في عرين الاسد

في عرين الاسد 15

#في_عرين_الاسد
#بقلمي  : #مشاعر_مبعثره
الحلقه  (15)
عديت اسبوع ملل وزهج وقرف حاسه اني ما مرتاحه حتى اني قلت لهم ماشه بيتي عمتي زعلت وقالت لي يعني انتي ما مرتاحه معانا؟ قلت لها لا بس مليت قلت امشي اقعد عند اهلي سندس اتصلت بالزبير ورتو وحماني من غير حتى ما يتكلم معاي بس قال لامو
قولي لها لو طلعت من البيت دا بكسر رجلا  : عاوز يحبسني يعني؟ ليه يعني هو يعمل كدا راميني ذي البضاعه القديمه ولا حتى بسأل علي وعايش حياتو مع مرتو الجديده  : اصبري يا بنتي
مشيت غرفتي جدعت الملابس و بهدلتا نمت في الارض بكيت عملت اي حاجه كلو ما نفع حاسه انو انا ما طبيعيه طول الوقت بفكر فيهم قاعدين يعملو شنو؟ هو قاعد يتذكرني ولالا؟ ولمن افكر كدا بلوم نفسي وبزعل منها مش دا الانا عاوزاه انو اتحرر منو اسي عاوزاه يرجع يعني عشان يحبسني ذي زمان؟ عاوزه ال*ض*ر*ب  والإهانه يعني انا مالي مالي زعلانه من غيابو شكلي اتعودت على حياة الزله وما قادره اعيش حياه طبيعيه
انتي يا بنت منفسنه ولا شنو؟  : خليني : فهمنا اشتقتي له بس انتي من الاول عارفه انو ما مستقر هنا  : القال لك منو اشتقت له بالعكس انا مبسوطه كدا بس هو ما من حقو يرميني كدا ويتفرغ لمرتو ما عارف انو ربنا امر بالعدل؟ : رايك شنو انتي توريه : انا ما عاوزه حاجه منو  : سمر خليك واضحه انتي بتضايقي منو وحتى
مشيتي عرسو وطالبه الطلاق يعني حتى لو سأل منك واهتم بك ما كنتي حاتقبلي الإهتمام دا وتتشاكلو : دا واجبو ما غرضو اقبل ولالا انشاءالله اقفل فيه الخط هو ما يتصل ليه؟ : والله انا ما قادره افهمكم انتو الاتنين ولا عارفه انتو عاوزين شنو بالضبط
تاني يوم الصباح لبست وقلت لهم ماشه الجامعه اجيب شهادتي عاوزه اعمل الخدمه : بس الزبير : الزبير ما عندو فيني سبب هو سافر بعمل العاوزو وانا انحبس هنا  : يا بنتي اسمعي الكلام ما تمشي هو منعك : ما بهمني عمتي انا اسفه بس ماشه حتى لو هو ما راضي جات تقى قالت لي ما تقوي راسك نحن ما بنكلمو لكن مصيرو يعرف والله لو عرفك طلعتي اسي دي يركب يجيك : خليه يجي انا زاتي عاوزاه يركب يجي هم طوالي عاينو لبعض  قلت لهم  انا...  : انتي ما تقولي كدا من الاول  : يا تقى انتي فهمتي شنو ما عاوزاه يجي قصدي يعني ما بهمني رايو يا عمتي انتي افهميني اسي يرضيك كدا يسوق مرتو ويسافر معاها بلجيكا ولا حتى يسال علي اسي له كم من مشى وما معروف يجي تاني متين وما عاوز يطلقني عشان اشوف حياتي : القال لك منو الزبير مشى بلجيكا  : ومشى وين طيب  : الزبير
في المانيا يا بنتي مشى لصابرين  : نعم؟  : اي والله سافر بعد عرسو طوالي ومرتو زاتا قاعده عند اهلا ما ساقا  : ليه طيب سكتت تقى قالت لها يامي سمر ما غريبه عشان ندس منها كدا كدا حاتعرف  : في شنو يا جماعه انا بالجد عاوزه افهم  : كدي اقعدي اول قعدت عمتي طوالي مشت المطبخ
