في عرين الاسد

في عرين الاسد 23

#في_عرين_الأسد
#بقلمي  :  #مشاعر_مبعثره
الحلقه  (23)
الكلمه دي نزلت علي زي السهم في قلبي لمن قربت ارمي التلفون وساكته ما قدرت استوعب الكلمه دي وهو يتكلم  ساااي قلت له بصوت ضعيف عاوز تطلقني؟ : انا ما عاوز ابهدلك واجرجرك في المحاكم شينه في حقنا ونحن اهل حاطلقك بالتراضي  :  وقرار المحكمه : ما فضل كتير على فترة الطاعه :  بس لسه في زمن ولا خايف اخلعك  :  انا واثق ومتاكد انو دا ماحايحصل لاني ما عملت حاجه كعبه في الفتره دي القاضي ما كان حايطلقك انا عاوز اطلقك برغبتي  :  ب
برغبتك؟ بس ما على كيفك انت فاكر الموضوع  لعبه وساهل كدا؟ وابوي  : ابوك عارف اي حاجه من يوم جبتك وريتو انو جبتك نهائي خلاص  :  يعني انتهينا؟  :  عيشي حياتك بعد دا بالطريقه البتعجبك والعفو والعافيه سمر انتي ط......  طق قفلت التلفون قبل ما ينطقا قلبي بقى يدق جريت لابوي حفيانه دموعي جاريه
يا بوي  :  مالك يا بنتي  :  صحي الزبير عاوز يطلقني وجابني هنا بشكل نهائي؟  : ايوا ما عارفه انتي : اعرف من وين الوراني منو  :  انتي اصلا عاوزه تطلقي وكان اشتكيتيه ليه؟  :  بس ما كدا يابوي ليه يرميني بالطريقه دي  :  يعني عاجبك طلاق المحاكم والفضايح؟ : هو مدام عاوز يطلقني رجعني من الاول ليه ليه خلاني الفتره دي كلها قعدت ابكي ابوي قال لي انا عارف انو الطلاق حار حتى لو ما عاوزه الراجل بس انتي المفروض تفرحي لانك قربتي تجني بسببو  :  الكلام دا كلو حصل متين يابوي  : يوم جابك هنا قعدنا واتصافينا قال لي هدي عهدتك رجعتا لك ذي ما شلتا واعتزر على المهاترات الحصلت ووعدني انو ما يقطع صلة الرحم قال لي انت عمي وفي مقام ابوي الله
يرحمو وسمر دي بنت عمي وانا ما بخليها بعد الطلاق حاقيف معاها ذي الاخو ولو قررت تتزوج بسلما لراجلا بيدي  :  ما عاوزه اتزوج ما عاوزه اتطلق  انا ما عاوزه دا كلو عاوزين تجبروني تاني؟  : حيرتينا معاك اي حاجه نعملا ما عاجباك ما عاوزه تطلقي كيف انتي ما جيتيني وقفتي قدامي هنا وقلتي لي يابوي طلقني من الراجل دا انا ما عاوزاه وندمتيني على اني عرستك له عاوزه شنو انتي يا بنتي؟  عاوزه تجننيني مشيت غرفتي ابكي اتصلت بمازن
اها نقول مبروك حبيبي؟  : تبارك لي الطلاق؟  : ببارك لك حريتك وانك خلاص بقيتي لي  : انت القال لك منو انا اطلقت  :  ااالوراني  : اتكلم انت داسي مني شنو لو عرفت بعدين انك كذبت علي ما حاسامحك العمر كلو  : بصراحه يا سمر الزبير هو الكلمني  : نعم؟  : الزبير؟ الزبير لاقاك وين لمن كلمك؟ ومتين اصلا هو انا يداب عرفت اسي  : من يوم جابك بيتنا واتلاقينا في المطعم.  : عشان كدا قلت لي حاتطلقي يعني كنت عارف والزبير اصلا يوريك ليه؟  : وانتي ليه زعلانه ما مهم نحن حانكون مع بعض اخيرا مافي احسن من كدا  : انا من زمان قطعت علاقتي بك  : انتي مستهبله
ولا شنو والحصل بيننا الفتره الفاتت دا شنو كنتي بتغشيني يعني  : انا اصلا ما وعدتك بحاجه  : انا ما حاسمح لك تلعبي بي طبعا خفت يتصل بالزبير ويوريه بعلاقتنا طوالي سبقتو واتصلت به مارد لي رسلت له رساله انا جايه بيتي طوالي اتصل
