" تكمله "
نادر : والله البزر ذا ولدك مب انا
طاح خلف يضحك وقال : حدك ع ولدي اذلف بس
غيث : لو اني ماخذ ذياب و حمود و مسعود و لؤي ابرك منكم تصدقون انكم مزعجين قسم بالله
غمز نادر وقال : شرايك نروح و تجي لك حبيبتك هاه
ضربه غيث على كتفه وقال : صدق خلف يوم قال بزر
انفجر يضحك وقال : امزح يبوي شفيك
مُلهم : اعقلوا خلاص يخواني
ابتسم غيث وقال : الصدق والله اني خذيت الزين كله !
ضربه خلف وقال : بسم الله تبارك الرحمن اذكر ربك
ضحك وقال : ما شاء الله ما شاء الله
نادر : م فيه صبر خلهم يقعدون مع بعض
خلف : شبلاك مستعجل بيقعد معها اصبروا
-
عنـد البنات بـ الحوش
نيلان : يالله مبروك أموره عسى ربي يتمم لس على خير ان شاء الله
ابتسمت اميره وقالت : امين يارب عقباالتس
ريهام : اتركي عنس التوتر بعد شوي بتدخلين له
اميره : يمه ي بنات م هقيت بيجي هاليوم صدق
ابتسمت بيان بحنيه وقالت : قلبي اميره لا تتوترين عاني الي تبينه جاتس و تقدم لس الحمد لله
اميره : الحمد لله
ود : يلا بسم الله
ضحكوا البنات وقالت نيلان : ود متحمسه اكثر من اميره
ضحكت اميره وقالت : يعيوني ودادي
نيلان : طيب علمونا شصار معاكم ف جده
بيان : اوف والله أشياء صارت
ضحكت نيلان : جويي بعد م نخلص الأمور علمونييي
ضحكت بيان وقالت : إذا م نسيت هههههههههههههههههههههههههههههههههههههههههههههههههههههههههههههه
نيلان : ان شاء الله
-
بعد نص ساعه بالكثير و فـ المجلس عند اميره الي دخلت لـ غيث الي منتظر بفارغ الصبر ارتعش قلبه وهو هاايم فيهاا مو مصدق انه خذاها و اخيرا
ضحكت اميره وهي تشوفه متجمد : شبلاك
غيث : و تسألين ! خذيتي عقلي ي اميره
اميره : لذي الدرجه
غيث : والله و تعديتي ذيك الدرجه
قربت و جلست مقابله بضبط ، ابتسم وقال : اسمعي ي اميره انا شاريش و ابيش لي و ان شاء الله مانيب مقصر معش عيوني لش اهم شي انتي راضيه انش تكونين لي !
ابتسمت وهي تسمع كلامه و غرقانه ب لهجته الي جابت راسها : لو اني مب راضيه م وافقت يعيوني
ضحك وقال : تسلم عيونش ، الله يتمم لنا على خير
ابتسمت وقالت : اميين يارب
-
طلع وهو رامي كل همومه وراء ظهره مستانس و اخيرا بياخذ حبيبة قلبه ، الي حبها من اول نظره ولا طلعت من مخه ، صادف نادر و مُلهم و خلف يضحكون وهم يناظرون زفر وقال : يليل شبلاكم بعد ؟
ضحك نادر وقال : هاه انت علمنا شبلاك الابتسامه شاقه وجهك يحبيبي انت
مُلهم : تشوف الحين يجحد كلشي هههههههههههههههههههههههههههههههههههههههههههههههههههههههههههههه
حك غيث شعره و ناظر خلف بتعجب : انا ليه جبت ذول
ضحك خلف وقال : محد قالك
نادر : حشى نمزح م سوينا شي يلا يلا امش بس
ضحك غيث وقال : يزينكم يخواني ، خليف خذهم معاك و تقدموا للشركه برجع للبيت شويات ابشر امي و ان شاء الله جايكم
أشر على خشمه وقال : على خشمي
