في عرين الاسد

في عرين الاسد 12

#في_عرين_الأسد
#بقلمي  : #مشاعر_مبعثره
الحلقه  (12)
راجلك شكلو شماني  : لا والله ليه بتقولي كدا  : ما شايفه شكلو خليني اقوم امشي  : لالا ما تمشي عليك الله وخلي بدرالدين يجي تتعشو معانا ذي ما مخططين هو طوالي قام ينادي فيني قالت لي سامعه؟ انا اسمحي لي الزمن اتأخر زاتو  : انتظري عليك الله اسي جاياك مشيت لقيتو لسه ما غير قاعد وصاري وشو
انا ما قلت لك المرا دي وقفيها وقولي لها عازمننا ليه مل خليتيها تجي  : ما جات للعشاء والله هي من قبيل قاعده معاي  : وليه ما مشت لحدي اسي  ناويه تبيت ولا شنو  : اسي بتمشي  : ما تتونسي معاها وانشغلي عنها بأي حاجه عشان تمشي  : تمام
طلعت لقيتا قامت خلاص وماشه على باب الشارع قلت لها ليلى اقعدي عليك الله ما تمشي  : والله الزمن اتأخر مافي مجال بدرالدين بكون جاء بنجيكم يوم تاني انا كنت عاوزه اكسب زمن بأي طريقه امكن ينوم وهو منتظر ولا يقنع على الاقل الليله دي قلت لها طيب اقيفي دقيقه ممكن تسرحي لي شعري  : تسريح شنو بليل دا كمان  : حاسه بصداع اعملي لي زيت  : خلاص
بس سرعه مشيت جبت لها الزيت وبقت تدهنو وتمشي فيه المشط الزبير قعد يكورك  انا جيت لي ساعه مويه دي ما عاوزه تديني لها قلت لها بكون عاوز العشاء استني اسي بختو له وبجيك  : لالا حبيبتي الراجل قصدو واضح ما تزهجيه و تخليه يكرهني  : والله انتي فاهمه غلط  : بري والله مابقعد بعد دا بجي يطردني عديل تصبحي على لبكرا  : اقعدي طيب اتعشي معانا : سمر خلاص ما تبقي عنيده تصبحي على خير  : وانتي من اهلو مشيت سرعه شلت مويه وديتا له ضربا طيرا من يدي
انتي عاوزاني اضربك صح؟  : مالي عملت شنو  : ما تستهبلي علي المرا من قبيل قامت ماشه وانتي بتتعابطي فيها وكمان عاوزه تقعديها للعشاء أحسن لك تبطلي تتحديني الحركات دي ما بتنفع معاي سكت قال لي ما عارف اصلا  انتي بتتهربي مني كدا ليه مالي ماشي اقتلك ولا شايل لك صوت  : 🤐🤐🤐🤐  : امشي ختي العشاء مشيت ختيتو لقيتو لم القزاز ونضف المكان ياهو نفس البرنامج الامس قال لي في كيس في الدولاب جيبيه جبتو له فتحو طلع منو
كرتونه فيها تلفون ايفون  مداه لي قلت له دا لي انا؟  : ايوا عشان ما اضطر اتصل بتلفون ليلى  : ب بس......  : جبت لك معاه شريحه جديده عشان تستخدميه تاني وتتواصلي مع اهلك  : شكرا  : شكرا على شنو  : التلفون  : عادي دي ابسط حاجه جبتي حاجاتك هنا؟  : نسيت والله ليلى شغلتني  : طيب جيبي التلفون اختو لك يشحن وفي المسافه دي جيبي ملابسك رصيهم فتح لي الدولاب مشيت جبتهم ورصاهم معاي بعداك مشى الحمام استحمى وطلع بنفس الهيئه الامس ما رفعت عيني عليه وقمت طالعه قال لي ماشه وين  : اقفل المطبخ والانوار  : بسرعه مشيت وجيت لقيتو راقد في نص السرير براقب في حركاتي تقول ياكلني قلت له دي اتفاقية صلح يعني ابتسم لاول مره من عرفتو يبتسم لي كان شعور غريب حسيت بحاجات كتيره ما قدرت افهما بس واقفه بعاين له قال لي في شنو تاني  : تاني ما حاتضربني صح؟  : لا ما حااضربك الا لو انتي اخترتي كدا  : في زول بختار يضربوه؟  : انتي  : معناها ما حاتوقف : يا بنت نحن امس ما بدينا صفحه جديده اسمعي اعتبري انو نحن يداب اتزوجنا الليله الفات مات ياخ خلاص انتهى : تمام  : ما حاتستحمي؟ عاوزه اتحرك اشر لي على حمام الغرفه شلت جلباب من
