في عرين الاسد

في عرين الاسد 22

#في_عرين_الأسد
#بقلمي  :  #مشاعر_مبعثره
الحلقه  (22)

لقيت الزبير واقف لي برا ركبت ومشينا كنت خايفه ومتوتره ياهو حال العامل عمله لمن هو لاحظ لي قال لي مالك انتي؟  : مافي شي  : حاسك متوتره  : لا مافي شي ركز على سواقتك ما تعمل بينا حادث  : امرك يا مدام راكبه لي ورا كدا كاني شوفيرك قلت له الزبير اقيف  : مالك نسيتي حاجه؟  : اقيف بس وقف قمت نزلت وركبت قدام جنبو  ضحك وقال لي انا بهاظرك ساي ليه اخدتي الموضوع جد اركبي في المكان
البريحك ما عندي مانع  : دي مااول مره تلمح لي بكدا  انت فاكرني ماديه وقاعده استغلك انت وقروشك  : دا كلام شنو اسي  : دا فهمك لي عشان كدا بقيت تعاملني كعب  : انا متين عاملتك كعب يا سمر حصل قصرت معاك في شي؟ امس دي ما طلعنا واتفسحنا مع بعض  :
بس ما من قلبك بتعمل اي شي نظام انا ما مقصر والله لو على كدا احسن ما تعمل شي انا كنت بلومو على شي ما بقدر اقولو له ولا حتى لنفسي بحجة مهملني وهو انزعج شديد من الكلام دا واتذكر  كلام رقيه وتعاملا اخر فتره نفس الكلام بتعمل اي حاجه اداء واجب حس انو السبب في فشل علاقاتو انكسر عديل وتاني ما اتكلم معاي انا ما كنت قاصده بس طلعت فيه غضبي من نفسي على خيانتو حتى لو بمجرد التفكير في مازن البقى شاغلني ورجعت احن له ما اشتغلت بالزبير ولا هماني حزنو وكسرت نفسو وهو بالرغم  من كل شي بحاول يحافظ على حطام العلاقه دي عشان ما تنتهي بقى يهملني بالجد وما بعمل لي حاجه الا اطلب يعني حتى الفسح الكان كل يوم والتاني  بفاجئني بها والهدايا بقيت الا اقول له عاوزه الحاجه وبعملا بصمت دا الاهمال الكنت بتكلم عنو هو يداب اهملني ومرات بنوم برا في الكنبه للصباح وانا مقهوره ابلع في الحبوب
عاوزه اوجعو واوجع مازن برضو عاوزه اولع فيهم الاتنين كلهم كلاب
الزبير  :  نعم   :  عاوزه طلح  طلع لي قروش قلت له انا ما عاوزه قروش انت جيبو لي  :  تمام  :  وحنه برضو وكم حاجه بكتبهم لك  :  عاوزاهم لنفسك؟! افتكرتك ما بتحبي الحاجات دي  :  انا مرا متزوجه  :  طيب تمام  :  وجيب لي توب وجلبابات  :  الحاجات دي الا تشتريها بنفسك  :  تجي معاي :  حااحاول افضي نفسي شوفي الوقت البناسبك  : ما رافض يعني ما عندك مانع؟   :  لا.:  انت انسان بارد مشيت زعلانه لاني كنت عاوزه اعمل مشكله وخلاص بس هو مااداني اي اهتمام مستخسر حتى النقاش معاي انا بدون مبالغه  حتى ال*ض*رب الكان بض*ربن*ي له فقدتو خليتو براه ومشيت قعدت ارتب في الملابس لقيت الورقه القيها رقم مازن في الشنطه  ال*شي*طا*ن لعب براسي شلت التلفون مشيت الحمام دست على اتصال دخل طوالي فصلتو نفسي كان قايم وهو رجع لي في نفس اللحظه ما رديت رسل لي سمر ردي  انا منتظرك من قبيل اتصلت به قال لي سمر ازيك  :  قول العاوزو  :  ما حاينفع بالتلفون بعدين اقفلي خليني ارجع لك :  ما تخاف على رصيدي  معاي خط راجلي عندو قروش