ابتسم وقال : عليه الشحم
-
فـ جِده تحديداََ ( ف بيت الجده بشرى )
أديم : يوه والله تعودنا على القعده مع البنات
نجد تنهدت وقالت : راح سالم وهو مو طايق شوفتي
أديم : محد قاالِكك تستاهلين كُل مره اميره تقول لِك قولي له وانتي تعانِدين الحين لومي نفسِك
نجد : يوه ادييم اُسكتي كفايه الي فيني كافيني
أديم غمزت وقالت : م تدرين يمكن حنا نروح لهم
نجد بتعجب : صدق ؟ م احِس
أديم ضحكت بهدوء وقالت : سمعت جدتي تقول تبي تروح لهم هم جونا وحنا نروح لهم
زفرت وقالت : يمكن جدتي بس م تدرين ايش بيصير
نجد : كلها الخير ان شاء الله
أديم : ان شاء الله
-
فـ بيت محمد و ديم
قاعده بـ الصاله تفرفر فـ جوالها دخل وهو يسمع ضحكاتها ، ابتسم و قرب من وراءها ضحك بهدوء يحط يدينه على عيونها انخرشت وقالت : يمه متى جيت
ابتسم وقال : همم توني والله
ضحكت وحطت يدينها على يدينه وقالت : شعندك
محمد : فكري شعندي ؟
ديم : حمستني وشش
ابتسم وقال : جايب لس هدييه
ابتسمت بـ لطافه وقالت : محممد
ضحك و وخر يدينه ، لفت عليه وعيونها تلفلف تدور الهديه ، ابتسم وقال : هناا هنا
قربت له وقالت : عطني اششوف
محمد بعناد : لا مب الحين
ديم بحماس : محمممدد
ضحك و رفع بوكس كبير و حطه على الكرسي وقال : خلاص افتحي شوفي
نطت بحماس تفتحه ، فكته و ابتسمت وهي تشوف البوكس كله ورود و بـ النص علبه لونها اسود صغيره اخذتها تبي تفتحها ، و كان فيها سلسال ذهب على شكل قلب ، مع اكسسوار عليها حروفهم ، ابتسمت بحنيه وقالت : حمود منجدك !!
حك شعره وقال : باقي م خلصنا
فتحت عيونها بصدمه وقالت : لا عاد ! وش بعد
محمد : الحين تبينها ؟
ضحكت وقالت : طبعااا
دخل يدينه داخل جيوبه وقال : وش تتوقعين ؟
ديم : وش وش الحماس ماكلني
محمد : شي ف خاطرس من زماان
ديم : يمه وشو
ضحك و طلع يده من جيوبه و طلعه معاه ومد يده : امسكي
شهقت ديم وقالت : لا حمود قل مقلب !!
ابتسم وقال : ليه مقلب تستاهلين أكثر بعد
ناظرته بحنيه وهي تشوفه يحاول يسعدها بكل م يقدر ، قربت و ضمته وقالت : ياخيي حمودد احبكك
فز قلبه وهو يسمعها منها ، ابتسم يشد عليها : تدرين مب كثري اكيد !
ضحكت وقالت : يحبيبي والله
ابتسم وقال : يلا وهذا جوال احلامس على قولتس الله يشهد الله اني حاولت اسعدتس لا أكثر ولا أقل و تستاهلين كل خير والله
ابتسمت وقالت : والله انتت السعاده بكبرهاا ، الله لا يحرمني منكك
ضحك وهو يشوف فرحتها و مشاعرها : امين يارب
-
فـ بيت ابو سلطان متجمعين البنات بـ الصاله
ريهام : والله هاليوم حلو بشكل
بيان : ايي والله صدق
اميره : حلو !! و أكثر من ححلو والله
ضحكت سُميه وقالت : عقد قرانس حبيبتي اكيد بتقولين حلو
ضحكت ريهام وقالت : اييه صح
اميره : ااء شددخل بس صدق حلو
بيان : ايه ايه واضضحح شافت بعض الناس طبيعي حلو
اميره : لا اله الا الله ..
