في عرين الاسد

في عرين الاسد 10

#في_عرين_الاسد
#بقلمي  :  #مشاعر_مبعثره
الحلقه  (10)
شكلو الزبير كان مريحك وما مخليك تشتغلي حاجه بس غريبه هنا هو البطلب منك تشتغلي  حتى حنتك خلاك تغسليها لينه  : عادي عاينت لي وقالت لي الاتنين طلعتو من الغرفه مستحمين ومغيرين ما شينه منكم عملتو الفيلم دا كلو عشان تمشو الغرفه في وضح النهار والبيت مليان ضيوف : ما بخصك : كمان بقيتي لميضه مشيت خليتا طوالي لقيت عمتو فاطمه في المطبخ عاينت لي
الزبير قومك من الحنه صح؟ : لالا قمت براي امشي يا عمتي ارتاحي شويه عليك الله وما تشتغلي  : بس الشغل دا كتير عليك  : خليني اشتغل بس كدا احسن  : سمر  : انتي ما قاعده تساعديني كدا بالعكس بتزيديها علي يا عمتي والله العظيم وعيوني رغرغت😢  قالت لي شاكلك؟  : ما عمل لي شي  : كل ما احاول  اساعدك
اسبب لك مشكله الولد دا الله يديه بس عاينت لوشي محمر ويدي برضو  قالت لي ضربك؟  : ما ضربني  : ليه بتضاري له؟ انا عارفاه ضربك انا طوالي طلعت منها الدنيا كلها عارفاه بضربني هو خلاص بقاني مسخره ومضحكه للناس الله ينتقم منو المهم بعد خلصت شغلي مشيت قعدت مع البنات  كلهم كانو متلمين يتصورو مع صابرين وسندس قالت لها برسلا للعريس كانو قاعدين كلهم يتونسو ويضحكو واي واحده بتحكي بأيام عرسا او خطوبتا ويتفرجو في الصور والفيديوهات اخواتي وبنات اعمامي وعماتي وكل الاهل والصحبات ما عدا انا ولا عندي صور عرس ولا خطوبه ولا حتى زكريات كلو كان زعل ودموع وضرب حااشارك بشنو غير دموعي دي صابرين قالت لي تعالي طلعي لي الحنه  لمن قعدت جنبها قالت لي عبير صاحبة سندس عشان كدا جات اتحملي بس الفتره دي عشاني  : ما عندي مشكله معاها طلعت برا شفت الزبير وعبير واقفين مع بعض قربت اموت من الزعل وهي شافتني كمان غمزت لي عاوزه امشي قالت لي اقيفي يا سمر الزبير قال لها عاوزه شنو  : انت ليه بترد عنها اطمن انا ما حااكلا لك وجاتني قلت لها عبير بيني وبينك مافي اي حاجه مشتركه والزبير دا اخر اهتماماتي هداك قدامك اتفضليه بس
ابعدي مني ما ناقصاك  : فعلا انتي كفايه عليك شغل البيت اصلا دي عواقب انك تعرسي واحد ما بحبك وتجبريه يعيش معاك حاينفر منك ويخليك تنومي برا في الكرسي قلعت عيوني دي الوراها منو عارفه اي تفصيله بتخص حياتنا الشخصيه معقول يكون حكى لها قلت لها عاوزه شنو اسي  : ولا شي كفاي العندي قايلاني حاارجع له بالساهل كدا ما كفايه المبررات القاعد يقدما لي دي انا لو ما خليتو يحس بنفس الألم السببو لي ما برجع له عشان يعرف قيمتي ما برخص له نفسي زيك كدا  انا راسي قرب ينفجر من التفكير يعني هو حكى لها تفاصيل حياتنا وقدما لها مبررات عشان تقبل به؟ يعني بثبت لها انو ما عاوزني طيب ليه ما عاوزه يطلقني دا انتقام شنو دا قاسي كدا انا ما عارفه وصلت الغرفه كيف بترنح عديل من التعب واليوم كلو ما دخلت حاجه لبطني نمت وما عارفاه جاء متين  صحيت ماشه الحمام لقيت حيلي ما شايلني وقلبي بقى بدق بسرعه ما قدرت اتنفس وقفت في الباب ما قادره افتحو والدنيا مدوره بي عاوزه اقع وجسمي مال لورا بس حسيت اني انتكلت في حاجه كبيره وسمعت صوتو مالك  عاوزه ازح منو مسكني قال لي حاسه بشنو : ماشه الحمام فكني : طيب دقيقه فتح الباب
