حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت التاسع والأربعين

وفي بيت ال مُنيف الكل رقد بفرح لقرب عرس دُجى وكيان وقلوبهم تدعي ان الله يتمم لهم على خير وفي صباح بيت ال مُنيف :
اصتبحوا البنات وقالت امل :ايش رأيكم نخطى الشلال؟
ترف :ومن اياخذنا؟
جهاد :وشرايكم نروح بدون محدن يدري؟
ليان :انا معتس والله حرام الرجال امس طوال الليل في الشلال سامرين وحنا في البيت نقايس الفساتين
ترف :عاد في تركيا على الاقل كنا نسمعهم
امل :صح وهو طريق عشر دقايق مشي لو اسرعنا
جمان :استهدن بالله واقعدن مافي طلعه!
جهاد :يليل ،جمان مو وقت الامومه كلها نص ساعه وراجعين!
دُجى :جمان عيب عليش بكره عرسي خلوا اخر ايام عزوبيتي حلوة
امل :وبعدين انستأذن من امهاتنا والمكان قريب وامن
اقتنعت جمان وقالت بتردد :وعيالي؟
ليان :حطيهم عند عمتي نجود
ترف :التؤام من لما جيت وماما لطيفه ما رضيت ترجعهم لي
امل :وسلطاني معاهم
ضحكوا البنات وقالت دُجى :ايش رأيكم نبز (ناخذ)ماما لطيفه معانا
ترف بحماس :صح وعلشان نكون مستأذنين ويوافقوا
شمس :وعيالنا عند جداتهم الحنونات
طيف:قددددامممممم
ملاك بدلع:ما شقدر اروح معاكم تعرفوا غثاء الحامل
شمس :قومي البسي قبل ل اطرقش مطراق يوريش الغاثي صح
ملاك :ما تخافوا الله في حامل!
طيف :عُدنا
الكل :هههههههههههههههههههههه
لفوا البنات الصبوح وحطوه داخل حافظه وراحوا كلهم لعند ماما لطيفه وقالت ترف :السلام عليكم ورحمة الله وبركاته اُس عشره
ضحكت ماما لطيفه وقالت :حيا ببناتي وعليكم السلام
ريفال :الله يحيكم مننا كلنا
غلقت ماما لطيفه مُصحفها وقالت :هذا التجمع بعده شي
دُجى :من امنا الحنونه اللي اتروح معانا الشلال نصتبح هناك قبل ما ادخل القفص الذهبي
ضحكت ماما لطيفه وقالت بحماس :البسوا واعتبروا نفسكم مستأذنين من الاهل
جهاد:يمين بالله انتس أطلق جده
ابتسمت ماما لطيفه وبعد ربع ساعه الكل جهز وقالت ترف :أنا شنزل من الدرجان الخلفي
ليان بمزح :ما هقيت انتس عنصريه
ترف :شلوا ابليسش بس علشان احط ليلاس وإلياس في الغرفه دام رقدوا اقرب لي
ضحكت ليان واشرت لها بتمام وراحت ترف غرفتها باست التؤام واستودعتهم الله ونزلت وفي اخر الدرج شافت كريم وقالت :ابو محمد
ابتسم كريم وقال :ليث*
ترف :ذلحين هي اللي تحمل وتربي وتتعب وانت تسمي لا طبعا وبعدين احمد الله على اسم جدك
كريم :لا ان شاء الله تؤام ويكونوا ليث وغيث
ترف :غلطان والله
ضحك كريم وقال :بعدين انا ابو عهد لو عندي الف ولد بِكري وجميلتي عهد ابقى ابو عهد
ترف :الله ،الله يخليها لك
كريم :امين ،خاطرش
ترف:الله معك
طلع كريم ونزلت ترف وهي تدندن مع صوت الزفه اللي فتحتها ام مازن من الصبح باعلا صوت سمعها هتان اللي كان نازل وسمع كلامها مع كريم وتقطع قلبه غيره وهو يسمع ضحكاتها معه لكنه من النوع اللي ما يحب يبين غيرته لحد ابدا ،مشى متوجه لعندها شافها تمايل وتغني بكل حُب زاد غيرته رغم انه محدن يشوفها وقال :لي هنوف خذت قلبي جعل يفداش مافيه والعمر كله فدوتش يا مضنينه
لفت ترف وابتسم وقالت :حبيب عيوني!!
