وريثة القصر

الفصل السادس

رغم توقعه  بمجئ هذا اليوم و ان شخصيه كمثل شخصيته اخته لن تستسلم بسهوله و سوف تحارب من اجل اخذ ابنتها و لكن مع ذلك كان وجهه عليه علامات الصدمه حين وجد مرام امامه التى انفجرت فيه صارخه تنادى على ابنتها ايلين

مرام بعصبيه و هى تدفع اخاها لداخل المنزل : ايلين فين بنتى فين يا زياد ، ايلييين ايليين

زياد بسكون : ايلين مش هنا يا مرام

مرام بسؤال و قلق :  يعنى ايه يا زياد مش هنا ، ثم اكملت بتمنى و دموع عكس حالتها التى كانت بها ، زياد لا اوعى تقولى ان بنتى مع عامر ، زياد علشان خاطرى بنتى فين

زياد وهو يضم مرام اليه ممسكا بزراعيها: مرام اهدى بنتك والله كويسه ، بس ده الاحسن

مرام بانفعال و انهيار وهى  تبعد زياد عنها : الاحسن ليها انها تكون مع امها مش ابوها المستهتر فى شغله و فى حياته ، الاحسن ليها ان تكون معايا انا وبس

زياد : متقلقيش عامر مهتم جداا ب ايلين

مرام بصدمه جعلتها لم تتحمل ان تقف على قدميها:  عامر خلاص يعنى اخد بنتى منى ، عرف انها بنته و اخدها منى ، يعنى خلاص ايلين هتبقي بعيده عنى

زياد وهو يجلس امام اخته :  مرام. ثقى فيا بنتك مش هتبعد عنك ، بنتك هتكون معاكى يا حبيبتى

مرام على وضعها بانهيار وهى تقوم بضرب اخيها بهستريه : انت كدااب يا زيااد ، انت السبب ، انا مش هسامحك يا زياد

زياد وهو يحاول مساعده مرام التى فقدت وعيها اثر انهيارها : مرام فوقى يا حبيتى ، مراااام فقام بحملها الى غرفتها و قام بالاتصال بالطبيب

_______________________________________

رحيل :  اخبارك ايه يا حبيبي ،  بتعمل شقاوة ولا  عاقل

عدى : كله تحت السيطرة يا رحيل  والله

رحيل بضحكه : يبقى ربنا يستر يا حبيبى ، انت فين كده

عدى بنوم : الساعه ١٠ الصبح هنكون فين بس يا ماما ، فى الشركه مع عامر انا و ايلين

رحيل باهتمام : طب قولى يا حبيبى ، خالو عامر بيعمل ايه معاكم

عدى  : لا متقلقيش هو قرب يرمينا خلاص

رحيل بضحكه : عملتوا ايه

عدى : مفيش المفروض ان فى اجتماع النهارده ، و كان محتار يأجل الاجتماع علشان يفضل فى البيت علشان ايلين و تعبها ولا ياخدنا معاه الشركه ، طبعا علشان داده حليمه لست مجتيش البيت وفى اجازة ، مع انى حاولت اقنعه انو يسيبنا و يمشي ، بس هو مش واثق فيا ، انا ذنبى ايه طفل زى يصحى الصبح انا

رحيل : وبعدين يا لمض

عدى : المهم روحنا معاه بعد ما اطمن ان ايلين كويسه، و هو فى الاجتماع دلوقتى ، و خلى السكرتيرة تفضل معانا و تاخد بالها منى انا و ايلين لحد ما يخلص هو الاجتماع

رحيل بفرحه من اهتمام عامر بهم و بالشركه :  ماشي حبيبى اسمع كلام خالك و خد بالك من ايلين

عدى : متقلقيش يا مامى ، انا حفظت مواعيد الدوا بتاعها و انا اللى بديها الدوا علشان مش بترضى تاخده من عامر

