في عرين الاسد

في عرين الاسد 7

#في_عرين_الأسد
#بقلمي  : #مشاعر_مبعثره
الحلقه ( 7)
طوالي الزبير شالو دقا به الحيطه وض*ر*ب*ن*ي لمن فتر قال لي تاني من الغرفه دي ما بتطلعي يا كلبه قعدت ابكي للصباح فقدت الامل الامل في الحياه وخلاص مقرره انتحر سمعت صوت جوطه شديده برا والشباك كان بعيد مني شلت الكرسي ووركبت فيه
نفس المرا الامس والمره دي بتتشاكل مع ليلى ليلى مدت يدها عليها وبقو يتضاربو التياب دي وقعت ومنظرهم كعب كعب الشارع فااااضي وفي ناس بعاينو من ورا الابواب بس وانا لو ما مقفوله هنا كان مشيت عليهم منظرهم استفزاني فجاءة اشوف لك الزبير ماشي عليهم نهرهم ولسه ماسكين في بعض طوالي رفع له خرطوش من الارض
تتلمو ولا اتصرف معاكم بطريقه تانيه ماشايفين منظركم كيف نسوان كبار كدا وتتضاربو في الشارع قدام الناس ياخ استرو نفسكم تيابكم مرميه في الارض ما عندكم وليان انتو؟ ليلى خجلت رفعت توبا وديك بتتفاصح لسه قالت له اي بنتضارب انت مالك وشايل الخرطوش دا لمنو  : لك انتي دي  : كدي جرب اضربني عليك الله مالي اتشاكلت جوا بيتك رفع الخرطوش وماشي لها لمن اتسدت في ليلى  قال لها امشي اتشاكلي جوا بيتك وموتي زاتو شوفي لو بسألك لكن تجي تتضاربي لي جنب بابي واتكوركي والله اضربك واطلع عينك  ليلى لزتا  خافت وقالت له  والله تمد يدك علي افتح فيك بلاغ  : امشي طوالي افتحيه انا زاتي عاوز
كدا عشان البيوت المانافعه دي تتقفل ونرتاح من الناس المابتشبهنا في الحي دا ليلى اعتزرت منو خجلت شديد ومشت اما المرا ديك وشا بقا الوان كلامو شكلو هبشا بعداك الناس اتلمو بقيت ما شايفه كويس فجأة سمعت صوت الباب انخلعت خلعه عاوزه انزل الكرسي وقع بي وحسيت براسي ب*ض*رب بحاجه قويه الزبير قام جاري مع الصوت رفعني راسي كان كابي د*م ويدي ما حاسه بها لبسني عبايه وطرحه ورفعني بالعربيه كنت متألمه شديد وهو سايق بسرعه وصلنا المستشفى راسي ماكان فيه حاجه بس ض*رب*ه سطحيه عقموها لي اما يدي اتكسرت كان واضح أثار ال*ض*ر*ب  الأمس والقبلها قال لهم وقعت من السلم طلبو اورنيك مشى طلعو جبرو لي يدي ورجعنا متاخرين بعد اشترى لي الادويه جاب لي فواكه وحاجات كتيره العملو دا كلو ما غير نظرتي له ولا غفر له العملو فينا انا ومازن وراني زمن الادويه وعمل لي عصير واشترى اكل جاهز بعداك طلع انا نمت لمن جاء لقى اي حاجه في مكانا الصباح تاني جاء جاب لي الشاي وشال الحاجات الامس حتى الادويه ما لمستا عدو يومين بنفس النمط انا حرفيا تعبت شديد وبقيت مل بقدر اتحرك اما هو ما وقف البعملو كل يوم بجيب لي الاكل والعصير والادويه
