#برجوازي
#بقلمي : #مشاعر_مبعثره
الحلقه (٢٧)
مشربكه الدنيا كلها حتى اسماعل دي اخرتك؟ : ما تفهميني غلط : والله ما مهم الانا فهمتو لكن اسماعيل دا انا بحزرك منو دا ما زول تعتمدي عليه : سمر بالجد كترتيها وما عندك اي فهم ولا منطق ولا حتى بعد نظر المره الفاتت برضو من غير ما تفهمي حكمتي علينا انو بنغلط اسي انا ما جيت لقيتك قاعده مع اسماعيل لو كان فهمي زيك بعدي الموضوع؟ ما كان فهمت انو في شي بينكم ووريت معتز؟ : معتز عارف كويس طبيعة علاقتي مع اسماعيل : وانتي لازم تفهمي طبيعة علاقتي مع معتز افهميها : انا فاهماكم كويس : لاحول ولاقوه الا بالله ماشي يا سمر ما كنت عاوزه اوصل معاك لكدا بس مضطره اكسر كلمتي فتحت تلفونا شغلت لي فيديو كان لجابر اخوي جنب البحر ومعاه اسماعيل كانو شادين في الكلام واسماعيل دفر جابر لمن وقع في البحر قعد يكورك ويقول له يا جابر اطلع دخل لجوا بعداك رجع مشى فااات خلاه انا رميت التلفون وقعدت اصرخ دا شنو دا عاوزه افهم الكلام دا حصل متين والصور منو : حصل في زمنو كنت في بيت خالتي الفتره ديك وما عارفه اصلا انو جابر شغال في المنطقه ديك مشيت البحر اغير جو وشايله تلفوني بتكلم مع حسين فجاءة شفت جابر واسماعيل بتكلمو اسماعيل كان زعلان من حكاية عقدك انتي ومعتز وبقول انو الاحق بك وبقى يتشاكل معاه انا طلعت تلفوني وقعدت اصور كنت عاوزه ارسل الفيديو لمعتز عشان يعرف انو اسماعيل العاديه صاحب دا شيطان وحاسد ما اكتر ما اتوقعت اصلا انو دا كلو حايحصل ومع اني صورت بس ما قدرت ارسلو خفت ادخل في سين وجيم خفت بالجد بس لما معتز رجع وبعد الاحداث دي كلها شغل اسماعيل انا اتغظت وريتو الفيديو وهو وبخني شديد ضربني عديل وقال لي اوعك تكلمي سمر وقال برضو شاكي يكون هو الصورك في الحمام اما اسماعيل قلت له عارفه انك الصورت سمر في الحمام ومعاي الدليل دا كلو عشان يبعد بس ذي ما شايفاه قاعد مبلط وبياكل معاكم كمان هو اسي فاكرني جيت عشان اكلمك انا طوالي مشيت وهي وراي عاوزه توقفني مشيت له في البيت القاعد فيه مالقيتو مشيت محل شغلو برضو مافي لفيت الشوارع دي عديل في النهايه مشيت قعدت جنب الطبليه طبعا جبناها قريب للبيت وشغاله عليها امي قعدت ابكي واصرخ كان في مطره اليوم داك ورعد وبرق جسمي دا كلو اتملى طين فجاءة سمعت الباب انفتح
ما لقيتا في اي مكان ما لقيتا قربت اجن خايف تكون مشت للحيوان دا وعمل فيها حاجه مجنونه انا بعرفا اتصلت بامها مافي رد رجعت البيت قلت امكن تكون جات فجاءة بقيت اسمع صوت ضعيف مع صوت المطر ما واضح طلعت برا لقيتا في الارض حالتا بالبلا وجسما كلو طين تصرخ وتبكي
سمر : معتز معتز انت كنت عارف : انا اسف حبيبي مشيت حضنتها بقت تصرخ بصوت عالي عاوزه تتفك مني دخلتا جوا غصب وامها خافت شديد لمن شافتا قلت لها بس اعملي لها حاجه دافيه واتصلت بنصر الدين وريتو عشان ما يفتش طبعا ما وريتو بموضوع اسماعيل ولا حتى خالتو كوثر دخلتا جوا طلعت توبا وملابسا كلها كانت بترجف من البرد قفلت المكيف وغطيتا بالملايه امها جابت لها شاي كشحتو كانت زعلانه مني شديد قلت لخالتو كوثر خليني معاها خمسه دقائق
أنت تقرأ
برجوازي
Actionاحبته منذ نعومة اظفارها كان حلما يراود منامها حلمت لم تحسبه مستحيلا كبرت به لتصدم بواقع اخر فهو لا يعرف بوجودها حتى من جهة اخرى يتعرض لصفعة قويه تنقله من الحياة البرجوازيه التي عاشها الى ما دون خط الفقر بلا مأوى بلا عمل او حتى صديق