رحيل :  ماشي يا حبيبي انا كلها يومين ثلاثه و هجيلك

عدى بفرحه :  ماشي يا ماما سلملى على  بابا

وبعد انتهاءالمكالمةاتجهت رحيل مسرعةالى تاج لتقص عليةما تم

تاج بفرحه : اهو ياستى عامر بقي مسئول عن الشركه و مهتم اهو

رحيل بفرحه : مش مصدقه يا تاج انا فرحتى بعامر كبيرة اووى ، مهتم بالاولاد و الشغل

تاج وهو يضم رحيل اليه : قوتلك كل حاجه هتبقي كويسه

رحيل بحزن : كان نفسى يتعدل حاله من زمان مكنش على الاقل بعد عن بنته و مراته

تاج و هو ينظر الى رحيل : اللى عامر خسره هو قادر يرجعه تانى يا رحيل تخيلى لما بس ايلين تعبت و بدء يهتم بيها ، ما بالك لما يعرف انها بنته

رحيل بخوف : على قد ما انا فرحانه بعامر. و مستنيه اللحظه اللى يعرف فيها ان ايلين بنته ، بس خايفه من المواجهه دى

تاج : اهدى بس كده و كله هيبقى كويس يا حبيتى

وكاد ان يكمل  ولكن قطع  حديثهم اتصال زياد بتاج

تاج : ابن حلال كنت حالا  هتصل عليك

زياد : مرام جت القاهره

تاج : بتقول مرام ايه

رحيل وهى تاخذ الهاتف وتضعه على الاسبيكر :  زياد انا رحيل ،انت بتقول مرام مالها

زياد : مرام جت وبدء يقص عليهم ما حدث

رحيل : انا مقدرة وجعها وانا لو مكانها وابنى اتاخد منى ، اكيد هقلب الدنيا ، بس فى الاول و الاخر هى اللى وصلت حالها و حال بنتها لكده

زياد : رحيل اظن مش ده وقته الكلام ، الدكتور  كان لسه هنا و ادها حقنه مهدئه و لو حصلها حاجه انا مش هسامح نفسي و ولا هحط فى اعتبارى اى حد

رحيل : يعنى ايه الكلام ده

زياد : يعنى لازم مرام تشوف بنتها يا رحيل ، ثم انقطع الاتصال بينهم

وبعد انتهاء المكالمه

تاج بعصبيه : ممكن افهم بقي انتى تقصدى ايه باللى انتى قوتليه لزياد ده

رحيل : زى ما سمعت انا مش هاجى على مصلحه عامر ، هو من حقه ان ايلين تفضل معاه ، مش كفايه بقالها ٤ سنين وهو ميعرفش اصلا انها موجوده ، حط نفسك انت يا تاج مكانه لو انا عملت كده فيك ، هتستحمل ، احساسك هيبقى ايه بعد ما يتقال ليك ان بنتك او ابنك مات جنين و تيجى بعد ٤ سنين تعرف ان كل ده كدبه و ان عقدة الذنب اللى شيلتها لنفسك طول الفترة دى كانت مبنيه على كدبه

كان ينظر اليها تاج صامتا

رحيل بنص ابتسامه : سكت يعنى ، قبل ما تحكم شوف الاول ان كل ده كان بسبب مين

______________________________________

فى الكافتريا

كانت  هائمه فى عالمها  ولم تنتبه الى واقعها  الا على صوت صفاء الذى يناديها

عهد : بتنادى يا صفاء

صفاء برفعه حاجب :  بنادى. ، انا صوتى راح يا بنتى

عهد : معلش ماخدتيش بالى

صفاء باهتمام : فى ايه يا عهد ايه اللى مخليكى سرحانه كده

عهد : لا مفيش اى حاجه ، بس سرحت شويه كده

صفاء و هى معتقدة خطا: تانى يا عهد ، قولتك يا حبيبتى انسي ، و شوفى حالك

عهد باستغراب : انسى ايه ، انتى بتتكلمى على ايه

صفاء : بتكلم عن ايه ، لالا احنا نقوم نشوف شغلنا كده و لينا قاعده مع بعضنا

_______________________________________


فى منزل عامر

حيث استغرق الاجتماع الكثير و الكثير مما جعل عامر  بعد انتهائه اصطحاب الاولاد و شراء بعض الطعام من احدى محلات الاكل البيتى واتجهم  للمنزل

