في عرين الاسد

في عرين الاسد 13

#في_عرين_الاسد
#بقلمي  :  #مشاعر_مبعثره
الحلقه (13)
معقول؟؟  بس بس هو ما قال لي قاعد في فندق  :  يوريك كيف يا غبيه اكيد قاعد يجيب بنات الحقي نفسك  : كدي قولي بسم الله انتي شفتيه بعينك معاه بنات؟   : مافي سبب تاني  :  لا في الفتره الفاتت امي قعدت معاي وهو طلع عشان يخلينا براحتنا افتكرتو قاعد عند اهلو  :  اهلو؟ معقول يا سمر؟ واهلو ديل ما اولاد اعمامك يعني طول الفتره دي لا اتصلتي بهم ولا اتصلو بك عشان تعرفي قاعد معاهم ولالا غير كدا هو لو
قاعد معاهم كان وراك ببساطه ولا ما قاعدين تتكلمو مع بعض؟  طبعا ما بقدر ارد لها على ولا سؤال سكتت بس
يا بنت ما تبقي هبله اصلا الرجال ديل كدا أسهل حاجه عندهم الخيانه ولو بقيتي ساهله بتلقي البتشلبو منك  : الزبير ما بخوني ما تتكلمي عنو كدا لو سمحتي انا واثقه فيه  : موتي بثقتك ذي صاحبتك : انتي ما عندك موضوع ساي اسي جاياني من الصباح عشان تقولي لي الكلام الفارغ دا  : راحتك ياختي خيرا تفعل شرا تلقى اصلكم انتو النسوان عميانات الواحده ما بتصدق الا الفاس تقع في الراس ما تبقي مغفله ذي ليلى بعد مشت بديت افكر بالجد معقول يكون بخوني وصلت معاه لانو يعاقبني بالطريقه دي هه اكيد طبعا ماهو راجل في النهايه ومافي راجل بقدر يتحمل يعيش كدا مشيت لليلى لاحظت لي شارده وسرحانه
مالك؟ : مافي شي : مابتعرفي تكذبي بالمناسبه وريني مالك راجلك مزعلك؟؟  :  لا : ما قاعد يجي البيت صح؟  طولت ما شفتو  : امو تعبانه شويه بمشي لهم كتير ومرات ببيت  : سجمي وبخليك براك؟  : البجيني
شنو انتو ما قاعدين هدا  : شايفاك عملتي لك صحبه مع رانيا  : رانيا كانت زميلتي في المدرسه  : انتبهي منها فتانه وبتاعة محن خاته عينا على بدرالدين راجلي عشان كدا بتحاول تحرشني فيه طبعا ضحكت في نفسي رانيا تعاين لبدرالدين؟؟  والله دي ما تقبلو جزمه في رجلها دا لو ما بقى هو الجاري وراها اصلو فاسد
مشيتي وين  : معاك  : رانيا دي بنت  شلابه اعملي حسابك منها وما تدخليها بيتك والله تخت عينا على راجلك  : لالا ما اظن  : انتي عارفاها قالت لي شنو؟  : شنو؟  : قالت بدرالدين بجيب نسوان في البيت لمن اكون مافي وكمان مصاحب سنيه بمشي لها بيتا وهي بتجيه لمن اكون مافي وبديها قروش :  معقول؟؟ : والله قالت كدا يا سمر تصدقي : سنيه دي منو؟ : دي المرا السفيهه الاتشاكلت معاها ديك القالت الباطل في بدرالدين : ايوااا اتذكرتا المرا دي..... : المرا دي اكبر قواده في الحي تتزكري يوم المشكله راجلك لمح لها وسكتت طوالي  : الله يكفينا شرها  : اي كلبه وصاحبتك قالت لي هي مصاحبه بدرالدين اتشاكلت معاه في القروش عشان كدا فتنتو معاك
انا بصراحه بديت اشك رانيا مستحيل تكون كذابه القالتو عن بدرالدين كلو صح انا شفتو بعيني بتشاكل مع سنيه ورمت له القروش دا غير تصرفاتو المريبه طيب الزبير؟؟؟  لمن اتصلت به ردت لي بنت وقاعد في فندق يعني هو شغال يخون فيني بطريقه أرقى! بقيت بكرهو شديد وبتضايق حتى من ريحتو لمن هو لاحظ لي
