برجوازي

برجوازي 15

#برجوازي
#بقلمي : #مشاعر_مبعثره
الحلقه (١٥)

ما عندي مانع انعدي منك : كفايه يا سمر كفايه : عمري ما اكتفي طوالي بعد مني وقال لي بنبره حاده بتعملي في شنو انتي خلعني خلعه طبعا وفصلني لمن جسمي نمل قال لي انتي الجابك هنا شنو يا بنت مجنونه؟ البخليك تدخلي الديوان لراجل قاعد براه شنو؟ : الحق علي يعني عشان قلقت عليك؟ انت اتغيرت شديد والله العظيم : ايوا اتغيرت قعدت ابكي قال لي سمر لو قلقانه علي انا بخير : لا ما بخير انت تعبان شديد وما عاوز تخليني اقيف جنبك : تقيفي جنبي بالطريقه دي؟ : كنت بقيس حرارتك ما اكتر : ما تفسري : لالا بفسر عشان ما تقول بتحرش بك عاوز يضحك كتما وانا ابتسمت له

ليه ما وريتنا انك جيت هنا واتشاكلت مع اسماعيل : بس نحن ما اتشاكلنا : ما تدافع عنو انا خلاص عرفتو طلعت مخدوعه فيه وعاداه اخو الكلب القزر : بحبك : حباه برض انشاءالله انا ولا بحبو ولا شي : ليه ما تديه فرصه : ما تجيب لي سيرتو ولا فرصه ولا نص فرصه انا ما جيت هنا عشان نتكلم عن اسماعيل انا بكرهو انت ما عارف قال شنو عنك حتى انت مخدوع فيه هو قال لي معتز عاوز يغشك ويستغلك عشان يعيش على حسابكم وهو بحب فتون مرت اخوه الكذاب قال انت مشيت لها في المستشفى لانها اجهضت ما حصل صح؟ سكت مسافه وقال لي حصل : شنو؟ : سمر ما تعلقي نفسك بي وقلتا لك قبل كدا ما تحبيني لاني ما بقدر ابادلك المشاعر دي دموعي طوالي جرت قبلت منو عشان ما يشوفا بس تنهيداتي واضحه ومسموعه عاوزه اقوم واحافظ على باقي كرامتي مسك يدي

انسيني يا سمر عشان تقدري تركزي على دراستك وحياتك انتي بنت حلوه وشاطره وعندك مستقبل افضل راجل يتمناك خليك مني انا لانو مافي يدي حاجه اقدما لك ما تخلي محور حياتك معتز البرجوازي لانو وهم ما حقيقي انا ما نفس معتز الحبيتيه : عشان بقيت فقير يعني؟ انا ما بهمني قروشك ولا اي حاجه انا ما بحسبا كدا : ولا انا يا سمر المسألة مشاعر وما متوفره عندي ما هاين علي البتعمليه في نفسك دا انسيني عشان تقدري تعيشي وتكملي نفضتو مسحت دموعي وعاينت له انت فاكرني بحبك يعني؟ انت غلطان يا معتز انت منو عشان ابقيك محور حياتي شوف دا كمان عامل لنفسك هيبه بالفاضي انا جيت عشان امي فقدتك وطلبت مني اجي اتفقدك غير كدا ما مفكره فيك اصلا ومشيت طوالي ناس البيت ما دخلت سلمت عليهم ابكي ساااي في الشارع قعدت في مصطبه كدا بكيت بكيت كملت دموعي لمن استفرغت ومشيت الجامعه ما مركزه في شي ما عارفه اشتغلت كيف في الامتحان كان في قعده قعدت فيها وما منتبهة للزمن لحدي المغرب وتلفوني خليتو في الطبليه لمن شفت الزمن فات ركبت رجعت البيت لقيت امي وجابر واسماعيل ونصر الدين واقفين لي برا شاكلوني شكل لمن بكيت ونصر الدين كان عاوز يضربني الا جابر منعو دخلت غرفتي ابيت اتعشى لتاني يوم ما طلعت من الغرفه ابكي يلا هم بقو في التحانيس يدخل دا يطلع دا ونحن عاوزين مصلحتك وخايفين عليك انا طبعا ببكي بسبب معتز بس يداب اقتنعت انو بالجد ما بحبني وانا ذي الغبيه ما حبيت غيرو ومن فتحت على الدنيا بحبو يخسي عليه انا اتحملت منو كتير تجاهلو لي من زمان زواجو ولادة بنتو وبعد الحصل له دا وقفت معاه افتكرت انو حس بي بس لا يداب اقتنعت بكلام امي وروعه حتى جابر كان بلمح لي انا غبيه  غبيه غبيه لاني اتوقعت يبادلني الحب اخرتا احرجني ببرود وكمان طلعت بتحرش به قمت وقفت على حيلي قدام المرايه وفكيت شعري دققت في ملامحي انا رغم الحزن والدموع والورم الفي وشي عيوني حلوه شعري طويل وصحتي حلوه الماحباه فيني شنو الناس بقولو علي رشيقه ودمي خفيف وطيبه وشاطره في شغل البيت اي راجل بتمناني قعدت في الارض ورجعت لدوامة البكاء الماقدرت اطلع منها ما قدرت ابقى قويه واتجاوزو دا حب عمر شلت تلفوني من نصر الدين لقيت رساله من معتز قبل ما اقراها رسلت له ما بحبك ما بحبك افهم رسل لي عارفك بتحبيني لازم تواجهي المشكله دي عشان تقدري تتخطيها : القال لك منو : انا قريت الرساله الرسلتيها لي في السجن في كيس الطعميه لقيتا وشفتا الرسمه البرجوازي الانتي راسماه دا ما انا يا سمر صدقيني قعدت اكفت في روحي غبيه غبيه يا سمر رسل لي انا لو غبي عديل حاافهم من رسالتك دي انك بتحبيني طوالي حظرتو ومسحت رقمو تاني ما حاولت احتك به ولا بشوفو زاتو بقينا في تجهيزات عرس جابر وروعه هو جهز بيتو  من كلو حتى الشنطه اشتراها وباقي نوديها لهم انا كان لسه ما اديت دكتور محمود جواب وبعد ما معتز خزلني رجعت لكلام امي انا بضيع في وقتي ما أكتر والعمر بجري حاافضل اجري ورا سراب لمتين مشيت لدكتور محمود في مكتبو وبدون مقدمات قلت له انا موافقه وهو فرح شديد بس فرحتي مصطنعه حاولت كتير انسى معتز عملت اي حاجه بس ما قدرت هو ساكن جوا  قلبي قلت لازم ابدلو بواحد تاني ينسيني له ومافي أحسن من دكتور محمود وريت امي ما كان عندها الحماس الزمان داك كأنو ما دي ياها امي العاوزاني اتزوج وانسى