ابتسم هتان ومشى لعندها بدون وعي متناسي غيرة قلبه قرب لها وتأمل عيونها ونزل الخنه(الغطاء)على عيونها وقال :وين بتروحين
ترف :مع البنات وماما لطيفه
هتان :في حد بيوصلكم؟
ترف :لا قريب ما يحتاج
هتان :اجل استودعتس الله
ترف بحب :الله معك
مشت ترف متوجهه الباب أسرع هتان ومسك الباب وهو مو قادر يتخطى جملة (حبيب عيوني) ولمعه عيونها اللي فيها حُب ودلعها في الكلام معه كأنها بنته،وقف قدامها وقال :اصغرين ترفن غنوجن مدلع
منهو يلوم القلب فيه ان تولع؟
بعدت ترف برقعها وابتسمت باحراج وقالت :هذا كله لي؟
هتان بهيام :وفي غيرتس يتانسب معه هذي الصفات
ما قاومت ترف اكثر حضنته لا اراديا وقالت :لا يا حظي الحلو!
شد عليها هتان وكأنه خرج غيرته كلها بهذا الحضن وقال :
ما قدرت اقاومتس ولا استشيرتس
اسمحي لابيات شعري واسمحي لي
تضحكي لغيري وغيري لغيرتس
كشري في وجهه غيري واضحكي لي
عرفت ترف انه سمعها مع كريم ابتسمت بخبث وقالت :ياقلبيي يا هتان ،عادي وعلى فكره أظهر له بدون لثام في الاخير هو زي اخي
شد عليها هتان اكثر حست ترف ان ضلوعها بتتكسر تنهد هتان اللي يبي يدخل ترف بين ضلوعه ولحد يشاركه فيها وقال بعصبيه :ترف!من اليوم وطالع محدن يناظر قمري غيري تفهمين؟!
بعدت ترف وقالت بضحك :قولها من الاخير تغار
باسها هتان وقال :ريحي عنتس تعب التفكير اي والله اني اغار والغيره توجع يا ترف
انصدمت ترف ونزلت لثامها وقالت:وانا ما ارضى لك بالوجع
ابتسم هتان بحب وسمعوا الاثنين صوت جهاد وهي تدق الباب الخلفي وتقول :ترف اسرعين تأخرنا!!!
هتان :و...
رفعت ترف نفسها وغطت ترف على فمه وقالت بصوت واطي :لو سمعوك معي بكون محتواهم طول الطريق
نزل هتان لاذنها وقال :يحلو لسناهن بطاريتس!
ابتسمت ترف بحب واشرت له يروح وقالت ترف :يالله البس الجزمه عزش الله واجي
جهاد :بنمشي شوي لين تخلصين تلبسين
ترف :طيب
صعد هتان لفوق وهو يأشر بيده لها ابتسمت ترف لما اختفى من نظرها فتحت الباب وجرت تلحق البنات شافتها ماما لطيفه وقالت :وينش؟
ترف :في رمش عينيش
طيف :يع غزل اكبر من مطعم حميده
الكل :ههههههههههههههههههههه
مشوا البنات وكل وحده جنبها وحده توانسها وترف مع ماما لطيفه وامل شافتها امل وقالت:مالش؟
ترف :مالي؟
ماما لطيفه بغمزه :شكلش سارحه في علم الله
ترف :إشاعات زايفه
امل :من جاب سيرة الاشعه تلفقي التهم لنفسش ،ذكريني اللفه؟
ترف :على يدتس اليمين واضح مين حسه في علم الغيب
ريفال :صدقت اللي قال لما تتكلم بلهجتين فعلم انك وقعتت
جهاد :مدري يبنات وين ما رحت اشم عطر هتان اللي اميزه عن الف ريحه
ترف :كلبه؟
الكل :ههههههههههههههههههه
ملاك :خلاص يا ترف قولي
ترف باحراج :الله يرزقكم محتوى غيري
ليان :يلبى اللي يستحون
ترف :انقلعوا
ماما لطيفه :الله المستعان!