والحمدلله  : انا اكيد مافي مستوى راجلك وما عندي حاجه غير حبي الماتغير طوالي قفلت لاني حنبت هو قدر يلامس احساسي بقيت افكر فيه طوالي واشتقت لايامنا مشيت السوق مع الزبير جبت كل حاجه نفسي فيها وما بختار الا اغلى شي وما بفاصل عاوزه اكمل قروشو بس وهو ما هماه اشترى لينا برضو خروف الاضحيه واشترى لامو وديناهم لهم في طريقنا رجعت البيت واتحننت واهتميت بنفسي شديد قررت انو العيد دا يكون غير ضبحنا عند اهلو وهو كان بقول لي على كيفك لو عاوزه اضبح لك في بيتك ما عندي مانع بس انا بقدر على شغله ذي دي براي؟ رفضت طبعا بعد ضبحنا ساقني لاهلي طبعا التغيير الفيني مافي زول ما لاحظو اهلو واهلي انبسطو شديد وفي اعتقادهم انو علاقتنا اتصلحت لانو الزبير غير تعاملو معاهم هم ما اتصالحو طبعا ولاهو بجي بيتنا بس بقى بتكلم مع اهلي باحترام وما برفض لهم طلب
يابنتي قولي النصيحه قاعد ي*ض*رب*ك؟  : ي*ض*ربا شنو هدي مروقه ظاهر عليها  : امي  : اطمني يا بنتي بعد تخلصي فترتك اطلبي الطلاق والمره دي ما بقدر ما يطلق استحملي بس الفتره دي
خلاص هانت هزيت راسي ابوي قال لي انتي ما تطلعي التوب دا شنو الالتزام الزائد طبعا هو بتفحصني بطريقه غير مباشره عاوز يعرف لو الزبير ب*ض*رب*ني وانا مخبيه قلت له يابوي لو كان غلط معاي انتو كان اول ناس عرفتو واسأل امي كل يوم بحكي لها تفاصيل حياتنا معيشني ذي الملكه ما حاتصدقو اصلا كمية الاهتمام والراحه اي حاجه نفسي فيها بجيبا لي وبنفسو كمان لو تعبانه ما قادره اطبخ زاتو بقوم بطبخ لي ولا يجيب جاهز ما تشيلو همي  : طيب ما كويس  اصلا الزبير ما كعب يابنتي الظروف هي القستو ربنا يهدي سركم  : بس برضو ما تتاملو في العلاقه دي لانها خلاص انتهت كلامي عنو دا ما معناه اني ناويه اعيش معاه ذي ما قال ابوي حااقعد الفتره دي واتطلق منو بعدها قيلت معاهم وجاء بليل ساقني سلم عليهم من الباب بس وما دخل
تعال نوم جوا انا ما مانعاك من غرفتك وسريرك  : غفيت في الكنبه  : لا انت نمت فيها قاصد بتتهرب مني ليه حااعمل لك شنو يعني مشيت رقدت خليتو بعد مسافه جاء رقد جنبي ونام طوالي
في الجامعه مازن قعد يتحايل علي وانا اصلا خلاص استويت حنكني وشربنا قهوه مع بعض
انتي عارفه انو حبي لك لسه ذي ما هو  : حب شنو انا مرا متزوجه  : انا ما عندي ذنب انا ضحيه زيك خلوني اطلقك غصبا  عني انا قربت اجن ياسمر كل يوم بليل لمن اجي انوم براي  واتخيل انك مع راجل غيري ب*مو*ت  عايش مع الال*م دا كل يوم انا كنت عاوز اجي اخدك منو بالقوه واقول له سمر دي حقتي ما حقتك ما تخت يدك فيها ممنوع حتى تعاين لها انا اتعذبت شديد ولحدي اسي بتعذب ما عارف اعمل شنو انا انا مريض دموعو نزلت شلال  : خلاص ما تفضحنا  : انا ما عندي شغله بزول انا بحبك اخبي لحدي متين؟ انا عاوزك وبس انا كنت فاكرك بتعاني ذيي بس الشايفو انك مرتاحه من غيري ومبسوطه مع راجلك عاين للحنه قال لي انا اتزوجتك ومنعتيني اقرب منك الا اجبرتك ما حصل كنتي مبسوطه معاي دايما متضايقه من وجودي ما حصل عملتي اي حاجه عشاني وهو متحننه ومتدخنه له  : المظاهر خداعه  : شايف الراحه في عيونك  : معناها بقيت ما بتعرفني ذي زمان عاوزه اقوم مسك يدي حاولت افكها ضغطتا شديد قال لي انا ما