ودخلني قال لي بعد تخلصي ناديني خلصت وجيت طالعه قال لي انا ما قلت لك ناديني  : ما محتاجه مساعده منك  : دا ما وقت عنادك اسي  : زح مني طبعا جسمي هابط ما قادره امشي عديل هو من غير ما يشاورني شالني ورقدني في السرير طلع عبايه من الدولاب قال لي البسي بسرعه اوديك المستشفى  : ما ماشه : ما تخليني اسوقك غصبا عنك انتي بس عاوزه تعذبيني وخلاص  : انا ما عندي حاجه  : انتي مشي ما قادره تمشي البسي بسرعه مشى يغير ملابسو قلت له ما اكلت حاجه من الصباح دا السبب ما اكتر قال لي وليه ما اكلتي سكتت مشى المطبخ لقى صابرين بتعمل في شاي  قالت له عاوز حاجه؟  :  عصير  :  بعملو لك  :  لالا ما تتعبي نفسك حابي اعملو براي  :  معقوله وانا قاعده  عملت العصير وهو كب اكل في صينيه وجاء شايلهم خلاني اكلت غصبا عني 
كملي الباقي دا عشان تشربي العصير  : لو اكلت تاني بستفرغ  : ما مشكله استفرغي وتاني اكلي  : ماعاوزه  : ما تخليني اجبرك  : ما حاتجبرني اكل طوالي خت الاكل في خشمي طلعتو تاني اداني ونهرني اقسم باالله تاني ترمي النعمه بالصوره دي اضربك  : اي حاجه عندك
ضرب  : ايوا ما تاكلي بضربك رفعت الصحن اكلتو كلو وجدعتو رفع لي العصير شربتو دا كلو ووشي صاري زعلانه من تحكمو فيني حتى في أضعف حالاتي بعد خلصت قال لي قومي  : اقوم ليه عاوز مني شنو تاني قال لي : جيبي لي ملايه طبعا الملايات في الرف فوق اتأفأفت وقمت ما قدرت الحق الرف بقيت انط جاء وقف وراي مد يدو لفوق وبقى محاوطني جسمي اتكهرب قلت له زح مني  : انتي فاكراني قاصد اقرب منك؟ افتحي عيونك دي كويس انا ما مازن ولا عندي فيك اي رغبه نزل الملايه ومشى قلت له لالا كويس والله  بعدين ما تنسى الموقف دا لمن تجي تحكي لعبير  : شنو  : ما اتوقعتك كدا لكن  : حتى تفاصيل حياتنا الشخصيه بتحكيها لها دا كلو عشان تقبل بك لعلمك هي ما حاتقبل وحاتعاند اكتر وتستصغرك بالتصرفات دي  : دقيقه دقيقه انا حكيت لعبير تفاصيل حياتنا؟ انتي مجنونه  : ايوا قول مجنونه عشان تطلع نفسك ولو ما انت الحكيت لها هي تعرف من وين حتى لمن نمت في الكرسي عرفت  : انتي متين نمتي في الكرسي؟ قاعد انومك في كراسي انا ما هدي ماسكه سريرين وانا راقد في الكنبه انا اتحيرت عديل فعلا هو ما عارفني اصلا نمت في الكرسي اليوم داك لانو مشى
خلاني غير كدا الصراحه هو مستحيل يقول لها حاجه بتخصنا هو سترني قدام اهلي معقول يفضحني قدام دي؟؟  لا ما اظن طيب الحكى لها منو فجاءة اتذكرت سندس مافي زول غيرا شافني في الكرسي وكانت بتتكلم بالتلفون اكيد كانت بتتكلم معاها وورتا التافهه يداب فهمت سبب تصرفاتا الغريبه معاي