وبنضف لي الج*ر*و*ح اليوم البعدو خت لي الصينييه وكان فيها تفاحه وس*ك*ي*ن قال لي عاوزه ت*ن*ت*ح*ر*ي صح؟  انتي ما مضطره تجوعي نفسك كدا وت*م*و*تي بالبطيئ ولا شايفه انو دا ما ان*ت*ح*ا*ر؟ انتي كل يوم بتبعدي عن ربنا اكتر صلاة ما قاعد اشوفك بتصلي ورغم الذنوب العملتيها ما شفتك بتقري قرأن ولا بتدعي ربنا يهديك ويغفر لك ما حصل شفتك بتبكي في مصلايه حسابك تقل وانتي حره بعد دا لو عاوزه تموتي ما تنتظري اكتر من كدا هدي ال*س*ك*ي*ن اسرع لك  : رجعني لأهلي عاوزه ام*و*ت هناك : انتي م*وت*ي بس وما عليك بعدا انا بقوم بالواجب وما بوصلك لهم الا مكفنه وجاهره كلامو كان فيه ت*ع*ن*ي*ف شديد وفي نفس الوقت تشجييع هو بعرف كيف يوصل الحاجه الهو عاوزه من غير ما يصرح او يحسسني بعاطفه بس انا فاهماه كويس وما حااخليه يتحكم فيني تاني ما حاابكي له ولا حافضل اسيرتو شلت السكين قشرت التفاحه قطعتا واكلتا وشربت العصير طلعت مشيت الحمام استحميت غيرت وجيت طالعه مشيت المطبخ لقيتو قاعد قال لي في اكل في الغرفه قمتي ليه؟  : ماعاوزه اكل جاهز بطبخ براي قال لي راحتك كان مستغرب وانخلع عديل
اول ما شافني التلاجه ما كان فيها حاجه كدا بتنطبخ لانو اكلنا كلو جاهز عملت لي بيض بس اكلتو ورجعت اخدت حبوبي ونمت تاني يوم نفس الشي بس لقيتو ملى التلاجه طبخت اكلت وخليت له طلعت اقعد في الصاله لقيتو بياكل في فطاير قلت له على فكره ما مضطره تشتري اكل جاهز انا طبخت لك لاني ما حاقده زيك واطمن ما فيه س*م  : انا الماعاوز اكل حاجه منك ما تعملي اي حاجه عشاني  : والله هو ما عشان انت الزبير انا عملت كدا بحسن نيه حتى الحيوان بدوه مويه واكل حسيتو زعل بس ما رد مشيت وجيت تاني طالعه قلت ما بتحبس عشانو جيت طالعه قعدت وفتحت التلفزيون هو ما كان مركز معاي لمن عاين لي انخلع ونهرني يا بنت هوي امشي البسي لك حاجه انتي قاعده براك هنا؟ : البس توب في بيتي؟  : يازوله ما تكتري معاي انا ماعاوز قلة ادب دا لقيتي جديد كمان؟  : ما بلبسو مش انت عامل فيها راجلي  : ما راجلك يا حيوانه نحن ما متزوجين اصلا  : وانا ما بكتم نفسي في البيت انت غمض عيونك لو متضايق لو قام بقيت ما شغاله به كتير وجودو ذي عدمو حتى لو شاكلني بتجنبو عشان ما يرجع يضربني تاني وانا المتضرره  في النهايه ماهو
الباب دقا طوالي خشيت جوا ذي ما هو طلب بس هو نهائي ما فتح كانت ليلى وتاني يوم برضو جات دقت الباب ولا ولا عبرا لحدي ما لاقتو يوم في الشارع وقالت له جيت اعتزر من الحصل اليوم داك والازعاج السببناه لك  : ما مشكله حصل خير  : انا ما كدا والله يا الزبير انا مرا شغاله نص يومي بطلع من الصباح قبل راجلي وبرجع افطرو : مالو عيان : لا بس شغلو بالمساء المهم المرا الباطله دي جارتنا وقالت لي كلام ما ياهو عن راجلي ونبذتتي  : وانتي متأكده انو الكلام ما ياهو؟  : ايوا متأكده عارفه راجلي انا  : تمام  : المهم انا اسفه جيتكم كم مره بس الظاهر انكم ما سمعتو الباب  : ايوا مع المكيف والتلفزيون  : والله نسيت زاتو انكم عرسان اها العروس كيف  : كويسه الحمدلله  : شالت رقمي وقالت لي بدق لك ممكن تديني رقما عليك الله؟  : والله تلفونا وقع وانكسرت شاشتو  : يا سلاااان  مرات بكون عاوزه اسلم عليها و هو طوالي اداها رقمو ومشى طبعا ما برد لمن تتصل المهم عدينا فترة شهر العسل الكان كلو ضرب ونقاشات ورجعنا البيت البيت مشينا بيت اهلو اول حاجه وض*ب*ح*و لينا طبعا استغربو من شكلي الزابل ويدي المكسوره قال لهم وقعت من السلم