صابرين اتشاكلت مع راجلا وطلعت من البيت وما عرفت تعمل شنو ولا تتصرف كيف وهي براها في المانيا الا اتصلت بالزبير مشى لها  : اتشاكلو في شنو؟  : هي كانت حامل طبعا وعاوزه تجي هنا لانو زهجت قال لها مافي جيه اسي الابعد تلدي عشان البيبي ياخد الجنسيه يلا هي عارفه انو بعد الولاده ممنوع تسافر بالبيبي الا في عمر معين وهي ما بتقدر تصبر للزمن داك اتناقشو كتير وفي النهايه هي نزلت البيبي وزعل منها لمن عرف واتشاكلو هو مد يدو عليها وهي سجنتو  :  طبعا ما دوله اوروبيه  :  اها هو هددا وقال لها ماالقاك في البيت لمن اجي عشان كدا طلعت  :  دا كلو حصل من غير ما اعرف والحصل شنو اسي؟
انت لو راجل بالجد ما بتعمل عمله ذي دي في مرتك  :  وهي ما قصرت سجنتني ولو ما انت جيت ما كانت ناويه تطلعني  :  حقها  مهما كان  العملتو ماليك  الحق تضربا وتطردا من البيت  : انا متين طردتا  : ما تستهبل انت هددتا في مركز الشرطه وقلت لها ما اجي القاك في البيت  : انا لو قلت كدا تفتكر كان حايسمحو لي امشي؟ اسي امشي اسألهم لو انا قلت كلام ذي دا انا بعد العملتو معاي اعتزرت لها بس مدام طلعت من البيت هي حره تمشي محل ماشه  : وانا سايقا البيت تاني لو عاوز حتى تكلما لازم تجي البيت وطلع خلاه
صابرين كانت منتظراه في العربيه قالت له حانمشي وين  : الفندق نبيت وبكرا راجعين  : وحايطلقني متين  : ما ناقشنا الموضوع دا  : كيف ما تناقشو وعملت شنو طيب قلت لك ضربني وطردني من البيت  : اوعك تكذبي فاهمه؟ كلامك دا لو عاوز يحاسبك به كان ممكن يسجنك ذي ما عملتي معاه ما تعملي فيها بتستفيدي من قوانين الدوله انتي طلعتي من البيت بدون اذنو ومشيتي بيتتي في الشارع سألك ولا حاسبك؟ : هو ض*ر*ب*ن*ي  : انا لو مكانو كان
ق*ت*ل*ت*ك وكمان بتدخليه السجن؟  انتي كيف سمحتي لنفسك تنزلي البيبي ولدك تتخلصي منو عشان نفسك؟  انتي ما طبيعيه وتستاهلي اكتر من الحصل لك دا حيوانه كمان بتكذبي علينا عشان نخت اللوم فيه هدي خربتي بيتك وقعدتي احمدي الله انو ما طلقك لحدي اسي وهو المسؤول عنك لانو لو كنتي تحتت سلطتي  كنت بعرف احاسبك كيف  قعدت تبكي قال لها اسكتي ما اسمع صوتك دا دا زواج انتي فاكراه لعب؟ المهم مشو الفندق بيتو وطالعين من الصباح لانو سلفا حاجزين التزاكر بس حصلت مشكله واجلو الرحله
انتي جاده يا بنت من يوم عرسو تاني ما شفتيه؟  : يوم عرسو زاتو لو ما مشيت ما كان شفتو وداني بيت اهلو وتاني ما جاء واسي في المانيا  : يحليلك والله  : من حظي  : اشتقتي له صح؟  : اشتاق لمنو هو انا ما صدقت طار من وشي  : طيب بتشكيه له  : انتو ما بتفهمو كلكم الحكايه عدم تقدير  يعني لايماه على انو معلقني ما مشتاقه له  :  خلاص خلاص اها مرتو قاعده ولا ساقا  :  اقول لك مشى لاختو رانيا انتي ما بتفهمي؟ 
سمر سمر يا سمر  :  ايوا دي تقى يا رانيا اقفلي  :  تمام تصبحي على خير  :  وانتي من اهلو