قادر قعدت عشان مافي زول يلاحظ لينا قال لي عيونك فيها دموع خليها تنزل ما تحبسيها كدا ابكي لازم تبكي دموعي نزلت مدا لي منديل
كلو من راجلك دا ش*يط*ان  انتي عايشه معاه كيف لو ماهو دخل بيننا كنا مع بعض اسي انا جيت بأهلي وأهلك كأنو حايوافقو يرجعوك لي بس هو وسوس لابوك لانو عاوزك لنفسو  : والقال لك منو عاوزني لنفسو  : اتكلمت معاه بعد الحصل وقلت له انا مستعد اعمل لها عرس بكل تفاصيلو قال لي ما تحلم تعرسا سمر مستحيل تكون لواحد زيك  : وحاتكون لمنو يعني لك انت؟ سكت قلت له ولا انت ما تحلم بها سمر مرتي ولو ما كانت لي انا ما حاتكون لك لانها بتحبني انا انت لو راجل بالجد وحريص على بنت عمك اقنع ابوها ساعدنا نرجع لبعض خليني استرا  : مافي غيرك يسترا يعني؟  : ذي ما قلت لك لو ما رجعت لي انا ما حاتتزوجك انت  : طيب رايك شنو انو سمر ما حاتتزوج غيري  : انت  : ايوا انا  : في احلامك وفعلا نفذ كلامو واتزوجك يوم العرس جيتو ولمتو هددني لو اتكلمت اهلك بق*ت*ل*و*ك لانهم ما عارفين بالعلاقه الحصلت بيننا قلت له انت فاكر علاقه ذي دي حاتنجح؟ حتى لو
اتزوجتها هي ما حاتعيش معاك لانها ما بتحبك طال الزمن ولا قصر مصير ترجع لي انا  : لا سمح الله لو حصل كلام ذي دا الاتعرسا ارمله لكن مستحيل تعرسا وهي مطلقه
الزبير قال كدا؟  : من الاول نبهتك الزول دا انتي ما بتعرفيه سمر انتي لسه بتحبيني صح؟  : لا
مشيت خليتو ليلى اتصلت بي وكان وضعا صعب شديد وتتبكي خاني يا سمر وفوق ما هو خاين طلع كذاب 🤥 انا عشت معاه كيف الانسان دا  : اهدي يا ليلى بكاك دا ما بغير حاجه  : انت كدي ختي نفسك مكاني بعد السنوات دي كلها يطلع هو العقيم عشان كدا ما طلقني لو كنت انا العقيم ما كان عاش معاي دقيقه الكلب خلى الدكتور يقول انا العقيم الدكتور طلع صاحبو رفض يخليني اتابع مع غيرو خلاني معلقه وهو شغال يخون فيني وكل يوم بجيب البنات وانا برا عشان ضامن انو مافي واحده حاتحمل منو : هدي نفسك خلاص الحصل حصل وكويس انك عرفتيه قبل ما يتمادى اكتر  : الرجال ديل كلهم كلاب ياسمر اوعى تنخدعي بهم ولا تصدقيهم كلاب بستغلوك لحدي أخر نفس منك لو متي
ما بتهميهم لا حتى وانتي عايشه ما بهتمو بك  : انا فاهمه كلامك دا كويس ومجربه  : ما تخلي اي راجل يهينك ويلعب بكرامتك ما تخلي زول يكذب عليك ويقلل منك ما بستاهلو اي تنازل ما تحني ولا تدافعي نهائي الزبير جاء وانا مواصله كلامي قلت له دي ليلى قال لي سلمي عليها  قلت لها الزبير بسلم عليك  : جاء  : ايوا  : هو كويس؟  : الحمدلله  : انتي ما تتأثري بكلامي انا كنت زعلانه بس مافي علاقه بين الزبير وبدرالدين الوسخ الخاين  : كلهم رجال الزبير قال لي ما تغلطي فيني انا قاعد ليلى قالت لي خلاص ياسمر اخليك مع راجلك خلي بالكم من بعض  : وانتي ما تنقطعي مني كدا تاني  : انشاءالله
