في عرين الاسد

في عرين الاسد 6

#في_عرين_الأسد
#بقلمي  : #مشاعر_مبعثره
الحلقه (6)
رفع القاش ولما فيني ض*ر*ب في البدايه ما اتحركت بس لمن شفتو زايد في ال*ض*رب حاولت اجري وهو لاحقني محل ما امشي وبضرب في اي مكان حتى وشي شوه لي جسمي وانا اصرخ واترجاه
انت مدام شايفني واحده ما مؤدبه متزوجني ليه؟  عاوز مني شنو  : كمان بتسألي؟  فاكره العملتيه دا حايعدي كدا من غير حساب؟   :  ما انت البتحاسبني ليه اتزوجتني يا حيوان؟ اداني كف وهو بقول بنت عمي ومجبور استرك ومجبور كمان اأدبك اسي دي عمايل بنت ناس دي؟  ماشه تتزوجي في السر وتعيشي مع راجل ما قادر حتى يواجه بك زول؟  تقعدي معاه في السكن بتاع الطلبه زي بنات الشوارع؟  عاوزه تعمليها لينا موضه في العايله وكل واحده تمشي تكسر كلام اهلا وتعرس في السر عشان تجبر ينفذو لها الفي
بالا دا ما حايحصل انا حااخليك عبره لاي واحده تفكر بس تعمل كدا : انت انسان مريض وابوي انخدع فيك من زمان غايتك تزلني واحلف انك خططت لليوم دا من زمان لم فيني ضرب بدون وعي وهو بنبذ وبشاكل
حرام عليك كفايه انا غلطت واتعذبت مافي واحد فيكم ما عاقبني دا كلو كفاك ما كفايه كسرتي؟  : ما كفايه انتي ما اتكسرتي لسه بدليل انك لسه بترفعي راسك وتبرري بس انا الحااكسرك واحده زيك ما بتحس بقيمة الهي فيه دا الاتنكسر حتى تقدر تعيش انتي ما دمرتي نفسك بس لا دمرتينا كلنا وراك ابوك وامك واخوانك اتكسرو وانا اذيتيني للدرجه دي
بعد ضربني وفتر شال الشنطه جدعا لي في غرفه وجاء قال لي قومي امشي اندفني في الغرفه ديك وما اشوف وشك  : رجعني لأهلي مافي زول قال لك استرني اسي طلقني : اطلقك؟ ما محتاج اعمل كدا لا انتي مرتي ولا انا راجلك انتي لسه في فترة العده يا تافهه وزواجنا باطل من اساسو قلعت عيوني قال لي مالك مستغربه فاكراني ما عارف بعلاقتكم المقرفه ديك؟  : ما مامتزوجين؟ معناها قاعد معاي على اي اساس؟ رجعني
لأهلي  : وحاتقولي لهم شنو؟ ابوك فاكرك لسه بنت عشان كدا عقد لك : حتى ابوي غشيتو بس ما تحلم اقعد معاك  انا اسي حااكلمو مد لي تلفونو هاك كلميه وماتنسي توريه السبب قعدت ابكي قدر يضغط علي عشان عارفني ما بقدر اواجه ابوي بكلام ذي دا قعدت ازحف عديل لمن وصلت الغرفه ابكي مافي حته في جسمي هو ما ضربني فيها كلو بوجعني كلو بكب الدم ما قدرت انوم من شدة الالم وهو ولا هماه طلع ما عارفه مشى وين وانا قاعده جعانه وتعبانه للمغرب صلاه ما قدرت اقوم اصلي فضلت راقده ابكي وادعي  ربنا يغفر لي ويخلصني من الانا فيه دا ما اتوقعت العقاب يكون بالقساوه دي والزبير نفسو ما عارفاه جاب القسوه دي من وين يعني شايل في قلبو الوقت دا كلو وما حسسني بشي حتى اهلي ما اظن يكونو حسو انو دافنا لي دا النفاق بتجسد فيه يعني حااعيش عمري كلو مع الانسان المتوحش دا دا ما بفهم غير لغة الضرب وما بسمع غير صوتو في البدايه كنت متضايقه عشان مشاكلنا الزمان واسي اتضايق على شنو واخلي شنو هو حايعمل فيني شنو تاني ناوي يكسرني والانا فيه دا ما كسره؟ كسرة نفس والم جسدي دا شوهني وما خلى حته في جسمي سليمه حسيت اني ما قادره اسيطر