تقى كانت شايله تلفونا جات رقدت جنبي شويه كدا التلفون رن قالت لي هسسس  :  دا منو  :  راجلك  ردت وفتحت الاسبيكر قال لها وين انتي مالك ما رديتي  :  كنت في الحمام  :  ايوااا كيف انتو كويسين؟   :  الحمدلله  :  امي كيف صحتا قبيل صوتا ما عجبني ما تكون عيانه  :  لالا كويسه كانت نايمه بس  : ا انتي كويسه : كويسه :  كلكم كويسين يعني ناس البيت عامة  : اممم انت قصدك منو بالضبط عشان ارد لك بدقه اكتر  : كلكم بدون فرز  : انا كويسه وامي كويسه وسندس برضو اما.........  : سمر مالا اوعا يكون حصل لها شي وانتو داسين مني؟  : سمر كويسه مالك انفعلت كدا  : اسي قلتي.....  : شنو  : ولاشي سكت مسافه وقال لها هي كويسه؟  : ايوا  : نامت؟  : من قبيييييل  : اتعشت؟  : لا  : ليه خليتوها نامت من غير عشاء  : قالت ما عندها نفس  : ما تكونو مشغلنها النهار كلو  : بري والله ساي بس امكن مشتاقه لك طوالي قرصتا صرخت قال لها مالك  : حشره  : قدر حالتك دي خايفه من حشره  : وانت خايف من المواجهة  انت كل يوم بتتصل وتسألني عنها طيب ما ت*ض*رب لها في
تلفونا  اديك لها؟؟  : لالا اوعك  : ليه لكن  : خليها براحتا مش قلتي نايمه اصلا لو اتصلت ما بترد وحاتفهمني غلط  : اها حليتو المشكله خلاص؟  : ايوا بس ما قدرنا نجي شويه كدا  : ربنا يجيبكم بالسلامه وتعالو قبل ما امشي لاني اشتقت لصابرين  : بحاول  سكت مسافه وقال لها تقى  : ايوا  : امشي شوفيها  : قصدك منو صرا وشو وقال لها تصبحي على خير  : اسفه اسفه خلاص بمشي اشوفا نامت ولا لسه  : حاتمشي توريها صح؟  : لا دا سر ما بوريها انك بتسأل عنها كل يوم
انا عملت نفسي مشغوله وهي بتنهي في المكالمه قالت لي سمعتي؟  : شنو  : رايك شنو في السمعتيه اسي دا محتاجه دليل اكبر من كدا؟  : انا ما فاهمه على فكره كلامو دا عادي هو ما عندو عين يتصل بي عشان العملو معاي للسبب دا بتصل بك انتي ويسال عني وعنكم كلكم  : يا بنت بطلي انتي فاهمه كويس : تقى انا عاوزه انوم  : نومي ياختي وما تنسي تحلمي به امكن يطلع لك   بالجد طوالي رقدت وقفلت اضاني بالمخده لحدي ما مشت بس في الحقيقه ما قدرت انوم ولا لحظه بس بفكر في كلامو وبتذكر فيه حرف حرف كأنو بقولو لي
حتى صوتو كان احساس غريب لمن سمعت صوتو جاني احساس كدا بالحنين انا بالجد نفسي يرجع واشوفو مااكذب على نفسي والله اشتقت له وهو لقى 🇩🇪 وما صدق تاني يوم كنت قاعده في غرفتي الباب دقا باستمرار ومافي زول فتح طلعت فتحت لقيتا ام فتحي ومعاها بنت سلمت عليهم ودخلتهم جبت لهم مويه
البنت شكلا ما كان غريب علي قمت اعمل لهم عصير قالت لي مافي داعي
  :  ناس البيت وين قاعده براك  : والله عمتي كانت قاعده اسي هي وسندس ما عارفاهم مشو وين  : ايوااا انتي كيف  : كويسه الحمدلله  : جيتي هنا يعني مسافة راجلك يجي من بلجيكا؟ قايلاه ساقك والله  : لالا انا قاعده من قبل ما يسافر  : ليه سكتت مسافه وقلت لها بسبب العرس وتحضيراتو ما حب يخليني اقعد براي  : امممم ما تزعلي دا حال الدنيا والراجل محللات له اربعه  : ما زعلانه اصلا  : شايفاك جيتي العرس  : لانو بالجد ما فارق معاي علاقتنا ما عندها مستقبل اصلا هو