جايه وين  : البيت  : ما تجي  : انا ما مطلقه ما بسمح لك تتصرف من راسك  : سمر الموضوع ما بتحمل نقاش اكتر من كدا  : نتكلم بعد اجي  : انتي جاده؟  : ايوا  : خلاص ارجعي انا جاي عليكم في الشارع  : اصلا مااتحركت تعال بسرعه  : انتي بتعقدي الأمور ما اكتر  : انا ما مطلقه : طيب يا سمر اسي حااجي واطلقك قدام اهلك عشان يكونو شهود قعدت ابكي لبست لي توب وطلعت طوالي مشيت لعمتو فاطمه وقعدت ابكي لها قالت لي يعني انتي ما عاوزه تطلقي منو؟  : ما عاوزه اتطلق بالطريقه دي هو قال لي اسي جاي اطلقك قدام اهلك كمان وانا جيت هنا عشان ما يطلقني سندس قالت لي يعني لو جيتي هنا الطلاق ما بقع؟ انتي الجبتيه لنفسك حايطلقك بدم بارد ذي ما عمل مع رقيه : طلق رقيه؟  : ايوا قالت له طلقني وهو طلقا طوالي قعدت تتبكي وقالت نفس كلامك دا ما معترفه
بالطلاق قال لها خلاص بطلقك قدام اهلك ويبقو طلقتين  : يعني هو بس فالح الا للطلاق وبالبشاعه دي كمان تلفوني رن قفلتو طوالي بعدو تلفون عمتو فاطمه قلت لها ما تردي بكون دا هو  : دا ابوك
البنت دي ما جاتكم؟ اشرت لها بانو تقول لاقالت له اي هدي معانا  : قولي لها تجي بسرعه الزبير دا منتظرا من  قبيل  : عمتي قولي له ما جايه الزبير طوالي شال التلفون قال لامو هي قاعده جنبك يا امي؟  : ايوا  : ما تخليها تطلع
البنت دي قصتا شنو يا كوثر دا ما ياهو الطلاق الدخلتنا فيه محاكم اسي تجي تقول ما عاوزه تطلق  دي اعمل فيها شنو انا الزبير ماله الحق ي*ض*ر*با ويطلع عينا؟  : بنتي دي ما طبيعيه والله العظيم
الباب دق وسندس قالت دا بكون الزبير قعدت ارجف وفعلا جاء داخل زعلان انا لمن مسكت في توب عمتو فاطمه ناداني  لمن ناداني وقال لي  تعالي بسرعه ومشى الغرفه عمتو فاطمه قالت لي امشي له ما تخليه يناديك تاني  مشيت بخطوات متثاقله كالعاده كلما افكر
احلها اعقدها زياده بعد العملتو دا استحال الصلح دخلت له كان راقد في السرير وبتنفس بصوت مسموع كانو بمتص في غضبو لمن شافني قام وحمر لي قلت له دقايق انا ماشه الحمام  : من قبيل ما كنتي عارفه اتذكرتيه اسي الحمام 🚽؟ مشيت الحمام كنت شايله حبوبي بلعت واحده عشان اهداء وجيت طالعه بعد غسلت وشي قال لي جيتي هنا ليه؟  : انا ما عاوزه اتطلق  : ما على كيفك لو انتي ما عاوزه انا العاوز اطلقك خلاص قنعت منك : ليه وبتوري مازن ليه علاقتو بالموضوع شنو  : علاقتو شنو انا ما فاهم  : لا فاهم كويس انت بنفسك قلت له انك عاوز تطلقنيى وقبل حتى ما تكلمني انا فهمك شنو انت بس بتلعب بمشاعرنا؟  :  ارجعي له  : عملت كدا عشان انا ارجع له؟  غلطان ما انت البتحدد اصلا ارجع له ولا اعمل في حياتي شنو  : مش قلتي انا الفرقتكم؟ وكان  المفروض اخليه يرجعك مافات شي اسي اتحت لك الفرصه  : عامل نفسك البطل الهندي وانو لك الفضل يعني فاكر انو انت الرجعتني له؟  : انا عارف بعلاقتكم من بدري شفتك معاه في الجامعه : شفتنا؟  تاني ما قدرت اتكلم وخفت منو قال لي عارف انكم قاعدين تتلاقو في الجامعه وبتتكلمي معاه بالتلفون في وجودي انا ما غبي
