في عرين الاسد

في عرين الاسد 14

#في_عرين_الأسد
#بقلمي  : #مشاعر_مبعثره
الحلقه  ( 14)

انتي ما ماشه معاي انتي مش قلتي عاوزه تتخلصي مني؟؟ يلا دي فرصتك لكن كونو اخليك براك في البيت دا ما ممكن  : طيب رجعني لاهلي مدام ماشي تقعد في الفندق واعمل العاوزو  : انا وريتك قبل كدا طلاق ما بطلقك ومافي اي زول له الحق يتدخل في علاقتنا  : حتى انا؟  : يا سمر الله يهديك قومي وخلينا نمشي يعني اذا كنت انا ما قاعد في البيت تقعدي براك تعملي شنو ولا حابه لمة الجيران دي عاينت له قال لي ما حايحصل غير الأنتي عاوزاه صدقيني حاترتاحي مني يلا انا منتظرك برا قومي طوالي قمت لبست بسرعه لقيتو لم ملابسي مشيت ركبت ورا طول الطريق وانا ساكته ومرات دموعي بتنزل بمسحها بسرعه وهو بعاين لي بالمرايه قلت له ركز على الطريق ما تعمل بينا حادث تاني  : انتي صدقتي ولا شنو  : المهم انو في حادث حصل حتى لو ما كنت راكبه معاك طوالي وقف قلت له خير  : حااشتري كم حاجه للبيت نزل وعدا مسافه طويله بعداك اتصل بي قال لي انزلي تعالي قدام الصيدليه نزلت ومشيت له قال لي صلحي التوب  :
مصلح هدا قام جراه لي لوشي قال لي لقيت صف العيش طويل شديد وكدا لبكرا ما بقدر اشتري بس صف النسوان واقفه مرا واحده شايفه هديك مشت اجري  عاينت له خت لي القروش في يدي بسرعه طوالي مشيت وهو واقف يراقب فيني اي حركه كأنو منتظر زول يسألني ويجي ي*ض*ر*ب*و ما صدقت اشتريت وجيت جاريه كان شايل اكياس كتيره ختاهم ورا وقال لي تعالي اركبي قدام مشيت ركبت قال لي غاشي الجوازات عندي حاجه بسيطه ما بتأخر طلع لي كيس قال لي اتسلي مسافة اجي فتحتو كان فيه شيبس وشيكولاتات ونوتيلا ما اكلت الا بعد هو نزل كنت جعانه شديد جاء جاء ركب واتحركنا لمن وصلنا نزل الحاجات قعدنا ختو لينا الغداء هو اظن دخل يدو مرتين بس وقام مستعجل اخوه الكبير كان قاعد.هو اصلا مغترب وساكن البحرين 🇧🇭 دكتور سلم علي وقال للزبير خلينا نمشي بعد دا  : ايوا ارح جاهز خت لي مصاريف ومشى امو كانت بتتحاشاني ما عارفه مالا واختهم تقى يلا تقى دي اكبر واحده في البنات أرمله بعد زوجها اتوفى ما اتزوجت تاني لانو كان عندها منو ولد لحق ابوه بعد سنه خلاها دخلت في حاله نفسيه وقفلت على موضوع الرجال دا هي كانت محضره
ماستر وشغاله في جامعة الخرطوم يلا بعد وفاة ولدها حضرت دكتوراه وسافرت مصر اشتغلت هناك اسي جات اجازه سلمت علي سلام حار لانو طولنا من بعض سألتهم من سندس قالو لي مشت عطبره لعبير وجايه اليوم يعني الزبير كذب علي للمره التانيه العروس ياها عبير ما غيرا وسندس جايه معاها قلت لهم حاتصل متين  : بتكون وصلت اسي لانو ما نازله هنا  : ياامي خلاص  : تقى مافي داعي تدسو مني انا عارفه تفتكرو يعني الزبير ما كلمني انو عرسو بكرا : وراك  : وليه تدسو مني اصلا انا زعلانه منكم على فكره حتى امي سكتت واخواني يعني حايحصل شنو ماهو قبل كدا كان حايعملا  : لا والله المره المره الفاتت اشاعه ساي اسي ياهو وفاجأنا والله انا زاتي ما كنت عارفه جاني في زمن ذي دا وقال لي امشي اخطب له  : مشيتو لها في عطبره يعني  : عطبره؟ عطبره لشنو  : دا كلام شنو طيب الزبير ما قال لي مشت عطبره  : سندس المشت عطبره يا سمر  : وعبير؟  : عبير علاقتا شنو بالموضوع ايوااا انتي فاكره انو عبير هي العروس؟؟ لالا ماهي  : ما عبير بالجد؟  : لالا والله عبير دي ما خلاص حرق ورقتا زمان بعد العملتو فيك تقى قالت لي ما تزعلي يا سمر اصلهم الرجال ديل كدا الله يصبرك  : عادي  : والله
