في عرين الاسد

في عرين الاسد 18

#في_عرين_الأسد
#بقلمي  :  #مشاعر_مبعثره
الحلقه  (18)
فك التلفون وقال لي هاك شلتو ومشيت مرتاحه نفسيا من الكسره السببتا له تاني يوم برضو نفس البرنامج واصبح الجمعه قاعد برضو ما مشى رقيه اتصلت بي كيفك تمام  : الحمدلله  : سمر عاوزه اسألك  : في شنو  : الزبير له يومين بايت برا البيت وما مشى الفندق خايفه عليه ما عندك فكره ممكن يكون وين  : انتو
اتشاكلتو؟  : لالا والله العظيم  لحدي أخر لحظه مبسوطين ولا حتى نقاش ما حصل  ما عارفه مالو وما برد على تلفونو امس لقيتو مقفول  : ما تخافي هدا قاعد هنا مترمتل لي ما عارفه عاوز شنو زاتو كرهني  : بالجد؟  : ايوا قاعد معديها اكل وشراب وتلفزيون ونوم  : ما بمشي الشغل صح؟ : نهائي  : خلاص تمام طمنتيني  : اسي تلفونو فاتح اتصلي به خليه يتخارج مني اتصلت به ابى يرد وسامعو هدا قدامو كمل اليوم ومشى الصباح  الشغل وجاها بليل اتناقشو قال لها انتي بعد دا عديتي فترة شهر العسل يعني تاني يومين عندها ويومين عندك  : بس انت قعدت معاها 3 ايام وما وريتني  : صادف جمعه بس  : يعني يوم الجمعه ثابت حقها؟  : ما تكتري كلامك عاوزاني اجي وهدا جيتك لو عاوزه 100 يوم بقعد معاك  : انا ما بحب تقعد معاي وانت زهجان مني وبالك معاها  : رقيه  : انت حتى ما رديت على مكالماتي لمن تكون معاي بتتصل بها عادي وكمان بتمشي لها واسي لمن  مشيت لها قافل تلفونك لمن تكون معاي يا الزبير بتطلع من الصباح تمشي الشغل وتجي بليل وهي قاعد معاها 24 ساعه  : ماانتي البتوريني اعمل شنو عليك بنفسك لو قصرت معاك في حاجه اتكلمي في حق من حقوقك انا ما قاعد اقوم به؟
ما قاعد اتونس معاك؟ ما قاعد اكل معاك في شنو؟  : انت بتعمل اي حاجه بس زلة ملامه عشان ما تتسمى مقصر  : انتي بالجد انسانه ما بتنطاقي وطلع  فات خلاها جاني قريب الصبح لمن خفت وابيت افتح له الا اتصل قلت له عاوز شنو تاني الصباح ما كنت قاعد؟  : انا واقف برا  تعالي افتحي سريع مشيت فتحت له قلت له مفتاحك وين  : نسيتو هنا جيت اشيلو : معقول جيت بس عشان تشيل المفتاح وحاتحتاجو لشنو اصلا لمن تجيه اخر الليل : كنت شغال في مكان قريب ورقيه بتكون نامت ما حبيت ازعجا  : لالا كويس والله قلت احسن تزعجني انا  : بالضبط انتي المجبوره تتحملي ماهي  : يعني عاوز تقعد تنط لي كدا كل يوم  : عاوزاني اخليك تاخدي راحتك الله اعلم بتدخلي منو زاتو  : دا اتهام على فكره  : اي قاصد مشيت نمت خليتو فجاءة حسيت بحركتو في السرير قمت مخلوعه
انت الجابك شنو خت يدو في كتفي وانا خلاص قربت اصرخ اتذكرت الحلم داك وقعدت اقرا قران قال لي مالي ش*ي*طان وانا مواصله
  يابنت  : دا حلم دا حلم ما اكتر ذي المره الفاتت  :
يعني انتي حاليا بتحلمي؟؟ وبتتكلمي عادي كدا في الحلم؟ قعدت ارجف قال لي دا ما حلم يا سمر اسي ما جيت وفتحتي لي الباب  قلعت عيوني قال لي اها وريني متين حلمتي بالشي دا  : قبل عرسك بيوم لمن طلعت مع علي اخوك حصل نفس الشي دا والصباح قالو لي انك بيتت في الفندق وما جيت قعد يضحك  لا ما حلم جيت فعلا ولقيتك نايمه بنفس الطريقه دي  : احلف  : والله العظيم يا سمر جيت وطلعت قبل تصحو
: واسي جاي لشنو امشي غرفتك : دي برضو غرفتي  : ما غرفتك  : دا كلو بيتي وكل الحاجات الفيه حقتي حتى انتي فاهمه؟  : لا ما فاهمه  : خلاص بخليك لمن تفهمي  : زح يدك دي مني لا زح كلك زح انا ما قادره اتقلب الجهه التانيه  : اها قمت لك قبلت عليه مشى الحمام وجاء راجع تاني قلت له عاوز  شنو ياخ ما قلت ماشي؟  : ما قلت  : ياخ زح مني  : لو ما قربت ما بزح وفعلا قرب وختاني في حضنو بقيت سامعه صوت انفاسو وحاساها ضربات قلبو جسمو كان حار شديد شكلو محموم وعرقان كمان قلت له اعلي لك التكيف؟  :