صباح الخير   :  صباح الفل  : مزاجك رايق من الصباح لمن عملت الشاي  :  اتفضلي  :  الليله سمر ما صحت ولا شنو  :  متحسسه شويه  : يا ساتر بكون من الشغل  والسهر و..  اوعا تكون  :  ما هبشتا  هديك اسأليها  : مصدقاك كدي اقعد يا ولدي  : عندك كلام شكلك جاء قعد وخت الكبايه قدام امو قالت له يا ولدي البنت دي اول حاجه بنت عمك ومرت بظروف صعبه في فترة العرس دي وهدي ذي ما شايف ولا بتاعة مشاكل ولا فتن ولا حصل زعلت لها زول ولا نبذت ولا قالت فارغ انت ليه بتعاملا كدا  : الموضوع دا ما تدخلو فيه يا امي ممكن؟  : ليه ما نتدخل الموضوع عائلي ما تنسى ابوها عمك ووصاك عليها انت تقوم تهينا وتضربا عشان الصايعه ديك  : الصايعه منو واصلا عبير علاقتا شنو
ياامي علاقتي مع سمر خط أحمر مافي اي مخلوق يتدخل فيها معرسا براي مافي زول مشاركني فيها مشاكلنا حاجه بتخصنا  : خلاص اقعد يا ولد ما تنفعل كدا الزول اصلو ما يتكلم معاك؟  : انا ماشي  : اقعد اشري الشاي ولا امك نفصتو عليك خلاص  : شربت انا  : وبتتكلم معاي كدا ليه خلاص تاني خشمي ما بفتحو معاك  : ما تتكلمي معاي ليه وعشان شنو طيب  هدا قعدت  : ما تصر وشك دا  : بلعتي حبوبك؟  : ايوا  : كويس انك ما نسيتي
انا صحيت زمن الفطور عديل وكنت خايفه موت من الزبير بس ما لقيتو وعمتو فاطمه ما خلتني أعمل حاجه قالت لي الناس دي كلها اي زول بظبط في نفسو وانتي حنه ما اتحننتي  : ما عاوزه اتحنن انا  : ليه لكن دا عرس حماتك  : يا عمتي انتي ما شفتي العملو الزبير امبارح وانا حلفت له ما اتحنن  : ودي تجي كيف  : هو ما عاوزني اتحنن ولا اعمل اي حاجه لنفسي  : عارفاه الزبير دا أصلو طبعو كدا من صغير والله ولمن يعاند مافي زول بقدر عليه  : وانا ذنبي شنو اعيش عمري كلو بالحاله دي  : اصبري هو بس عشان لسه ما اتعود عليك بس لمن يعاشرك ويشوف طيبتك وجوهرك النحن
شايفنو دا حايحبك زينا  : ما طمعانه في حبو صدقيني ولا مطالباه بشي غير يحترمني انشاءالله وشي دا ما يعاين له بس ما يهيني كدا و............. دموعي جرت  طوالي حضنتني قالت لي امسحيها في وشي انا حزرتو ولو عمل لك اي حاجه تاني بس تعالي لي انا بتصدى له المهم حاولت قدر الامكان اتجنبو وهو ما مريحني لو قاعده في نص الناس يناديني ويطلع لي بشغله من مافي بحسو بتلذذ بتعذيبي وبنبسط لمن يشوفني مقهوره وببكي اما سندس وقفتا في حدا وبقيت ما بسكت لها
شفتا وين انا البنت دي  : اكيد هنا في البيت ما بنت عمنا  : لالا ما هنا ما قادره اتذكر بس وشا دا ما غريب علي قرت وين هي  : في السودان هندسة حاسوب  : اممممم تمام  : مالك  : مافي شي  : بكرا الحنه ما تنسي تجيبي لي الفستان وتعالي بدري عشان نمشي الكوفير مع صابرين  : انشاءالله
انا طبعا اصريت ما اتحنن وقعدت غبشه اما هو ولا جاب لي توب ولا شبشب ولا اي حاجه للعرس كلمت