يا سمر انتي ما كنتي مستغفلاني ذي ما فاهمه بالعكس انا السمحت لك بكدا حتى رقمو الكتبتيه في الورقه انا لقيتو واتصلت به  : عشان كدا اتغيرت مني اخر فتره واتجاهلتني  : اتغير ليه وانا السمحت له يقرب منك وبمزاجي انا ورضاي كانت علاقتكم  انا الدبرتا فهمتي؟ حبيبك انا الرجعتو لك قعدت ابكي قال لي انتي مالك زعلانه اسي مش اتصافينا خلاص في انفصال احلى من كدا؟  : حياتي ما لعبه في يدك عشان تتحكم فيها كدا انت فاكرو مسرح عرايس انت المتحكم فيه تحرك دا وتوقف دا  انت ليه تقرر لي القال لك منو انا عاوزه مازن ولا بحبو؟ : لو ما بتحبيه ما كان لجئتي له واتزوجتيه في السر  وعملتي المشاكل دي كلها  : البيننا انتهى من زمان وتاني ما راجعه له لاني ما بحبو  : يا شيخه؟ ما بتحبيه؟ بأي منطق ولأي سبب حولتي حياتنا لجحيم رفضتيني عشان شنو لو ما عشانو  : بس انت ما قربت مني وما.....  : ما قربت؟؟ انا عملت المستحيل عشان اجمع شتات العلاقه المحطمه دي  حاولتا كتير انجحا مع انها مفككه  وانتي قابليني  بالرفض قفلتي قدامنا الطرق كلها نوصل لحل كيف  : بنوصل  : مافي حل غير الطلاق  : لا  : انا قررت خلاص ما عندي اي قدره ولاطاقه اهدرا معاك ارمي بلاك بعيد مني  : ما
تطلقني  : سمى انتي...... قعدت في الارض وقفلت اضاني
ما تقولا عليك الله انا حلفتك ما تقولا لو عندي زرة احترام في قلبك ما تقولا  : قومي  : ما تقولا قعدت ابكي قال لي قومي امشي بيتكم لو ما قلتها الليله بكرا بقولا ونحن حاليا منفصلين يلا امشي مشيت وانا مكسوره شديد كان المفروض اقول له انا بحبك عشان كدا ما عاوزه نتطلق لانو دا السبب الفعلي الكنت بتهرب من الاعتراف به بعد قسوتو علي بحبو هو الوحيد الاحتل قلبي بالطريقه دي حبو انزرع جواي ومن بدري كمان بطريقه غير مباشره انا الخربت على نفسي   خربت بيتي بيدي فعلا انا السبب هو حاول يقرب مني اكتر من مره وانا صديتو بكلمه مني كان ممكن ما يتزوج علي بنفس الكلمه كان ممكن يبطل عدائيه ونعيش حياه حلوه ومستقره هو كان عندو الاستعداد وانا لا كلمه واحده كانت بترجعو لي ودايما ما بقولا واسي ما قلتها لو قلتها كان الوضع اتغير لصالحي اعمل شنو اسي انا بحبو بحب الزبير وماعاوزه انفصل منو حابه اكون معاه تحت اي ظروف حتى لو مع ال*ض*ر*ب اتعودت اتواجد معاه ما قادره انسى
المواقف الحصلت بيننا اشتقت للنوم في حضنو كنت بحس بالراحه والامان جنبو مع اني بظهر له العكس ما كنت بتجنبو كنت بمثل وانا عاوزه قعدت اعاند واختبر صبرو لمن كمل كلو خلاص بعد مابقيت خلاص عاوزاه معاي عاوزه اطلع وانبسط معاه واجيب منو ولد  نعمل اسره صغيره وحلوه بس حااعمل كدا كيف انا ولا حتى حامل منو هو قرر يطلقني بعد ما اتأكد تماما اني ما شايله حاجه منو عشان كدا كان مصر اني اعمل اختبار الحمل ماخلى رابط ولا سبب يرجعني عشانو رجعت البيت ما اتكلمت مع اي زول مع انهم بنقو فيني وابوي غلبو البسوي معاي شايل همي خزلتو وتاني خزلتو بعد وقف معاي بقيت اخد الحبوب بكميات كبيره لمن بقيت احس بالم في بطني وفقدت الشهيه ما باكل ضعفت انقسمت النص ورافضه امشي المستشفى ام فتحي شمتت فيني وحست بالنصر وانو ربنا انتقم لبنت اختا فيني امي افتكرتني حامل لمن جابت لي الشريط عملتو عشان تتاكد وطلع سلبي سمعت من ابوي انو الزبير مسافر بلجيكا لقى شركه تانيه وحايشتغل هناك واحتمال ما يجي لمن سمعت الخبر دا مشيت الحمام واستفرغت بطني كلها امي قالت لي انتي بتضري نفسك بس خلاص دي قسمتك اتقبليها ربنا اراد لك كدا  : انا ما