لا طلع التيشيرت ورجع حضني بنفس الوضعيه اتوترت شديد  حاولت احرر نفسي منو ما قدرت وهو بعاين لي وبراقب اي حركه مني للسبب دا ما قدرت ارفع راسي
قلت له الزبير لو سمحت ما تعمل كدا بطل الكلام الفارغ البتعمل فيه دا  : لو ما سكتي وبطلتي تقاومي حايحصل الفارغ العاوزاه نومي نومك ساي نمنا فتره طويله الصبح فاتنا والشمس لمن طلعت صحيت بحركتو اخدت لي لحظات كدا ذي الفاقده الذاكره خاصة لمن لقيت نفسي في حضنو كنت فاكراه حلم طلع حقيقي  الحصل امبارح كلو الزبير بعمل كدا ليه هو فهمو شنو ليه يخلي مرتو المرتاح معاها ويجيني في زمن ذي دا ويصر ينوم معاي دي كانت فرصتي اعاين له من المسافه القريبه دي شفت تفاصيلو كلها الزبير ما كان كعب كدا بس الظروف الجمعتنا قستو لو ما حصلت بيننا كل المشاكل دي امكن كنا عشنا سعيدين هو بالجد  أخر فتره كان راجل معاي والكلام القالتو رقيه ما حاجه عابره هو بهتم بي من غير  ما يحسسني بكدا ما عارفه جبان في مشاعرو ولا لسه ماغفر لي العملتو اتذكرت ه*رو*بي من البيت وزواجي في السر واني خليت مازن يغشني ويلمسني بدون قسيمه كذبي على ابوي وعلى الزبير لو كنت صريحه معاه من الاول وما كذبت بخصوص العده بس لو وريتو هل كان حايقبل يفتح معاي صفحه جديده؟ طيب هو بكل الصفات دي ليه بعاملني كدا وليه اختارني انل وهو الف بنت تتمناه
اخدت تنهيده واتذكرت الوضع الراهن حسيت بتوتر بس ما اتضايقت بالعكس كان عندي رغبه كبيره انو الشي دا يستمر لو قارنت الشي دا بعلاقتي مع مازن قربنا من بعض كتير وعملنا اي حاجه بس ما كنت برتاح معاه  كدا دايما خايفه ومتضايقه وما راضيه لاني عارفه نفسي بغلط في حاجات كتيره ما كنت  بسمح له بها حتى حضن الزبير مختلف ومطمنه فيه اكتر في لحظه استحقرت نفسي على التفكير والاحساس دا زعلت من نفسي لمن دموعي جرت دا كلو حصل في لحظات بس مسافة الزبير يفتح عيونو وهو صاحي اصلا لمن فتح عيوننا اتلاقت دموعي كانت جاريه ما قدرت اقول شي هو حس اني متضايقه من قربو طوالي قام مشى الحمام ولبس ملابسو وانا لسه في وضعي داك ودموعي جاريه قال لي انا ماشي قلت له انتظر الحصل امس دا جاء علي ووقف منتظرني احدد له موقفي راضيه عن الحصل دا ولالا بس انا ما قلت شي بس دموعي جاريه قال لي فهمت اوعدك ما اضايقك تاني ولو ما حابه تستقبليني في بيتك انا ما بجي تاني خت لي مفتاحو 🔑 ومشى  هو ما خلى لي خيار غيرو لدرجة اني لحظتا فكرت  اوقفو واقول له انا ما زعلانه بالعكس ارتحت  نفسيا من الحصل دا  لو عاوز نفتح صفحه
جديده انا مستعده بس متردده وخايفه من المنتظرني معاك خايفه اخت ثقتي فيك تكسرني تاني ما عاوزه ارجع للنار العشتها زمان  هو مشى الشغل حتى الشاي شربو هناك اتصل برقيه طمنا انو بخير لانها كانت خايفه عليه شديد
الزبير انا اسفه ما كنت عارفه انو النقاش حايصل لطريق مسدود اسفه بالجد سواء كنت انا الغلطانه ولا انت  واوعدك تاني ما اكررا بس ما تمشي تخليني بالطريقه دي تاني  : ما حامشي اوعك وانا اسف لانو ضايقتك  : خفت عليك شديد والله وما عارفه الحاصل عليك ولا كنت وين الليل كلو  : كنت في البيت التاني  سكتت مسافه حتى قالت له تمام المره الجايه ما حااقلق واطمن انك في البيت التاني  : ما حايكون في مره جايه شغلي خفيف الليله طابخه شنو؟  : لسه ما طبخت  : طيب ما تعملي حاجه جاي اسوقك تتغداء برا والعشاء عليك  : حاضر حبيبي ربنا يخليك لي  حبيبي؟  : ايوا  : سامعني يعني : ايوا سامعك : انت ليه ما قلت لي بحبك ولا مره سكت مسافه وقال لها مع الاسف انتي متزوجه شيخ ذي ما بتقولي قعدت تضحك  وعلى كدا المشكله بينهم اتحلت بالمساء جاهم