ما عجبنا لك لكن الزبير انتي عارفاه راسو ناشف علي دا جاه من البحرين مخصوص وما سمع كلامو بالعكس خلاه يمشي معاه ما عارفه الولد دا طالع لمنو ولا بسمع كلام صغير ولا كبير  : والله ما زعلانه يا جماعه ما تتاثرو عشاني  : بكرا العرس  : وسندس متضامنه مع عبير صاحبتا؟  : سندس ما كانت موجوده لمن خطب والليله نازله في بيت العروس لحفلة الحنه  : لالا تمام  طيب مش المفروص انو الليله نضافة الخدر والحنه وكدا  ما شايفه شي : العرس كلو حايكون في الفندق بوفيه مفتوح وكمان الحفله والجرتق هناك  :  حفله؟؟  الشيخ عامل حفله والله دي قويه شديد  :  هو بعرف يرقص عليك الله؟؟  في اللحظه ديك قعدنا نضحك طبعا تقى دي دمها عسل واي حاجه ماخداها ببساطه قعدت تتمسخر على الزبير وتحاكي فيه امها قالت لها كويس خليه يجيك اسي ويوريك  : ولا يوريني ولا اوريه ماشه انوم زاتي ولدك الما بضحك دا بكرا بوريك العجب انصار سنه اخر زمن وتاني رجعنا نضحك  في نص الضحك دا قلبي وجعني بكيت في الاول كانو فاكرنو ضحك لحدي ما شافو دموعي وتاني ما سكتت عمتو فاطمه حضنتني عليها شديد ومسحت شعري قعدت معاهم لمن نعست ومشيت نمت نص الليل
حسيت بحركه في الغرفه اتغطيت لراسي كنت شامه ريحة عطرو انكمشت على نفسي ودموعي نازله ما عارفه ليه الموضوع فارق معاي كدا مع انو علاقتنا بارده وما فيها غير المشاكل والضرب والإهانه الريحه كانت قريبه شديد السرير بقى تقيل وحسيت بحركه في السرير خت يدو في كتفي ما اعترضت لحدي ما نمت  صحيت عيوني منفوخه كان الشاي جاهز وبعملو في الفطور كانو لابسين وطالعين خلاص
اسي الترحال لزومو شنو يا بنتي  : عربيتي قاطعه بنزين ومافي زمن ياامي قلت لهم خلو الزبير يوصلكم  : هو الزبير جاء اصلا؟؟ دا بيت في الفندق  : ما جاء امس؟؟  : ما جاء والله : ايواا افتكرتو جاء
معقول؟؟ والحصل امس دا شنو شكلي كنت بحلم المهم هم طلعو عمتو فاطمه قالت لي كلمت امك وهاجر يجو يقعدو معاك  : مافي داعي يحو الحايحصل شنو يعني  : خلاص انا بقعد معاك  : معقول يا عمتي دا عرس ولدك هو انا لو بتخلوني بمشي معاكم ما عرس ود عمي  : اتمسخري كويس  : صوري لي اي حاجه يا تقى  : هو الشيخ برضى بالصور لكن؟  : هو عامل حفله عديل بقت
على الصور  : الله اعلم نحن ما عندنا اي تفاصيل زينا وذي الضيوف بس بقولو لينا تعالو بنمشي ما اصحاب قرار
المهم فاتو واهلي جوني بعاملوني ذي المريض النفسي الا مشيت غرفتي قعدت براي فتحت فيسبوك لاقاني منشور 
مسافر وين الاسبوع دا واحد متاقي الزبير وكاتب له ناس بلجيكا وهو رادي له انشاءالله : جهزت الورق خلاص؟امس لمحتك جنب الجوازات  : باقي ورق المدام بس يوم الليله دا لو عدا خلاص طوالي طلعت فعلا يوم الليله دا لو عدا خلاص انا برضو حاتجاوزك
سمر  : الباب فاتح  : قومي اكلي  : هاجر ارحكم العرس  : انتي مجنونه؟  : لالا عاقله يلا ارح البسو امي جات شاكلتني قالت لي عرس في عينك مافي زول بمشي وانتي من البيت دا ما بتطلعي انا كمان مشيت استحميت لبست فستان وسرحت شعري واتعطرت
انتو لسه يعني احسن لك تحترمي نفسك نحن ما
عاوزين مشاكل كمان ماشه تحضري عرس راجلك  :  مالو ما ود عمي بعدين انا ما متأثره ماشه افرق بس امي طوالي اتصلت بابوي جاء بسرعه ومعاه ذكي