ترف :إلا ماما لطيفه
ضحكوا البنات ودخلوا الشلال وقالت شمس بحب :خلاص نفرش هنا
اخذ جهاد كيمرة شمس الصغيرة اللي تأخذها معاها كل مكان وبدأت تصور الاجواء وقالت جمان:والله الشتاء ما يبي له كشته إلا هنا
طيف:كل يوم الرجال هنا ونحنا مالنا إلا صور واذا رحنا نروح قبل المغرب
ماما لطيفه:صدق نكاره
طيف :يعني احيان نروح معاهم لليل
ضحكوا البنات وقالت دُجى :تذكري لما خيمنا تحت وضعتي ولقاش كرم في هذا المكان
شمس بحب :يحس فيني انفداله دائما
ملاك :كثروا الكلاب يا ترف
شمس:يوه من حقد السلايف
رجمتها ملاك بالمفرشه وقالت ريفال:ايش رايكم ننزل ناكل نازل ونشوف الشلال واضح وبعدين نتنازف بالماء ونجلس ننشف ونتكلم ونلعب ل وقت الغداء وروحنا
ضحكت ليان بحماس :قداااممممممم
نزلوا البنات على صوت ماما لطيفه الحنون وهي تغني زفه لدُجى وترف وطيف والبنات بعدها وفرشوا جنب الشلال والفرحه ماليه قلوبهن
وعند هتان :
دخل البيت ولقى قلم سائل اخذه ونزل للمكان اللي حضنته ترف فيه وكتب جنب الباب بخطه الجميل :
"حظ المكان اللي يضوي فيه قمرين
قمر السماء وقمر وجهك المعتاد"
ابتسم وقبل ل يصعد شافه ابو محمود وقال بمزح :تشخبط في جدران بيتنا؟!
انحرج هتان وقال:ازينه بس
ابو محمود بملامح جديه:امسحه الان
رفع هتان حاجبه من الاسلوب وقبل ل يقول اي شي انفجر ابو محمود يضحك وقال :الله يرحمك يا جد محمد كان زيك وين ما لقى مكان كتب شعر
ابتسم هتان وقال :عليك شكل جدي لدرجه اللي تكلمه يصدق  ،الله يرحم جدك
ابو محمود بابتسامه:امين ،مشينا؟
هتان :وين؟
ابو محمود:أرض الله واسعه
تحمس هتان وهو يعشق الخرجات اللي بدون وجهه واتصل لإخوانه وراحوا الاربعه مع ابو محمود ،ابتسم هتان وقال:يوم واحد واحس اني عايش فيها من شهر
سعود :ونشهد
ابومحمود :حياكم الله بلدكم الثاني
الكل :الله يحييكك
عدا الوقت ورحوا البنات بعد جلسة كلها ضحك ونزف بالماء وفضفضه وعند بوابه عمارة بيت ال مُنيف :
شاف مازن البنات طالعات وأخرهم دُجى ماسكه ماما لطيفه ابتسم وقال :تعبوش يا جنتي
ماما لطيفه :تعبهم راحه
ابتسمت دُجى بانتصار وقال مازن بابتسامه :دُجى اختي وروحي
ماما لطيفه :أهربي يا دُجى
مازن :الله المستعان يمه!