فتحي واتعشى معاهم طولو في الونسه ورقيه مشت نامت
شكتني لك صح؟  : ابدا والله رقيه دي انت بتعرفا هي ما من النوع دا  : ظاهر يعني؟  : انت كنت مبسوط في البدايه بس حاليا شايف وضعك اسواء  : اسواء في شنو  : انت لا مبسوط ولا حتى مرتاح حاسك مجبور عديل  : والله ورتك  : منو هي  : رقيه طبعا  بتتكلم نفس كلاما  : لانو الشي دا واضح رقيه بنت خالتي بس انت صاحبي واخوي خليك اتكلم بدون حواجز انا من الاول قلت لك رقيه لا ما عاوزا تتعذب  : حاولت ما اعذبا  : والنتيجه  : انا في ضع صعب يا فتحي صدقني صاحبك في فتيل انا ما كنت مقتنع بكدا بس بالجد الانسان ضعيف مهما كان انا امس قربتا اعملا  : بالجد  هزا راسو دي المره التانيه ما اقدر اضبط نفسي واتهور بالطريقه دي  ما عاوزه تطلع من راسي : كدي براحه كدا واهدا وريني امس الحصل شنو  انت عملت شنو  في اللحظه ديك الزبير لمح ضل رقيه قال له اتناقشنا ومشيت لسمر ما كان مفروض امشي  : بس كدا؟ زعلان عشان مشيت هو الموقف يعني مع.... الزبير ض*رب*و في رجلو عشان يسكت رسل له في الواتس رقيه واقفه
وراي وسامعانا طوالي لفلفو الموضوع وغيرو السيره تماما لمن هي مشت
احكي لي الحصل شنو امس  : ما حصل شي  : رقيه مشت مالك تاني  : مافي حاجه يافتحي انت اخبارك شنو : انا حياتي ما فيها جديد زيك وريني امس انت وسمر حصل بينكم شنو  : ولا شي اتناقشت مع رقيه ومشيت لها : اها  : ما عندها اي رغبه في وجودي : لازم تديها فرصه عشان تسامحك العملتو انت فيها ما شويه  : انا عملت شنو انا كل مره بقرب منها بتصدني كم مره ومره لو بالغلط ساي جيت البيت تصر لي وشا ومزاجا يتعكر اليوم كلو  وانا ذي الغبي ذي الغبي مباري مشاعري الغبيه وارجع اقرب بس صدقني دي اخر مره  : غريب والله انك بتوصف الحب بالغباء انت ما غبي انت عاشق  : ما بحبها قلت لك ما بتفهم انت  : بس هي بتحبك قلع عيونو ب بتحبني؟ فتحي انت جادي القال لك كدا منو؟ : دايما بتقول كدا ودا السبب الخلاها تقبل تتزوجك وانت قلبك مع غيرا : انت قصدك رقيه؟ : وانت قصدك منو؟ صرا له فتحي قعد يضحك
غلطان انا البقول لك سر امشي عليك زيعو  : والله لو كان بتخليني ازيع كان امورك  ظبطت وعايش مبسوط
الزبير عدا فتره طويله ما جاني وانا زعلانه شديد من الحصل اليوم داك ندمانه لاني ما شاكلتو واحرجتو لمن قرب مني وزعلانه اكتر على الغباء الفكرت فيه بعدها اديه فرصه؟ وانسى الض*رب والاهانه؟ اتصل بعد فتره طوويله  اتصل بي كنت مع رانيا قال لي سمر  : ايوا  : عندي ملابس في الدولاب ختي لي ذي غيارين في شنطه زعلت زعل يعني هو الفتره دي كلها ما جاني ولا سأل مني واسي جاي يشيل ملابسو عشان ما يرجع تاني قلت له لو عاوز حاجه تعال شيلا براك  : ما حاعاوزه تجهزيهم لي يعني؟  : لا  : تمام قفل طوالي صوتو ما كان عاجبني وحسيت بالذنب طوالي قمت ورانيا لاحقاني قالت لي متين جيتي هو  : الزبير اتصل واحتمال يكون جاي زاتو لو لقاني مافي مشكله مشيت البيت طلعت له غيارات ختيتهم في شنطه صغيره اتصلت به ابى يرد بس ما ريحتو