الدولاب قال لي مااظن في داعي له حمرت له له ومشيت شايلاه في يدي سمعت صوت ضحكتو لكن بعيده شويه هو شكلو مستمتع بحرب الاعصاب الاعلانا علي دي مبسوط بالبعملو فيني وعاجبو انو يسيرني على كيفو ويشوف انفعالاتي كلها زعلي وثورتي وانا مضغوطه شديد منو دخلت الحمام لقيتو معلق لي القميص الامس داك شدة ما زعلت تقول اشرطو المهم استحميت سرعه لبستو وفوق له التوب جيت طالعه طوالي قام على حيلو وبقى يقرب علي رجعت ورا وهو بقرب بسرعه بقيت كل ما يتقدم خطوه ارجع خطوه لحدي ما وصلت الحيطه قلت له بصوت رايح الزبير خلاص كفايه ما تقرب اكتر بس هو قرب وبقى لاصق فيني عديل ما عرفت اودي وشي مني قال لي انتي بتعرفي الخجل؟؟ عاوزه الزو مسك يدي وقال لي مالك مستغربه كانو اول مره معقول ما حصل لمسك ولا مره؟ شدة ما زعلت عاوزه اضربو بس ماسك يدي وضاغط علي شديد قلت له ابعد مني ما عاوزاك : اعقلي شويه وخليك هاديه شال التوب نزلو مني عاوز يحضني قاومتو بس هو ما اداني مجال ما باقي له الا يضربني قلت له الزبير لو سمحت ابعد مني  : أبعد ليه ما عاجبك؟ ولالازم اكون مازن عشان تسمحي لي
وتنبسطي  رفعت يدي عشان اضربو لواها لي
خلي الموضوع دا يعدي من غير ما اضربك دموعي جرت ما عارفه كيف ولا متين سحبني معاه للسرير فجاءه بقيت حاسه بالم شديد في بطني كانو مصاريني بتقطعو وضهري الم ما قدرت اتحملو هو افتكرني بستهبل عشان اتهرب منو بس لمن الالم ذاد بديت اصرخ وهو خاف شديد قمت من السرير وهو عاين للملايه لقاها غرقانه دم انخلع نزفت كمية دم كبيره ولسه مستمر ينزل راسي لمن لف الزبير قال لي دا يا بنت كان تقولي لي معزوره وخلاص بس ليه نزفتي كتيره كدا الموضوع دا طبيعي هزيت راسي بالنفي قال لي طيب البسي بسرعه خلينا نمشي المستشفي  قلت له ما عاوزه امشي  : انا ما بشاورك البسي بسرعه هو لبس وطلع يجهز العربيه في المسافه دي انا لبست رجولي ماتو عديل ما باقي لي الا احبي على ركبي بس هو جاء رفعني وداني العربيه مشينا اقرب مسنشفى ولانو الزمن متأخر الدكتور ما كان موجود الا اتصلو به جاء هو بيتو قريب جاء وما اتأخر في المسافه دي انا نزفت شديد روحي مرقت من الوجع الا بمسك يد الزبير وهو عرقان
ومهبط بقى يجوط عشان الدكتور مافي قال لهم البنت دما اتصفى كلو ادوها اي حاجه ما ممكن تقعدو تتفرجو فيها   : خلي الاخصائي يجي انت زوجها؟؟  : ايوا  : لو معاك قروش كفايه امشي جيب احتمال تحتاج عمليه  : عملية شنو كمان دي حاله طبيعيه ادوها اي حاجه الدكتور جاء داخل ولمن شافني قال ودوها العنبر رقدوني واداني كمية حقن ودربات كبيره والزبير ما فاهم شي