انتي لسه مواصله مع الناس ديل؟  : قصدك ليلى؟  : كلهم لبش  : انا بعرف افرز الناس ومعادنهم  : شايفك لابسه ماشه وين  : كنت ماشه الصيدليه بس ما ضروري خلاص خليتو  : ليه ما تمشي  : ما مهم  : طيب وريني عاوزه شنو وانا بجيبو لك من الصيدليه طبعا كنت عاوزه اشتري الحبوب بس هو جاء قلت له كنت عاوزه اشتري شريط كشف الحمل بس بكرا بجيبو في طريقي قعد يضحك بسخريه قلت له مالك مستغرب ما ممكن
احمل يعني؟  : تحملي كيف مع الحبوب البتاخدي فيها دي قلبي لمن دقا وخفت خوف شديد يعني هو عرفني عرفني باخد الحبوب ديك وما سألني هو اكيد دافنا لي الزبير مستحيل يسامحني على الحاجه دي اليوم كلو بعاين لي نظرات غريبه خوفتني عديل ما كان طبيعي ابدا حاسه بغضبو ومنتظراه في اي لحظه يشب فيني ذي النار بس ما سالني الصباح صحاني للجامعه وقف جنب صيدليه قلت له في شنو قال لي ماشي اجيب لك جهاز كشف الحمل مشى وجاء شايل كيس اداني له وركب فتحتو لقيت فيه حبوب منع حمل قال لي مافي داعي تاخديهم في السر انا ما عندي شغله بك نفسك وانتي حره فيها ما عاوزه تحملي مني انا اصلا ما بقرب منك  : وليه ما جبت لي الشريط  : حاتحتاجيه في شنو  : شاكه اني حامل وعاوزه اتاكد  : امشي جيبيه طيب  : ما مستعجله بشتريه بعدين  : راحتك وداني الجامعه وبعد مشى اما ركبت مشيت الصيدليه اشتريت حبوبي كنت تعبانه شديد لاني امس ما بلعت بلعت اتنين وعاوزه اخد التالته بس حسيت بالدنيا لافه بي وريقي ناشف وقلبي دا بضرب بسرعه وطمام احساس أقرب للموت مشيت الاستراحه رقدت شويه وقمت ماشه وانا دايخه لاقاني مازن ما ناقصاك  انا اسي زح
مني  : انتي دايخه ولا شنو  : زح مني فجاءة وقعت جو الطلبه لمو فيني ودوني المستشفى ومازن معاي اسعفوني عملو لي تحليل دم والدكتور لمن شاف النتيجه صرا لي في ماده مخدره في الدم قلعت عيوني قال لي بتتعاطي شنو  : ما قاعده اتعاطى  : يعني بتكذبي التحليل قعدت ابكي واحلف اني ما بتعاطى قال لي طيب عندك نوع دواء 💊 بتاخديه باستمرار : م مسكن بس قبل شويه : مسكن شنو وينو : بندول عادي ما معاي اسي في الاثناء دي مازن فتح شنطتي طلع الحبوب واداهم للدكتور
دا ياهو؟ هزيت راسي قال لي اسي ما قلتي بندول  : دا ما.......  : ما بندول جبتيه من وين دا ما بنصرف بدون وصفه  : انا عملت عملية حصوه وادوني له  : كذابه المسكن دا قوي شديد ما بتوصف بشكل عشوائي ولا في اي حاله : تعبت بعد العمليه : وليه ما وقفتيه  : باخدو لمن اتعب  : خليني اشوف محل العمليه ابيت اخليه قال لي معناها طولت معقول  لحدي اسي قاعد؟  : دا شريط جديد وانتي بالعه منو اتنين  : دا التاني الاول خلصتو  : صرفو لك شريطين؟  وريني الدكتور الصرفو لك وعملتي العمليه في اي مستشفي 
قعدت ابكي له وخفت بعد تعب مازن حلاني منو بعد شال مني الحبوب 