عاوزه شنو تاني  : جهزت لك الشنطه تعال شيلها  : برسل لك فتحي  : وانت مالك  :  انتي بس اعملي القلتو لك  : ما بديهم لاي زول الا تجي انت  :  انا ما بقدر
اجي  : ليه ليه ما تجي خاته لك شوك في العتبه ولا ما عاوز تشوف وشي لمن بترسل فتحي منعتك انا؟  كنت بتكلم بانفعال وبسرعه قال لي انا في المستشفى  : المستشفى؟  ليه العيان منو اتكلم في زول حصلت له حاجه؟؟  :  مافي زول حصل له شي اطمني  :  طيب الوداك المستشفى  شنو وليه عاوز ملابس  :  سمر انا داخل عمليه بعد شويه ما بقدر اجي معاي فتحي برسلو لك قعدت اكورك عمليه؟  عملية شنو سكت قلت له انت عندك شنو ما كنت كويس الحصل لك شنو اوعا تكون عملت حادث كانو بنادو في اسمو قال لي خلاص يا سمر انسي : ما تقفل انسى شنو انا ما قادره يالزبير عليك الله فهمني مالك  : حاجه بسيطه قعدت ابكي قال لي اسمعي سمر سمر اسكتي عشان ما اقفل سكت قال لي جيبي الشنطه وتعالي براك اياك تكلمي زول انتي فاهمه؟  : حاضر انت في ياتو مستشفى  : رويال كير مشيت لبست بسرعه طلبت ترحال ومشيت افتش واسأل لمن لقيت فتحي قلت له الزبير وينو  : دخلوه العمليه  : عملية شنو هو عندو شنو  وعمتو فاطمه وين وصابرين وتقى و....  : مافي زول عارف غيري واسي انتي قال لي ما تكلم زول وراك انتي بس قعدت في الارض ابكي ويكلمني اسي ليه؟ قبل العمليه بدقائق؟ انا
شنو بالنسبه له يعني  : يا سمر امو ما كلما  : ليه ليه يعمل عمليه بالطريقه دي ذي الما عندو اهل  : انا ما زول يعني بعدين العمليه بسيطه ما تخافي عندو حصوه حايشيلوها له حددو له العمليه قبل فتره بس كان بماطل لمن تعب  : حرام عليكم معناها من بدري وما كلمني انا كنت حاسه والله جسمو كان حار شديد محموم وعرقان لمن برجف في البرد والتكييف عالي طلع قميصو و صد.... عرفتو ما طببعي لمن انتبهت لاني بحكي موضوع خاص خجلت شديد قال لي ما تخافي العمليه بسيطه شديد وعادي الناس بتعملا ما تخافي قعدت ابكي وهو يهدي فيني لحدي ما طلعوه كان ذي الجثه شايلنو في البدايه كان ساكت تاني بقى يقرا قران الناس كلها اتأثرت فتحي دموعو جرت وانا حسيت انو مات وشايلنو تعبت شديد من شدة ما بكيت لمن غمرت ودوني العنبر صحيت لقيت نفسي براي طبعا فتحي مع الزبير سالت الممرضه منهم قالت لي في العنايه المشدده جريت هناك وما دخلوني ابكي ساي لمن ودوه العنبر فتحي دخلني له بعد تعب   اوعك تبكي اسي انتي بتبكي كدا لشنو خوفتيني قربت اتصل بامك ما تبكي الزول دا كويس هو زاتو قلق عليك  : هو صحى؟  : ايوا صحى قبل شويه تعالي دخلت لقيتو
مركبين له درب وقفت اعاين له فتحي قال لي قولي له حمدالله على السلامه من اللخبطه قلت له البركه فيكم وما انتبهت الا لمن هو ضحك وفتحي كل الموجودين ضحكو فيني الزبير دموعو قربت تجري من الضحك اول مره اشوفو كدا فرحان على متألم جفونو تعبانه شديد قال لي عاوزه تقتليني صح؟ انا بطني فاتحه تضحكيني كدا  : انا اسفه اسفه حمدالله على السلامه وكفاره انشاءالله  : كفر الله سيئاتك : متألم؟  : لا  : ما تكذب انت يداب صاحي واكيد الم العمليه كلو ما حاسي به  : راح بعد الضحكه دي الدكتور جاء ونحن طلعنا لمن جاء طالع قال لي انتي زوجتو؟  : ايوا  : الزول دا خوفتيه شديد اول ما صحى سال منك ولمن قلنا له غمرتي عاوز يقوم يمشي لك خجلت وسكت قعد يضحك قال لي حمدالله على سلامتو : الله يسلمك
قعدنا شويه الزبير قال لي امشي بعد دا  :  امشي وين الدكتور قال ما بخرجك الا بعد بكرا  :  عادي فتحي معاي  : انا زوجتك امشي واخلي فتحي معاك  : سمر ما ممكن تقعدي كيف معاي في حاجات ما بتقدري تعمليها لي انتي صريت وشي قال لفتحي وديها البيت البنت دي ما بتسمع الكلام  : عاوزو يسوقني غصبا عني