هاجر تجيب لي فستان من حقاتي عملت مكياج خفيف بارز فيه الروج الفاتح وسرحت كعكه وطبعا لابسه طرحه والزبير اساسا ما بحضر حفلات يلا طلعت جاملت ناس البيت الحفله كانت ظابطه والعروس لسه ما جات قلت ادخل جوا اشوف الحاصل مسافة العروس تجي وانا جنب الباب حسيت بطرحتي بتتسحب مني افتكرتا اتعلقت بشي اتلفت لقيت ولد ماسكا بيدو قلت له دا شنو يا حيوان  : ما تنبذي  : اديني طرحتي  : تعالي شيليها حاولت اشيلا منو رفعا فوق  تعالي يا مزه عرفتو اساسا هدفو اقرب منو جريت جوا اشوف لي حاجه اضربو بها بس لقيت الزبير قاعد جنب الديوان طوالي نهرني طلعتي بدون طرحه؟  : طرحتي في واحد جراها من راسي اسي جنب الباب وابى يديني لها  : طفل؟  : لالا ولد كبير طوالي قام مشى قدامي ولقاه لسه واقف من الجراءة بس لمن شافو خاف وبقى يحاول يبرر
.انا كنت بهاظر فيها ساي بس هي اخدت الموضوع جد و......... الزبير طوالي ضربو وطردو دي مرتي فاهم اوعا ترفع عينك عليها 
في شنو يا جماعه الزبير مالك ضاربو طبعا الناس اتلمو الزبير قال لهم مافي شي دا واحد سكران وشال الطرحه ختاها لي في راسي وقال لي خشي جوا بعد شويه جاني البخليك تطلعي باللبس دا شنو ما عندك توب؟  : انت ما جبت لي  : ما قلتي عاوزه  : اقول لك؟  هو انت مخليني اخد نفس؟ لمن اطلب حاجه  : طيب قولي ما جبت لك حقات الشنطه مالهم ما جداد يعني لبستيهم كلهم خلي طالعه كدا ذي البنت الفتاة مخليه اي واحد يعاين لك ويشاغلك ولا الموضوع عاجبك  ما انتي اصلا كدا  : ما بسمح لك انا ما طلبت منو يسألني  : لبسك وزينتك بقولو انا ما متزوجه شاغلوني  : لو متزوجه ولالا لابسه توب ولا فستان الاولاد اصلا بشاغلو  : ما تطلعي من البيت دا خليهم يجو يشاغلوك جوا رزع الباب وطلع اما انا قعدت وسامعه صوت الحفله باضاني اي زول يجي يسألني بقول له مصدعه صابرين لمن زعلت مني جات داخله مع البنات نهاية الحفله طبعا عبير وسندس عزو نفسهم واكتر ناس ظهرو في الحفله وفساتينهم رهيبه واخواتي المتزوجات ديل مع التياب ورجالهم يرقصو ويتونسو معاهم حاجه تقطع القلب الا انا راجلي حابسني  المهم قعدو يتكلمو عن الحفله
وعبير تتراشق الزبير جاء بارك لصابرين وقاعدين كلنا مع بعض انا ماشه اوزع العشاء عبير قالت لي انتي كنتي متزوجه قبل كدا قلبي عمل شح صابرين قالت لها دا كلام شنو يا عبير جبتيه من وين واي زول بقى يعاين للتاني خاصة اهلي خافو قلت لها لا  : بس انا شفتك في كافتريا بتاعة مجمع سكني وكان معاك ولد وطلعتو مع بعض كمان ذي العرسان الزبير قال لها بطلي الكلام الفارغ البتقولي فيه دا احسن لك  طوالي صرخت كلام فارغ انا كنت راجيه منك تفسير بس شكلو الاتقال عنك صح هاجر حمرت لها قالت لها مالك في شنو انتو داسين على الزبير ولا شنو على فكره انا شفتهم وكان معاي اخوي حتى الولد الكان معاك اخوي عرفو مش اسمو مازن؟ ولمن سلم عليه قال له دي مرتي انا قلعت عيوني وماباقي لي الا اقع الكلام دا حصل فعلا لاقانا واحد ونحن ماشين الغرفه سلم علي مازن شكلو بعرفو  ولمن سالو  مني قال له دي مرتي انا طوالي دخلت جوا ما قدرت اتحمل واهلي هرجو فيها وشاكلوها خاصة ابوي