على نفسي ومنهاره غمضت عيوني وفتحتهم في نفس الحاله شلت نفسي بصعوبه ومشيت على شنطتي فتشت تلفوني ما لقيتو ياربي وقع وين؟ الغرفه مافيها حمام طلعت برا بقيت افتش على حمام لمن لقيتو دخلت استحميت مع الجروح كنت بصرخ عديل اتوضيت وطلعت لقيتو برا ولا رفع عينو علي اصلا مشيت صليت وقعدت ما عارفه هو قصدو شنو ما عندي نفس لأكل بس برضو هو ناوي يجوعني يعني؟ طلعت برا ما لقيتو بس حسيت بحركه في واحده من الغرف مشيت عليها كانت انيقه شديد وعفشا ما حصل شفت زيو والديكور والاضاءة رهيبه
انتي الجابك هنا شنو؟  : ما لقيت تلفوني  : قاعد عندي  مديت له يدي بنفاذ صبر قال لي  : ما بديك له  : انت فاكر نفسك شنو عاوز تسيطر علي يعني؟ ولا قصدك شنو حارمني اي حاجه كاتم نفسي عاوزني ام*و*ت يعني؟ : مافي زول ب*م*و*ت قبل يومو  : في اسباب وانت شغال على الاسباب دي  : ما هدي قاعده تتنفسي منعت منك الهواء؟  : الزبير انا جاده معاك العملتو معاي امس دا ما عمل انساني ومافي زول عاقل بعمل كدا ما عاوزني رجعني لأهلي بس عيشه ذي دي ما بقبل بها  :
بعد تخلصي عدتك نشوف البحصل  : بعد اخلص عدتي غصبا عنك بمشي بيت اهلي  : لو خلصتي كلامك اطلعي برا جريت رجولي وطلعت لاني سلفا عارفه الكلام معاه ما منو فايده عدى اليوم على كدا وهو ولا على بالو اما انا قربت اغمر من الجوع ما قدرت اتحمل طوالي مشيت المطبخ اتسحب عشان ما يشوفني ويمنعني لقيت اكل جاهز كبيتو وقعدت اكل لمن شبعت شربت لي عصير لقيت في الرف كيس فيه قطن وشاش ومعقم ومسكنات عرفتو جابهم لي  ما كلف نفسو يوديني المستشفى بعد العملو فيني دا المهم شلتهم ومشيت غرفتي عقمت الجروح القدرت اوصل لها صليت ونمت جاء دقا لي الباب فتحتو قال لي انتي دخلتي المطبخ؟ حسيت بقصه في حلقي سؤالو كان كفيل بانو يفتح لي عيوني يعني ممنوع اكل واشرب وممنوع اتعالج هو ب*م*و*ت فيني بالبطيئ قال لي في كيس في المطبخ ما لقيتو طوالي اديتو له شالو وطلع لاحظت لرجلو فيها ج*ر*ح*ه قلت له الزبير رجلك مالا؟ ولا اشتغل بي لا رد ولا وقف ولا اتلفت اصلا انا ما باقي لي الا اض*ر*ب*و الكريه هو قايلني فاضيه له؟ الصباح صحيت مشيت المطبخ عملت الشاي شربت كان في كيك جاهز اكلت منو وطلعت صادفتو
