هي البدرُ حسنًا و النساء كواكبٌ💙

البارت ٥١

حطت راسها على رجل خالد الصغيره:العب بشعري تراي ناقصه حنان
كان سليمان يناظرها من بعيد قرب لها:الله يعينك يا خالد
خالد رفع يدينه و كأنه يقول له شيلني
سليمان شال خالد
الريم عصبت تسحب خالد و تدخل للداخل:و انت ما تصدق على الله
بكى خالد
الريم:احلفف
خالد كان يأشر على الحديقه
الريم:يووووههه يالمدلع
اخذته ل لينا:ولدك ذا يتشرط
لينا ضمته و هو كان يبكي:ريموووه وش مسويه ل وليدي
الريم:كنت جالسه و مجلسته جنبي نسولف و مدري وش فيه
لينا:يبي يلعب لودي
الريم:فاضيه له انا
لينا:ليه اخذتيه اجل
الريم همست لها:شفت سليمان
لينا شهقت:ايه
الريم:بالبدايه ما انتبهت له بس كان يتأملني و كيف اتكلم مع لودي بعدين جا و عكر مزاجي و مزاج لودي
لينا حطت صحن اكل خالد قدامها:احس مدري بس احس بيخطبك
الريم كشرت:فال الله ولا فالللككك و اقول اكلي ولدك جايع تراه
بدات تأكل خالد:وليه مو عاجبك موضوع الزواج؟؟؟ بتجلسين عند عمتي
الريم:للاسف اكره طاري الزواج اجلس عند امي معززه مكرمه ولا اروح بيت شخص كل سنه يبغا اطفال
ضحكت لينا:شايفتني كل سنه جايبه نونو؟؟؟
الريم نفت:لا
الليل الكل مشو الا لينا و عزيز لانهم بينامون عند اهل عزيز
لينا حطت خالد بحضنها:عمتي بنتك ذي لازم تتزوج عشان تعيش حياتها
الريم نفت تضحك:عفوا زوجة اخي العزيزه جالسه على قلبك؟؟
ضحكت لينا تنفي تلعب ب خدود خالد:كيف ما تتزوجين تزوجي عشان تجيبين بنت عمه ل لودي
الريم:اريامو تجيب له
عزيز:يراسي الريم قومي نامي
الريم:اليوم جمعه يا اخوووي
عزيز:بكره جمعه غلطانه يا اختي
عزيز اخذ خالد يلعبه
و لينا انسدحت على رجل عزيز و كان منظرهم يجنن الريم سحبت جوالها تصورهم اكثر من صوره و بوضعيات مختلفه
لينا ضحكت:اقول عزوز نبي نسافر
عزيز:وين يا عيون عزوز
لينا تفكر:انطاليا أحس مره ودي اروح هناك
عزيز اشر على عيونه:من ذي قبل ذي بحجز لنا هاليومين
الريم:يا كثر سفراتكم يا ذا الاثنين
عزيز:و بعد ذي اول سفره لنا مع لودي
الريم:اذكر انكم قاطينه عند امي شهر بس عشان تسافرون
ضحكت لينا تبوس خالد:ياخي كيف طاوعني قلبي اتركه عندك
الريم عطتها نظره:انا قيامه بنام يمه لا تصحيني بدري
ام عزيز:طيب
ابو عزيز:يا اريام
اريام ناظرت ابوها:عيوني
ابو عزيز:عز خطبك يا ابوي و وافقت و قلت له شورها يا ولدي و مابي ارده يا اريام يقول حبيتها و انا مالي بالحب و الخرابيط
اريام ابتسمت بهدوء:الشور شورك يبه و انت ادرى بمصلحتي و عز رجال و كفو
لينا:مبروك يا عيونيي اجل عزوز كنسل السفره بعدين نأجلها بعد عرس ارياموه!
ابو عزيز:انتم ليه ما تعيشون معنا اريح لكم و لنا
عزيز:فكرنا يا يبه خلاص بعد عرس اريام عشان لا يصير حوسه بس غرفة خلود الي بغرفتنا صح
لينا:اكيد مستحيل لودي ينام وحده اساسا
ابو عزيز:من الان انقلو عشان نخلي ملكة اريام بعد ما تخلصون الغرف
لينا:خلاص بكره عزوز انت داوم و انا بكلم شركة نقل بس الاشياء الي نحتاجها اما الباقي بنعرضها للبيع

بالنسبه ل غرفة خالد غرفة لينا و عزيز فيها غرفه اطفال و حمام وغرفة تبديل يعني تكفيهم
عزيز:انا باخذ اجازه و بخبرهم ان عشان ننقل و انا بكلم الشركه تاخذهم لانه ما بنحتاجهم
اريام كانت تحس بمشاعر حب كثييرر ل عز بس مستحيل تتكلم لانها شخص خجول
لينا ابتسمت:اجل يلا ننام لودي
كل من راح غرفته
اليوم الثاني على الفطور ب بيت متعب
منار:شرايك نسافر والله تراي طفشانه وحدنا بالبيت ما معي احد تلى الاقل نروح بيت عمتي
متعب:مناري اما عندي شغل
منار:دايم عندك شغل
متعب:والله بس ذي الفتره و بعدها امشيك بكيفك و اخذك بكيفك و اعيش بكيفك ايش تبين اكثرر؟؟؟
منار زعلت:ابي اروح ل اهلي طيب الين تخلص فترة دوامك
متعب تنهد يسحبها ل حضنه:انا اقدر اخذ اجازه بكيفي كم تبين المده و من متى ابدأ
منار:خذ اجازه بكيفك بس انا تعبت مع فترة دوامك طول اليوم مافي احد اجلس معه اسولف عليه
متعب:خلاص بغير فترة دوامي اخليها الصبح معك نرجع مع بعض طيب؟؟
منار:ايه