في عرين الاسد

في عرين الاسد 5

#في_عرين_الأسد
#بقلمي  : #مشاعرمبعثره
الحلقه (5)
طبعا كلهم استغربو رغم الزعل ما اتوقعو انو يصل لمرحلة انو يطردني من البيت وانا ابكي واتوسل بدون فايده امي قالت له الفاتح قول بسم الله اسي تمشي وين يعني نحن ما دايرين فضايح  : البحصل لها خليه اليحصل دا طرفي منها امي طوالي ساقتني بره قاعدين مسافه هي ما عارفه تعمل شنو قلت لها خشي يا امي خليني انا بتصرف ادتني كف دايره تمشي للصايع حقك دا يا قليلة ادب قعدت ابكي يا امي حرام عليك انا قلت لك طلقني امشي له كيف  : لمن مشيتي له كان معرسك  : والله العظيم يا امي ما قعدت معاه ولا يوم بالحرام اول حاجه عملناها عقدنا بعد شويه امي اتصلت بالزبير جانا بعربيتو هدا امي وساقنا بيتهم انا كنت خايفه شديد بس اهلو ما حسسوني بشي واصلا شكلهم ما عارفين كل الحقيقه ومغلطين ابوي افتكروني طلعت من البيت عشان ما اتزوج الزبير ومشيت لصاحبتي اما حكاية زواجي دي الا امي وابوي واخواني العارفنها
بالإضافه للزبير
عمك دا عنيد وراسو قوي ضغط البنت لمن ما قدرت تتحمل عشان مسكينه وما بتقول غير حاضر  : ياامي ما تتكلمي عنو بالطريقه دي مافي اب بكره بنتو بالعكس هو مدلعا اكتر واحده  : دا قدام الناس بس اسي لو صحي مدلعا بكذب عليها كدا لمن تطفش له من البيت والله كلهم طلعو ما بفهمو  : كفايه يا امي خلاص القصه انتهت وما تفتحيها قدام الجماعه هم ضيوفنا ما تحسسيهم بشي  : انت عاد ما طالع لعمك عشان كدا بتدافع عنو  : يا امي قلنا خلاص
انا طبعا رفضت الاكل صحتي لمن اتدهورت ومرضت رقدت في المستشفي يومين بعد خرجوني بقو يحنسو فيني حتى امي
نامت يا خالتي؟  : لالا لكن حنستا عشان تاكل قالت دايره تفاحه جبتا لها  : اكلتا؟  : شكلا خجلانه تاكل قدامي غير كدا متعوده تقطع التفاح صغار حتى تاكلو 
قلع عيونو وقال لها خلاص امشي نومي يا خالتي وجاء داخل الغرفه فتحا باستعجال لمن خلعني
كنت مقرره سلفا انو انتحر لانو حياتي مالها اي لازمه بعد دا وخليتهم بعد طلعو شلت السكين
انتي مجنونه؟  : انت الدخلك علي كدا شنو؟  : بتعملي في شنو  : ولا شي اطلع لو سمحت  : عاوزه تصلحي الغلط بغلط يعني مصره تسببي العار لأهلك يطلعو من مشكله تدخلهم في غيرا شال مني السكين وقال لي الانتحار جريمه اكبر من الجريمه الاولى ما انتي البتعاقبي نفسك ربنا هو البحاسب انتي بس بتضيفي ذنب وتتقلي حسابك فاكره انك حاتموتي وخلاص؟  لافي قبر وسؤال وحساب وجنه ونار انتي مستعده لها؟ ماشه تقابلي ربك كيف وانتي كلك ذنوب تبتي؟ رضيتي والديك؟ عملتي شنو كويس؟ فاكره الانتحار بشفع لك الانتحار جريمه وعندو اكتر من صوره انك تجوعي نفسك وما تاخدي العلاج لمن تموتب برضو انتحار انتي لو عاوزه تحلي مشكلتك وتطلعي من الانتي فيه دا لازم تصلحي نفسك وتتوبي مش تقتلي نفسك وتسببي
لاهلك العار والفضيحه بعد تموتي
