#برجوازي
#بقلمي :#مشاعر_مبعثره
الحلقه (١٤)
ما تحاولي تتحكمي فيني والا حااطردك ذي ما طردت معتز : شنو؟ : السمعتيه مشت عليه ادتو كف قالت له لمن يبقى بيتك ولا بيت اخوانك تعال اطردني منو حاتكذب وتصدق الكذبه ولا شنو؟ شالو فتون ودوها المستشفى وكان معاها نزيف للأسف اجهضت وحسين ردة فعلو كانت صادمه قال احسن زاتو قدام كل الناس الا امو بتحمر له ولو ما كلمت المحامي اتدخل كان حايسجنوه بسبب العملو في فتون
جابر اخوي كان مبسوط شديد بتحضيرات العرس دي ومنتظر متين يتلم على روعه في بيت الحلال وحتى هي فرحتا ما اقل منو
سمر البسي سرعه ما تأخرينا : حاافضل : يا بنت اخوك دا ليه ساعه واقف لك الزمن زاتو فات : وهو مالو مستعجل اصلو الدنيا طارت؟ وبعدين الحديقه بليل احلى خليه يفوت ساي الزمن : سمر؟ : صلحي لي حلقي دا يا امي : حلق ولبسه وتسريحه ومكياج يا اختي انتي سايقنك قدمي ساي لو لبستي توبي دا ما بفرق الولد داير يقعد يتونس مع خطيبتو وانتي سايقنك مكان الشيطان عشان ما يبقى تالتهم : شكرا يا امي ونعم التشبيه بكرا لمن اطلع انا و حبيبي ما بسوق اي زول خلي الشيطان يجي ساي : دي قلة ادب جديده صح؟ كمان في قدامي بتقوليها ولا بتخجلي؟ معتز حبيبي : امي انا ما قلت معتز : قلتي سمعتك باضاني دي : والله العظيم ما قلت طبعا امي عشان خاتاه في بالا لو ما جبت سيرتو بتتخيلني قلت اسمو لبست لي اسكيرت اسود وتيشيرت ملون بالأسود وجاكيت دينم مع طرحه رماديه واسبورت رمادي برضو وعملت حواجبي دي والكحل وروج غامق طبعا الوش ابييييض امي تشيل وتعاين لي
اسي في داعي؟ قايلا روحك ماشه وين شاحده الله اخوك يرجعك اسي في لبسك دا : هو ما حايعاين لي اصلا يا امي في وجود روعه وانا طبعا متعمده اتأخر عشان معتز يجي ويمشي معانا وهو اتأخر شديد لمن جاء كان سايق عربية المدير لابس أسود مع أوف وايت مبالغه عديل البشوفو ما بقول الحاجات دي كلها عدت عليه لانو لسه محافظ على شكلو واناقتو والكاريزما الفيه كنا مناسبين شديد مع بعض قربت اتصور معاه بس خجلتا غشينا روعه وهي برضو متأنقه لابسه فستان بيجي مورد بالأحمر وطرحه حمراء تشيل وتعاين لي يا بنت بسحروك والله اسي جابر ما سألك في شعرك المطلعاه دا؟ : هو بعاين لي في وجودك لكن؟ عاينت بالمرايه لقيت معتز مركز معاي لمن بلعت ريقي وداك يالتوتر تقول جاي يخطبني بقيت كمان انزل في الطرحه زياده اول ما وصلنا روعه قالت لينا دقيقه ناخد سيلفي هي وقفت جنب جابر عاد حسيتو برجف عديل هو خجول طبعا وانا ومعتز اي واحد في اتجاه قلت لها انتي زاتك قصيره ما مظهرانا ادي معتز يصور طلع تلفونو انا طوالي مشيت وقفت قدام جابر وبقيت جنب معتز صورنا وكانت رهيبه وانا اشيل واوصي فيه حولا لي : حاضر
هو ما كان طبيعي حاساه جامد جدا سرحان وما مركز معانا قلت اكيد بسبب الهموم الشايلا وشوقو لبنتو جابر وروعه قالو حايتمشو شويه وفضلنا انا ومعتز هو بس شايل تلفونو
أنت تقرأ
برجوازي
Actionاحبته منذ نعومة اظفارها كان حلما يراود منامها حلمت لم تحسبه مستحيلا كبرت به لتصدم بواقع اخر فهو لا يعرف بوجودها حتى من جهة اخرى يتعرض لصفعة قويه تنقله من الحياة البرجوازيه التي عاشها الى ما دون خط الفقر بلا مأوى بلا عمل او حتى صديق
