في عرين الاسد

في عرين الاسد 19

#في_عرين_الأسد
#بقلمي  : #مشاعر_مبعثره
الحلقه  (19)
كان الزبير كأنو مكلمنو ولا كان مراقبني هو اصلا ما قاعد يجي فجاءة كدا وكمان يجي البيت دا؟ دي حاجه مخطط لها لمن شفتو اتوقعت ال*م*و*ت وهو جاء علي طوالي غمرت خوف ساي صحيت لقيت نفسي في  البيت كلو كان مقلب كأنو حصلت فيه معركه وهو بكورك
انتو الدخلكم هنا شنو اطلعو برا  : الزبير ممكن تفهمني عاوز تعمل شنو  دي ليلى طبعا لمن جات البيت  راجلا قال لها انو الزبير قبضنا في بيت سنيه  كان جاي معاها والزبير من شافو لما فيه ض*ر*ب الا ليلى حجزتهم قالت له ما بستاهل توسخ يدك به بعداك طردهم برا وانا براقب من بعيد جسمي لمن بتنفض من الخوف فقدت
القدره على التفكير وعلى الحركه ما عارفه ابرر بشنو ولا ابداء من وين هو اصلا ما اداني فرصه
امس خليتيه جاء هنا بيتي لمن الناس كلها شافتكم والليله مشيتي بيت الدعاره عاجبك كدا يا بنت عمي؟  :  الزبير انت فاهم غلط انا مستحيل اعمل كدا انا.... طوالي كفتني قلت له الزبير انا لو غلطانه حاسبني بس انا انخدعت والله العظيم الراجل الباطل دا ورطني هو العمل الفتنه دي ليلى عارفه الحصل كلو اسألها حاتحكي لك  :  انا ما محتاج زول يحكي لي انتي مافي فايده فيك قدر مالزول يخت فيك ثقتو تخونيها انا اديتك كم فرصه يا بنت الناس كم مره حزرتك من الناس ديل كم مره سامحتك لكن انتي الزيك ما بتنعدل العمر كلو عاوز يطلع القاش بتاعو قمت جاريه وهو وراي نفس السيناريو بتاع المره الفاتت مشيت شلت ال*س*ك*ي*ن قال لي انتي فاكراها لعبه؟ حتى لو م*و*ت*ي نفسك ما بهمني لانك لو ما عملتيها انا البعملها جاء يمسك مني ال*س*ك*ي*ن قلت له لو قربت مني ب*ق*ت*ل*ك  :  فكيها لمن قرب خلاص يشيلها من يدي مديت يدي و*ط*ع*ن*ت*و في بطنو لمن الدم نزل قدامي عاين لي جوا عيني ختيت يدي
الاتنين في خشمي
انا ط*ع*ن*ت*و؟؟؟ : دا شنو العملتيه دا  طوالي قمت جاريه توبي وقع في الارض جريت الشارع  ذي المجنونه ولافي عربيه وقفت لي زاتو ولا شايله قروش ولا تلفون ولا اي حاجه الا لقيت مرا كبيره وقفت لي قلت لها انا ما مجنونه والله العظيم ولا شايله قروش معاي ماشه بيت اهلي وقعدت ابكي عرفتني في مشكله في البدابه خافت بس حنت علي وركبتني وصفت لها البيت طبعا بعيد قلت لها لو خايفه نزليني في الشارع وانا بكمل براي بس وصلتني للباب دقيتو شديد وانا ببكي ابوي جاء فتح لي لمن شافني انصدم عديل وقعد ينادي لامي جو جارين دخلوني وانا مهبطه طلبو من المرا تدخل بس خافت واتحججت بانها متأخره قالت لابوي دا رقم تلفوني لو احتجتو لاي اتصلو وما تنسو تطمنوني عليها ومشت
ذكي كان واقف لي في راسي واصر الا احكي له الحصل وريتهم الحصل كلو ما عدا اني ط*ع*ن*ت*و ابوي دا زعل زعل شديد وذكي قال الا يمشي ي*ض*ر*ب*و انا خفت امشي يلقاه بوضعو داك امكن م*ا*ت زاتو قعدت