بكابر ساي : انتي قصدك شنو بانو بكابر ساي طبعا دي البنت السألتني السؤال دا قلت لها قصدي انو ما عاوز ينهي العلاقه المحطمه  دي لحدي اسي  : انتي عاوزه تطلقي؟؟  في اللحظة دي جات عمتو فاطمه وشكلا كانت في الدكان سلمت عليهم وقالت لي ليه ما ضيفتيهم حاجه يا بنتي  : والله نحن الابينا يا فاطمه خلينا نقعد ساي نحن كنا في مناسبه في حيكم دا وقلنا نجي نسلم  : ما بتقصرو انا مشيت اعمل لهم شاي وخليتهم بتونسو ام فتحي قالت لعمتي
انا اسفه  يا فاطمه والله ما كنت عارفاها قاعده معاكم  : ما مشكله ما حصل شي عاينت للبنت اها انتي كيفك يا بنتي  : كويسه الحمدلله  : ما تزعلي انجبرتي تتختي في ظروف صعبه في ايام عرسك الاولى ولا يوم ما قعد معاك  سافر طوالي  : ولا يهمك يا امي انا قبلانه  بالزبير بكل ظروفو مستعده لاي حاجه المهم  هو يكون مرتاح انا كنت جايه وشايله الصينيه لمن سمعت كلامهم دا وقعت من يدي وهم ان*خ*لعو عمتي جات جاريه وانا نزلت الم القزاز
انكسر الشر  : خليك يا عمتي ب*ت*ج*ر*ح*ي يدك  : 
انتي زاتك ب*ت*ن*ج*ر*ح*ي  جيبي المكنسه  : حاضر  ا عمتي  : ايوا  : دي ياها مرت الزبير؟  : ايوا  : عشان كدا شكلا مألوف  : شفتيها يوم العرس صح؟  : ايوا بس مع المكياج والزفاف كانت متغيره  : انا بعمل الشاي امشي غرفتك  خلاص  : ما تتعبي نفسك اقعدي معاهم انا اصلا عاملاه في السيرمس يعني بكبو بس مشيت كبيت الشاي وجبتو  لهم المره دي قعدت قصاد العروس وقلت لها ما عرفتك والله الا اسي عمتي قالت لي انك مرت الزبير مبروك  : الله يبارك فيك  : اسمك منو  : رقيه بنت اختي وقاعده معانا في البيت قرت الجامعه وشغاله خدمه في الفندق العملنا فيه العرس  : ايواااا مش دا القعد فيه الزبير بعد الحادث  : ايوا  : لالا تمام واتلاقيتو هناك؟  : نحن بنعرف بعض اصلا من زمان يعني ممكن تقولي من جيت الخرطوم للجامعه  : كان بوصلها لمن يلاقيها  : ربنا يسعدكم هو كيف بالله اخبارو شنو  : المفروض انا الاسألك مش بتصل بك واخبارو عندك؟  : معقوله لكن مهما كان التواصل ما زيك انتي عروس وفجاءة تلفونا رن قالت لينا ود حلال لكن وقعدت تتكلم معاه براحه وتتمايع وتضحك
ايوا في البيت لالا قاعده هاك لها اتوقعت تكون عاوزه
تديني التلفون طوالي قمت وهي ادتو لعمتي بعد اتحركت قالت لي انتظري قال عاوزك  :  بعد يسلم على عمتي انا بتصل به ماشه غرفتي ارتاح شويه مشيت وتاني ما طلعت عملت نفسي نايمه لحدي ما نمت بالجد واصلي ما صحيت لتاني يوم هم افتكروني عيانه وجو يصحوني قلت لهم مافي شي اليوم داك ما طلعت من الغرفه نهائي الفيني كملت وبقيت ما قادره اتحمل اكتر الكلام كان  ساهل بس لحظة المواجهة صعبه وحاره خلاص والعجب لمن هو يجي وتبقى في مواضيع تانيه قمت صليت وتاني نمت