ما حاتحتاج عمليه يا دكتور  : لالا خلاص الرحم نضف شكلو بدا ينزل من بدري بس خلوها تحت المراقبه للصباح الزبير جاء والدكتور قال له الليله لازم تبيت  : ليه الموضوع خطير يعني  : النزيف كان حاد شديد والبيبي نزل ربنا يعوضكم : انت بتقول في شنو سمر حامل؟  الدكتور قال له بنبره حاده انت بتسال كمان الحمل دا كبير قرب للاربعه شهور انت ما عارف يعني؟  : حامل طلعت حامل؟ واربعه شهور  : شكلو في بينكم مشاكل وهي ما ورتك الزبير ما رد له وطلع من المستشفى الدكتور جاء يشوفني وانا مستغربه وخايفه شديد قال لي مستحيل يكون دا النزيف الاول لك
الموضوع دا طول ليه ما جيتي المستشفى واهملتي نفسك  قلت انا ما كنت عارفه اني حامل والله العظيم ما كنت عارفه نهرني  ما عارفه؟  : ما عارفه حصل كيف مستحيل انا مستحيل اكون حملت  وقعدت ابكي  قال لي اهدي النزيف دا بدا معاك متين  : قبل كم ساعه بس  : لا قصدي الفترة الفاتت ما جاك نزيف قبل كدا  : انا هو تقريبا جاني مرتين بس افتكرتو طبيعي  : تمام ربنا يعوضك انتي لسه صغيره وبكرا تجيبي غيرو بس اعملي حساب لنفسك لقدام زوجك زعل شديد تقريبا هو فاكرك عارفه ودسيتي منو ذدت في البكاء قال لي ما تتعبي نفسك كدا الاجهاض دا ما حاجه ساهله المو اشد من الولاده ولازمك راحه تامه واهتمي بأكلك : تمام  : بالشفاء انشاءالله
ما عارفه الزبير مشى وين خلاني براي الا الممرضات معاي يركبو لي في الدربات لمن نمت الصباح الدكتور جاء شافني وكتب لي خروج سأل من الزبير قلت له ما عارفاه مشى وين قال لي طيب اتصلي به يجي يسوقك ويشتري لك باقي العلاجات  : بمشي براي  : ما ممكن نخليك تمشي براك بحالتك دي يلا اتصلي به  : تلفوني في البيت  : هاك اتصلي من رقمي دموعي جرت قال لي
بالمناسبه  الموضوع ما مستاهل انو يزعل كدا طيب اتصلي بأهلك قعدت ابكي بس وهو يتكلم معاي ويقترح لي حلول الدكتور لمن زهج مشى والممرضات من بتعاطفو معاي زهجو مني وبقو ينهروني الدكتور قال لهم البنت دي الا لو وراها مصيبه ما تخلوها تطلع براها الا يجي زول يستلما وفعلا قعدت لحدي الساعه 10 جاء حالتو بالبلاء عيونو دي حمراااء ووارمه ملابسو مبشتنه وفي خدوش في جسمو شكلو خوفني الدكتور سالو من الحاصل قال له مافي شي وكانو حايجرجروه بس طلع شايل معاه بطاقتو وقسيمة زواجنا كان بارد شديد وانا ما قادره اسألو من الحاصل وهو ما سألني عن صحتي كنا ماشين بشارع غريب ما عارفه موديني وين لمن خفت وقفنا في بيت دخلنا قعدنا في كراسي كان في ناس قاعدين برضو جاء راجل كبير كدا في النهايه اتبين لي انو ماذون وعقد لينا من جديد انا خفت اسال الزبير يعمل فيني حاجه كان ساكت وانا ما قدرت اعترض  لحدي ما خلصنا شال القسايم وطلعنا على البيت سندني لمن وصلنا كان في ناس في البيت وليلى وراجلا واقفين برا من جينا جونا الزبير فتح لي الباب وما اتكلم مع اي زول مع انهم كانو بسالوه بعداك قرش العربيه وانا نزلت جو طالعين اهلي واهلو وكان خايفين