يعني؟ ماماشه لو ما عاوزني اقعد معاك بنوم برا  : الزبير خليها خلاص اصلا الغرفه فيها سريرين ترقد معاك عادي المهم قدرت اقنعو فتحي وداني البيت استحميت وغيرت وجبت لي تاني ملابس قعدنا وهو لمن اكون عاوز حاجه بخجل ويقول لي نادي فتحي وفتحي مستغرب
خلصت ولا لسه؟ : فتحي قاعد؟  : لا مشى الكافتريا عاوزو ضروري؟  : خلاص تعالي دخلت له مغمضه عيوني حاتساعديني كيف وانتي ما شايفه شي خلاص اطلعي  : خلاص خلاص  : بكرا حانطلع ونمشي البيت هناك مافي فتحي تقعدي تتخجلي لي كدا؟ من امس معذبانا انا مرتك وما بمشي استفيد منك شنو طيب : ما مستفيد مني صح والله الحسنه في المنعول ذي الشرا في المقفول  : في القندول  : ما بفرق المهم ما فيك حسنه  : شكرا  : الزبير  : ايوا  : انت كنت عيان من الزمن داك صح؟  : ياتو زمن؟  : لمن جيت بليل ووو  : ونمت معاك اها  : كنت محموم وعرقان جيتني عشان رقيه ما تعرف انك تعبان صح؟  : لا غلط  : والصاح شنو  : جيتك ساي وندمتيني عليها زاتو لو عارفك بتكرهيني قدر دا ما كان جيت وازعجتك  : لا انا ما
بكرهك ان..... فتحي جاء وقاطعنا كان جايب الاكل وبنادي فينا قمت جاريه قال لي ماشه تخليني كدا يعني مسكتو وجينا طالعين مع المسكه توبي رجع لورا وشعري ظهر جرا لي التوب لوشي  قفلت لي عيوني ياخ عاوزني اقع ما شايفه حاجه  : انا شايف كفايه المهم قعدنا لحدي تاني يوم الصباح الدكتور خرجنا بس الزبير تاني تعب بعد رجعنا البيت الا اتصلنا بالدكتور قال لينا جيبوه وديناه اداه دربات وصرف له مسكن قوي 💪
انت ما وريت رقيه؟  : لا  : ليه لكن  : امو ما وراها عشان ما يقلقا بعد وضعو يستقر انا بوريهم التلفونات من اول امس ما هدت رقيه قربت تجن  : ولمن تعرف؟؟  : يحلها الشربكا
المهم رجعنا البيت وفتحي مشى قال لي لو حصلت حاجه اتصلي بي مشيت حضرت له الاكل وساعدتو يقوم قال لي ربنا انتقم لك مني  : المرض انتقام؟ دي كفارة ذنوب اشرب  : دي دعوتك اتحققت والحمدلله وضعي ما قاعد يتحسن  : انت بتقول في شنو انت ما فيك حاجه بس مشكلتك ما بتاكل  ابتسم بسخريه وقال لي  لانو ما بقدر الاكل بتعبني سمر بصراحه كدا ما
انبسطتي لمن شفتيني كدا عاجز ومسكور ومحتاج مساعدتك في اي حاجه قولي ساي ما حاازعل ولا بقدر اصلا اعمل لك حاجه  : انا ما بشمت في انسان ضعيف حتى لو كان عدوي ربنا خلقنا كدا المرا عاطفيه وقلبا ما بتحمل كسرة الراجل حتى لو كان جلادا  وانت في النهايه ود عمي وزوجي  : والانسان الض*ربك وزلاك ونغص عيشتك : انت بتحرشني فيك يعني؟ انا البخليني ما اندم على لهفتي عليك دي حاجه واحده : شنو  : متأكده تماما انو لو انت كنت مكاني حاتعمل اكتر من العملتو انا معاك لانك من جوا برضو عاطفي زيي كدا خت يدو في راسي بصعوبه قدر يعمل كدا نزلت له تحت قال لي سلامتك من التعب الذي دا ما بتمنى لك تكوني مكاني كان قدامو شوربه بعدا وقال لي كفايه : هو انت شربت شنو اسي يلا  : الا لو حاتشربيني بيدك  : قول عاوز كدا بس عاد لقيت الفرصه عشان تشغلني بس ما مشكله انت ابقى كويس وحااتسدى : ناويه تعملي شنو  : حاارقد ذي الملكه واخليك تخدمني  : ما تحلمي ساي  : الزبير  : ايوا  : مش المفروض نكلم ناس البيت بعد دا  : لا  : ليه لا انت بقيت كويس وما حايقلقو بس لو طولت اكتر من كدا حايزعلو منك  : انا مرتاح كدا ما عاوز ازعاج  : انا بزعجك طيب  : عايني ما تلفي