اوعك تاني تعتبي البيت دا فاهمه؟   :  بتطردني عشانا هي؟  قايلني كذابه يالزبير والله العظيم دا الحصل
واسي امشي اسأل اخوي  :  ارتحتي  كدل خلاص  اتفششتي  وطلعتي الغضب الجواك  : ايوا انا كدا اتأكدت انك انجبرت تعرسا وتسترا  : والقال لك منو مجبور؟ انا الطلبتا وعارف بعلاقتا الفاشله مع مازن ما كان في داعي تتعبي نفسك وتفتشي كدا كان تجي تسأليني وانا بحكي لك ومشى خلاها
البيت كان جايط وابوي زعلان شاكل الزبير
انا اديتك بنتي عشان تفضحا كدا؟ البنت عرفت الكلام دا من وين لو ما منك مش دي ياها البنت الكنت داير تعرسا دي ياها الاحسن من سمر يخسي عليك لكن  : انا ما عزمتا ولا عارف اصلا هي جابت الكلام دا من وين انا لو عاوز افضحا  ما كان عرستا ناس بيتنا ما كلمتهم امشي اكلم زول غريب : والعملتو فيها دا شنو دمرت نفسيتا انا عرستا لك كدا انا ما حزرتك المره الفاتت  : كفايه ياخ هو شنو شغالين فيني هجوم كلكم انا الجيت فضحتا مافي زول يسألني تاني  : عاجبك القالتو البنت الصايعه دي  : ما قالت حاجه غلط  : احترم نفسك يا ولد  : انت ما عاوز تقتنع قدر ما شرحت لك ما غرضي بعد دا وسمر انا ما غلطت عليها  : والضرب والزله  : دي
حاجه بتخصنا ومافي زول يجي يوريني اعاملا كيف  : انا ابوها  : وانا زوجها مش انت اديتني لها يبقى خلاص موضوعا بقى يخصني براي  انا اللقيتا لمن هربت وانا الاستقبلتا لمن انت طردتا  انا سمعت كلامهم دا وابوي ما قدر يرد كأنو بقول له انت بعت وانا اشتريت کاني بضاعه غير مرغوبه وابوي يقول شنو يعني دي الحقيقه سوا كلام عبير ولا الزبير دا الحاصل الزبير بعد طلع من ابوي لقى الناس جايطه وبتسال قال لهم دي واحده غيرانه وعاوزه تنتقم مشى خلاهم اهلي مشو وكل الناس البيوتهم قريبه رجعو انا كان همي كلو اني انفضحت خلاص وانتهيت الزبير جاء لاخر الليل لقاني قاعده في ركن الغرفه ذي الشيح ما قادره اعاين في وش زول عبير دي مسخت لي العرس حرفيا لا مسخت لي حياتي كلها الزبير لمن جاء داخل انا انخلعت ووقفت على حيلي وشي ما بتفسر خلاص جاي يكمل علي ويتفشش فيني جاء قعد في السرير وقال لي انا ما اتعشيت امشي جيبي لي حاجه اكلا عاينت له قال لي واقفه مالك  : انت......  : انا جعان امشي بسرعه اعملي لي حاجه وما عاوز من اكل العرس دا طلعت برا اي زول يعاين لي ما اتكلمت مع زول مشيت عملت له بطاطس وبيض ووديتهم له قال لي اكلي  : انا شبعانه  : انتي ما
اكلتي  : اكلت ما فيه الكفايه  اتمليت لاخري انا اليوم دا  : براحتك طيب امشي اعملي لي شاي عشان تهضمي الاكلتي وملى لك بطنك دا مشيت وانا ما قادره افهم دا مالو دي ياها ردة فعلو على الحصل لا وكمان بياكل من اكلي وعاوز يشرب شاي من يدي مشيت لمن كنت في المطبخ سمعت نسوان بتكلمو
ما قلتي بشاكلا ويطلقا هدي قاعده لمن عشتو  : بري ما بعرفو معقول يخليها بعد السمعو دا وما يطلقا  : انتي مرا ما عندك موضوع ساي قلت لك البنت دي كذابه غيرانه بس عشان خلاها وعرس بنت عمو دايره تفضحا قعدتيني ساي بالفاضي الا ساهرنا بغسيل العده انا ماشه على بيتي لو في جديد اتصلي وريني يلا نتلاقى بكرا
