#برجوازي
#بقلمي : #مشاعر_مبعثره
الحلقه (٨)
عاوزه تصرخ قلت لها اوعك هدا جابر قاعد هنا واسماعيل تعالي خلينا نقعد نتفاهم قعدتا لمن بايعت الناس القدامي وهي تاكل في اضافرا
عملت لك شنو انا عشان تأذيني بالطريقه دي والصور دي جبتيها من وين؟ بتراقبيني صح؟ الكلام دا معناه اكبر مما انا متخيله انتي حاقده علي بالجد لمن موظفه تفكيرك ووقتك وصاحباتك عشان تشوهو سمعتي : الموضوع ما كدا : اوعك اوعا تنكري انتي تلفونك مع المديره : م مديره؟ انا اسي جيت اكلم اسماعيل اني ما لقيتو : المره دي ما حاأرحمك يا مزاهر بس عاوزه افهم بيني وبينك شنو يا بنت؟ انا اعتبرتك اختي من دخلنا المدرسه دي لو ما عندك فطور بفطرك معاي لو حصلت مشكله بتشدد لك ياخي لمن تتعبي في المدرسه انا البوديك بيتكم واتصل لك بتلفون امي عشان اتطمن عليك قعدت تبكي
اسماعيل هو السبب ياخ الله يلعن الاولاد ديل انتي اكيد عارفه كويس انو اي مشكله بين بتين بكون سببا راجل : يا شيخه عارفنك بتحبي اسماعيل انا علاقتي بكم شنو؟ حصل قلت لك بحبو؟ ولا شفتيني معاه في وضع غلط عشان تريحي بالك بس يا مزاهر اسماعيل دا انا عاداه اخوي الكبير لانو متربي معانا : بس هو ما معتبرك كدا اسماعيل بحبك يا سمر : كذب : والله العظيم بحبك وقالا بخشمو بتجنبني انا عشانك انتي اتخيلي بس بهدم في حياة البنات الزينا عشان يبني حياة حلوه معاك انتي ومحافظ عليك عشان عاوزك لقدام : سواء كان كلامك دا صح ولا غلط انا اسماعيل بعتبرو اخ والشي دا عمرو ما حايتغير اما بالنسبه لمعتز انتهى بالنسبه لي من لما اتزوج والصوره مدام انتي الصورتيها اكيد عارفه تفسيرا شنو وحضرتي الموقف كلو : اها اسي نعمل شنو : انتي الحاتعملي شنو انا ما غلطت في شي وبعد تلفونك بقى مع المديره حايكشفو عمايلك كلها
المهم هي فاتت ولمن رجعنا البيت عاد امي ونصر الدين هرجو قدرتم نصر الدين قال الا امشي يضربا جابر قال له ما رجوله انك تضرب بنت خليها على اهلا والمدرسه امي قالت لي عشان كدا النسوان كل ما يشوفني يتوسوسن سمح انا بعرف اادبهن كيف
تاني يوم انا مشيت المدرسه مع امي وجابر اخوي واسماعيل قعدنا مع المديره انا طلعوني برا وقعدو هم في المكتب المديره قامت استدعت الطالبات حلا ومزاهر وشلتا صفاء وايناس وكريمه وتنزيل بعد سألوهم من الحاصل واحده واحده خافو وما قدرو ينكرو وحلا طبعا قالت لهم ما غرضي انا كنت بس واقفه ولا بشعت بسمر ولا اتشاكلت مع مزاهر الوكيل نهرا
وكونك تنطي بالحيطه وتجري الاستاذ يناديك ما تشتغلي به دي ما قلة ادب ؟ يلا بسرعه ادينا رقم غير رقم ابوك لانو مقفول طبعا مدياهم رقم ابوها غلط قامت ادتهم رغم معتز عارفاه الوحيد البعطف عليها فيهم بس شوفو التناقض والمفارقه دي اكتر واحد بتكرهو في اخوانا وبتعاملو كعب بس في نفس اللحظه الوحيد البتلجاء له لانها عارفه نفسا ما بتهون عليه انسانه استغلاليه هي عارفه لو كلمت حسين ولا ابوها حايضربا المهم استدعو اولياء الامور وجابر قال لازم مزاهر تتعاقب على العملتو معاي وتعتزر لي قدام الطالبات والمعلمين عشان تثبت براءتي كان اجتماع طويل معتز جاء متأخر شديد اظن اظن بعد الاجتماع انتهى وضربو الجرس في نص الحصه الرابعه وقفونا طابور طبعا نحن في مواجهة الطلبه واهلنا واقفين مع المعلمين بدت المديره شرحت الموضوع كلو وخلونا نحن اي واحده تتكلم وتعترف بغلطا واسماعيل برضو عاد البنات ديل الا بقو يمسكو منهم اهلهم مزاهر ابوها كان حاضربا كف قدام الناس كلها كان موقف محرج شديد وانا والله العظيم من كترت ما وقفت الوقفه دي بقيت اخجل عديل من زميلاتي والمعلمين والمدرسه كلها يعني حتى لو مظلومه الشي دا مخجل شديد معتز كان قاعد في كرسي وبراقب من بعيد المديره شاكلت اسماعيل وقالت انو الزيو اساس المشاكل في المدرسه وهو اعتزر طلع وحزره تاني ما يقرب من المدرسه ولا من الطالبات يلا نجي للعقاب اول حاجه انا وحلا نادونا شرشحونا وضربونا عشان طلعنا من المدرسه ونطينا السور وفصلونا ثلاثه ايام بعداك نادو مزاهر اعتزرت لي قدام الناس وشرحت العملتو خوف ساي ابوها دا تقول يغطس راسو في التراب وانا خشمي ما فتحتو معاها بعداك صاحباتا واحده واحده اعتزرو جلدوهم وكان القرار اصلا فصل نهائي لكن عشان اهلهم مساكين وما عارفين بمصايب بناتهم وعشان ممتحنات اكتفو بمنعهم يجو المدرسه الا للامتحانات عشان يكونو عبره كان يوم طويل شديد بعد الطابور انتى كل الطالبات اتوجهو للفصول ما عدا نحن البيت ودا كان اكبر عقاب ووجعه جابر وامي قعدو مع المديره شويه وامي بعداك امي قعدت مع اهل الطالبات
أنت تقرأ
برجوازي
Actionاحبته منذ نعومة اظفارها كان حلما يراود منامها حلمت لم تحسبه مستحيلا كبرت به لتصدم بواقع اخر فهو لا يعرف بوجودها حتى من جهة اخرى يتعرض لصفعة قويه تنقله من الحياة البرجوازيه التي عاشها الى ما دون خط الفقر بلا مأوى بلا عمل او حتى صديق
