#برجوازي
#بقلمي : #مشاعر_مبعثره
الحلقه (٢٣)
حفيدك؟ طقيت لها التربيزه وقلت لها انتي مجنونه ولا شنو اسي لو قالو لك انا ممكن اجي اعيش معاكم بتصدقي؟ نسيتي العملتيه في معتز يا عديمة الضمير انا لو ما عشان انتو ضيوف في بيتي كان طردتكم وما قعدت معاكم ثانيه ياخ اخجلي هو ابوه ما اديتوه حقو تدوه هو انتي لو عندك زرة انسانيه راعي البنت الاخدتيها من حضن ابوها غصبا عنها انتو خربتو حياتو كلها في لحظه حولتوه من رجل برجوازي الى عاطل عن العمل ما عندو حتى حق اكلو وشرابو انا ما حااحكي لكم عن المعاناة العايشه معتز لانو ما بفرق معاكم في شي كل العاوزاه انو ما اشوف خلقت اي واحد فيكم ومشيت خليتهم الحقيرين
تاني يوم سألت علي من الموضوع دا قال ما عارف شي بس انا ما اتطمنت نهائي لزيارتهم دي هم متخوفين من حاجه معينه واكيد عاوزين مني شي في حاجه غلط في الموضوع في شي نحن ما عارفنو هم خايفين منو اكيد هم اتلاعبو بالأوراق الرسميه زمان وظلمو معتز كل حقوقو نقلوها لحسين بطريقه غير قانونيه اها بقيت مواصله في حياتي عادي وبطني بدت تظهر متابعه مع الدكتور وبمشي مع امي يوم جيت راجعه من الجامعه والزمن متأخر كان في عربيه وراي زحيت لها من الشارع جات تاني وراي لمن قربت تضربني وقفت طوالي العربيه وقفت جبي نزلو اتنين طلعوني فيها غصب وقفلو خشمي واتحركو بالعربيه وانا اصرخ فكوني ساقوني غصب نزلوني في بيت معتز وانا واصرخ واقاوم فيهم دخلوني جوا لقيت ابتسام واقفه هناك قالت لهم طلعوها الغرفه فوق حبسوني فيها وانا اصرخ وانادي زول جاء علي مافي للصباح طبعا شالو مني شنطتي ما عارفه الحاصل شنو ولا عملو كدا ليه جابو لي اكل كشحتو فطور على غداء بليل جات ابتسام جابت لي عشاء صرخت فيها انتي عاوزه مني شنو يا مرا كمان وصلت مرحلة الخطف؟ : دا لمصلحتك ما أكتر : مصلحتي؟ انا لحدي اللحظه دي ما عارفه مصلحتي شنو انا اصلا قروشكم دي ما عندي فيها حق ولو عندي ما عاوزه : عاوزه ما عاوزه ما بهمني المهم انتي حاتقعدي هنا لمن تلدي : واقعد هنا ليه؟ : لمصلحتك بس لازم تاكلي البيبي ما بتحمل : ما غرضك به : معتز مات يا حلوه غرقو كلهم في البحر ما فضل ولا زول ما قاعده تقري اخبار انتي؟ : لا بقراء وعارفه انو ما غرق معاهم : لا غرق : ما غرق وما غرضك بي طيري مني وطلعيني من هنا والله اهلي يعرفو يبلغو فيكم : دا لو عرفو وما حايحصل : انتو عاوزين مني شنو مشت ولا اشتغلت بي غصبا عني بقيت اكل واشرب مافي طريقه اطلع نهائي مره سمعت اصواتهم بتناقشو بصوت عالي شكلو معاهم المحامي وابتسام بتوبخ في حسين بعنف شديد وتشتمو
كل منك يا كلب يا فاشل غرقت الشركه وغرقتنا كلنا لعلمك اخوك المزعوم دا لمن يجي هو الحايستلم الاداره منك لانك بقيت ما مؤهل حاياخد مكانك ذي ما اخدت مكان معتز : اهدي يا ابتسام الولد دا انا شاكي فيه احتمال يكون زور الورق ذي ما عملنا نحن في الوصيه واوراق الاختلاس : كلو بسببو هو الفاشل عرفت ابوك ما اداك منصب ليه يا متخلف يا غبي وادى اخوك؟ لانو بعرف الشغل وانت لا ياخ حتى سرقه ما عرفت تسرق وهو كشفك حتى التافهة ديك عرفت لعبت عليهم احسن منك : بس انا الربحت في النهايه : كلمة ربح دي ما اسمعك قلتها نحن بنخسر وبس حتى البيت دا حاتجي التافهة ديك هي والفي بطنا ويطلعونا منو كدي امشي اشوفا اتسممت ولا لسه انا لو علي اموتا وارتاح منها انا جريت سرعه رقدت وعملت نفسي نايمه بحاول اربط الامور ببعض بس ما فاهمه شي انا عارفه انهم زورو الاوراق ودا شي مكشوف بس كيف البيت اخدو انا وولدي فضلت اسبوع في الحاله ديك وما عارفه اهلي ما بلغو ليه وجو اخدوني من هنا فكرت انو احتمال يكونو ما عارفني هنا وبفتشو حاليا
أنت تقرأ
برجوازي
Actionاحبته منذ نعومة اظفارها كان حلما يراود منامها حلمت لم تحسبه مستحيلا كبرت به لتصدم بواقع اخر فهو لا يعرف بوجودها حتى من جهة اخرى يتعرض لصفعة قويه تنقله من الحياة البرجوازيه التي عاشها الى ما دون خط الفقر بلا مأوى بلا عمل او حتى صديق