يامي الزمن حايفوت خلاص عاوزه احضر العقد طوالي ابوي جاء داخل قال لي ماشه وين انتي يا بنت جنيتي؟  : ابوي ازيك سكت مسافه وقال لي تمام الحمدلله ذي قال لي امشي بسرعه غيري ملابسك دي وارح البيت ثانيه ما بتقعدي معاه  : يا ولد  : هو قايله لعبه عشان سكتنا له  : يا ذكي ما ممكن تسمعني لمره واحده في حياتك  : انتي اسكتي بس  : طيب اسمعني انت يا ابوي انا ما زعلانه ولا فارق معاي انتو مضايقين نفسكم على شنو الزول دا ولا عندي له حاجه ولا شايله في نفسي منو قعادو في وشي كدا مضايقني ازعل عشان عرس؟ هو انا ما صدقت لقى حاجه تلهيه مني دي أحسن حاجه عملا صدقوني  : بتقولي كدا من صدمتك بكرا حاتزعلي  : والله ما ازعل ياابوي وعاوزه امشي ابارك له كمان هو عاوزني ازعل وانقهر بس ماشه اوريه انو ما فارق معاي  : هو ما عمل حاجه حرام ولا كفر يا بنتي ربنا حلل له اربعه  : وانا رايي من رايك فشنو بدل ما اقعد في البيت واشمت الناس فيني
أحسن امشي  : كوثر امشي معاها  : انت جادي كمان عاوز تمشي كلاما الجاهله دي  : هي عاوزة خليها تعمل البناسبا والله كراعي دي مااختا هناك اما فوضى  هاجر زاتا ما بتمشي  : على كيفكم ذكي سوق اختك من يدها ووديها  ما عندنا حاجه لزول  :  وانت يابوي مش المفروض تمشي انت عمو  : انا اصلا ماشي احضر العقد طلعت مع ابوي وذكي وامي دي زعلانه زعل وصلنا والمكان كان روعه ما بتوصف الترتيبات مبالغه والناس والغداء كل شي خورافي لا والاحلى كمان قالو العقد حايكون برا جابو الماذون يعقد لهم في منصه كبيره كدا قدام الناس قعدت في تربيزه ورا وذكي فاتني بس لمحت اهل فتحي امو واخوانو قاعدين قدام بعد شويه الناس بقت تزعرد والعرسان جو بعربيه فخمه مزينه  نزلو عاينت للزبير وركزت معاه كان لابس بدله سوداء فتحت له لونو بقى ابيض ذي القمر وحلاقتو جديده ومتحنن!😳 حنه شكلا بالشريط زاتو كان الطقم لايق عليه بس ذي الممثلين الاتراك وريحتو دي واصلاني وانا بعيده كدا العروس ما ركزت معاها اللهم لابسه حجاب وزفاف ملكي كبير كدا الناس دي كلها ظهر عليها الاعجاب بهم و بصراحه الزبير فعلا كان احلى ما يكون اول مره اشوفو بالطريقة دي هو يعني جميل كدا وانا
ما  كنت ملاحظه له ما قدرت انزل عيوني منو هو ما كان ماسكا بس ماشين جنب بعض لحدي ما وصلو قعدو والماذون والشهود حاجه كدا ما شفتا الا في المسلسلات التركيه وبدت مراسم  العقد طبعا ابوي وكيل العريس بعد عقدو دموعي جرت والناس مشو يباركو كانو عاوزين يبدو الحفله لمن سمعت صوت الساوند بس وقفو ما عارفه ليه وهو مسك العروس من يدها وطالعين شكلهم ماشين الاستوديو انا طوالي قمت بسرعه مشيت عليهم فجاءة لقيت نفسي قدامو كنت ماشه بسرعه وهو لمن شافني وقف وبقى يعاين لي بس هي زاتا وقفت الناس كلها بقت تعاين فينا ابوي جاء قريب خايفني اتهور انا قربت من الزبير اكتر ومديت يدي باركت له خشمو ما فتحو ولا حتى قال لي الله يبارك فيك هي سلمت علي عادي بعداك مشيت عمتو فاطمه وتقى جو قعدو معاي وسألوني ليه جيتي  : قلت افرق زهجت من قعدة البيت اهل فتحي عدو من قدامي ولا سلمو علي خاصة امو دي متجاهلاني بصوره واضحه كانو دي ما ياها المرا الطيبه العزمتنا ديك قعدت معاهم واتغدينا جات سندس سلمت علي بطرف اصابعا قالت لينا تلفوناتكم دي وين انتو الزبير من قبيل بتصل  : والله يا بنتي تلفوني شحنو نزل وقفل  : هاك