قاطعها اتصال خلف بـ البيان
ضحكت اميره وقالت : هاه هاه دق عليس خلييف
ضحكت بيان وقالت : اييه ايه
-
اليوم الثاني تحديداََ فـ بيت ابو سلطان تحديداََ
اميره و بيان فـ المطبخ
بيان : اميروه حبيبتي شكلس م تخطيتي باقي؟
اميره : وشو
بيان : اشوفتس مروقه اليوم هاه
ضحكت وقالت : ي بيان !!! يجنن وقسم يجنن
طاحت بيان تضحك : اخيرا اعترفتي
تكت اميره و ابتسمت : القاها منه ولا من لهجته !!
بيان : اوبا اميره طار حسها
اميره : طار طاارر
م حسوا الا بـ صوت ام فهد وهي تنادي بصوت عالي
ركضوا متجهين لصاله : ششصاار
ام فهد : ريهام !! بتولددد وينهمم ذولااا
بيان : خلفف موجود اناديه ؟؟
ام فهد : اييه بسرعهه
ركضت بيان تنادي خلف ، و نزل يركض وراءها و ركبوا للسياره طيران للـ مستشفى ، دخلوا كلهم و ريهام الي بيغمى عليها من الألم ، ام فهد : اصبري ي يمه اصبري
الطبيبه : عسى ما شر ؟
سُميه بعصبيه : م تشوفين قدامس الحرمه بتولد علينا
الطبيبه بـ برود : تمام ثواني بس ، بنادي الدكتور
اتجهت الطبيبه ( رنيم ) و دقت على الدكتور ( صقر )
رنيم : سلام عليكم
صقر : عليكم السلام ، عسى ما شر
رنيم : ي دكتور فيه عندنا حالة ولاده و م فيه احد موجود غيرك تقدر تجي ؟
صقر : ابد جاي
طلع صقر من مكتبه مسرع لـ عندهم وهو م يدري من الموجودين ، رنيم : بيجي تقدر تصبر شوي
بيان : وجعاه شذا البرود الي فيتس
رنيم : قلت لك مب انا المسؤله عندها مقدر اسوي شي
جاء صقر مستعجل يبي يعرف وش صار انصدم من لمحهم و قرب قال : ول ول شصار ليه أصواتكم واصله لين هناك ، فتحت سُميه عيونها بصدمه لأول مره تشوفه فـ المستشفى و فـ شغله و مكانه : صقر ؟؟
ابتسم وقال : وينها من الي بتولد
ام فهد : رييهاامم
صقر ب عصبيه : رنيم وراتس م خذيتيها للغرفه !
رنيم : باخذها طيب اشبك
اتجهت رنيم و مشوا وراءها ، وقفوا صقر و سُميه وقالت : تعال انت من ذي حضرتك ؟
ضحك وقال : وش من ذي شوفة عينس طبيبه تشتغل زيها زي الي هنا
سُميه : صدق والله
صقر : ايه شفيتس
سُميه : ايه ايه زين رح كمل شغلك معاها
ضحك وهو يشوف غيرتها وقال : اتفاهم معتس بعدين
اتجه مسرع للـ غرفه و الكل متجمع فوق ريهام خايفين و متوترين
-
و فـ الشركه
نادر : مالت على حظي
احمد : شفيه حظك بعد
نادر : كلهم تزوجوا الا انا
ضحك غيث وقال : اللهم لا حسد
نادر : اقول اسكت بس ، متى ابلقاها بس
ذياب : إذا أحد وافق عليك يكون خير والله
طاح مُلهم يضحك وقال : اي بالله
نادر : افا ي ذا العلم مُلهمووه اشوفك صرت معهم
لؤي : عيني عينك بس
ضحك نادر وقال : والله انكم مبزره ، بتزوج و بدور لي شركه ثانيه اصير انا المدير فيها
غيث : فيك خير رح
نادر : وش اسوي م تقدرون بدوني
ذياب : م نقدر ابد م نقدر
ضحك احمد وقال : ابوك ي الثقه هههههههههههههههههههههههههههههههههههههههههههههههههههههههههههههههههههه
مسعود : سالفتكم بيض ترا !