ما نضفتي الغرفه دي ليه بتكلم معاك طرشاء؟  كنت بحمر له شديد وبتخيل في الكان بعملو طول الليل مع البنت الصايعه البخوني معاها وريحتهم فايحه منو جاء قريب مني عاوز ي*ضر*بني في راسي زحيت قال لي بتعايني لي كدا مالك اكسري عينك بسرعه قلت له اطلع عشان انضفا  : حابي اشوفك بتنضفي فيها قعدت انضف وهو فتح الدولاب طلع ملابسي وحاجاتي الفيه كلها رماها لي في الارض قال لي نضفي كويس واي حاجه غير مرغوب فيها طلعيها برا بعداك دخل الحمام قربت اق*تلو وهو في الحمام قال لي فتحي عازمنا
على الغداء جهزي نفسك بسرعه  : وتكلمني اسي؟ ماماشه ما جاهزه  : ما على كيفك  : حاتسوقني غصبا عني؟  :  ايوا واحسن تلبسي بسرعه عشان عاوز ارجع بدري عندي شغل  :  والله ما عرفناه الشغل البساهرو له انصاص الليالي دا وببيتو فيه كمان الله اعلم يكون شغل جاء طالع زعلان انا لمن شفتو جريت لحقني دخلت غرفتي وقفلت الباب قال لي بتعرفي انواع الشغل البساهرو له انتي ما اصلك خبره فتحت الباب عاوزه اطلع جاء جاري علي حاولت اقفلو لزاه بقوه قمت جاريه لحقني بقينا جارين زي الاطفال في البيت قربت اقع لمن وصلت الحمام دخلت وقفلتو علي قال لي مالك زعلتي كدا شكلك اشتقتي للشغل المن النوع دا  : عاوز تستفزني عشان اطلع وت*ضر*بني بس ما بطلع لك مهما قلت  : بما انك وصلتي الحمام استحمي بسرعه واجهزي عشان انا ما عندي زمن انتظرك استحميت سريع ومشينا بيت فتحي امو كانت ظريفه شديد وكلاما حلو واكلا مبالغه لاول مره اشوف الزبير مبسوط كدا وبتونس ويضحك من قلبو كانو دا ما هو بقيت بعاين له لمن قبضني نزلت راسي قال لي نمشي بعدا فتحي قال له تمشو شنو متين جيتو  : عندي شغل والله  : شغل شنو ذي الزمن دا؟ قول ما عاوز تقعد بس
قعدو يتعابطو وهو اصر زهجوه عديل بعد تعب فكونا وهو ما صدق طلع قدامي يلا يا سمر : اقيفي يا سمر دقيقه
امو وقفتني وهو منتظرني في الحوش قلت لها في شنو يا خالتي : ما حضرت العرس وما جبت لك حاجه كمان هاك دي دلكه وبخور اقبليهم مني : ما كان في داعي للتعب  : مافي اي تعب انتي بس شدي حيلك وجيبي لينا ولد والله اعزك عزه الزبير دا في مقام ولدي وانتي بقيتي بنتي : تسلمي يا خالتو
ما تجي طالعه يا زوله ما سامعه انتي لي ساعه واقف لك ياخ طبعا بصوت عالي وزهج ام فتحي لمن استغربت وانا دخلت في ضفوري قدام فتحي وامو واخوانو
انا الوقفتا يا ولدي ما تصرخ فيها كدا  : مع السلامه مشيت بسرعه واتقدمتو هو زاتو عشان مايشوف دموعي ركبت ورزعت الباب هو جاء وراي واتحركنا قال لي ما صدقتي كمان طلعتي من البيت وعاوزه تعملي لي حركات قدام الناس وتتمسكني عمرك ما حاتتغيري  :
انت الما حاتتغير وما حاتبطل تكون انسان جاهل عاوز يض*ربني  بس اتذكر انو سايق قال لي انتظري لمن نحصل بس : العاوز تعملو اعملو ياخ المرا مقدراك ووقفتني مخصوص عشان تديني هديه لمجرد انها ما حضرت العرس انت تتصرف كدا قداما؟ : هديه؟ عاين لهم ضحك باستهتار قال لي حاجات نسوان؟ وعاوزه تعملي بهم شنو كدي وريني؟ طوالي رميتهم بالشباك وصلنا البيت مشيت غرفتي  زعلانه لقيت مكالمه من رانيا رجعت لها