آنا آلكاتبـه مروه ماُجد
كملت الغدا ولملمت البيت دادخل لغرفتي وماسمع بس الصياح واسمي بطاري طلعت لكيت بارق مطير عيونه ويصيح منو داخل غرفتي منو لاعب بغراضي وعمتي تجاوبه اكو غير هاي الثوله مرت سلام
يممممممه وليش تدخل غرفتي منوووو سمحلها
اني عود كتله تنضفه يوميه
لااله الاالله وانتن منو عاتب عليجن تنضفنه انتي موتدرين شغلي وصخامي كله بيها
والله ادري وحذرته
طلع سلام وخلدون واني هم كتله
شنو بارق اني يوميه انضفه شصاير
لاخلفله عليج وهسه تطلعين الورقه الضايعه من جوه الكاع
حجاه وضرب الباب حيل
جاوبه سلام
ليش تجاوز سالتك شضايعلك جاوبها باحترام
لك شنووووو جاي تعلمني انت لودافع المرتك نسيت اني اكبر منك
لامانسيت بس يمكن أنت نسيت لدتصيح عليها هاي مرتي بعدين شكو ماخذنه بصياحك
جيت عل سلام لزمه من ياخته وسلام لازم ايده
انعل ابوك لابوه مرتك الورقه هاي عقد مال قضيه مستلمه بكومه فلوس اذا ملكيته البيت اهجمه
نزل ايدك ماريد اتجاوز عليك
هز سلام مرتين ويكوله
تجازوز تجاوز داشوف شيطلع منك
باررررررق نزل ايدك لاتكفرررررني
هديل وخلدون يجرون بارق واني اجر بسلام وعمتي تصيح كله من وراج الله لايوفقج
وجان ينزل مصطفى ابن مهند يصيح
عموووو عمووووو الورقه عد محمد اخويه جنه نلعب بيهم محمد راد يرسم لن الورقه جبيره
بارق هد سلام وتوجهه المصطفى صفكه راشدي الطخ بلباب وسوى الدرج شبخه وحده وصعد فوك دقايق ونزل بيده الورقه وصوت محمد فوك يبجي مصطفى كف بحضن عمتي وسلام هاج
خو انتي يمممممه كولشي وكلتي هبه هبه والله العظيم حرت وياج ماعندج شغله غيررررر مرتي
بارق كال.كافي عاد الورقه لكيناهه لضل تلوص
باررررق انت لاتدخل اني وامي هستوك من وره ورقه ماخذ عليه كم فلس تسبني وتسب مرتي وبعد شويه نضارب هسه تسكتني
خزره ودخل غرفته وهف الباب
خلدون كال
كافي سلام برروح ابويه كافي هاهيه سدو الموضوع
يمممممممه شسويلج بعد هاي صار شهر مكاطعج ومااحجي وياج كلت بلكت تحس وتجوز مني ومن مرتي وانتي تزيدين يعني اني مممممو ابنج مدتوشفيني مرتاح اكلي حاضر لبسي حاضر حتى الناس دكولي متغير ادددددري متكيفين ارتاح
كلمه واحده ماحجت لامه مصطفى بحضنها واكفه وخلدون خطيه يسكت بسلام عفتهم ورحت لغرفتي طكيت من البجي انوب الحقير بارق يسبني ولو يهدوو عليه يمكن يذبحني دخل سلام وركع الباب الشباج طن من ضرب الباب باوع عليه صاح
أنت تقرأ
ليتك قدري الاول
Romanceآنا آلكاتبـه مروه مٱجد القصه مــنقــولــه لل الكـاتـبـه رفـــل الـكـنانـي