لؤي : مسيعيد شفيك حبيبي شفيك من مزعلك
مسعود : النوم قلط
غيث : رح بيتك و نم
فتح عيونه ب صدمه وقال : احلف
ضحك غيث وقال : صدق نفسه ذا
مسعود : مالت عليك وعلى وجهك ي السلوقي
غيث : شنو شنو ؟
مسعود : مالي خلق اعيد كلامي
ذياب : خبل ذا خلك منه
غيث : اي بالله خبل
-
بعد اذان المغرب تحديداََ ، ف المستشفى
صقر : الحمد لله على السلامة و تتربى بعزهم البنوته
ابتسمت ام فهد وقال : الله يسلمك ي وليدي و الله يقويك م قصرت نفداك
صقر : ابد ي خاله م سويت الا الواجب
دخلت الطبيبه رنيم وقالت : صقر تعال شوي
قطب حاجبه وقال : زين جاي
طلع وراءها وكانت سُميه قاعده بـ الكراسي برا
صقر : شتبين
رنيم : متى يروحون ذولا ؟
قطب حاجبه وقال : ليه ؟ هو انتي سويتي شي عشان تسألين متى رايحين ومتى جايين ؟ و بعدين لا اسمعتس تقولين صقر تفهمين
رنيم : وي م قلت شي انا الحين قاعده اسال بس
مشى بعدم اهميه و شاف سُميه وهي قايمه و اتجه وراءها ، مسكها من يدها وقال : سُميه ، على وين
فزت وقالت : وانت شدخلك
صقر : انا شدخلني ؟ م هقيتها والله
ضحكت بـ قهر وقال : ايه ، وراك م تكمل شغلك منتظرتك الحرمه رح لها
ضحك وقال : والله ي انس غيوره !! وش بلاتس ترا كلمتها م عليتس لا تهتمين خلها مخبوله ذي
سُميه : ايه ايه م عليك
ضحك يبي يجيب راسها وقال : سمسومتي
فز قلبها و حطت عينها بعينه : صقييرر لا تخليني اهبدك انت وهي !! اذلف عن وجهيي
صقر : زين م علينا كم يوم و جاي اخطبتس تجهزي
شهقت وقالت : كذاب كذاب
ابتسم وقال : ليه اكذب والله جاي
نطت ضمته بقوه م قدرت تكتم فرحتها : م بغييناا اخيرا
ضحك بـ صدمه وقال : لو ادري ذي فرحتس كان جيت من زمان
ابعدت بخجل وقالت : لا تصدق عمرك انت الثاني
م حسوا الا بصوت رنيم وهي جايه ، زفرت سُميه وقالت : ايوا جت جت
الطبيبه رنيم : دكتور صقر ، الغرفه رقم 12 ضروري
صقر : م فيه احد هنا غيري ب المستشفى وشو ؟!
سُميه ضحكت وقالت : شكله تسذا الوضع
الطبيبه رنيم بـ استفزاز : ذي ليه شابكه معاك ؟ مين انتي ي حبيبتي
صقر : سُ..
قاطعته سُميه وقالت بـ استفزاز : خطيبته ي حبيبتي تبين شي انتي علميني بس ؟
ضحكت وقالت : ايش قاعده تقول ذي
صقر : وهي صادزه ؟
فتحت عيونها بصدمه : ااء ، تمام معليش
سُميه : ناس عجيبه والله
ضحك صقر : م عليتس منها روحي الحين شوفي اهلتس و زوجة اخوتس
سُميه : زين انتبه لك
-
يُتبع
-
( ارحبوا ي شيّوخ قلبي شحالكم عساكم بخير وصحة وسلامة ، معليش والله سحبت فتره بس الدراسه و غيره البارتات ذي الفتره قصيره ان شاء الله بحاول اطولها و هذا الي قدرت عليه لنا لقاء آخر شدوا دعمكم ي حلويني عشان نكمل مع بعض 💗. )
أنت تقرأ
كل الامان في حُبك وكل الاماني قربك
Randomرواية كل الامان في حُبك وكل الاماني قربك للكاتبة : رهف القحطاني ✍🏻 - ثاني إنطلاقه لي 🤎. - ترقبوا معنا الروايه ✨.