بعداك مشينا بيتنا اهلي استغبلونا برضو بض*ب*ي*ح*ه ابوي واخواني سلمو علي عادي بس امي وهاجر كانو مشتاقين لي شديد
خوفتينا عليك شديد عمل فيك شنو الراجل دا قعدت تكورك لمن ابوي جاء قال ما عاوز يسمع صوت
صحي وقعتي من السلم؟  : لا من الكرسي  : والركبك الكرسي شنو : كنت بعاين بالشباك امي انتو دا شنو العملتو فيني دا  : عملنا شنو يعني غير سترناك  : ستره؟ والله انا كنت مستوره مع راجلي بس انتو الجيتو كشفتو حالي دفنتوني بعد ما عرستوني لو احد ما برحم دي ما وقعة سلم يا امي دا ضرب عايني كويس ض*ر*ب*ن*ي من اول يوم ض*ر*ب*ن*ي في اي مكان حتى وشي وشال مني تلفوني حبسني في غرفه واحده ما خلى كلمه قبيحه ما قالا لي انتو وقت ما قادرين تسامحوني كنتو ت*ق*ت*ل*و*ن*ي بس وتريحو راسكم ابوي قال لي تستاهلي ي*ض*ر*ب*ك يعني عاوزاه يستقبلك كدا ببساطه بعد العملتيه؟ قعدت ابكي وامي وهاجر يبكو معاي الزبير جاء يسوقني قلت
له ما ماشه معاك تاني اي مكان  : يا بنت ما تقوي راسك واتحركي يلا معاي  : ماماشه طير مني طوالي ابوي كفتني قال لي ولا على كيفك تمشي مع راجلك قاعده هنا عندك شنو يلا قومي  امي قالت له عليك الله خليها بس الليله من مشت ما شفناها ولا عارفين حاجه عنها ما قدرنا حتى نتكلم  معاها لانو تلفونا مقفول والزبير ما برد عاين يدا مكسوره عليك الله خليها معانا نراعيها  : ما بخليها بعد دا الكلمه لراجلا وهو قال تمشي معاه  : يا ولدي عليك عليك الله خليها معانا الليله  : خلاص يا عمو خليها بكرا بجي اسوقا  : عاوز تمشي كلاما يعني؟؟  : انا مافي زول بمشي كلامو علي بس انا اصلا ماماشي البيت وكنت ناوي اوديها بيت اهلي بس مدام امها اصرت هنا افضل لها يلا تصبحو على خير ومشى على كدا انا مشيت الغرفه وقفلت نفسي امي دقت لي الباب ما فتحت جاء ذكي اخوي ض*ر*ب*و شديد وبشاكل الل امي جات جابت مفتاح اسبير فتحتو
انتي قصدك شنو يعني معذبانا كدا قايله روحك شنو عاوز ي*ض*رب*ني الا ابوي مسكو قال له امشي من هنا خلاص وما تتدخل اي حاجه ض*ر*ب هو قالك؟  :
خليه يا ابوي وانت زاتك اض*ر*ب*ن*ي ماحااتأل*م لاني اتعودت  : لو كنتي متعوده ما كان وصلتي لهنا طوالي طلعت التوب قلت له بسببو يدي اتكسرت وقبلها كم مره اتألمت من ض*ر*ب*و كم مره نمت على الارض وانا ماقادره اصل السرير زحفت  من شدة الا"ل*م عشان أصل للحمام كم صلاه فوتها بسبب اني ما قادره اتحرك كم مره بيتت جعانه كم دمعه ودمعه ولمن جيت شكيت لكم زول يقيف معاي ماف وماعاوزني  في البيت ما عاوزني حتى ان*ت*ح*ر وارتاح انا حامشي يابوي مع الزبير ذي ما إنت عاوز وترتاحو مني لأخر عمركم انا تاني لو جيتكم لو تاني اشتكيت لكم اتاكدو انو دي ما انا امي طبعا قربت تصدم من الحسره وابوي دا حسيتو اتأثر وما قبلان بتصرف الزبير بس ما عاوز يحسسني قلت له هو ما كان في داعي يتنافق ما كان مجبور يقبل بي وهو عندو نوايا خفيه كان يبقى واضح  مش يمثل عليكم انو شفقان علي ومسامحني وبعدين يقلب شيطان ذكي قال لي مهما كان انتي ما من حقك تلوميه لانو بسببك خسر حاجات كتيره وغير منحنى حياتو حاجات كتيره كان مخطط لها اتلغت بسببك سترك رضيتي ولا ابيتي واستحملي بس لمن غضبو يهداء  قلت له انتو ما عملتو كدا عشان تستروني لاني