جاي من برا وشايل اكياس كتيره جيت اشيل معاه وقفني بحركة يدو ✋ غياظ شديد مشيت غرفتي زعلانه وحالفه ما اكل شويه كدا الباب دقا قمت بسرعه ماشه افتح بس هو جاء طالع وشكلو كان نايم قال لي ماشه وين طيري جوا ومشى فتح  كانت مرا شايلا اكياس حلاوه في يدا سلمت عليه سلام حار وهو مستنكرا قالت له انا جارتكم بجاي لمن حسيت بحركه في البيت عرفتو انسكن وشفتك امبارح لمن كنت جاي من الكوره ورجلك معوقه  : تسلمي
طبعا بارد وبايخ شديد قالت له انا ليلى ساكنه البيت الجنبكم طوالي  : اتشرفنا  : شرف الله مقدارك انت ساكن براك ولا شنو ولا بيت عزابه؟؟؟  : براي
انا جاتني عطسه ما قدرت اكتما وهي سمعتني قالت له عندك ضيوف ولا شنو  : انتي عاوزه حاجه؟  : لالا والله جيت اتعرف بيكم بس افتكرتو بيت اسره عاينت بطريقه غريبه هو انو فيها شك طوالي قال لها دي زوجتي عاين لي وانا جيت طالعه قلت لها اتفضلي حمر لي قالت له طيب مالك قلت عايش براك  : انتي قلتي براك ولا مع عزابه وانا قلت براي فهمتي؟ براي بمعنى انو ما بيت عزابه يعني انا واسرتي واتفضلي قال كدا
ومشى زهجان اما انا انبسطت لدرجه بعيده اخيرا اخيرا حاالاقي زول غير الزبير واطلع من الانا فيه دا بس دي ياها الحاتعوضني انشاءالله خمسه دقايق  كل يوم ما كعب قالت لي يا اختي قافلين نفسكم كدا ليه وما شغالين بزول وراجلك بتكلم من دون نفس  : عشان ما بعرفك بس والله هو طيب واجتماعي  : ظاهر  اها محبوسين مالكم ما تطلعو علينا عاينت للحنه قالت لي انتي عروس؟؟  : ايوا  : ما تقولي كدا طيب يعني طلعتو عرسان كرعلي عشان كدا الراجل شماني دا شنو العملتو دا كمان دخلت لجوا وقامت ماشه قلت لها لالا خليك ما مشكله  : ما مشكله كيف لكم كم يوم هنا؟  : من اتزوجنا يعني  قبل يومين  : لالا كان كدا اطرديني  : لالا عليك الله اقعدي شويه عشاني قعدت تضحك
خايفه منو ولا شنو؟ والله شكلو صعب راجلك دا بس سايريه انتو يداب بديتو حياتكم والإنطباع الأول مهم  : تمام طيب اقعدي افطري  : لالا مافي طريقه والله شغاله وجيت اعمل الفطور للراجل  : ياتو راجل؟  : راجلي يلا مع السلامه لو احتجتي اي حاجه كلميني  : اكلمك كيف  : تعالي بس بيتي جنبك هنا جيبي تلفونك اديك رقمي  : تلفوني تلفوني وقع وشاشتو انكسرت
دقائق اجيب ورقه وقلم مشي ما لقيت ورقه ولا قلم شلت قلمي حق العيون كتبتو في يدي وهي مستغربه كنت مبسوطه شديد ودعتا ومشت مع قفلة الباب الزبير جاء طالع جراني من يدي
انتي القال لك منو اطلعي؟ بتعرفيها من وين لمن تدخليها بيتي وتتونسي معاها وكمان عازماها فطور؟  : انت ما سمعت كلاما هي جارتنا الناس ما بتعيش براها لازم جار ونيس انا زهجت من البيت دا  : وعندك نفس تتكلمي كمان يا تافهة؟ ناسيه العملتيه الحاجات دي يفكرو فيها بنات الناس المحترمات اما الزيك ديل كفايه عليهم يندفنو جوا البيت يكفرو اغلاطهم  : كل مره تذكرني ليه ليه عملت شنو اصلو عاوز تحبسني يعني عشان الذنب دا حياتي كلها انت ما بتحس انت  ........ طوالي كفتني صوتك دا ما يعلى مفهوم؟ ولو الباب دا دقا اوعا تطلعي ولا تطلعي نفس فاهمه ولالا سكتت جاء مسك لي حنكي بقوه