معقول يكون الزبير قاصد كدا دي المعلومه العاوز يوصلا للناس من حركتو دي ولا دا عقاب جديد؟  مشيت وديت له الشاي ورجعت الصينيه بعد خلص قعدت في السرير راجياه يسألني قلت له غريبه ما قاعد تفوت  اصغر حاجه والليله الحدث العظيم دا ما علقت عليه ياترى عبير عرفت من وين انتي كنت متزوجه  :
اكيد مني انا ذي ما قاعد احكي لها تفاصيل حياتنا كلها وريتا المعلومه دي عشان تدمرك  : تدمرني هههههههه فو فضل فيني شنو يدمرو  كلو حطام و بقايا منتظره الدفن  : دي طريقتك في حل المشاكل يعني؟ حاتعيشي كدا؟  : اعيش؟ انا اكتفيت خلاص منها الحياه دي عيشو انتو وطوالي رقدت يوم العرس الجو كان مكهرب وانا  ذي السراب ما بعلق  مابركز ما بهتم ولا بحس بأي حاجه ولا زعل ولا فرح ولا حتى غضب من البحصل معاي لانو  حتى عمتو فاطمه وصابرين اتغيرو مني والشك اتسرب لهم وما اهتميت العرس تم والعروس مشت مع راجلا الزبير قال لي لمي ملابسنا في الشنط راجعين البيت  :  اسي؟  : ايوا في شنو تاني عرس وتم وامي بقت كويسه لميت الملابس بدون ما أعلق واصلا الحفله ما حضرتا عشان الزبير ما يعمل لي مشاكل وعمتو فاطمه ما راضيه حاولت تقعدنا بس الزبير أصر نمشي
خلو بالكم من نفسكم  : انشاءالله وانتي انتبهي لنفسك وحبوبك ما تنسيها وما تتعبي في الشغل سندس هدي قاعده تشتغل هي  : انشاءالله وطلعنا على البيت طويل كان ذي الماغبنا عنو حسيت الاحداث الفاتت دي ذي
الحلم مرت بسرعه وخلاص صحيت على الواقع
مبروك علينا حبيبتي : الله يبارك فيه  : ربنا يقدرني اسعدك  : ربنا يخليك لي  : ما حانتعشى؟  : انا ما جعانه اسي  : شبعانه فرح؟  : لا اقصد...... : يديك باردات وبرجفو مالك  : 🤐🤐 😟  : متوتره كدا مالك  انا اسامه على فكره ما غيرو انا ملجئك معقول اجي اسي اكون سبب خوفك اهدي كدا واطمني نحن من زمان مخططين لليوم دا ومنتظرنو ولا ما كدا : كدا  :  بحبك  صابرين خجلت لمن وشا بقى أحمر  قال لها مالك ساكته حبيبتي 😍  : خلينا نتعشى  : لا  : ليه  : بعد تردي علي  : اسامه ما تتثاقل  : زمنك دا كلو بتقوليها لي الليله يوما لسانك تقل  : لازم يعني ؟  :  ايوا دي ليلة العمر يا بنت اها  صابرين انا منتظر حبي خلاص خلينا ننوم 😒 تصبحي على خير عاوز يقوم مسكتو من يدو وانا كمان بحبك يا اسامه بحبك  : انا بموت فيك طوالي حضنا
خلينا نتعشى  : ماشي حبيبي يلا واكلا بيدو قالت له انت مالك مستعجل كدا في موضوع السفر دا  : لانو
شغلي ما بتأجل حبيبي بعد تعب قدرت اخد اجازة العرس دي بس شهر العسل مافي طريقه لازم نعديه هناك انا مرتب اي حاجه ما تخافي حاننبسط  : طيب حانرجع متين  تاني  : انا وريتك من بدري مافي رجعه قريب خت يديه حوليها وقرب منها لمن انفو اتلصق مع انفا وبقو يتنفسو من بعض وقال لها حانكون برانا انا وانتي في احلى من كدا؟؟
اما نحن عكسهم تماما رجعنا اي زول اتجه على غرفتو ونام من غير ما نتكلم مع زاتو
يتبع