ابكي له عديل عشان ما يمشي وقلت لابوي بس طلقني منو  :  اصلا تاني مستحيل ارجعك له ووشك دا ما بشوفو انا اديتو فرصه قبل كدا لكن تاني مافي فرص  : انا زاتي عاوزه كدا بس ما تمشي له عشاني عشاني ما تمشي  :  وخلاك طلعتي كدا من غير ما يلحقك ولا يشوف الحاصل لك شنو  :  بتقول لك كان ب*ض*ر*ب فيها وهي بعد تعب جرت منو لو بتهمو ما بمد يدو عليها اصلا  :  لا حول ولا قوة الابالله ابوي اتصل به مارد مشى له البيت ما لقاه والبيت مطبول اتصل بعلي اخوه كلمو قالو ما جاء البيت سألو عنو في بيتو التاني رقيه قالت ما عارفاه وين وانا خشمي ما فتحتو لاني خايفه بالجد هو لو ظهر حايورطني ويحكي لهم الحصل كلو ال*س*ك*ي*ن وبصماتي دخلت في حاله هستيريه عديل انا ما عارفه عملت كدا كيف الش*يطان غشاني بقيت ما بقدر انوم من الكوابيس ومنظر الد*م والس*كين في بطنو انا امكن ق*تل*تو  مختفي ومافي زول عارف عنو شي وانا ما بين خايفه عليه وخايفه منو كل ما اغمض اصحا واهلوس وابكي ناس البيت فاكرني متأثره بالض*رب  الض*ربني له وكل يوم حقدهم عليه بذيد حاساهم حايقطعو عديل لو لقوه عمتو فاطمه جاتنا واشتبكت مع امي
انتي السبب لانك بتضاري له وكل ما نسألك بتقولي لا ما قاعد ي*ض*ر*ب*ا كنتي منتظراه ي*ق*ت*ل*ا يعني حتى تتكلمي؟  :  اسي هو وين يالفاتح  :  ما بهمني لو م*ا*ت زاتو المهم كلميه لمن تلمي فيه يجي يطلق البنت دي
انا عدت النوم  من الخوف والافكار السلبيه معاي الخلاني ا*ط*ع*ن*و شنو  لو م*ا*ت اعمل شنو انا حتى ما كنت بدافع عن نفسي لو كان كدا زاتو مافي زول شاهد انا خلاص انتهيت قعدت فترة اسبوع عايشه في رعب اتصلت بالمرا ديك وحكيت لها الحصل ما عدا ال*ط*ع*ن*ه قالت لي تبلغي فيه طوالي وخلي يقبضوه هو خايف عشان كدا مشى اتدسى اوعاك تخليه انا راجلي شغال في المحكمه متى ما قررتي تبلغي وريني وتكتبي انو ض*ر*ب*ك ومن عرستيه بتعامل معاك بالاسلوب دا وعرس فيك وقاعد مع مرتو التانيه وما شغال بك مش دا الحاصل؟  :  ايوا
كلمت ابوي وكنت خايفه بس هو طوالي وافق قال لي من يوم الليله يا بنتي انا في ضهرك والجاياك الا تتخطاني انا كفايه ذل  اكبر غلط عملتو في حياتي اني
اديتك للراجل دا ذكي طبعا كان مراقب بيتنا عشان لمن يجي يلقاه وي*ض*ر*ب*و بس ما جاء مشيت بلغت وابوي قال له تاني ما عندك فيه سبب الشرطه بعرفو يتصرفو معاه ونحن ما عاوزين نعمل حاجه تضرا بعدين وابوي سلم الاستدعاء لعلي اخوه ولمرتو برضو بعدا بيومين جانا بكل وقاحه قال جاي يسوقني ابوي شاكلو وطردو قال له متدسي الفتره دي كلها ما طلعت الا بعد بلغنا فيك  :  البلغ فيني منو؟  : عامل نفسك ما عارف؟ : لا البلغ منو ولشنو اصلا؟  :  لانك ض*ر*ب*ت*ا واسي طلقا عشان ما ندخلك محاكم  :  ما بطلقا  :  ما على كيفك يا ولد هوي احترم نفسك  :  انا هدا جيتكم بكل احترام وعاوز اسوق مرتي الجات بدون اذن جيت طالعه قلت له ما برجع معاك تاني عشان ت*ق*ت*ل*ن*ي  كمان وصلت معاك لدرجة انو تتهمني في شرفي انا ممكن احاسبك على الشي دا  : ما تقولي ممكن انت اصلا حاتحاسبيه طوالي ويلا اطلع برا مدام ما عاوز تطلق نتلاقى في المحكمه  :  عملتو فيها محكمه يعني  : الاستدعاء سلمناه لأهلك طوالي مشى عاين لي وهو في الباب قال لي مدام قلتي كدا  بترجعي بترجعي  مافي محكمه بتطلقك مني وطوالي مشى نفذ حددو لينا جلسه في المحكمه مشيت مع