عدى بضجر : انا نفسي افهم طفل زى تصحوا من بدرى ليه ، ده انا فى اجازة يا ناس

عامر وهو يضع ايلين النائمه على الاريكه : طفل !! ، قول زعيم عصابه ، بتاع مشاكل ، لكن طفل دى بعيده عليك

عدى بسخريه : والنبى انجز و بلاش  تمسكلى على الواحده

عامر : ولااااا انا خالك ، وبعدين صوتك ايلين نايمه

عدى : انا مش هتكلم بس علشان خاطر الموزة  

عامر : موزة يا قليل الادب ، يلا اتفضل روح غير هدومك لحد ما افضى الاكل

عدى اثناء ذهابه : ااه يا عامر نسيت اقولك ، ماما اتصلت و كانت عوزاك تكلمها


عامر : طيب ماشي لما ناكل هبقي اكلمها

وبعد تحضير الطعام

كان عدى يراقب ايلين باستغراب حيثوا اعتقد انها تقلد عامر

عامر بعد ان اتنبه لعدى : مش بتاكل ليه يا عدى

عدى بهمس : هى ايلين بتقلدك يا عامر

عامر بتركيز حيثوا وجد ان ايلين تاكل الجزء العلوى من الخبز ما يسمى " وش العيش " و تترك الجزء السفلى الذى يسمى " ظهر العيش "

كما وجد انها تقوم بتقطيع بعض اللقيمات فى صحن الشوربه و تقوم باكل كما يفعل عامر

عامر بضحكه : انتى بتقلدينى يا ايلين

ايلين ببراءة : لا يا عامر ، انا على طول باكل كده

عامر بابتسامه ولم يهتم بالامر : ماشي حبيبتى ، كملوا اكلك وانا هروح هكلم رحيل

وتركهم و اتجه لمحادثه اخته

_______________________________________

فى ذلك الوقت عند مرام و زياد فكان مفعول المخدر قد انتهى و كان مرام فى حاله الاستفاقه

مرام بتعب : ايلين

زياد : اهدى يا مرام ، انا هنا جنبك

مرام بدموع : ايلين يا زياد ، بنتى

زياد و هو يضم وجه اخته بين يديه : وعد منى يا مرام هجبلك ايلين

مرام بفرحه : بجد يا زياد ، طب امتى ، تعالى نروح دلوقتى ،  كادت ان تتحرك من السرير اصابها دوار ولكن قام زياد بالامساك بها

زياد : انتى كويسه يا مرام

مرام بتعب : انا  كويسه هاتلى بنتى بس

زياد: وعد منى هجبلك ايلين زى ما اختها منك

______________________________________

عودة مرة اخرى لعامر الذى كان يتحدث مع اخته

عامر : ايه يا حبيتى ، عدى قالى انك اتصلتى عليا ، طمنينى عليكى و على تاج

رحيل : الحمد لله يا حبيبى ، كله تمام طمنى انت عليكم

عامر : كله تمام الحمدلله ، والنهارده خلصت صفقه مهم

رحيل بفخر : وصلى الخبر يا حبيبى ، و فخورة بيك جداا

عامر بفرحه : طب الحمدلله ، مقوتليش كنتى عاوزنى فى ايه

رحيل بكذب  : ابداا ، حبيت بس ابلغك ان خلاص كلها يومين او تلاته و هاجى و نشيل عنك هم عدى و ايلين

يتبع ..