ضحكوا وقالت دُجى :ماقد به معانا؟
مازن :صيحي لي طيف اكلمها بس
تذكرت دُجى من وقت عقدها على كيان ما قدرت ولا مره تكلمه وقالت بحزن:ترضاها على اختك؟
سكت مازن وقالت ماما لطيفه بضحك :رد؟
انعجم مازن لثواني وقلب الموضوع مزح وقال :لوء
دُجى :انقلع
مازن :اوريش
ماما لطيفه :محد يقدر يفعل لها حاجه زوجها كيان
مازن :وين ترفوفتي بس
دُجى :لو تسمع دلعها فتنت بينكم
ضحكوا وراح كل واحد طريقه وفي السعوديه :
جهز سند بيته بلون الأسود مع الذهبي على حسب حب جمان لهذي الألوان حط اخر لمسه فيه وشاف جمال البيت رغم بساطته وهو يعد الايام اللي ترجع فيها جمان وتنبهر فيه وتضحك بردة فعلها اللطيفه وينسى كل اللي خسره جلس فوق السرير وقال :
اهوجس فيه واغني يليته بس يسمعني
بعيد وصاله اشحني كلتني بعده الريبه!
اخذ تلفونه وفتح صور عياله باس الصورة بحب شافته امه وهي جايه من المطبخ وفي يدها الغداء ابتسمت وقالت :وتخيل لهفه جدتهم لهم؟
ابتسم سند بشوق كبير وباس رأس امه وقال :خمسه ايام وكحلي عيونتس بشوفتهم ياجنتي
جلست ام سند جنبه وقالت:مين يشبه خالد؟
سند بحب :امه
ام سند بشوق :الله يرجعهم بسلامه
سند :امين
وفي بيت ال مُنيف :
تجمعوا الامهات حول دُجى وبدأت كل وحده منهم تجيب نصيحه لها ويطمنوها وكل وحده من البنات تجهز لبسها وصوت الزفه واصله لشارع وزفوها بلبس صنعاني قديم كنوع من الفعاليه وتدريب ل دُجى لبكره لانها من النوع الخجول ،تحمسوا ال سعد اكثر واكثر وخاصه هتان اللي بخاطره يخرط الساعه ويأخذ ترف ويسافر معاها ويعيش في موطنيه .
وفي صباح اليوم المنتظر لكيان و دُجى وفي غرفه عبير وغازي :
- ادخلكم غرف الناس وانتم في سريركم منسدحين😂 -
رجعت عبير من عند الكوافير وراحت لتسريحتها بكامل اناقتها وقامتها اللي زي الغزاله تأففت وعدلت شويه على المكياج ولفت لغازي اللي يتأملها بكل حُب العالم وقالت:كيف كل شي حلو او اغير ركز هذا عرس اخي الوحيد!
ابتسمت غازي بهيام وقال :
سكر واحلا من السكر
ونظرته تسحر القلب قبل العين
حالي واحلا من الحالي
محد سواه مالي عيوني الثنتين
ابتسمت عبير بكل فرح وهي بعد موت أبوها ما توقعت الحُب والحنيه لكن كيان ورث هذا الشي من ابوه وغازي بطبعه الحنون عوضوها عن كل شي فقدته رغم أن حنيه أبوها مسويه فراغ في قلبها كبير ،أخذت المبخره وبخرت غازي وهي تقرأ عليه وعليها الأذكار باسها غازي وقال :تسمحي لي اخرج لعند الرجال يا اميرتي؟
حضنته عبير وقالت :انا مشني ضابط تقول لي هكذا
غازي :هم ولا شي مقابل هيبتش في قلبي
احمر وجه عبير  وقالت :استودعتك الله
غازي:الله معش
باس غازي عادل ابنه وخرج متوجهه لعند أصحاب كيان .
وعند كيان : رجع من الحلاق وكله نشاط وحُب وطول الطريق ينزف من إخوانه اللي عمره ما شافهم اصحاب دخل البيت وأول ما شاف امه وهي لابسه مَصر طالعي (لبس تراثي) عيونها تتلامع بفرح والذهب والشذاب مزينه لبسها ،حضنها كيان من قلبه وقال بصوت متحمس :انا عريس يمه!