طلع خلاني وانا شبه مقتنعه بكلامو بقيت اخد العلاج واكل شويه عشان ما اموت قعدنا ثلاثه ايام في اليوم الرابع نص النهار الباب انفتح كنت راقده في السرير قمت عاينت للزول الجاي كان ابوي من شفتو قعدت ابكي وجريت له بست رجلو ويدو قاعده ساعه تحت رجولو ابكي قربت اغمر رفعني وقعدني قصادو قال لي ندمانه؟  هزيت راسي وعيوني فيها الف كلمه ما عاوزه تطلع بس هو فهم قال لي الواحده لمن تغلط ما بتكون بس  فرطت في شرفا؟  لا بتكون خزلت اوها وضيعت تربيتو وتعبو فيها بتكون خانت ثقة امها ونزلت مستوى اسرتا دا العملتيه انتي وما تقولي لي اتزوجت لانو زواجك دا انا ما معترف به ولا المجتمع  معترف به ولو كنتي انتي معترفه به ما كان عملتيه في السر واتدسيتي انتي اثبتي لينا اننا ما بنعرف نربي ما عرفنا ربيناك  : لا يا ابوي انتو ربيتوني صح انا الغلطت نفس العملتوه معاي عملتوه مع اخواني وهم رفعو راسكم اما انا الغلط فيني  :  احمدي ربنا انو زرع في قلوبنا غريزه قويه خلانا نسامحكم مهما غلطتو ونرحمكم مهما كنا زعلانين منكم انا ماعارف حااقدر اسامحك ولالا بس
اكيد حااسترك  في اللحظه ديك اتمنيت الزمن يرجع لورا عشان اقول لمازن لا وما امشي له ولا اقبل اتزوجو بس مع الاسف نحن بعيش الحياه مره واحده والمواقف واللحظات ما بتتكرر ابوي قطع تفكيري وقال لي الزبير ود عمك طلبك مني والمره دي بالجد عاوز يسترك لانو حاسي بالمسؤوليه هو الخلاني اتراجع من القلتو لك عاوز يعرس بنت ناس فهمتي؟ ما بنت اهلا طردوها وجابا بيتو ما قدرت اقول شي قال لي انتي موافقه ولالا  حسيت انو منتظر ردي بلهفه وعاوز يعرف هل انا ندمانه بالجد ومستسلمه ولا لسه في انانيه جواي قله له الراي رايك والبتقولو انا موافقه عليه بس انا كنت كنت متزوجه و  : مش قلتي طلقك؟ : ايوا بس  : بس شنو مش قلتي موافقه؟ هزيت راسي قال لي معناها بعد شهر ننتهي من الموضوع دا  : يا ابوي بعد شهر كيف مش حااكون في فترة عده  : عده لشنو حمر لي انتي انتي  ما قدر ينطقا وانا خفت شديد بعد سامحني يرجع تاني يقلب علي لو عرف اني سمحت لمازن ياخد حقو الشرعي غير كدا فكرت انو فترة  العده دي عشان الواحده تضمن انو رحما نضيف وانا متأكده انو ما حصل حمل قعدت ارجف وقلت له ما عملت اي حاجه اخد تنهيده وحسيتو ارتاح شديد قال لي حاترجعي
معانا البيت وامك تجهزك  : حاضر يا ابوي  : كلمي امك تلم ملابسكم دي  : حاضر وطوالي مشى انا ختيت يدي الاتنين على خشمي وضغطت عليه عشان صوت بكاي ما يطلع انا متألمه اكتر من اي وقت تاني اتوقعت ابوي يرجعني لمازن ويسترني كدا بس مع الاسف رماني بين انياب الزبير وخلاه املي الوحيد معناها مازن طلع جبان واتخلى عني بعد جبروه يطلعني يعني مافي غير الزبير يطلعني من الانا فيه دا وبعد العملتو وقلتو له دا كلو اتقبلني رغم انو شاف بعيونو وقف معاي  وخلى اهلى يسامحوني لمن جينا ماشين شال مني الشنطه ووقفني
انا من الاول ما قلت لك اسكتي وما تقولي شي ليه وريتيهم انا كنت مخطط احكي لهم بطريقتي ومن غير ما تطلعي قدامهم بالبشاعه دي انا خليتو يطلقك وسكتو هو عشانك تقومي انتي تفضحي نفسك؟ انتي السبب في الحصل دا  : انا اسفه بسببي غيرت مخطط حياتك كلو ومجبور تتزوج واحده ما بتحبا واحده واحده  : خلينا نمشي  : انا بالجد عاوزه  : تمام يلا خلينا نمشي مشيت البيت اخواني صفو مني شويه وبقو ما بتعاملو معاي بعدائيه المساء جاء الزبير واهلو طلبوني ولا