ردي فاهمه ولالا  دمعتي نزلت وانا بقول له فاهمه طوالي فكاني ومشى غرفتو انا بالجد ما قادره اتأقلم
على الحياه دي والزله كل يوم كل لحظه بالجد ما قادره خليتو بعد طلع مشيت غرفتو افتش تلفوني عشان اتصل بليلى حسيت انو لازم احكي لها بالبحصل معاي فتشت اي مكان ما لقيتو طوالي فتحت الدولاب لقيتو في وشي شلتو ومشيت غرفتي كان قافل شلت شاحنو وجرت ختيتو عارفه انو ما حايجي بسرعه وصلت تلفوني وقعدت منتظراه يشحن شويه سمعت صوت برا خفت خوف قلت بكون هو جريت رجعت التلفون والشاحن وواقفه بس ما جاء داخل مشيت براحه فتحت الباب كان في مرا وراجل بتشاكلو في الشارع كانو واقفين قدام باب بيت  بعد نقاش طويل المرا جدعت له القروش في الارض ونبذتو نبذ كعب وهو بادلا نفس الشي بطني لمن قلبت ودخلت بسرعه رجعت التلفون الشاحن وفتحتو الشبكه كانت فاتحه اصلا وصلتني رسايل ردم ولمن شفت رقم مازن قلبي وجعني شديد مرسل لي قريب الالف رساله وريكوردات  فتحتهم اول رساله كانت يوم افترقنا بسبب الزبير  لاني من يوم المشكله قافله تلفوني
سمر حبيبتي انا اسف انا جيت الغرفه ما تتحركي من
مكانك سمر ردي علي عارفك فاتحه الشبكه عندي لك مفاجاءة بس ما بقدر اقولا لك
طبعا انا ما شفت الرسائل دي لاني كنت زعلانه منو وما فتحت الرسائل مع انو الشبكه فاتحه في اليوم البعدو مرسل لي سمر انا لازم اشوفك ضروري انا وريت ود عنك اني مستعد اتحمل المسؤوليه واعقد لك بس هو ماخد الموضوع تحدي شكلو عاوزك لنفسو اوعا تدقسي وتعرسيه انتي ما قاعده تردي مالك يا بنت ردي ياخ انا بحبك اموت لك يعني؟ انا غلطت والله لمن طلقتك بدون قصد خليني اصلح الغلط دا لازم اشوفك سمر سمر انا بتعذب يا بنت الناس ما عارف اهلك عملو معاك شنو انا بتألم والله عشانك وعشاني ما كنت عارف انو انا مجنون بحبك كدا
دي كلها تسجيلات وفي واحد ببكي فيه وبترجاني عديل قال لي خايف اجيك البيت اخرب عليك زياده
انا دموعي دي تاني ما وقفت انهرت عديل نفسي قرب يكتم اخر رسائل كانت قبل 3 ايام
سمر انا وريت اهلي خلاص خاصموني بس اسي ابوي وافق نصلح الغلط لو اهلك رضو جايين نطلبك من ابوك ما تزعلي نفسك تاني وما تبكي حبي حانكون مع بعض تاني
انا طوالي اتصلت به في جرس بس ما رد قربت ارمي التلفون المصيبه الاكبر انو الوقت سرقني لمن الزبير جاء ولقاني قاعده في الارض في نص الغرفه شايله التلفون في يدي وببكي ذي المجنونه
انتي عملتي شنو؟ عاينت له بغضب قال لي عملتي شنو يا حيوانه انا ما قلت لك ما تدخلي غرفتي؟ شلتي التلفون دا ليه؟ طوالي قمت فيه
