كان اسمه حبيبى

اقتباس 😂

احدى مدن الصعيد
عتريس _.كل دى مشتريات يابسمة
_مش عروسة وبجهز
_ومبن ان شاء الله اللى هيدفع حساب كل ده ؟
ابتسمت بخبث .متقلقش عاملة حسابى
اعطت الكاشير الكريدت بعد ان دونت الرقم السرى.وتم السحب بنجاح
_ابعتهم على العنوان ده
..حاضر يافندم
التفتت اليه ..يلا بقى نروح نتغدى .انا خلاص قربت ااقع من كترالجوع
.عتريس بفزع .ايه؟ غدا كمانى مبكفياكى مصاريف يابنت الناس ونروحو نتغدو فى الدوار. هو اكل البيت فى احلى منيه بدل الوكل الجاهز اللى لا طعم ولا لون وغالى على الفاضى
.معلش ياعتريس اصلى نفسى هفانى على الهامبورجر وبعدين متقلقش انا عزماك
.طيب اذا كان كده ماشى .انى موافج اصلى معحبش اشوفك نفسك فى حاجة واصل
.بسمة بتهكم .اه مانا عارفة
ذهبا الى احد المطاعم على النيل وما اجمله فى صعيد مصر
.اعطاهم النادل قائمة الطعام فارجعتها بسمه اليه
لا سيبك من المنيو والكلام الفارغ ده .انا عايزاك تنزلنا كل الاكل اللى عندك
.عتريس بصدمة.._كل الوكل؟
طب وليه كل المصاريف دى يابت عمى ده مفيش غير احنا التنين بس اللى هناكل
_جعانة اوى ايه مكلش يعنى نظرت للنادل روح انت وهات كل الاكل زى ماقلتلك
بعد قليل
جاء نادلين ووضعا سفرة طويلة امامهم
وعتريس ينظر بحسرة الى المائدة العريضة المليئة بكل مالذ وطاب .
_والله حرام ده سفه. مش حرام الوكل ده كله يترمى

..ياعم كل واتبسط واضربها صرمة .متقلقش مفيش حاجة هتترمى ولا حاجة احنا هناكل اللى ناكله والباقى هخليهم يلفوه وناخده معانا البيت.. يلا كل بقى واملى بطنك على قد ماتقدر.. تمتمت لنفسها بصوت خفيض
_احتمال نفسك تتسد ومتاكلش اسبوع بعد اللى هعمله فيك .ده لو فضلت عايش
بعد قليل انتهوا من الطعام واشار عتريس الى النادل
.. لفلنا باجى الوكل ده وحياة ابوك وشوفلنا الحساب كام
..حاضر يافندم

بعد قليل فى السيارة
_صاح بها بغضب .3000 جنيه يابسمة ناكل انا وانتى بتلت الاف جنية . ده انا اصرفهم فى سنة بحالها. تجومى انتى تدفعيهم فى غدوه لاوكمانى بتضحكى ولاكانك عملتى حاجة
ياابوووى ..ده انى نافوخى كان هيطج منى لما شوفت الفاتورة
بسمة ببرود _بس بذمتك مش اتبسطت
.لا اتبسطت ولا زفت واوعى تعملى كده واصل بعد الجواز الا يمين بالله لتكونى طلجة بالتلاتة
_تصنعت الحزن ..كده ياعتريس تطلقنى عشان خاطر 3000 جنيه عمى طب اتفضل ياسيدى الكريدت بتاعتك مش هاخد منك حاجة تانى وبجد زعلانة منك

جحظت عينيه بصدمة مصحوبة بهلع وعدم تصديق لما تفوهت به الان
عتريس بتلعثم ..كريدت مين .جصد..ك اللى .انتى وضع يده على قلبه عم الة تص رفى منه من.الصبح ده الكريدت بتاعى اانى
بسمه باستعباط _.ايوة.. هو انا مقلتلكش يقطعنى
.شعر بلسانه يثقل وجسده يتخدر وكانه على اعتاب شلل كلى
_وعرفتى كلمة السر منين؟
شوفتك وانت بتدفع فى البنزينة وحفظتها اصل انا عندى ذاكرة بصرية هو انا مقلتلكش يقطعنى
.صاحت بهلع بعد ان فقد وعيه
عتريس ..عتريس .جرالك ايه...متخفش انا هاخدك على المستشفى بسرعة
صاح بضعف _.لا مستشفى لا. كفاية حرام عليكى ودينى على الدوار عايز اموت فى فرشتى
.ابتسمت بمكر..اهو كل يوم من ده لحد ماتقول حقى برقبتى
______________________