طلعت ولا اهتميت بالموضوع بعد شويه جات هاجر قالت لي حددو العرس بعد اسبوعين وابوي كان ناوي يعقد لك اسي ما استغربت طبعا بس هاجر ما كانت راضيه قالت لي اسي في داعي يحرجنا كدا قدام الناس اسي الناس يقولو  علينا شنو عرس ملتق كدا حايشكو  : انا ما فارق معاي يا هاجر خلاص اسكتي  : انتي مجنونه؟ ما كفايه طلقوك من راجلك غصب كمان يعملو لك عرس ذي دا بكرا حاتندمي اسي متين تجهزي نفسك امي في يوما بدت معاي اجراءات الحبسه وانا متألمه شديد بس مافيني قوه الزبير جاب لينا قروش بس وقال لامي جيبو اي حاجه لازماكم ولو القروش قصرت وروني مع انو عارف قروشو تعمل عرسين هاجر مشت مع امي اشترو الشنطه والريحه وغيرو وانا بعيني ما شفتهم جابو الشنطه مع العقد طبعا ولا في حفلات ولا اي حاجه ذي بيت البكاء حتى لمن حننوني من قلة الحماس زول هجج مافي زعردو بسيط بس وشغلو الجهاز صباح يوم العرس انا حسيت بالانا فيه قبل ما افوق من صدمتي في مازن تاني حااتورط مع الزبير انا حرفيا كرهت الحياه الزوجيه دي وكرهت الرجال ما عارفه اتصرف كيف مع الكائن دا ولا قادره اتقبل فكرة انو اليوم حايدخل علي صحباتي جو
ساقوني بيت الجيران جابو لينا الفطور هبشتو بس لمن الضهر قرب جات بنت اهلي بتعرف تمكيج واشتغلت فيني طبعا حاالبس توب بس ولا جدله ما جبناها اثناء  ما انا قاعده وبفكر سمعت صوت زغاريد والزبير جاء اتخيلو جاء براه كمان جارتنا كانت منزعجه بس هاجر قالت لهم هو القرر يجي براه وما عاوز اي راجل يشوف مرتو هو جاء نزل لي التوب لوشي وساقني غير ما يتكلم وحماهم يصورو اتحركنا على عربيتو طبعا ولا زينه مافيها وهو السايق ما فتح خشمو معاي لمن وصلنا استقبلونا ادونا عصير بعداك ودعت اهلي بالدموع والزبير ساقني العربيه وهنا وقفت ما قدرت اركب الا فتح لي الباب وقال لي اركبي ركبت واتحركنا صمت رهيب ما عارفاه ماشي على وين المهم هو ما شارع بيتهم معقول يكون موديني فندق ولا شقه؟  ما كنت قادره اسألو مشينا مسافه طويله والشوارع اختلطت علي وقق في حي هادي مافيه اصوات بس راقي قدام بوابه كبيره نزل ومشى فتح الباب بعداك دخل العربيه قرشا ونزل ولا فتح لي الباب زاتو طوالي شال الشنط واتوجه على جوا بعد دخلهم جاء دق لي القزاز نزلت ومشيت وراه اول ما دخلنا قفل الباب رفعت راسي عشان اتفرج على البيت بس حسيت بضربه قويه في
وشي اداني كف اقوى من حق المره الفاتت لمن قربت اقع قبل استوعبو تاني ضربني في الجهه التانيه قلعت عيوني
دا شنو العملتو دا  : دا الماقدر عمي يعملو من زمان والماكان عندي سلطه اعملو اهلك شكلهم نسو يأدبوك عاوزه امشي مسك  لي يدي بقوه ولزاني لمن وقعت في الارض طلع البدله وبقى يطلع في القاش انا بقيت ازحف لورا وخايفه خوف قلت له انت عاوز تعمل شنو ما تقرب مني
يتبع