وقلقانين وامو تبكي امي قامت تصرخ سجمي يعني سمر كانت معاك برضو ابوي قال لينا والله دي سلامه كبيره لمن سمعنا كلمة حادث دي خفنا شديد قلت حادث؟؟  الزبير حمر لي سكتت قال لهم مافي حاجه يا جماعه الحادث بسيط ونحن كويسين حانرتاح شويه بس امي جات حضنتني وتهبش فيني يعني اتعوقتي شديد لمن رقدوك في المستشفي؟  قال لها انتو الوراكم منو يا خالتي  : ليلى جارتكم اتصلت بهاجر  : مره سمر اتصلت بها من تلفوني وانا فتشت الرقم لقيتو واتصلت بهم لمن شفتك جاي مع العسكري امس بليل  اتصلت بهم  : لو ماهي ما كان عرفنا  : اتخيلو لمن سالتو ابى يوريني اصلو الا العسكري قال لي الزول دا عمل حادث وجاء يشيل بطاقتو  : دي سلامه كبيره والله انتو الخلاكم تطلعو بالعربيه بليل كدا شنو  : فتحي كان عازمنا عشاء جينا راجعين متأخرين منهم وحصل الحادث  : يعني مشيتو بعد انا طلعت والله افتكرتكم خليتوه  :  ليه يا ولدي ما وريتنا وما بترد على تلفونك : ما حبيت اقلقكم والزمن متاخر دخل جوا طوالي  وانا هاجر ودتني غرفتي  وبتسال فيني لقتني ما عارفه تفاصيل الحادث لمن الزبير جاء داخل قالت له سمر ما كانت معاك في الحادث ولا شنو وخليتا وين لمن رجعت
مع العسكري؟ : هي ضربت راسا  لحظة الحادث وغمرت عشان كدا اسعفتا المستشفى اول وهناك عملو سين وجيم وشرطه وطلبو بطاقتي : ايوا جاء قعد في السرير طوالي هي قامت طلعت قال لي لو حكيتي لزول بالحصل روحك دي بطلعا لك قعدت ابكي قلت له انت عملت حادث وما وريتني ليه؟ انا اسفه انا السبب انا خربت اي حاجه طوالي قفل لي خشمي اوعا ترفعي صوتك واسفك دا اخر همي ما فارق معاي قدر كذبك عاوزه تلصقي فيني ولد الحيوان دا عشان ما تنفضحي يا كلبه قاعده معاي زمنك دا كلو وانتي شايله في بطنك وسخك وعفنك العملتيه مع الحيوان دا خليتيني اقرب منك بالحرام ولو ما ربنا ستر امس كان كان زنيت انتي يا حيوانه ما قلتي لي ما عندك عده؟ ما قلتي ما لمسك؟  :  انا ما قلت لك كدا بس ما كنت عارفه نفسي حامل والله العظيم كنت عامله حسابي ما احمل ما عارفه حصل كيف انا انا لو كنت عارفه كان نزلتو اداني كف وجراني من يدي وداني الحمام وفتح الماسوره والدش عشان مافي زول يسمعنا
قلت له انت ليه ما عاوز تفهم ما كنت عارفه اتفاجأت زيك  : كمان عاوزه تقتلي ولدك خلاص غرقتي في
الذنوب؟ انتي شنو يا بنت الناس انتي بالجد ش*ي*ط*ان انتي دم*رتيني يا حيوانه  قعدت ابكي له والله ما كنت عارفه انا ما عارفه اعمل شنو انا ليه بحصل معاي كدا خربت اي شي بعد الامور بدت تتصلح وانت.......... : انتي يعني صدقتي حكاية نبداء حياه جديده ونعيش حلوين؟ انا اعيش معاك انتي؟  كل الموضوع اني حبيت اوقفك عند حدك  عشان ما تفتشي برا لمن ما تلقيه هنا ما انتي خلاص اتعودتي مديت يدي عشان اض*رب*و  مسكا اداني كف وعدلني بالتاني قال لي احمدي ربك انو اهلك قاعدين والا كنت حاام*وتك ض*رب  سندس جات شايله شوربه دقت الباب ودخلت لقتنا مافي بقت تنادي هو قفل لي خشمي