ما محتاجه ستره انتو هدفكم بس ما ارجع لمازن  انا بعترف بغلطي بس ابدا ما ندمانه لاني ما عملت حاجه حرام ابوي مد يدو يكفتني بس اتراجع قال لي انتي الكلام معاك خساره ومشو كلهم قعدت معاي هاجر
انتو جبرتوه يعرسني صح؟ عشان كدا بنتقم مني  : مافي اي زول جبرو هو الطلبك : وليه ابوي ماخلى مازن يرجعني :  مازن لمن جاء يرجعك يا سمر اخوانك ما قصرو فيهو بس ما رد حتى ابوهو كان خجلان ومغلطو ابوه محترم شديد وجابو عشان يسترك و يسوقك عروس من هنا بس ابوي ما كان راضي عشان عارف عرس ذي دا انتي حاتعاني منو بعدين والزبير قال له بتنا ما محتاجه زول زيك يسترا ابوي قال له ما تفتكر نفسك بتضغط علينا كدا وتجبرنا بنتي نضيفه واسي عادي تتزوج
هنا انا قلعت عيوني اكيد مازن ماقدر يوريهم بالعلاقه الحصلت بيننا عشان ما يعملو فيني حاجه بس الزبير عارف وعارف انو  بعد ابوي رفض اخر راجل ممكن يسترني انا انفضحت وانتهيت عشان كدا طلبني
مشيتي وين يا سمر  : والزبير البخليه يطلبني شنو  : عشان يطلع من ابوي من الموقف الاتختا فيه هو ما عاوزك تتزوجي مازن وخايف بعد رفضو ترجعو تتزوجو تاني في السر وتهربو عشان كدا احتار شديد وقرب يوافق بس الزبير في الوقت داك طلعو من الحيره وبزواجو منك ضمن انو انتي ومازن ما حاترجعو  : عشاني ما عشان نفسو
انا أيقنت تمام انو كلام مازن صح ✅ ميه الميه الزبير عاوز كدا وخطط له وفي النهايه حصل على العاوزو وكمان عامل لي نفسو مجبور وما معترف بزواجنا وهو كذب وخطط بس عشان يتزوجني  بس انا حااندمو على الشي دا هاجر قالت لي عشان نفسو كيف دا عشانك اجلو سفرو وخلى حبيبتو  : حبيبتو؟  : ايوا عبير البنت الكان عاوز يتزوجا والبسببا غشوه وقالو له بنعرس لك سمر خلاها وعرسك انتي في الم أكبر من كدل في الم اكبر من انو هي تحاول ت*ن*ت*ح*ر عشان خلاها كان كل يوم بجي يزورا في المستشفى وبكرر اعتزارو منها هي واهلا لانو مشى لهم عديل وكان ناوي يخطبا هي مرقده في المستشفي الشغاله فيها
ترينينغ
غمضت عيوني بعد سمعت الكلام دا وبقيت ما فاهمه حاجه ما عارفه ازعل ولا افرح واشمت فيه نمت وصحيت بصوت امي قومي اشربي الشاي راجلك جاء ومنتظرك برا مافي اقسى من كدا طبعا تاني حاارجع للسجن والجلاد مشيت بكسل وصليت وشربت الشاي وجيت وقفت له ابوي قال لي ما شايفانا بنتكلم؟ امشي اقعدي لمن يناديك وتمشو  خلي مستعجله كدا امس ما قلتي ما ماشه  :  اصلا كنت قايم يلا يا سمر  :  مافي داعي تمثل قدامهم وتعمل نفسك بتعاملني كويس هم عارفين اي حاجه فشنو خليك نورمال حسيتو حاينفجر من الزعل ابوي شاكلني