وتدوري لو مليتي مني اسي بطلع  بمشي دموعي نزلت وقلت له دا بيتك ما بيتي انت ليه بتفهمني غلط دايما فاكرني شنو؟ ما عندي ضمير عشان اخليك في وضع ذي دا انا ما.... مسح لي دموعي وقال لي حقك علي انا ما تزعلي  : كلامك بزعل  : انتي قادره تكوني متسامحه  معاي كدا كيف  انا ض*ر*ب*ت*ك وانتي بتبكي عشان اسمح لك تساعديني حضني وباس راسي حسيت بمشاعرو الصادقه وطيبتو معاي في الفتره ديك اتلاشت كل الحواجز بيننا اتبدد الغضب والزعل والصوت العالي ما اتناقشنا ولا سمعنا بعض بالعكس لاول مره نتكلم بحريه بدون حواجز احترمنا بعض الشي دا ما كان قاعد يحصل زمان كنا كلمه كلمتيت وبنتشاكل كانت فتره اقرب لمرحلة الخطوبه اتعرفنا فيها على بعض كنا بنساهر مرات بنوم عديل وانا قاعده جنبو في السرير لمن يقوم يرفعني يصلحني جنبو في السرير ويغطيني لحدي ما اقنعتو يكلم امو زعلت زعل وشاكلتنا الاتنين ورقيه دي بكت عديل ظاهر عليها شايله في قلبا شديد منو والغيره في وشا كرهتني لو اتكلمت معاها ما بترد
سخنيها يا رقيه ما حايشربا بارده ضربت لي التربيزه
قالت لي وانتي العرفك شنو بتعرفي عنو شنو اصلا  غيري انا القاعد يطبخ له منو وبرضو ما عاجبو  : ما تتكلمي معاي كدا  : بتكلم انتو ليه بتعملو فيني كدا يعمل عمليه بنج كامل ويقعد كم يوم ما توروني  الفتره دي كلها وانتي القاعده ممارضاه انا شنو؟ انا ما مرتو؟  : الكلام دا ما تقوليه لي انا انا مالي حاسبيه هو  : انتي السبب انتو الاتنين مدام بتحبو بعض وعاوزين تعيشو مع بعض وتكملو مدخلني في النص ليه ليه اتزوجني اصلا ورمت الشوربه في الارض لمن القزاز اتكسر عمتي جات جاريه
بسم آلَلَهّ مالكم يا بنات الحاصل شنو  : ما حصل شي الكوره وقعت واتكسرت  : ما تكذبي عليها عشان انا ما عملت زيك وعليت صوتي استغليتوني  : الاستغلاك منو؟ انتي مالك اسي  : اسأليها هي ليه مشت معاه حضرت العمليه ومارضتو وانا لا ليه جاء بيتها هي ما بيتي ليه ما وراني اصلا انو عيان  : وسمر ذنبا شنو هو الدس منك عندك اي سؤال امشي اسأليه هو وهو بعرف يرد لك سمر علاقتا شنو بكم؟ ولا تكون هي الجات قالت لك عرسيه؟ مالك ما عارفاه متزوج وعندو مرا تسد عين الشمس؟  انا طلعت برا خليتهم بتناقشو ما
عارفه احدد موقفي انا ممكن اشاكلا واوريها قيمتا بس ما حبيت اعمل مشكله  واكون في اي مكان انا بتاعة المشاكل والملامه تعبت من الدور دا بليل الزبير جاني في غرفتي قلت له عاوز حاجه؟؟  : خليك قاعده سمر انا بعتزر لك على العملتو رقيه  : انت ما مضطر تعتزر عنها  : لو بقدر كان خليتا تجي تعتزر لك بس الاعتزار ياهو واحد لو مني لو منها  : لانكم كيان واحد  : انتي لو كنتي مكانا كان حاتزعلي برضو  : وازعل ليه عادي مالي عندي لك حاجه  : المهم انا جيت اوريك اننا ماشين وامي زاتا بعد شويه طالعه الليله حاتبيتي براك  : عادي ما اول مره  انا اتعودت اكون براي  : خلي بالك من نفسك  : وانت خلي رقيه تخلى بالا منك  : من غير توصيه وبدون ما اكون عيان قاعده تهتم بي وما بتقصر بس ان......... : اسكت خلاص ما تكمل انا ما عاوزه اسمع حاجه منك  : معناها حااختصر لك في جمله سمر انا عمري ما حاانسى العملتيه معاي دا ربنا يحفظك لي
طلع جادي ومشى وعمتي مشت خلوني براي ذي الشيطان وهم رجعو ذي السمنه على العسل حياتهم كلها حب واحترام وانا رفض يخليني امشي لامي اساعدا انا افتكرتو حايتغير بعد قربنا من بعض كدا بس  لا بقى ما شغال بي على اساس يخليني على راحتي ولا اتصال ما
