آنا آلكاتبـه. مروه مٱجد
واي قابل ما خلص يمعوده صار شكم يوم
وليش انتي ضايجه شنو نايمه عل كلبج
لابس مبين زعلانه لن شكلج تعبان ورجلج لاحس ولا خبر
اساور عوفيني الله يخليج لازعلانه ولا ابد
والله مادري الله اليعلم
عوجت حلكها وطلعت شدعيلك سلام كله من وراك هيج خليت هاي العوبه ترطن براسي كاعده ومهمومه واجتي امي كالت رجلج اجه انوب نهميت اكثر كمت باوعت على روحي بلمرايه وجهي تعبان وجوه عيوني اسود لميت شعري وطلعت جان كاعد وحده سلمت عليه وكعدت يمه وهوه كالب خلقته بقيت ساكته
يعني بجذب دكي عليه كولي البقيه بحياتك وينك صار شكم يوم
باوعت عليه شويه وابجي
يعني انت تجفص بمصاريني وتكلي ليش متسألين
اي وشصار وإذا عصبت عليج شويه تعوفين البيت وتطلعين
سلام انت ماعصبت انت طيحت حضي بتصرفاتك يعني اني جيت اتونس يم اهلي كتلك دانزف وبجيت كدامك وجنت ميته خوف وانت عفتني وطلعت
هسه شتردين
ماريد شي
لعد كومي دنولي للبيت
كمت بدون مااحجي طلعت لباب الهول وبعد ماكدرت أطلقت سراح دموعي وهنه ماصدكن نزلن مثل المطر لاكتني اساور
كالت
هااا شكلنه
وتودي حلكها يمنه ويسره
مجاوبتها عفتها ورحت للغرفه امي لحكتني شافتني ابجي سألتني سولفتلها كالت ترحين وياه بدون كلام مدام اجاج مالج حق بعد اذا مرحتي يصير الحق عليج لان اجاج ومرجعتي وياه هدتني وبوستني ولبستني جبتي وطلعت سلم على امي وطلعنا الطريق كله مبوز وصلنا البيت دخلنا عمتي ماكو يمكن مجايه بس هديل سلمت عليه ورحت لغرفتي بدلت وهو بدل ونام ماحاجاني كلمه هذا شبي ياربي حتى ماسألني شلون صرتي ولا سأل على الطفل اوووف منج يمه هسه ليش خبصتيني ارجعي وارجعي المن ارجع لهذا الممعبرني اني ادري شكلبه لفيت راسي ونمت ماحسيت غير نص اليل على سلام وهو نايم فوكايه ويبوس بركبتي استغفر الله هذا راح يخبلني كل شويه وجهه شكل
سلام على كيفك بطني
هاااااا هم راح تجيبين طاري الطفل عوفيني براحتي
سلام موزين عليه قبل كم يوم جنت انزف وخر
مااذيج بس اسكتي
بقيت ساكته لحد مريح نفسه وابتعد كعد ورث جكاره واني سحبت الفون شفت الساعه 3ونص الفجر متمدد بصفي واخذني بحضنه تنفست بعمق حسيت بهاي حركته رجع سلام مال اول زواجنه
كسر هذا الصمت من كال
شبيج
انت شبيك ليش متغير عليه
أنت تقرأ
ليتك قدري الاول
Romanceآنا آلكاتبـه مروه مٱجد القصه مــنقــولــه لل الكـاتـبـه رفـــل الـكـنانـي