لحدي بليل انخلعت لمن لقيت الغرفه ظلام وانا نايمه لسه لا صليت عصر ولا مغرب ولا عشاء ولا حتى اكلت قمتومخلوعه جريت الحمام الباب مقفول🔒 من جوا دا منو الثقيل دا وقفت بس منتظره والفي الحمام ما طلع مشيت دخلت الحمام التاني اتوضيت وصليت غشيت المطبخ جهزت لي اكل في صحن ومشيت ختيتو كنت لسه نعسانه مشيت رميت نفسي في السرير بس حسيت بحاجه قعدت اهبش لمست رجول زول عاوزه اصرخ قفل لي خشمي عضيتو وقعدت اص*رخ حرامي حرامي  : انا الزبير يا بنت حرامي شنو  : كذاب كذاب زح مني الزبير في المانيا قفل لي خشمي تاني ومسك لي يدي انا الزبير
صوتي ما بتعرفيه؟ جيت لقيتك نايمه ما حبيت اصحيك ما تص*رخي الناس نايمين انا حاافتح لك خشمك بس ما تص*رخي مفهوم؟؟  هزيت  قلت له انت جيت متين اصلا ما قلت قاعد شويه  : دا استقبال لك واحده راجلا له قريب الشهر مسافر تقابلو كدا  : ولع النور دا  : خليه مطفي  : انا ما مصدقه اصلا انك الزبير  : بالغتي يا بنت الناس صوتي ما بتعرفيه؟ اصلا غيري البدخل الغرفه دي منو؟  : ولع النور طوالي ولع مصباح تلفونو قال لي ارتحتي؟؟ هدا انا وقفت عاينت له مسافه طويله عاينت لتفاصيلو كلها وخشمي ما فتحتو ولا حتى هو اتكلم لمن خلاص اشبعت نظري قلت له الجابك شنو وليه راقد في سريري؟  :  بس دا سريري انا ودي غرفتي قمت مشيت على الكنبه قال لي مالك ما اكلتي من الصباح  : القال لك منو ما اكلت دا العشاء  : ما تكذبي وانا برضو ما اكلت جاء اكل معاي في نص الاكى مسك يدي قلت له الزبير فك لي يدي : انتي كويسه يا سمر؟  :
ايوا  : كيف قضيتي الفتره دي  : مرتاحه شديد  : وما مصدقه انك جيت تنقص حياتي : دا لازم طبعا : وليه ما مشيت لمرتك مش انتو عرسان؟ : العمر كلو لها ما بقت على اليوم دا طوالي سحبت يدي منو وقعدت اكل قلت
له ولع النور دا ما بعرف اكل في الضلام : تاكلي شنو تاني هو انتي فضلتي شي انا خايف اولع النور تاكليني انا زاتي : هو انت بتتأكل ولا بتتهضم : قضيتي زمنك كيف : ذي ما قلت لك كنت مرتاحه شديد من دونك : امممم واضح طوالي فتح تلفوني ورفعو لي كان مشغل الفيديوهات العبيطه العملتا لنفسي يوم عرسو وانا برقص وبتهابل قلت له جبت الحاجات دي من وين  : من تلفونك : امسحا سريع : لا طوالي قمت اقالع فيه سكيتو عديل لمن وقع في السرير مديت يدي اشيل التلفون رفع يدو فوق ما عارفه بقصد ولا بدون قصد خلاني وقعت فيه كان منظرنا بيش حاولت اقوم ما قدرت خفت يشاكلني بس حتى محاولاتي لاني اقوم ما كانت جاده لاني ما حبيت احرر نفسي من بين احضانو انا الاخترت اتسجن في قضبان صدرو وكنت حاسه براحه  وامان كمان ما عارفه مصدرو فضلت فتره طويله في الحاله ديك لحدي ما هو قال لي فهمنا انك نعسانه بس انا ما سرير قمت زعلانه شديد منو وكل الاحاسيس ديك بردت واتبددت في لحظه مشيت قعدت في الكنبه قال لي قومي امشي سريرك  : لا انا ما عاوزه انوم : ولا انا  : صابرين جات معاك؟؟
يتبع