يا سمر عاوزك قال اتصل بك ما رديتي  : تلفوني نسيتو في البيت شلت منها التلفون قال لي تعالي طالعه سريع  : نعم  : انا في البوابه تعالي بسرعه طوالي مشيت لقيتو واقف لي برا قلت له انت لحدي اسي ما مشيت؟  : الجابك شنو ودا شنو اللابساه دا عاوزاني ا*ق*ت*ل*ك؟  : انت ما جبت لي توب جديد ضرب الباب وقال لي انتي حيوانه؟ عاوزه تثبتي شنو يعني بجيتك ولا فاكراني حاتراجع؟  : على فكره طالع حلو والحنه جايه فيك ليه ما اتحننت في عرسنا؟ : هو داك كان عرس؟  : وعروسك حلوه وصغيره ربنا يهنيك بها جراني من يدي قال لي تعالي حاارجعك البيت واياك تطلعي تاني  : انا جيت مع ابوي على فكره ما بدون اذن  : الاذن بتاخديه مني انا ما من ابوك لانو ما عندو سلطه عليك انتي شكلك ما عاوزه تنعدلي اصبري لي  بعرف اادبك كيف  : ما حاتلقى زمن صدقني خلاص اتلهي بحياتك  الجديده تلفونو دقا
ايوا يا فتحي  : وين انت يا زول لينا ساعه واقفين لك  : انا قريب امشي ساي بسوق براي  : ليه  : ما تسأل امشي على الجماعه ديل وخليك مني  : طيب ما تتاخر العروس براها طوالي جراني من يدي لحدي ما وصل
العربيه وفتح لي الباب قال لي اركبي
الزبير؟  : حانوصلا في طريقنا  : تمام ركب واتحركنا طوالي كان زعلان شديد لمن عيونو حمر تقول يقلب العربيه عاينت بالمرايه طبعا العروس راكبه ورا بزفافا الكبير داك لقيتا برضو بتعاين لي فضلنا كدا طول الطريق اي واحده عاوزه تشوف التانيه حلوه ولالا وهو زعلان وصلني بسرعه ذي الطياره وقال لي انزلي نزلت وهو اتحرك لقيت امي وهاجر قاعدين مافي واحده اتكلمت معاي من شدة الزعل وانا مبسوطه عشان شفتو بالحاله دي لمن ضحكت تاني اتذكرت العقد والبدله والحنه وانو نهاية اليوم حايكونو مع بعض العبره خنقتني طوالي طلعت تلفوني شغلت اغاني وقعدت ارقص براي واتصور لحدي ما ناس عمتي جو وطوالي مشيت اسألهم من الحصل سندس قالت لي كان عرس خورافي والعجب الحفله والجرتك انشاءالله حالي ياسمر  : انشاءالله كنت عاوزه اقعد واحضر بس الزبير ما خلاني  : هي صحي انتي جيتي متين اخوك جاء يفتش فيك : دا ولدك دا يا عمتو جابني راجعه ما خلاني احضر الحفله : الزبير؟ : اي
سندس قعدت تضحك قالت لي بالله ولاقاك وين انشاءالله هم طلعو طوالي وتاني ما جو  : لمن اتصل بي بتلفونك كان منتظرني برا جابني راجعه هنا ومشى مع عروستو شفتي حقارتو يا عمتي  سندس قالت لي بالله؟ : ما مضطره اقنعك ولا عاجباني الحكايه عشان اكذب يمرقني من العرس في نص الناس ويجيبني البيت؟ تقى قالت لي وركبتي معاه هو ومرتو؟ : ايوا  :  قدام ولا ورا  :  هي كانت قاعده ورا بزفافا الكبير داك تركب قدام كيف  :  انتي يا بنتي ما فهمتيه لسه الزبير دا هو الماقدر يتحمل نتيجة عملتو يا بنتي وهدا من اسي انوجع تصرف ذي دا مافي زول طبيعي بعملو  :  ما يتحمل  كيف وهو العرس فيني  :  اسي كدي ختي نفسك مكانا بتقبلي راجلك يجي يسوق ضرتك ويركبا قدام وانتي عروس بزفافك هو بوضح لها بس انتي مكانتك شنو بالنسبه له  :  مكانتي؟  : انتي ما بتصدقي بس الزبير ولدي وبعرفو امكن ما قدر يختك مكان الزوجه بس عندك مكان كبير في قلبو وبهتم بك كمان سكت
بهتم بي؟ ظاهر  والله من الض*ر*ب والاهانه المعيشني فيهم قالت لي تتذكري يوم جرحتي يدك؟ جاء كمل
الملاح هو عشان انتي ما تقومي ويوم مرضتي اشتغل شغلك اي حاجه قاعد يكملا عنك  :  يا عمتي ما تبرري له عليك الله انتو ليه ما عاوزين تصدقو اني ما زعلانه؟   :  ربنا يرضى عليك ويعوضك صبرك خير  :  تصبحي علي خير   :  وانتي من اهلو عد اليوم والبعدو والبعدو الزبير تاني ما جاء ولا اتصل شكلو سافر بلجيكا 🇧🇪 مع مرتو 
يتبع