عاوزه اتطلق ياأمي  بعد فتره الحبوب خلصت مشيت الصيدليه ما لقيت مشيت واحده تانيه قالو الا بوصفه طبيه رجعت البيت عاوزه اجن راسي نكشتو واصرخ ذي المجنونه امي لمن خافت اتصلت بابوي جاء حاولت امسك اعصابي قدامو
يا بنتي انتي مالك حاسه بشنو جسمي كان حار ذي النار ومهبطه لمن لمس جبهتي قال لي لازم نوديك المستشفى  : ماماشه  : انتي عيانه عاوزه تقعدي كدا يعني؟  : ما عندي اي شي وما بمشي مستشفى هاجر قالت لي معناها انتي حامل وداسه مننا  : ما حامل  : كذابه  : طيب ليه ما ماشه قومي ارح معاي ابيت امشي واصريت اقعد في الغرفه قعدت يومين في الحاله دي لمن ابوي جاب لي شيخ يرقي لي وعمتو فاطمه جات لمن شافتني كدا اتصلت بالزبير ورتو
هو انا كل ماكون مسافر توقفوني بسبب البنت دي  : انت تعال شوفا بس لها يومين حالتا تحنن الكافر انا زاتي ما كنت قايلاها كدا لمن قالو لي بس بعد شفتها قطعت قلبي  : ودوها المستشفى انا بدفع القروش  : قروش؟ يعني قايلني  متصله بك عشان القروش؟ ولا
ابوها ما قادر يوديها البنت رافضه تمشي وبتصرخ وتنكش شعرا اسي ابوها جاب لها شيخ طردتو ونبذتو  : معقول يامي للدرجه دي  : اعدمكم يا ولدي لو بكذب انت تعال شوفا بنفسك كان في المطار خلى اي حاجه وجاني جري
عمو  : انت جيت يا ولدي؟  : سمر وين؟  : هديك في الغرفه جاني لقى الباب مقفول 🔒 قال لهم انتو قافلين عليها الباب ليه؟  : سايقا المستشفى لمن سمعت اتجننت وعاوزه تطلع من البيت تقاوي فينا ابت تهداء الا بالطريقه دي  : بس هي ما مجنونه  يا جماعه ادوني المفتاح دا وينو هاجر جابتو له فتح الباب ودخل لقاني قاعده في الارض ومنهاره جسمي خلاص ما فيه قوه وشعري منكش وممعطاه جزء واقع في الارض جنبي لمن شافني كدا اتهزا شديد لمن دموعو عاوزه تجري واتذكر العملو معاي كلو حس انو السبب في الوصلت له دا وقف يحاسب في نفسو من غير ما بتحرك رفعت راسي
الزبير؟  : سمر قومي دا شنو العملتيه في نفسك دا  : انت جيت؟ دموعي جرت وقلت له جيت لشنو قرب
مني عاوز يحضني دفرتو  وقعدت اصرخ وا*ض*ر*ب فيه في صدرو طبعا هم كانو واقفين ورا الباب ابوي قال لامي ما تمسكي بنتك دي ما شايفاها ولبسيها بسرعه العربيه جايه  : لالا خلوها بعد تهدا انا بسوقا  : يخلوها لمتين لها يومين بدون اكل نوم ولا هدت ولا حتى ضاقت راحه  : انا بتصرف طبعا انا ما وقفت البعملو وابوي اتضايق قال لامي امشي امسكيها منو  : لا لا خليها معاي شويه  : ياولد كيفن نخليها تضرب فيك كدا هزا راسو بمعني انو الوضع تمام 👌 حتى ابوي قال لهم يطلعو  يالفاتح  : قال لكم خلوه مع مرتو ما بتفهمو يلا هاجر اطلعو كلكم حتى طلعو طلعو  انا طبعا  صرخت بكل قوتي وطلعت الجواي هديت هو مسكني حضني لمن غفيت في حضنو ابوي دق الباب طلع له
خلينا نوديها المستشفى مدام هدت ونامت  : يا عمو  انا عارف مشكلتا شنو وبعرف اتصرف بس اسمح لي اسوقا معاي ممكن؟  : لكن يا ولدي هي عيانه ما شايف حالتا؟  : بوديها انا بعد اذنك لو سمحتو مافي زول يجي معاي امي اتعابطت شديد الا ابوي وقفا مشى فتح الدولاب طلع لي توب لبسني له وخت لي كم حاجه في