قلة ادبك دي ياها الجايبه لك المصايب انا والله ما عارف البنت دي مالا تقول دي ما ياها سمر بنتي البعرفا  :  انتو اصلا ما كنتو بتعرفوني  : امشي يا بنت ما تخليني اتهور واض*ر*ب*ك  :  ما تنفعل يا ابوي خلاص انا اسفه دي حاتكون اخر مره اشتبك معاكم اخر مره لأي حاجه مني وطلعت قدام الزبير
ذي ما وريتك يا ولدي البنت دي فهمت غلطا خلاص ومافي حاجه نحن ما عملناها ن*ق*ت*لا يعني؟؟  ماهي في النهايه لحمنا ودمنا انا بالنسبه لي مش لو غلطت لو ق*ت*ل*ت زاتو ما بقدر اقسى عليها اكتر من كدا والحمدلله هي ما عملت حاجه حرام انت بنفسك هديتني ناحيتا  :  خير يا عمو  :  هي في مرحله  صعبه وحاسه اننا ظلمناها عشان كدا حاتعاند وتطول لسانا ذي ما عملت لي اسي و انا  ابوها بس حاليا انت زوجها وكل الصلاحيه لك بس لو سمحت يا ولدي ما ت*ض*ر*با تاني اي حاجه مسموحه ولا ال*ض*ر*ب دي انسانه والانسان ربنا كرمو نجي نحن نزلو؟  : انشاءالله  : خلي بالك منها
الزبير طالع وباين عليه زعلان من ال*ت*ع*ن*ي*ف الحصل له وشكلو ابوي فاتح معاه الموضوع من جاء وحزرو المهم اتحركنا وهو طول الطريق بتعمد يستفزني ويضاييقني عشان اناقشو ويلقى سبب يشاكلني ولا ي*ض*ر*ب*ن*ي بس ما اشتغلت به ولا بعاين له زاتو من وصلنا مشيت غرفتي طويل وكملت نومتي القطعتا لي امي بسببو صحيت لقيتو مافي ولاخر الليل ما جاء
قلقت شديد مع انو ما بستحق بس لاني مربوطه به ولو حصل له شي بتأثر المشكله تلفون ما عندي ولا عندي رقمو اصلا اتذكرت ليلى ووصف بيتا مشيت دقيت الباب مافتحو لي بعد عاوزه امشي سمعت صوت رجول بتتجرجر والباب فتح نفس الراجل الشفتو بتشاكل من المرا الاتضاربت مع ليلى اتوترت لمن شفتو قلت له شكلي غلطت في البيت  :  عاوزه منو انتي؟ :  ليلى  : ياهو بيتا  : ايوااا انا اسفه على الازعاج بس هي الوصفت لي قلت لنفسي يعني دا ياهو راجلا العاملا لي به هيصه سبحان الله دا القاتلا نفسا بالشغل عشانو وبتدلعو كمان غير كدا شكلو ما مستقيم لانو لمن شفتو مع المرا ديك كلامو كعب قال لي خير ليلى دي في الشغل  : ايواا  : اتفضلي  : لالالاشكرا ماشه  : اقول لها منو؟  : سمر جارتكم الجديده  : ايوااا زوجة الزبير  : ايوا  : العرسان لالا ماشاءالله الف مبروك : الله ما ضراك تسلم عاوزه امشي تاني وقفت ما انا اصلا هدفي اتصل اشوف الحيوان دا مالو ما رجع المهم حكيت له قال لي اديني رقمو اتصل لك به خفت اديه رقم الزبير يقوم يعمل لي موضوع غير كدا انا ما حافظه رقمو اصلا الا اتصل بهاجر تجيبو لي وطبعا مستحيل اتصل بها برقم الحيوان دا قلت له ممكن تتصل بليلى وتديني لها  :
ابشري دقيقة اجيب التلفون ولا اقول لك اتفضلي  : لالا ما مشكله  : تقيفي كدا في الباب : مرتاحه كدا مشى جاب تلفونو ودقا لي لليلي وريتا بالحصل وعاوزه امليها رقم هاجر قالت لي عندي رقمو هو اداني له لمن طلبت منو رقمك بس ما قاعد يرد لي انتي وحظك لو رد برجع لك  : تمام
والله ما حلوه وقفتك في الباب كدا ادخلي  : مرتك مافي ادخل كيف وبعدين انا ما شاكيه من الوقفه : راحتك اثناء ما انا واقفه بس اشوف لك عربية الزبير جايه واظنو شافني جاني عديييييييل
يتبع