مسحت ام كيان عيونها بحب وقالت :الف مبروك يا ابني الف مبروك يا فرحتي الأولى الف مبروك فرحت لك من كل قلبي
باسها كيان برأسها وجت زهور وورود مطقمات في لون الفستان لكن يختلف في الشكل، شافهم كيان وقال بمزح: ملعقه وشوكه
ما قدرت ورورد تكتم ضحكتها وقالت :سامج حتى في عرسك
زهور :اليوم لازم يكون في قمه الروقان الراحه النفسيه
عبير من وراهم :اكيد دامه اخذ احن قلب
ابتسم كيان وحضن خواته سلموا على بعض وقال كيان:كيف شكلي ؟
ورود :لا تصدق انك حلقت يعني غيرت رأس هذاك انت الربح
ضربتها ام كيان بخفه وقالت:بسم الله عليك يا ابني قُمري
كيان :داري بس هي تغار
لفت ورود بفستانها الناعم ومكياجها الرقيق وقالت :اغار وانا بهذا الحلا كله !
عبير :زوجوها تعقل
زهور :الله يعينه على نرجسيتها التعبانه
ضحكوا وقالت ام كيان :اتخطينا بيت ال مُنيف؟ قد اتصلت غزال تقول انهم رجعوا من عند الكوافير
كيان :ومن ايخطيكم القاعه؟
ام كيان:الله يبارك في عيال ال مُنيف نخطى مع اللي ايخطيهم
كيان :تمام تغطين سوا وممنوع العطر إلا في القاعه
ام كيان:ان شاء الله
عبير بصوت واطي :غازي الثاني
كيان :هاه؟
عبير :سلامتك يا عريس
ابتسم كيان واخذت ورود دبه وبدأت تدق فيها وتزغرط ومن بعدها امه وخواته وصوت غناها عالي لما وصلت لعند الباب حطت الدبه بعد ما لمحت أصحاب كيان عند باب البيت وشافت بينهم اسامه اللي يعض على شفايفه وواضح العصبيه تطلع من عيونه، فتح كيان الباب وتنحنح وفهموا اصحابه ان اهله معه وخروا من عند الباب وركبوا سيارتهم من وراهم وبدأ طلق النار من جهه ال مُنيف وال سعد وأصحاب كيان وصوت الزفه واصله لكل الشارع ،ابتسمت عبير بخوف وقالت :ليش هذا كله والله لو حرب؟
كيان :اخوش عريسسس!
زهور :والله لو شهيد
ام كيان :انطقي خير !بنات يا زفيتين يا اسكتين
كيان :شفتي يمه ما يحبوش لاخوهم الخير
تذكرت ورود نظرة اسامه وراجعت نفسها وحزنت انها سكتت من نظرة منه وهي ورود العنيده فتحت نص الطاقه وزغرطت بأعلى ما عندها ضحكت عبير وقالت :آخر الضغوطات
محد ركز بمقصدها وضحكوا ورجع الجو كله زفه وضحك عدا اسامه اللي كل ما غنت ورود او زغرطت طلق للجو لف عليه كريم وقال :خلاص ياخي فجعت الناس
ابتسم له اسامه ابتسامه تسليكيه ووقفوا في بوابه ال مُنيف فتح ابو محمود الباب ونزلوا البنات بسرعه للبيت وتجمع الكل في حوش ال مُنيف الكبير من أكبرهم ل اصغرهم وتجمعوا حول كيان وقال ابو مازن :صلى الرحممممن على المختتتار
خير لأخيييييار العدناني
الكل بحماس :الله
كمل ابو مازن التوشيح والرجال يرددوا بعده لمعت عيون كيان من الفرح وحس انه بين ابوه وإخوانه،شاف هتان الوضع والفرحه اللي في وجوه ال مُنيف وعرف ان ال مُنيف مستحيل يفلتوه واكيد بيكون عرسه زي عرس كيان ابتسم وبدأ ابو هتان يغني بتراث نجدي والكل تحمس معه ،وبعد الزفه اللي سووها توجهوا لخيمه كيان اللي سهروا الليل وهم يسووها بأجوائهم الخاصه، طلع غيث وقال من ورا الباب :يمممه
خرجت ريفال وقالت بتقليد :امي وروحي
ابتسم غيث وكأن فرحته اكتملت بعد ما شاف ريفال بفستانها اللحمي الناعم ومكياجها الثقيل اللي اول مره تسويه بهذه الدرجه نزل غيث لمستواها وقال بمزح:على هذا المكياج انتي اكبر من مامالطيفه
رفعت ريفال حاجبها وقالت:مش عاجبك؟ انا عاجبني
وبسرعه باسها غيث وقال : منهو بلايم قلبي اللي تشلع؟
احمر وجهه ريفال وقالت:اسامحك بس علشان طبينتي اتزوج ومحد ايجلس يتصل لك طول اليوم وبعدها اشوف انشغلاتك يا مدير
ضحك غيث وقال:
اعميت عيني عن جميع الخلايق
افز لش واهيم بش وانتمي لش
ضحكت ريفال بغنج وقالت:خلي العرس يمر على خير خيرة الله عليك
مسك غيث على خدها وقال:البسوا بسرعه ناخذكم القاعه للعلم انتي اتجلسي جنبي يا دلوعتي!