مازن  : ايوا : ما عاوزه زول يعرف بالحصل دا اوعا تكون كلمت زول؟  : لالا دا سر بيننا لازم تاكلي كويس وتغذي نفسك  : حاضر  : عملتي العمليه متين  : قبل كم شهر  : خلينا نقعد شويه قعد معاي واتونسنا فتحت له قلبي المره دي ورجعنا لاحاديثنا الزمان والهظار رجعت البيت قبل الزبير واشتريت تاني شريط في طريقي رسلت للزبير في الواتس انا مشيت ماتجي الجامعه جاء بدري اليوم داك وكان قلقان قلت له تعبت شويه عشان كدا جيت  : ارح المستشفى : ما بحتاج شكلي حامل بس قلع عيونو وقال لي جبت لك الجهاز امشي اعملي التحليل  : مستعجل مالك  : عاوزك تتاكدي يلا قومي حمرت له ابتسم مشيت عملتو وطلع سلبي خليتو يشوفو ويتاكد طبعا حسيت براحه شديده وانبسطت اما الزبير ما حسيتو زعل خالص انو ومازن علاقتنا اتطورت بسرعه بقينا نتلاقى في الجامعه يومي ونتكلم بالتلفون مرات بقوم بليل اطلع برا اتكلم معاه واخلي الزبير نايم كلامو كلو حب وغزل ودا شي انا فاقداه عشان كدا اتشديت له قال لي اطلقي انا بعرسك ونسافر
السعوديه 🇸🇦 نسكن مع اهلي والزبير اصلو ما حس ولا شك بتعامل معاي ببساطه وبراءة شديده ما كنت فاكراه غبي كدا
ماشه لامي حااقعد عندها كم يوم  : تمام  : احتمال اطول ما تقول لي جايه متين  : اخدي راحتك ما بقول لك تعالي اليوم داك بالذات كنت مواعده مازن واول مره نطلع مع بعض برا الجامعه الزبير جابني لحدي البيت والمره دي دخل سلم وقعد مع ابوي في الديوان  اداني قروش كتيره شديد لمن استغربت ومشى بعد ودعني من مشى قلت لامي عندي شغل ماشه الجامعه لبست احلى اسكيرت وجاكيت جنز غامق جواه تيشيرت 👕 واسبورت موف مكياج هادي وسرحت خليت كم خصله برا من الطرحه طلعت من غير ما ابوي يشوفني بس المهم عارفني طالعه مشيت لمازن وداني مطعم جديد اطلالتو حلوه عاينت بالشباك اتذكرت اول عزومه مع الزبير في كورنثيا والحاجات الحلوه الحصلت والجو لمن ابتسمت قال لي فرحينا  معاك  : اتذكرت حاجه بس  : مواعيدنا الزمان صح  : ✅  : انا برضو والله ياريت نرجع زي زمان  : ياريت  : انا حااوعضك حبيبي قريب امورنا حاتظبط  : انشاءالله مسك يدي نفضتو
قلت له اوعك تكرر معاي الحركات دي  : بقت حرام علي انا وحلال على الزبير  : انت عارف كويس انو انا مرا متزوجه  : بس حاتطلقي يعني مافي مانع  : انت القال لك منو اني عاوزه اتطلق  : ولا زول حاجه معروفه من اتزوجتو متوقع تطلقو خلينا نبداء اجراءتنا نحن  : اجراءات شنو  : نرتب لزواجنا  : ممكن تطلب بعد دا انا جعت  : ما تتهربي مني  : انا اتاخرت لازم ارجع  : اقعدي اقعدي خلاص مش الموضوع دا خليناه طلب الاكل واتغدينا
رجعت البيت ابوي قال لي في مشاكل بينكم انتي وراجلك؟  : لا ابدا  : طيب في امل؟  : انا وريتكم قراري  : خلاص كدا عداني العيب امي شاكلتني يابنت انتي غبيه بعد امورك وضحت عاوزه تخربي بيتك حاتعملي شنو يعني تقعدي عزباء في البيت هاجر قالت لها عاوزاها ترجع له عشان ي*ض*ر*با يعني؟  المهم قعدت فتره قربت اكمل الشهر والزبير ولا عبرني بصراحه انا اشتقت له بعد دا كلو وفقدتو اتصلت به وانا كلي شوق رد لي ببرود قلت له تعال سوقني ما عاوزه اركب مواصلات امي مشيلاني حاجات كتيره  : انتي راجعه البيت؟  : ايوا ولا حااقعد في بيت اهلي العمر
كلو؟  : سمر  : نعم  : ابوك ما كلمك؟  : بشنو  : انا قررت اعمل لك الانتي عاوزاه جبتك بيت اهلك عشان حااطلقك
يتبع