ما عاوزني اعرف صح؟ يا تافه يا حاقد ما كنت عارفاك قلبك اسود كدا عملت لك شنو عشان تدمر حياتي كدا  مازن كان عاوز يجي يرجعني لزمتو تاني  بس انت منعتو انت متضرر في شنو يعني ليه واجعك الموضوع ليه عملت فينا كدا ليه اتزوجتني يا حاقد يا حسود بس همك تأذيني مبسوط كدا؟ هم اهلي ما عملو معاي الانت
عملتو دا  : انتي تستاهلي اكتر  : بكرهك بكرهك يالزبير ولو فاكر انو انا حااعيش معاك كدا تكون غلطان انا عرفت الحقيقه
فتحت له الرسائل كلها قلت له سامع؟ هو كان جاي ومعاه اهلو عشان يرجعني بس انت شلت مني التلفون  : فاكراه ما جاء يعني؟  قلعت عيوني قال لي انتي فاكرانا عاقباك براك وخليناه هو يعني يعرسك في السر ونحن نديك له؟ عشان تفضحونا بمشاكلكم  انكم تنفصلو دا اكبر عقاب لك وله  : مازن جاء بالجد؟  : ايوا جاء وابوك عمل معاهم اللازم ووراهم الاصول امك كانت عاوزه ترجعك له بس وين معقول كدا بالبساطه دي؟ ذي البنت الما عندا وليان؟ وعشان تبقي قدوه كعبه لاخواتك وغيرهم اي واحده تمشي تعمل عملتك دي وتخت اهلا قدام الامر الواقع؟  تكسر اهلا وتعيش مبسوطه؟  : وانت مالك انت ما عندك شغله بي انت قايل روحك منو؟ ولي امري؟  : ولي امرك كان ابوك وهو برضو كان عندو راي كان شايف انو واحد زيو ما حايحترمك بعدين ويعايرك بالعملتوه دا ويذكرك انك رخيصه عمرو ما حايخت فيك ثقه حتى اهلو حايحتقروك  : انتو مالكم بي انا عاوزه كدا انا قبلانه
خليه يحتقرني خليه يعمل العاوزو انا قبلانه على الاقل هو ما كان حايعمل فيني زيك كدا ما كنت حااعيش حياه اسواء من حياتي معاك دي  : ومنو القال لك انا خايفو يحتقرك انتي كلك ما بتهميني ابوك هو السبب فاهمه ودي الحياه البتناسبك  عشان كدا أيدت رأيو  : انت كان المفروض تقنعو مازن من البدايه قال لك بتحمل المسؤوليه وارجعا بكرامتا ليه رفضت  : لأنكم ما بتستاهلو  بعض  : انت شايفني ما بستاهلو صح واستاهل منو طيب انت؟ انت عملت دا كلو عشان اتزوجك انت؟ قعدت اضحك وقلت له ما تحلم ابقى لك مرا انا مستعده ام*و*ت ولا اكون معاك طوالي ض*ر*ب*ن*ي
حيوانه انتي؟ : مالك زعلت عشان عرفت حقيقتك؟ انت مش كنت مسافر الخلاك تقعد شنو لمن تفتشني وتلقاني انت بالذات ويحصل دا كلو لمن تتزوجني في النهايه  مش الموضوع داك محتاج وقفه؟  : انتي شايفه انك بتستحقي اعذب نفسي كدا واخطط عشانك؟  مسكينه انا ما عندي فيك اي رغبه وحتى وانتي قاعده قدامي كدا بالغلط ما حصل فكرت فيك كمرا ولا بتجذبيني قررت اعقد عليك لمن حسيت انو ابوك ممكن يلين
ويستجيب لرغبة الحيوان دا ويرجعك له بسهوله تكوني وصلتي للإنتي عاوزاه ابوك حتى نظراتو كانت بتوحى لانو عاوزني اعمل كدا وانقذو عشان كدا طلبتك اما الفي بالك دا انسيه في اللحظه ديك التلفون رن كان مازن
يتبع