بتصل بي ودي اصعب حاجه الزول بعد يقرب منك كدا وتتعود عليه يبعد عنك فجاءة من غير تدريج ذي المرض البظهر فجاءة في مراحلو المتأخره اكل براي انوم براي حتى بقيت اتكلم براي ذي المجنونه وابكي ومرات اضحك على حظي الكعب قعادو معاي حتى لو بال*ض*ر*ب والزله اخف من قعادي براي كدا
غريبه انك بارد كدا لمن بتضحك حتى انك بطلت تفتش  : تفاهه  : شنو  : البحصل دا تفاهه انا واثق منها اكتر من نفسي وحزرتا منهم كلهم ما حاتجيب لنفسا وجع راس ساي بسبب عالم فارغه  : انت شكلك عرفت صاحب الرقم  : وبهدلتا كمان لو عندا كرامه حاتنسى حاجه اسما الزبير وسمر وحاتبطل تكون حرف الواو  : بهدلتا؟؟ قام على حيلو قال له الزبير اوعا تكون قاصد رقيه؟ : ومالك متشدد لها كدا اسي انا جبت سيرتا؟
دا طبعا حوار بين الزبير وفتحي في واحده من قعداتهم
اما انا كنت في البيت الباب دقا مشيت فتحت لقيتا ليلى
وين انتي الجماعه جو شربو القهوه ومشو  دخلت وقعدت في الكرسي قلت لها ليلى مالك اوعا تكوني عيانه  مدت لي كيس قلت لها دا شنو؟  :  افتحيه لقيت ديل تحت سريري  : حقات منو: الله اعلم طبعا الكيس
فيه ملابس داخليه قلت لها مبالغه لكن يا ليلى  : لمن سألتو قال لي اشتريتهم لك اتخيلي بس قدام ومستعملات مرميات تحت السرير وبقول اشتراهم لي طلع كلام الناس صح يا سمر وانا المغفله الصدقتو وقعدت تبكي  قلت لها خلاص ما تزعلي نفسك ما بستاهل دموعك دي صدقيني  : كل الناس نبهوني وانا الماصدقت كذبتهم كلهم وصدقتو هو  : ليلى انا عاوزه اقول لك حاجه بس ما تزعلي  : شنو  : انا مره شفتو واقف مع هنيه وبتناقشو في موضوع قروش هي جدعتا له  : متين  : اول ما جيت هنا وما كنت بعرفك الزمن داك شكيت فيه بس خفت  : خفتي تخسريني؟  : ليلى بصراحه  كدا انتي كنتي حاتصدقي؟ انتي ما صدقتي رانيا واي زول بقول لك كدا بتخاصميه وانا بصراحه ما شفت بعيني وما حابه اخسرك لأي سبب  : كويس انك ما وريتيني كنت حاامشي اشكي لمنو لو خسرتك  خسارة العشره وسنيني الضيعتا معاه  شغاله ذي الساقيه في البيت وبرا البيت ما مقصره منو في حاجه ولا محوجاه شي واخر الجزاء يخوني عارفه اني عقيم وما بلدي بس كان يعرس اهون علي ماشه احميه يعني يعرس ويجيب الجنى؟؟   ليه يهينني كدا  :  معليش خلاص ما تبكي ما مستاهل مافي راجل
بستاهل الدموع دي كلهم كلاب  :  والله كلاب ماشين وراء غرائزهم واقفين لك على الغلطه ليلى قعدت معاي اليوم داك خاصة بعد طمنتا اني بايته براي قفلت تلفونا وراجلا بتصل لحدي ما جانا دقا لي الباب مشيت وققت وراه وقلت منو؟  :  انا بدرالدين افتحي  :  راجلي مافي افتح لك كيف  :  طيب شفتي ليلى؟  :  لا  :  ما جات من الشغل لحدي الان  :  والله؟ ابدا ما عندي فكره : تلفونا مقفول كدي حاولي اتصلي بها  : ما بترد  : راجلك مافي؟  : ايوا  : يعني قاعده براك؟  سكتت  قال لي طيب كدي افتحي نقعد مع بعض شويه ونشوف حل ليلى صاحبتك ومرتي مافيها حاجه اصلا  : قلت لك راجلي ماف واقعد معاك على اي اساس اصلا  : ابردي يا ست البنات وما تخافي الشارع فاضي ومافي زول حايشوفنا اصلا وليلى لو جات ما حاتفكر اصلا اني هنا معاك طوالي فتحت الباب هو لمن انبسط كنت شايله عصايه في يدي
انت راجل قليل ادب وما عندك زرة احترام لسنك ولا مرتك ولا الحواليك يخسي عليك يا تافه يا عديم الشرف انت فاكرني زيك ولا ذي النسوان البتعرفهم؟ اخجل ياخ مرتك مختفيه وانت لسه مستمر في قزارتك