وين انتي يا سمر امها طوالي نادتا قالت لامها شكلا في الحمام سامعه صوت المويه  : وانتي مالك البدخلك لهم شنو ما عارفه الزبير قاعد  : انا دقيت الباب  : ويعني شنو انتي بقيتي كبيره وما عاوزه تتعلمي في حاجات اصلو ما المفروض ينبهوك لها  : مالو ما بيت اخوي اصلا انا غلطانه القلت اتفقدا واعمل لها حاجه تاكلا  : امشي يلا
جد متمني اق*طع يدي اللمستك دي نجسه : انت عارف من الاول ما تستهبل من اتزوجتني عارف الحصل معاي كلو  : وكمان عندك نفس تتكلمي  : بتكلم ولبكرا بتكلم انا ما عملت حاجه حرام فما تفتكر انك كسرتني بالقسيمه الشايلا في يدك دي : دي عشان انتي تكوني هنا والمفروض تفرحي بها غيرا ماعندي لك اي حاجه : حتى انا ما عندي لك  حاجه بعد دا حبة الاحترام الكنت موفراها لك والعزر الختاه لك بحجة اني غلطت  خلاص انتهى وما فضل لك شي  : هو انتي عندك احترام لو لي انا ولا لغيري؟ ابوك ما احترمتيه حيوانه اطلعي بسرعه عاينت له بحقد قال لي اطلعي قبل اض*ربك طلعت وهو استحمى ومشى  تاني ما شفتو اليوم كلو و امي بتهتم بي طبعا كلهم بيتو معاي والزبير ما جاء امي قالت له اتصلي به شوفيه مالو اتأخر  قلت له عادي ما صغير هو : بس امو قلقت شديد قالت لك دقي له ما برد لها  : هي امو ما رد لها يرد لي انا : انتي ما خايفه عليه؟ يا بنتي الزول دا عمل حادث ولسه ما بقى كويس : امي عليك الله اطفي النور دا خلينا ننوم انا تعبانه : ولك نفس تنومي ما عارفه راجلك الحاصل له شنو ما رديت لها طوالي قامت قلت لها ماشه وين  : ماشه انوم طبعا اشيل هم لشنو اذا كنتي انتي ما مهتمه  : نومي قبلك  :
وراجلك؟ دايراه يجي يلقاني نايمه هنا يشيلا معاي  : اطمني ما حايجي  : هو قال لك كدا؟  : لا  :  طيب مالك اسي بجي : لو جاء نعمل له شنو يعني نايمين في سريرو؟ نومي ساي عليك الله  : كيف الكلام دا سمر كدي قومي فهميني انتو مالكم كيف تقولي ما نايمين في سريرو هو قاعد ينوم وين؟  : في الغرفه التانيه ختت يدا في صدرا سجمي ما بنوم معاك؟ : يا امي انا حااختصر عليك عشان اريحك وتخليني انوم انا وهو عايشين كدا اخوان فهمتي؟ لا قاعد يقرب علي ولا حصل لمسني وصلتك الاجابه خلاص؟  يلا نومي مرتاحه وتصبحي على خير هي قامت تجوط وتكورك فيني قلت لها يا امي ما ممكن ياخ انا مش اديتك الاجابه الشافيه شنو الليه  ومتين والكلام الغريب دا كلامي واضح في داعي تصرخي كدا انا ما وريت زول غيرك علي صوتك لسه وسمعي الماسمع  : والله انتي بقيتي قليلة ادب شديد ودايره تتربي من جديد : ودا القاعد يحصل وحياتك انتو وكلتوه بالمهمه دي  : انا ما لاقتني ذي جراءتك دي معقول انتي يا بنتي يطلع منك الكلام دا انتي سمر بنتي الربيتا انتي اتغيرتي كدا كيف و متين ما كنتي بترفعي صوتك علي ولا بتتكلمي معاي بالطريقه دي وما خجلانه من القلتيه كمان : ياامي انا ما