ريفال :غيمتي ولا دلوعتي
غمز غيث ومشى وقال :المقصد ياء التملك
باسته ريفال على الهواء ومشيت تجيب للبنات علم وتوجهه الكل القاعه وفي القاعه :
دخلت طيف وقالت :عن ابو الفخااامه هذا حجزها كيان؟
دُجى :لا تكاليف العرس كلها هديه غيث لكيان
جهاد :يلبيه صداقتهم تجنن!
طيف :ما سمعتي صوت الطلق للحدود
ضحكت ورود وقالت:يا زوجة اخي
دُجى :يا عيون زوجة اخوش
طيف :غثيت
جهاد :تسبدي تسبدااه تسبدي ايتعورني
الكل :ههههههههههههههههههههههههه
دُجى :ما عليش منهم تدللي
ورود :شكلي شتزوج بعدش
ام كيان :علشان يشوفش ام لسانين ويرجعش
ورود:كلن من اسمه نصيب وانا ايفرش لي الدنيا ورود
ام هتان:لحدن يعلمها خلونها في خيالها 
ضحكوا البنات وقالت ورود :حتى انتي يا خاله
ام هتان :والله يبنيتي المشاكل ملح الحياه
ورود :وانا من محبين الملوحيات
ضربتها زهور بالشنطه ضحكوا البنات وبدأت الناس تجمع وترف في غرفه دُجى تعلم جهاد وليان وجمان الرقص الصنعاني علشان فقرة رقص العائلي بدأت فعاليات العرس والتوزيع والسلام جلست طيف جنب ريفال وقالت بحزن :ليتني ما صدقت دُجى وكشخت شوفي كيف البنات كل وحده احسن من الثانيه
ريفال :يا حذا وانتي مالش؟وبعدين ضوروي اليوم تكون كشختش عاديه بكره عرسش ما تذكري كيف كنت في عرس ملاك؟
طيف بخوف :يمه مسرع
ريفال :ما لعن الله إلا الكذاب وانتي تعدي الايام اللي يجي فيها مازن
طيف :ما دريت ان الموضوع جدي لهذا الحد
ريفال :اقول قومي نرقص قبل ل يجي بكره وتدبسي في الكوشه يا عروسه
ضحكت طيف بتوتر وقالت :يالله
عدا الوقت ما بين ضحك ورقص وربشه وأخيرا جاء وقت زفه دُجى خرجت دُجى بفستان مكمم ملكي طراز خفيف وتسريحه تناسب شعرها الوسط ومسكت يد ورديه مناسبه مع مكياجها وهذا اللوك من تصميمها وشكلها كأنها قمر في نص شهر بسواد عيونها وشعرها انذهل الكل من جمالها وهذا شي معروف على بنات ال مُنيف وهو الجمال .