ووسخك قايلني عاهره؟ ما انا البخون الراجل البجد ومع واحد باطل زيك ما بستاهل اسم راجل طير من قدام بيتي قبل ما ا*ض*ر*ب*ك بالعكاز دا اكسرك  : ما تصرخي فضحتينا  : قول فضحتك ولو ما مشيت من هنا اسي بوريك الفضايح البجد طوالي مشى  نفسي كان قايم وزعلانه شديد قعدت ابكي وليلى واقفه تبكي برضو مشيت حضنتا قلت لها كدا اتأكدتي بنفسك انو كلام رانيا صح  : صح انا الغبيه انا الجاهله  : شكيتي فيها ساي  : عاوزاني اصدق واحده زي دي؟ البنت دي غير الفتن والشمارات ما عندها حاجه كم مره وقعت الناس في بعض علاقات اتخربت بسببا رجال طول وعرض اتشاكلو في نص الشارع بسبب فتنا عشان كدا حذرتك منها  : كانت عاوزاني انبهك بس  : عاوزانا نخسر بعض انتي فاكراها قصرت معاي كم مره بتقول لي انو انتي بتتكلمي فيني وماسكه سيرتي وانا فاهماها عشان كدا وقفتا في حدا حتى راجلك ماقصرت فيه ومطلعه فيه دعايه انو بخونك مع واحده في فندق واسي بتقول قاعد يشاغلا  : الله يدي العافيه بس يا ليلى طبعا ليلى من زعلا طلعت كل الجواها بخصوص رانيا بس ما اعتقد رانيا بالبشاعه دي لانو هي اصلا بتكرها وطبيعي تقول كدا البضحك في موضوع
الشمارات والنميمه انو انت بتعرف كل فضائح الناس بس فضايحك ما بتعرفا اصلا بضحكو فيك من وراك واصلا ما بقولو لك دا حصل من غير علمك اها تاني يوم هي لبست ومشت شغلا وانا مشيت لامي قيلت معاها ورجعت البيت ما لقيت ليلى مع انها قالت لي حااقعد معاك اليوم دا اكيد مشت له طوالي قفلت البيت ومشيت بيتا عديل باب الشارع فاتح دخلت بس لقيت الهول مطبول من برا دليل انو مافي زول بعد قربت امشي سمعت صوت بدرالدين طوالي دقيت الباب جاني جاري بملابسو الداخليه لمن بطني طمت عاوزه امشي قال لي اقيفي الباب ابى يفتح قلت له مطبول ليلى وين  : دقيقه مشى جاب مفتاح من جوا اسبير جدعو لي بتحت الباب افتحي بسرعه  : في شنو ليه انت مطبول هنا؟  : افتحي افتحي سريع : في شنو فتحت بسرعه قال لي ليلى شالت س*ك*ي*ن 🔪 وماشه لسنيه  انا طوالي قمت جاريه وبيت سنيه دا وين ما بعرفو الا سألت حتى لقيتو دخلت وانادي ساي مافي رد ونفس حال بيت ليلى الهول مطبول  عاوزه ارجع سمعت اصوات جايه من مكان قريب مشيت على الديوان مقفول من جوا والاصوات طالعه منو اصوات زول بتألم  مشيت على الشباك فيه ستاره بس مفتوح
مع الهواء الستاره بتزح مره مره عاينت بس شفت حاجه ندمت عليها ياريت لو ما مشيت صحي بيت دعاره  ذي ما قالت ليلى  طوالي مشيت على الباب عاوزه اطلع  لقيت بدر الدين في قدامي وشايل مفاتيح قلت له طير من وشي  : ماشه وين  : ليلى ما قاعده هنا اصلا انت كذاب  : كذاب شنو قاعده جوا تعالي انا عندي  مفتاح🔑  : ويكون عندك ليه مفتاح بيت زي دا ولو هي قاعده الباب مفتوح من برا ليه يا وسخ  يا تافه  : بشرح اي شي انتي تعالي بس  : زح مني  : يا بنت انتي مالك  صعبه كدا ما عاوز اعمل لك شي تعالي  ما تخافي  : ابعد مني عشان ما اقتلك يا خسيس  : ما تعملي نفسك شربفه واحده زيك راجلا هاجرا وقاعده براها بالايام والليالي اكيد محتاجه راجل انا عارف انك عاوزاني بس خايفه  انتي ما واثقه اني بقدراحميك؟  عاوزه اطلع بس سمعت صوت عربيه وقفت قدام الباب خفت خوف سجمي الليله لو جاء زول لقاني في بيت المرا الفاسده دي وكمان مع الراجل الصايع دا  بدر الدين اتوتر قال لي هاك المفتاح ادخلي جوا اتدسي في اي مكان واقفلي عليك الباب انا خفت خوف وبرجف خت لي المفتاح في يدي وجريت لجوا باب الشارع انفتح وكانت الكارثه فعلا جاء زول وما اي زول دا كان الزبير
😱
يتبع