عاوزه اقول اكتر من كدا وما عاوزه ازعلك خليني في همي عليك الله عليك الله ما تبقي علي انتي زاتك خليني بس انتو ما قاعدين تخلوني في حالي ليه بس مالكم معاي انشاءالله ام*وت وترتاحو مني دموعي كانت جاريه قالت لي ما تقولي كدا يا بنت عشان ما اض*ربك قلت لها اض*ربي ساي يا امي عادي طوالي حضنتني بقوه حسيت بامان شديد وغمضت عيوني حسيتا موجوعه لمن بكت بس بدون صوت وانا خلاص بين صاحيه ونايمه قلت لها ما تمشي يا امي نومي ساي اطمني هزت راسا قلت لها ما تضغطيني شديد بطني بتوجني
امي قعدت معاي كم يوم الزبير ما جاء فيهم نهائي بس برسل لينا القروش ببنكك امي اتحسست وافتكرتو ما جاء عشان هي قاعده طوالي مشت قالت لي الراجل دا كعب وما بدور الناس اليوم البعدو ما جاء برضو انا طوالي اتصلت به المره الأولى مارد تاني اتصلت فتح الخط قلت له امي مشت خلت لك البيت خلاص انشاءالله تكون ارتحت مارد لي قلت له ما عاوز تتكلم يعني؟ طوالي جاني صوتو من بعيد
ما شربتي العصير مالك؟ طق التلفون قفل يعني هو قاعد مع بنت وهي الردت لي؟ الزول دا بعمل في شنو وناوي لي على شنو  مالي ومالو أخر همي
التلفون دقا كتير وانا انا اسفه رديت  : ما مشكله  : كانت سمر  : قلتي لها شنو  : ما قدرت ارد وقفلت طوالي  : ما مشكله خلينا نمشي اتاخرت على الشغل

يلا اليوم داك هو جاء بيت بس ما اتكلم معاي ولا شافني زاتو و طلع من الصباح بقى ما بقعد في البيت خالص الشاي ما بشربو ومرات ببيت برا انا استغليت الفرصه وبقيت اطلع على الجيران واتعرفت عليهم وهم بجوني  صادف انو زميلتي القديمه في المدرسه ساكنه جنبنا مع اهلا وبقيت امشي لها وتجيني بيتهم في الشارع القدامنا اسما رانيا المهم اخدتا راحتي الفتره دي
يعني في النهايه عرستي ود عمك؟ : مع الاسف : بنت عمك تلقاها وين التفاحه جنبك : ما تهاظري : انتي مش كنتي حابه زميلك في الجامعه اسمو اسمو ماهر  : مازن انفصلنا  : حزينه والله قسمة ود عمك دا بس تتذكري
زمان كان جنكم شكل وما بتتفقو واسي حبيتو بعض واتزوجتو : انتي فاضيه وزمنك حقك اما انا لازم امشي قبل الراجل دا يجي : يوم واحد ما شفتو في بيتك ولا حصل اتصل بك اقعدي ساي بالله سيبك منو : لالا خليها مره تانيه مع السلامه جيت طالعه لمحت عربيتو جربت جري لمن نفسي قام طبعا خليت البيت فاتح قلت الليله خلاص بق*تلن*ي خليتو بعد دخل دخلت براااحه وخليت الباب فاتح بعد شويه حسيت بحركتو رقدت واتغطيت لراسي جاء داخل شافني راقده انقلبت عشان يتأكد اني قاعده بالجد ما خاته حاجه في السرير وقف مسافه في الباب بعداك طلع خت لي قروش في التربيزه ومشى تاني يوم رانيا جاتني بدري من الصباح
الحقي راجلك يا سمر طبعا مهجمه شديد قلت لها الزبير مالو عمل حادث تاني؟؟  : ياريت لو حادث كدي وريني يا سمر الراجل المتزوج لمن يأجر له غرفه في فندق ويقعد فيها براه يكون مالو : بخون مرتو طبعا : بس دا ياهو راجلك قلعت عيوني شنووو : الزبير راجلك قاعد في فندق له كم يوم كمان شفتو بعيني : لا طبعا بتكوني شبهتيه انتي اخر مره شفتيه كنا في المدرسه :
بس متذكراه شوفي طلعت تلفونا مصوراه ياهو زاتو حتى ملابسو

يتبع