وبعد ما انزفت نزلتها ماما لطيفه من كوشتها ورقصوا رقصتهم المعتاده اللي تميز اعراس ال مُنيف وبعد مرور ساعه تكلمت المُغنيه ان العريس داخل تغطوا البنات ودخل ابو مازن وعياله سلموا عليها واخذت لهم شمس صورة وعيونهم تتلامع بعد ما شافوا اختهم الكبيره بفستانها الأبيض دخل كيان وشاف حبيبة طفولته اللي لوهله كانت بتروح منه ،اخت رفيق دربه، جميلته، بنته وهي صغيره اللي كان يلاعبها بكامل حلاوتها قدامه وبفستانها الأبيض وفي الف بنت في القاعه شاهدين ان كيان اجتمع بدُجاه دمعت عيونه وابتسامته ماليه وجهه وهو كيان اللي ما يبكي إلا في الشدايد ومش دائما، مشى لناحيتها وهو يحمل هذي المشاعر كلها نسى تعبه وكل حمل ثقيل حمله وان هذي الليله ما تحتاج إلا شي واحد الفرح بعد غيبه سنين مسح عيونه وكأنه يبعد منها شي علشان محد يلاحظ وتوجه لدُجى ابتسمت له برقه وقالت :حيا
حضنها كيان حضن مغرم وقال بصوت حنون في اذنها :
جابش الله يوم قالوا معوّض خير
‏اشهد ان الخير وجهش وترحابش!
وعند البنات :
زهور :هذا اخي ؟
جهاد بضحك :هذا وهو يتسحي
امل :بكره بكره اتشوفي أشياء عمرش ما شفتيها
طيف :ايش في بكره؟؟؟
ليان:اجحد مهما كانت الادله قويه
الكل:ههههههههههههههههههههههههه
ترف :شمس تأشر تعالوا نروح لها
ملاك :الان ايخرج كيان علشان نبقى شويه مع دُجى
ترف حماس :سرينا
خرج كيان بعد ما تصور مع دُجى وعند الباب شاف غيث يمسح دموعه سلم غيث عليه وقال :الله الله في دُجى يا كيان
حضنه كيان وقال :تبشر بعزها والله ما تشوف الحزن وانا ابن حازم وأهلها ال مُنيف
مازن :انتبه لها وخليها نور عيونك!
كيان:لا توصي حريص
سلم ابو مازن على كيان وقال :الله يوفقكم يا عيالي منك المال ومنها العيال
باس كيان رأس ابو مازن وقال بحب :امين
ابو مازن:يالله بس يلبسوها ونجيبها
وعند البنات:
دُجى :يمه بنات ما توقعت يحضني!
زهور :قومي قومي البسي وروحي له وخلي التحليلات لاصحابها
دُجى :اوريش يا كلبه
ورود بمزح :اها بدأنا التطاول على اهل العريس وعادش في الكوشه عادي نقدر نرجعش
مسكت طيف دُجى وقالت:خليها عليا اشنبلها في البيت ذلحين روئي بنت عمي
الكل :ههههههههههههههههههههههههههه
حضنت ورود دُجى بكل قوتها وبعدها زهور وعبير وأخرهم ام كيان وقالت :الف مبروك يا نظر عيني
انتبهوا لكم والله يسعدكم يا عيالي ويجعل الموده بينكم طول العمر
الكل :امين
باستها دُجى في رأسها زغرطوا البنات ومسحت ام كيان دموعها وجت مامالطيفه وام مازن ودموعهم ماخذه مجاريها وقالت ام كرم:ليش البكاء تزيدوا تفجعوها وهي اتسير مع زوجها والبيت جنب البيت
ابتسمت ماما لطيفه وقالت:بكره انشوف هذا الكلام من قلبش ولا لا
طيف :ايش في يا ماما الكل يقول بكره بكره
ام كرم باستغباء :مدري يمكن مازن ايتزوج؟
طيف :يمكن الله يوفقه
ضحكوا البنات وقالت دُجى :المهم بالله لا تقولوا شي إلا لما اجي بكره