ابوي واخواني وهو جاء براه لمن القاضي سألو ليه ما جيت لمن استدعوك؟  قال له كنت في المستشفى وما عارف انها بلغت  :  وليه رفضت تمشي وتحل المشكله مع اهلا مش ابوها دا عمك : ذي ما قلت لك كنت في المستشفى انا طبعا قربت أغمر وخفت يوريه انو انا ط*ع*ن*ت*و القاضي اجل الجلسه واستدعو الجيران شهود بدرالدين رفض يجي طبعا وقال انا اصلا ما شفت شي وليلى ما عارفاها مشت وين شهادتهم كانت حاتخدمني لانهم شافوه وهو ب*ض*ر*ب*ن*ي وشكك في شرفي لمن رجعنا جات عمتي فاطمه زعلانه تشاكل وتسيئ
يخسي عليكم كمان تبهدلو ولدي في المحاكم وهو لسه عيان  :  خليه يطلق البنت ويريح نفسو  : جايين تحاسبوه في المحاكم عشان ض*ر*ب*ا؟ وهي ط*ع*ن*ت*و دايره ت*ق*ت*ل*و  ما في زول حاسبا ام قلبا اسود المجرمه فتحت له ج*ر*ح*و الا رقدوه في المستشفى وماكلم زول ما كان معاه الا فتحي صاحبو انا قلعت عيوني 
ما تقعدي تكذبي عليك الله هي لو عملت كدا صحي
بسكت لها؟  ما كان قال كدا للقاضي لمن سألوه عن الحصل ما تكذبي عشان تطلعي ولدك بعد مشت جاتني ليلى وانا خفت شديد من جيتا خاصة بعد القالو لها بدرالدين واكيد صدقتو دخلنا غرفتي وقفلت الباب شغلت المكيف والمروحه والتلفزيون عشان مافي زول يسمعنا قلت لها انتي مشيتي وين؟  :  رجعت بيت اهلي في الابيض ولمن سمعت بالحصل دا جيت لقيت انو اصلا مستدعني قلت لها انتي شفتيه بعينك ض*ر*ب*ن*ي واتهمني بالخيانه مع راجلك  : بس هو ما قال لك خاينه  :  حتى انتي بتدافعي عنو؟؟  :  خليني افهمك الموضوع اول انا جيت البيت اليوم داك ولقيتك مافي مشيت بيتي اشيل لي ملابس سمعت صوت بدرالدين وسنيه دي كانت فرصه طوالي طبلتهم جوا ومشيت اشهد عليهم ناس الحي  :  انا لمن جيت لقيتهم مطبولين فتحتهم ومشيت بيت سنيه لانو كذب علي وقال لي انتي مشيتي لسنيه شايله س*ك*ي*ن مشيت لها بيتا كان مطبول ببرا وفي غرفه خارجيه فيها مرا وراجل قافلين عليهم الباب بجوا وو :  ما بيت دعاره متوقعه شنو؟ بدر الدين الكلب وقعك وخلاك تمشي هناك مع انو سنيه معاه  : والزبير الجابو شنو  :  صاحبتك الفتانه رانيا يااختي من الاول حزرتك منها
وقلت لك عاوزه توقعك مع راجلك ما صدقتيني لمن وقعتك بالجد الكلام دا سمعتو منها هي زاتا لمن الزبير زراها اليوم داك اتاريها  بتحفر لك من بدري وبتشوه في سمعتك قدام راجلك برقم وهمي اليوم داك شافت بدرالدين لمن جانا بليل وانتي شاكلتيه صورتكم في الباب ورسلت الصور لراجلك وتاني يوم برضو لمن شافتني مشيت لسنيه وانا لابسه عبايتك قالت له مرتك كل يوم بتمشي بيت سنيه واسي معاها  : الكلبه الحيوانه انا ما بخليها  : راجلك عمل معاها اللازم وكان حايسجنا بتهمة القذف لو ما وقعت له الارض هي واهلها اصلا بقت لهم فضيحه وابوها ضربا ضرب شوه وشا اسي رحلو زاتو : طيب انتي الوداك لسنيه شنو؟ لمن شافتك السوسه دي وصورتك  : دا بعد قفلتهم قلت امشي اشوف البيت فيه منو وشفت الانتي شفتيه قلت بالمره الناس تقبضهم بالثابته  انتي لمن مشيتي هناك الزبير كان في الشارع جاي بعد رانيا ورتو للاسف وصل في الزمن الغلط  :  اها اسي دا كلو ما ظلم لي وتقولي ما اتهمني؟  :  خليني اكمل لك انا جيت ومعاي رجال الجيران لقيت الباب فاتح سنيه طلعت لحقتا  بعداك الزبير جاء شايلك دخلك جوا بدر الدين قال لي الزبير قبضنا في بيت سنيه يلا الزبير جاء طالع لبدر الدين
