في عرين الاسد

في عرين الاسد 8

#في_عرين_الأسد
#بقلمي  :  #مشاعر_مبعثره
الحلقه (8)
بتعملي في شنو هنا؟  قبل ارد طوالي كفتني وبدا ينبذ والله دا الكان ناقص وقفه في الشارع مع الرجل الذي ديل  :  يا اخو انت فاهم غلط طوالي ض*ر*ب*و هو زاتو وما خلاه يشرح له حاولت احجزهم قام جراني لحدي البيت وانا الخوف ق*ات*ل*ن*ي حايعمل فيني شنو جريت على الغرفه  وقفلتا وهو ي*ض*ر*ب في الباب
والله العظيم ما تفتحي الباب دا اح*ر*ق*ك جوا اصلا واحده زيك متوقع منها كدا خلاص عرفتي درب الرجال وبقيتي تقابضي كمان بتمشي له في البيت يا تافهه؟   : ما مشيت له انا مشيت لليلى  :  وتمشي لها ليه؟  انا ما حزرتك ما تطلعي من البيت دا ماشه لها شنو وانتي عارفاها في الشغل ما تنكري انك ماشه لراجلا  :  انا ما بسمح لك تهينني بالطريقه دي انا لو عاوزه اعمل معاه حاجه ما بعملا في الشارع قدام الباب  : قولي اتقبضتي
قبل تدخلي انتي ماضيك يشهد انا طوالي فتحت الباب وطلعت  قلت له ما خجلانه من اي حاجه عملتا في الماضي لاني ما عملت حاجه حرام انا سكتت لك كتير بس انت كترتا اصلا واحده تعيش معاك تاني تاني ما حايكون عندا نفس في راجل تاني لانك براك تسد النفس بسببك كرهتهم كلهم طوالي ض*ر*ب*ن*ي في اللحظه ديك تلفونو رن رن كتير وهو ما شغال به بعداك جات ليلى مع راجلا الباب كان فاتح دخلو طوالي وهو هايج ما عاوز يهداء
يا ولد الناس اهداء عشان تفهم انا من قبيل بتصل بك مرتك الشغال ت*ض*ر*ب فيها دي قلقت عليك لانك اتأخرت وهي ما عندا تلفون لانو حضرتك ما جبتا لها قامت جاتني البيت وما لقتني كان زوجي موجود دقت لي من تلفونو عشان تتحاشاك وانا اتصلت بك من ورتني بس انت ما رديت طلعت من شغلي وركبت جاياها شوف تلفونك شوف كمية المكالمات والرسائل بتاعتي وتاريخا كمان بعداك هو طلع وبدر الدين وراه وهي دخلت معاي جوا
ما تبكي خلاص راجلك دا شكلو بغير شديد  :  دا واحد
شكاك وتافه اديني تلفونك لو سمحتي كنت عاوزه اتصل بأهلي واوريهم انو شكا فيني بس اتذكرت موقفهم معاي واتراجعت قعدت ابكي وهي عملت لي عصير وغسلت لي وشي
سمر بصراحه دي اول مره ي*ض*ر*ب*ك؟  :  ايوا  : ويدك الكسرا شنو كمان في أثار ضرب في يدك و  ........   :  دا من الوقعه لمن كنت بتفرج عليكم بالشباك انتي والمرا ديك  :  ايواااا بس اسمعيني  اسي دي لو ما اعتزر لك اوعك تدي وش ازعلي واخدي موقف لانو لو عودتيه ما حاترتاحي تاني وهو كل ما يحصل شي تاني ب*ض*ر*ب*ك وحايكون ال*ض*ر*ب حلو الوحيد لمشاكلكم لقدام وحايلغي شخصيتك وتتعثر الحياه بينكم لازم تحزمي الموضوع دا اسي في يومو فهمتي؟؟  هي ما عارفه انو لغى شخصيتي من زمان واسرتي خاضعه له
اسمعي؟ : ايوا  : الليله اوعك تديه وش فاهمه؟ ولا تنومي معاه ولا تخليه يقرب منك استمري كدا لحدي ما
تحسي انك ادبتيه وانو ندم فعلا انشاءالله تعدي شهر كدا فهمتي؟  ابتسمت لها في يأس وقلت لها فهمت بعداك هم مشو وانا قفلت علي الباب جاء رزعو لي فتحت عيوني بسرعه لمن هو استغرب قلت نعم من غير ما ارفع راسي قال لي انا مش نبهتك قبل كدا وحزرتك ما تطلعي من البيت : وطلعت وحصل الحصل وانت ما قصرت اسي لو عاوز تكمل ما عندي مشكله اضرب : انا ما حيوان عشان تقولي لي كدا وما حصل ضربتك من غير سبب انتي البتجيبيه لنفسك ابتسمت له بسخريه شكلا استفزتو قال لي طلعتي لشنو  : ليلى حكت لك الحصل ولو ما مصدقا صدق الفي بالك جاء وقف قدامي الفي بالي انتي عارفاه شنو؟  :  انا فعلا لو عارفاك بتتصرف كدا ما طلعتا الموضوع ما مستاهل ترجع متأخر ما ترجع تتحرق انا عاوزه شنو أحسن من كدا اصلا طوالي مشا وبقيت حاسه بحركة رجلينو ماشي وجاي وبرا في النهايه جاء دقا لي الباب قال لي انتي بتقفلي الباب دا لشنو  : عشان اخد راحتي بعد كتمت نفسي برا  : قومي ختي العشاء عاينت له باستغراب وقلت له من متين قاعد تاكل حاجه من البيت ولا بتطلب حاجه مني  : بطلب دا واجبك  :  تمام بس اطلب  : الاكل جاهز في الاكياس ختيه وخلي
لنفسك  : انا ما جعانه
مشيت ختيت له قال عاوز عصير برضو جاهز في التلاجه جبتو له بعداك مشيت نمت استمرينا على الحال دا كم يوم اي زول عايش في عالمو وهو اسلوبو ما غيرو شتم وضرب لمن مرضت تعبت شديد الباكلو بستفرغو مانعني من اهلي وشايل تلفونو هم جوني مره واحده ما خلاهم يقعدو براحتهم يعني مديهم احساس ما حابي جيتكم ولا عاوزكم في بيتي اكل ما اكل معاهم ولا قعد معاهم بس سلم ومشى غرفتو واكل فيها براه هم طوالي مشو تاني ما كرروها الا امي البتجيني مرات في غيابو اما اهلو لمن يجو بخليني اشتغل لهم حبشيه لمن روحي طلعت