيره لي : لا انا ما عاوزه وساطات بشتغل براي اثناء ما نحن واقفين بنتكلم لمحت أمجد من بعيد طوالي اتخبيت جمال وقف سلم عليه انا طوالي مشيت بسرعه ومغطيه وشي بالطرحه قال له دي منو المزه الواقفه معاك دي : موظفه جديده : شكلا حلوه : انت شفتا اسي؟ : ظاهره من بعيد انها جامده : ههههههه
انا طبعا ما لاقيه حاجه اعملا والناس حولي متحركين ومافي زول ما عندو شغل غيري طوالي قعدت اعمل فيديوهات غلا اتصلت بي قالت لي انتي يا بنت عندك زمن تعملي فيديوهات؟ ما عندك شغل؟ : ابدا قاعده ساي ياخ
جات هاله خلعتني يا بنت قربت ارمي التلفون قلت بسم آلَلَه الرحمن الرحيم : اسفه : افتكرتك محمد : خوافه بتعملي في شنو : بتكلم مع صاحبتي قفلت من غلا قالت لي انتي ما تخافي من محمد ممكن يعديها لك خافي من إياد دا الما بحب الفوضي نهاااائي : إياد منو؟ : المدير العام حاليا : نعم؟؟ : حايجي بعد شويه تعالي شوفيه : اشوفو ليه يعني : تعالي بس وقفنا في الريسيبشن خمسه دقائق كدا جاء داخل شاب لمن شفتو من بعيد افتكرتو اجنبي الزول دا ابيييض ولابس بدله بالكحلي وبنطلون بيج ونظارات وساعه وعطرو دا عبى الشركه كلها ماشي مشيه زاتا عجيبه كانو بقول ما عندي حاجه لكم كلكم ولون شعرو بني فاتح عندو لحيه محل ما يمشي الموظفين يصبحو عليه وانا واقفه متابعاه بنظري حتى بعد فات هاله قالت لي اصحي خلاص العرض انتهى يا بنت : ايوا : انتي الظاهر عليك فوتي هههههههه : دا منو؟ : من قبيل قلت لك إياد : دا المدير الصعب؟ ما ظاهر عليه اسي دا بتطلع منو كلمه ما حلوه؟ : جربي اغلطي معاه عشان تعرفي : إياد ما حصل سمعت عنو : ود خالة أمجد النصري صحي هو ما عندو الأنا العند امجد بس ذي ما شايفاه ما بتقارن به اصلا : الاتنين من ذوات الدم البارد : شنو : ما زينا يعني
انا فضلت اليوم كلو افكر في إياد دا قلت لهاله إياد دا من زمان شغال هنا : طبعا بس كان المدير المالي ولمن والدو شاكر فهمي عمل الحادث هو وامجد سلمو مكانو  : شاكر فهمي؟ اخو جمال دا الشريك القال لي عليه عمو الصديق يعني جمال دا سوري؟؟ : لا هم اخوان من ام ابو شاكر متوفي : يعني إياد دا سوري : ايوا ما شايفه انتي : عشان كدا وبعلي دا البتتزوجو امها راضيه عليها  : امها وابوها والدنيا كلها اسي كل الموظفات هنا بخترعو اسباب عشان يدخلو مكتبو ويشوفوه بس انتي ما نفسك......... : انا لا ابدا ما عندي حاجه للرجال : صح انتي مش كنتي حبيبة امجد النصري : ديك اشاعه ساي اتلاقينا بالصدفه وظهر في واحد من فيديوهاتي دي كل القصه : احسن لك امجد ما عندو ضمير كان حايتخلى عنك بدم بارد  لانو ببدل البنات ذي ما ببدل جزمو وساعاتو كل يومين بنت جديده ذي ما قلتي في البث بتاعك داك : ما كنت بتكلم عنو هو : ما بالضرورة بس هو زي ما وصفتي تماما
انا طوالي اتزكرت الموقف الاخير داك وكرهت نفسي شديد مشيت الحمام وبكيت قدرتي بعداك غسلت وشي عملت ميكاب وطلعت اها بقى حالي حال كل الموظفات في الشركه كل يوم بنقعد نتفرج على إياد وهو داخل بوسامتو واناقتو نفسي بس أشوف وشو كدا من قريب ان شاء الله مره واحده
لحدي مافي يوم رسلوني قسم التسويق وهو مكتبو قريب من  هناك شايله ملفي وماشه اتحاوم اعاين فوق عشان اشوف مكتبو بس صدمني زول ووقعت الورق نزلت تحت ارفعو قال لي خليني اساعدك رفعت راسي لقيتو امجد!!

سمر؟؟ صرا وشو وقال لي انتي بتعملي شنو هنا : شغاله : شغاله؟؟ هه رجعتي تلحقيني تاني؟ يا بنت انا ما عندي لك حاجه افهمي : انا جيت هنا عشان اشتغل : امشي اشتغلي في مكان تاني انا ما عندي الرغبه اشوفك كل يوم : ما جايه عشانك أفهم : يلا يلا امشي من هنا واياك تعتبي شركتي تاني : ما على كيفك زح من قدامي طوالي جراني من يدي طبعا كان في ناس في الممر دخلني مكتب وقفل الباب قال لي لو ما عاوزاني اطلع بروحك لمي كراكيبك واطلعي من الشركه دي : ما من حقك تطردني : انا المدير التنفيذي ومن حقي اتخد اي إجراء ضدك : بس انا ما عملت حاجه : انا ما عاوزك هنا دا سبب كافي : اناني انا شغاله بمجهودي وما مديت لك يدي خليني في حالي : انتي جايه تعملي مشاكل بس والله اعلم عملتي شنو عشان تصلي لهنا : احترم نفسك : لو محترمه كان بحترمك بس انا عارفك كويس تخصصك شقق وفنادق مديت يدي عشان اضربو مسكا بقوه لواها لي وقرب من اضاني قال لي نمتي مع منو فيهم عشان يشغلك؟ عمو جمال صح؟ : قليل ادب انا ما عملت اي حاجه زي دي انا اشرف منك ومن اهلك كلهم مافي زول غيرك لمسني ولا حصل عملت علاقه مع اي راجل انت انسان ما عندك رحمه فاكر كل البنات بالبشاعه دي
جمال جاء داخل لانو نحن في مكتبو قال لامجد في شنو صوتك طالع لبرا والموظفين كلهم سامعنك وفك البنت دي ياخ حاتكسر لها يدها : دي واحده تافهة ما تنخدع بها عاوزه تتسلق على اكتافك عشان تعمل من نفسا بني ادم انا بعرفا وبعرف بيتا المفتوح : ما تجيب سيرة بيتنا واهلي كلهم اشرف منك جمال قال له خلاص ولا كلمه فكاني منو وقال انتو الاتنين اسكتو امجد قال له انا ما عاوز البنت دي في الشركه هنا وانتهى يا تطردا ذي ما جبتا او اطردا انا بطريقتي : مالا عملت شنو يا ولدي اهدأ : قلت لك تافهة وما محترمه قلت قلت  له معناها انت برضو تافه وما محترم عاين لي كدا وقال لي انتي لسه واقفه هنا يعني يلا امشي من قدامي لزاني بقوه على الباب في اللحظه ديك الباب كان بنفتح وانضربت به ضربه قويه شديد
يتبع