ليتك قدري الاول

آلبارت 12

آنا آلكاتبـه.مروه‍ مٱجد

ايناس تره اني دخت ليش ام رقيه دوم تكلي ديربالج عليه وهسه انتي هم تعرفون شي وضامينه عليه

جرت حسره وكالت

لا حبيبتي ماكو شي لايضل بالج انتي حامل لاتشغلين نفسج بلتفكير اكوم اجيبلج شي تشربي

عافتني وراحت بس مارتاحيت احس عيونها بيها نضرة شفقه صارت عليه آخر شي واكو شي تعرفه وضامته عليه تمنيت لو مصاعده احسن شفت نفس النضره الاشوفهه بعيون ام رقيه كعدت ساعه بس عبالك سنه وهيه غيرت كل المواضيع كامت تحجي بس عل جهالهه والدراسه ومواقفهم ابد ابد مرتاحيت عاد نزلت صار بارق بوجهي باوعلي بستغراب عود شلون صاعده يم ايناس وحتى هديل شافتني كالت يمعوده همزين امي ماكو جان كلبته عفتهم ودخلت للغرفه خليت راسي ونمت العصر كعت عل صوت سلام وهوه يركع بلبوب مال الكنتور

هاي شبيك شداسوي

كومي طلعي سلابتتي داولي اطلع اااااهج من البيت

شكو شبيك انت شوكت كعدت

لتضلين تحجين تره راسي راح يطك طلعي هدومي وانتي ساكته

شفته نار كبره سكتت كمت طلعت ملابسه احسه واكف عل أعصابه ويريد ينفجر الساعه علكت بيده يريد يسدهه متنسد كام ولطخهه بلمرايه صارت كلشي بصفحه جامتهه وباتريهه

سلام ليش هيج يا عيني غير تكولي شمضوجك اني زعلتك بشي اخاف لن تأخرت بنوم وانت صار هواي كاعد باوعلي بتعب وطلع المرايه كدامي شفت نفسي كاعده مخروعه وشعري مخربط مسحت وجهي بيدي بحيره ولميت شعري وره اذاني وعيني عل كاع وشلون الساعه مطشره دنكت لميته الجامه متفلشه لميته كزاز اووووف والله حياتي هيج احسها متفلشه وكل شويه لأمتهه واله اني عفته نايم شكعده هيج معصب ادري حلمان حتى الحلمان موهيج عاد طلعت من الغرفه سمعت هديل تكول العمتي

يمه ليش هيج دسوين بسلام تره انتي تعيلين بي عوفي حتى عائله راح تصير عنده

انجبي انتي معليج كومي من يمي لاهفج عل وجهج ام حلك عائله عنده

طلعت هديل وهيه تعيبله عل آخر كلمه طبعن سلام متعارك ويه عمتي وهديل تعرف عل شنو معقوله عل مصرف وهديل تكولهه  عوفي عنده عائله لا سلام كل ميستلم راتب ينطيهاء250الف مصرف البيت وبارق نفس الشي يعني ممحتاجه بين هل تفكير اجه سلام كال تعاي ورايه دخلنا الغرفه

اكولج تروحين

وين

لكربلاء

صدك بهل مغربيه

اي عادي نبات ونجي الصبح

والله بكيفك

عادي السياره والطريق عليج

اي عادي

يله لعد بدلي

بدلت عل سريع لبست جنت حيل محتاجه هاي الزياره طلعنا الدنيه دتضلم وعمتي تخزر بينه مكللها ولا عبرها صعدنه السياره الطريق كوله هدوه رهيب وصوت القرآن بلسياره راحه تخبل كلشي ماحجينه بس الطريق طويل ومتعب وسلام اعرفه ميسوق بسرعه علمودي وكل منوصل طسه يخفف حيل ال ان وصلنا الجوء يخبل والناس تزور عبالك ماكو لاهم ولاغم يمكن بلحضتهه نسيت عمتي وضيمها وهمها ونسيت كولشي كل فكري بهذا المكان وهاي الراحه العجيبه زرت وهوه هم راح زار كل ضريح اوكف يمه كلبي ينعصر وابجي من كل كلبي وأدعي واصلي ال أن ارتاح كملت وطلعت سلام اجه يمشي بتجاهي جان لابس دشداشه والسبحه بيده تتحرك ويه مشيته صارت عيني علي واني بين الحرمين دعيت الله يحفضه الي وصل يمي كال