جهاد:بنات بسوي لكم كبسه دجاج لسهره اليوم من اللي يحبها قلبكم
ترف :تم سهره صباحي بنات تشاك
دُجى :اتحداكممم
ليان :تهدد بفستان ابيض يحلوها
ماما لطيفه :معليش منهن انا شرقدهن ضرب علشان بكره عرس المثقفين
باست دُجى رأس جدتها وقالت:انفدالش يمه بس
ريفال :الله بكره طيف وبعده ترف وبعدين يوم نجلس كلنا مع بعض
جهاد :ثم نسافر نعتمر والله يغفر الذنب
ملاك وفي يدها طبق الاكل :لو نسيت مع اني حامل ذكروني باللي كانت لابسه اصفر
ترف :عمه سهام هذا الطبق الرابع ما تاكلوها في البيت؟
ام إسلام:والله هي في بيت زوجها اسالي عمتش ليال
ام كرم :والله ما قصرت بحق حد يا بنتي بس شهيه حامل
ملاك :ترف اذكري الله وبعدين انا اكل لي ولغيري
طيف :تحسيه اعلان
ريفال :برعاية يأجوج ومأجوج
ماما لطيفه :يوووه لو مسكتين على حد شي الله يعينه قومين نخرج دُجى اكيد قد ضبحوا وهم منتظرين
دُجى :لا لا عجبتني الجلسه اسحبوا عليهم
ام كيان :خلاص يا بنتي والله ان كيان حبوب ما يقاحسش
الكل :ههههههههههههههههههه
لبسوا دُجى حجاب طويل ومشوها للباب اللي فيه اخوانها وزوجها طلعت دُجى السياره بعد ما سلمت على أبوها واخوانها وفي السياره:
عم السكوت وبس صوت الزفه حرك كيان سيارته ومشى وبعده الموكب اللي ازعجوا خلق الله بصوت اكتفى كيان باصواتهم وغلق المسجله ومسك يد دُجى وقال :كيف واصبح الحلم حقيقه؟اشوف العيون السود وأغرق في جمالها بدون ما خاف ذنب او حد يشوف اخيرا ورجع الحلم حقيقه!
احمر وجهه دُجى وقلبها كله حب لكيان وقالت بتوتر :حتى انت عيونك سود لا تزايد!
ابتسم كيان لانحراجها وشد على يدها اكثر وقال :
انا عيوني سود من قل الرقاد
وانتي عيونش سود من كثر الحلا
صحيح بعيوني وعيونش سواد
لكن هذي نعمه وهذي بلى !
ابتسمت دُجى وجنب كيان السيارة جنب الفندق فتح الباب ونزل دُجى ،امن السياره وأخذ مفتاح الفندق وطلعوا اصنصير على نفس السكوت  افتتح الباب لدور اللي فيه شقتهم حمل كيان دُجى ضحكت دُجى بخوف وقالت :الفستان ثقيل نزلني
باسها كيان ونزلها وغلق الباب وقال :والله لو تعرفي ايش تحمل زوجش (وشد على الشين) ل تشوفي ان هذا ولا شي بالعكس حامل نعمة حياته!
رجعت دُجى لسكوتها وعرف كيان انها انحرجت مره ثانيه وقال :بتسكتي طول العمر شكلش!
ضحكت دُجى بحب تأملها كيان ولمح مع الهدايا  رساله يعرف من شكلها مصدرها خاف لو يكون يوم زواجه هو يوم طلاقه ارتبك وقال بحنيه :تروحي تغيري امد ما اجيب العشاء؟
دُجى :ايوة
كيان :يالله علشان العشاء ل يبرد
اشرت له دُجى بتمام وراحت تغير وبدون ما تحس اخذ كيان الرساله وخرج من الغرفه لكن بدون ما ينزل فتح الرساله ورجم الهديه وخاف من نصها وحمد لله انه شافها قبل ل تشوفها دُجى .....

______
نخرج شويه من نص الروايه ،وحدوا الدعاء لاهلنا في فلسطين وهذا أضعف شي نقدر نسويه لهم حفظ الله بيت المقدس وأهلها 😔🇵🇸 ، لا تنسوا النجمه واشوفكم في بارت جديد يَحلوين 🤎🤎.