شنطي الصغيره شالني ركبني العربيه واتحرك انا صحيت لقيت نفسي في البيت وكنت فاكراه حلم اغمض وافتح كنت جعانه شديد مشيت على المطبخ  سمعت صوت حركه فيه دخلت دخلت لقيت الشيف الزبير شغال يطبخ لي
دا بالجد؟  : صباح الخير  : انا جيت هنا كيف  : انا جبتك  : جبتني ليه  : ما جعانه؟ كان بعمل في  بطاطس 🥔 قعدت اعاين فيها بشهيه قال لي مافي اكل بشكلك دا شوفي شعرك وملابسك لك كم يوم لابساها؟  : انا جعانه شديد كأنو لي شهر ما اكلت : بتجوطي وعامله مشاكل مالك عاوزه ترجعي لي؟ : انا اصلا ما عاوزاك  : طيب امشي استحمي وغيري وما تنسي تنظمي شعرك دا  : ما عاوزه  : لو ما مشيتي بحميك بنفسي واغير لك  : اياك  : انتي ما تجبريني  : انت واحد قليل ادب : وفيها شنو يعني انا راجلك ما زول غريب مشيت استحميت وطلعت بالبشكير لقيتو في الغرفه لمن خ*ل*عن*ي عاوزه اتكلم طلع لي قميص قطني ظريف من الدولاب لبستو قعدني قدام التسريحه وبقى يسرح لي شعري ضفرو لي قال لي يلا امشي صلي وتعالي ناكل مع بعض ساعتا صدقت انو ما حلم
الراحه النفسيه دي اهم علاج انا فعلا لسه تعبانه ومتأزمه بس لمن شفت الزبير ورجعت البيت الضيق الفي صدري خف وطلعت من حالة اللاوعي ديك يعني اقلاها بقيت مدركه للحولي وانو ما لازم اتصرف بجنون قعدت مسافه طويله في المصلايه لمن دموعي جرت جاء قعد جنبي قال لي مالك بتبكي خت يدو في وشي
الدموع دي لشنو  : دخلت حاجه في عيوني مسحهم لي وحضني قلت له انت عاوز تتحكم فيني كدا؟ مره تقرب وفجاءة تكون قاسي وتبعدني واسي انا ما عاوزه ارجع لك عشان ما تكسرني  : طيب ليه عملتي في نفسك كدا ورفضتي الطلاق  سكت قال لي طيب قومي اكلي : انا ما جعانه : شوفي بقيتي كيف ذي العندك سؤ تغذيه معقول كانو مجوعنك في بيتكم : كيف يعني : لمن كنتي معاي سمنتي وعملتي لك جضوم تاني ما حااخليك تمشي بيتكم دا : انا الما عاوزه اكل اهلي ما مجوعني واسي ما حااكل في بيتك دا رجعني لاهلي : ابوك قال لي اسوقك يعني ما عاوزك ما عندك كرامه انتي؟ صريت له قعد يضحك شال التلفون عمل مكالمة فيديو قلت له بتعمل في شنو  : بتصل بهاجر هاجر قامت جاريه لامي وابوي كانو لابسين اظن جاين علينا
سمر سمر انتي كويسه؟  : ما هدي كويسه ما شايفاها يا كوثر  : انا تمام  : ما حاسه بتعب؟ : شويه  : يعني من رجعتي بيتك بقيتي كويسه ولا دي كانت حيله عشان ترجعي راجلك  : حيلتا نجحت كمان  : هاجر احسن لك انا اصلا ما عاوزه ارجع جبتوني بالقوه وانا نايمه انتو عاوزين تتخلصو مني بس  : اي عاوزين نتخلص منك ما قلتي الا الحق الزبير قعد يضحك يا ابوي سكتا الكذابه قال لي انتي كويسه يا بنتي؟ : ايوا كويسه الحمدلله  : ربنا يطمنا اكتر عليك لو احتجتو حاجه اتصلي بي  : حاضر  : ربنا يحفظك قفلنا ومشينا اكلنا
الزبير انا تعبانه  : حاسي بك : ممكن امشي الصيدليه ما بتأخر ملامح وشو اتغيرت طوالي للغضب قلت له مالك؟ : عاوزه شنو : حاجات خاصه
طلع تلفونو ووراني صوره صورة الحبوب الكنت باخدا لمن ان*خ*لع*ت قلت له دا شنو؟  :  انا البسألك  :  بس هم في تلفونك انت ما انا صرخ فيني كفايه كذب بطلي خلاص انتي ما بتتعبي؟ انتي م*د*م*نه يا سمر
يتبع