اشتبكو الا حجزوهم ويشاكل وينبذ انا كنت ماسكه في سنيه لانها نكرت الحصل خاصة بعد انتي فتحتيهم وبدر الدين طلع هو طوالي قال لي خليها دي كذابه ما حامل مني ولا شي وهي تحلف وهو يحلف في النهايه قال لها انا اصلا عقيم تحملي مني كيف كلنا انصدمنا خاصة انا الا هي ما سكتت نبذتو قالت له بتكذب عشان تطلع  نفسك بريئ انت كل يوم مدخل لك مرا شكل والليله كنت عاوز تغتصب مرت الزبير في بيتي حكت لهم بخطتو العملا لمن جيتي لقيتهم  مطبولين وانا وريت الزبير انو جانا قبلها بيوم وانتي شاكلتيه رانيا طبعا كانت موجوده في اللمه ديك الزبير قام عليها وزراها لحدي ما ورتو بالعملتو هي كمان وانا اكدت له  :  دا كلو حصل متين  : لمن كنتي جوا غمرانه  :  طيب هو مدام عرف اني بريئه ليه كان مصر يتهمني بالخيانه ويحاسبني  :  سمر انا ما بتزكر انو قال حاجه ذي دي ولا اتهمك بكون زعل لانك مشيتي بيت سنيه عارفو بيت دعاره وعاقبك للسبب دا :  هو اصلا كدا انسان شكاك وقلبو كعب لو الدنيا دي كلها سامحتني هو ما بسامحني وبصر يعاقبني بأقسى طريقه حياتنا بديناها بالطريقه دي وبعد العملو دا خلاص انتهى بالنسبه لي ومستحيل ارجع له انا كرهتو خلاص  :  فكري تاني
العملو دا بسبب خوفو عليك وانتي ما قصرتي فيه وط*ع*ن*ت*ي*ه عديل  :  الوراك منو انتي  :  انتي بعد طلعتي جاء وراك وبطنو ب*ت*ن*ز*ف كدا لانك طالعه بالجلباب لمن تعب  لقيناه واقع في الشارع بحاول يقوم وشال تلفوني اتصل بفتحي صاحبو يجي وقال لي امشي الحقي سمر مشيت لحدي الظلط ما لقيتك
انا ما كنت قاصده ا*ط*ع*ن*و والله وخفت شديد لمن شفت ال*د*م بعد ليلى مشت اتصلت برقيه ابت ترد لي تاني اتصلت ردت نبذتني وقفلت تلفونا اتصلت بفتحي برضو كان بارد شديد معاي
هو كويس اسي؟  :  لو بهمك ما كان عملتي فيه كدا  : هو الجبرني والله  :  شال لك ال*س*ك*ي*ن هو ولا انتي الشلتيها ياخ هو كان عاوز يمسكا منك عشان ما تأذي نفسك تقومي ت*ط*ع*ن*ي*ه بها؟  وبعد دا سكت رقد في المستشفى وما ورا زول الا انا الوريت اهلو ونفى انك عملتيها لمن سألوه ط*ع*ن*ت*ي*ه في مكان العمليه لمن انفتحت وانا وديتو المستشفى  تاني دخلوه عمليه خيطوها له  قعدت ابكي العمليه
انفتحت؟  وواسي؟  :  اسي مجبور يجي المحكمه ويقيف ويتعب بسببك ياخ هو لمن كان بتجيه الرسائل من صاحبتك وكلها تبشيع بك ما كان بصدق كلمه قال لي دا انسان حاسد انا بثق في سمر اكتر من نفسي اتوقع تكون بنت حتى رقيه شك فيها بهدل صاحبة الرقم وحظرا ورجعت رسلت له برقما الحقيقي عرفتي عدوك منو؟ ياخ حتى لمن عرف انك في بيت المرا الباطله ديك خلى شغلو ومشى بسرعه عشان يحاول يلحقك وما تتأذي من اللعبه الراسماها لك صاحبتي بدون ما يعرف هي شنو والهدف شنو اصلا اما انتي انتي بس شغلتك تأذيه  :  هو زاتو اذاني يا فتحي  :  مدام انتي شايفة  كدا متصله ليه؟ : عاوزه اطمن عليه  : عاوزه حاجه تاني؟  :  لا طوالي قفل كان زعلان شديد