في عرين الاسد

في عرين الاسد 3

#في_عرين_الأسد
#بقلمي  : #مشاعر_مبعثره
الحلقه (3)

اتجمدت في مكاني من الخوف وقبل ما استوعب حسيت بحاجه بتتحرك في جسمي انكمشت على نفسي وبقيت اصرخ
سمر سمر اهدي خلاص دا انا  :  مازن؟   :  ايوا ما تخافي عاوز يحضني نفضتو قلت له انت بتعمل في شنو عاوز مني شنو  :  ما عاوز شي والله حسيتك سخنتي لانو الكهرباء قطعت فرفعت التوب من وشك  :  كذاب  :  ياسمر ما تجني وما ترفعي صوتك لانو نحن ما برانا هنا  : انت بس قول عاوز تستغلني وخلاص يا كذاب طوالي قفل لي خشمي صر وشو وقال لي بصوت حاد يا بنت احسن تفتحي عيونك دي كويس انا من امس متحمل وعازرك بس كترتيها وبعد القلتي وعملتي فيني زمان ما خزلتك لمن جيتيني اتزوجتك على سنة الله ورسوله وما قربت عليك مع انك حلالي لاني وعدتك انتي فاكره انك حاتقدري تمنعيني لو عاوز اخد
حقي؟ لا ما حاتقدري بس ما انا البعمل كدا في البنت البحبا انا بخاف عليك اكتر منك افهمي ما انا البضرك متين تتعاملي معاي ذي الناس؟ متين تحبيني ذي ما بحبك زح يدو وكان بالجد زعلان وكمل دايما فاهماني غلط دايما خاتاني في مكان المعتدي عليك  : خلاص اهداء  : عاوزه تعتزري صح؟  اصلا ما بتعرفي تعملي حاجه غير كدا سمر نومي عليك الله ما عاوز اقول حاجه اندم عليها لاني باقي عليك واسي بقيتي مسؤوليتي عاوزه اتكلم بس هو مشى رقد وغطى راسو قعدت افكر في كلامو لمن شالتني نومه صحيت لقيتو لسه نايم فتحت باب الغرفه شفت ولد طالع قفلتو بسرعه كان في حمام داخلي دخلت اتوضيت وصليت عملت الشاي بالهيتر جيت انزلو كدا بس ضربني طوالي صرخت لمن صحيت مازن
مالك حبيبتي  : ضربني الهيتر  : وانتي الوداك له شنو  : عملت الشاي وخلصت بس لمن جيت انزلو ضربني  : اصلو كعب ما تلمسيه وهو موصل في الكهرباء ولا تلمسي الحاجه البتختيها الا بعد تفصليه  : فيه سلك فاصل ولا شنو  : بكون يلا بعد كدا ممكن تصفي الشاي  : تمام  : صباح الخيرحبيبي وباسني في خدي
😘 عاوزه اتكلم قال لي اسف اسف  : ما تكررا تاني  : امرك  : قوم صلي عشان نشرب الشاب  : انا لمن صليت كنتي في سابع نومه  : بالجد؟  : ايون  : ربنا يهدينا عاين لي عين فيها معاني كتيره ومافي واحد فينا قدر يعلق هو مشى يتسوك وانا ختيت الشاي كان في باقي عيش شربنا به وطلعنا فطرنا بره وشربنا قهوه رجعنا تعبانين انا بتلقائيه طلعت العبايه ومشيت استحميت وجيت طالعه بالبجامه عادي وكمان قعدت اطبخ هو كان براقب فيني وما حسسني اني عملت حاجه غريبه عادي يعني لحدي ما بقى بالجد عادي راجل ومرتو

عبير كفايه ياخ
الزبير يا ولد  : نعم  : بتتكلم في التلفون لالا خلاص كمل مكالمتك  : قفلت في شنو يا جدو  : لسه مصر تسافر  : اعمل شنو طيب  : بنت عمك مختفيه واخوانا واعمامك كلهم بفتشو فيها داير تمشي تخليهم كدا نحن لسه ما عارفين البنت حاصل عليها شنو  : انا مافي يدي حاجه اعملا  : انت احتمال تكون مسؤول من الحصل
لها امكت عشان ما تتزوجك هربت  : شايفني مموت نفسي عليها يعني لو هي رافضاني مره انا رافضا الف مره وما تقول انت مسؤول لاني اصلا ما طلبتها ولا اقترحت لو اصلا هي عملت في نفسا حاجه للسبب دا فإنتو المسؤولين لانكم كذبتو علينا  : انت يا ولد ليه ما عندك اعتبار لزول وما بتحترم الأكبر منك  : انا يا جدي ما بحترمكم عشان قلت الحقيقه؟  ومشى طوالي عمل نفسو ما مهتم بس جواه قلقان لقى هاجر بتبكي وهي بتحاول تتصل بي قال لها اختك دي هربت ولا عملت حاجه في نفسا؟  : سمر ما  ............  : كلكم شابكننا سمر ما بتغلط سمر عاقله بالمناسبه سمر دي انسانه ما ملاك والظاهر انكم ما قريبين منها لدرجة تعرفوها  : انا اكتر واحده قريبه منها  : معناها انتي عارفه هي وين ووعدتيها ما تتكلمي صح؟ عاجبك الحاصل في امك وابوك دا؟  : والله العظيم ما عارفه معقول اسكت لحدي الزمن دا؟ هي لها اسبوع مختفيه  : مستحيل تختفي كدا ولو حصل لها شي كان عرفنا  او وصلنا لطرف خيط  : انا ما حاسامح نفسي لو حصل لها شي  : معناها انتي عارفه حاجه عنها او على الاقل السبب  : بس ما اظن الفي بالي يكون صح  : الفي بالك شنو
احمد اخوي جاء قاطعهم  وهو كان جاي من القيم قال لهم الشرطه داهمت شقه مشبوهه في الرياض فيها عصابه ومعاهم رهائن  : نعم؟  : قالو لازم نجي نتعرف على اشكالهم  : شاكين تكون سمر معاهم؟  : لو معاهم كانت اتكلمت  : ماهم نصهم فاقدين الوعي لسبب غير معروف وفي  وفي جثث  هاجر طوالي غمرت وناس البيت ما عارفه وصلو المشرحه كيف خاصة امي
انا حاادخل يا ابوي ما تخاف وما تخاف عليها  : انا ما بين متفائل وخايف  : ما تخاف
ذكي اخوي دخل وكان ماسك نفسو بقدرة الله قرب يقع عاين للموجودين في الغرفه اداهم نظره خاطفه والعسكري بشجع فيه بدا يفتحهم واحده واحده واطمن انو انا ما معاهم بقى يهلل ويكبر وامي افتكرتو لقاني ميته وقعت الا نقلوها العنبر وحتى بعد صحت ما صدقت انو انا ما معاهم الا بعد خلوها وشافت بنفسا