|غموض جارنا|
الكاتبة سناريآ
قناة التلي https://t.me/nurse2_4
أذا أعجبك البارت لا تنسى التصويت وترك تعليق جميل
أندي: تركتة مكملة طريقي بس فجأة مرت عاصفة هوجاء من يمي خلتني متصنمة بـمكاني لدرجة صدريتي انرفعت لـيفوگ خلتني اتجمد بكاني ما اقوى ؏ اي حركة
رفعت عيوني مصدومة اباوع بأثر السيارة الي رادت تدعمني لما اختفى اثرها بـالأفق
بقيت فاكة حلگي وعيوني مصدومة من الصار احس الحياة توفقت عندي بهاي اللحظة وما اسمع بس اصوات تصيح اسمي وشخص يهز كتفي ويگول
_أنتِ زينة جاوبيني بيج شي.. اندلس تسمعينيي؟!
رفعت عيوني ببطئ لگيت محمد لازمني يحجي وياي وعلى وجهة ملامح الخوف ما جنت اسمع اگدر اميز شنو يگول بسبب الطنين الي صاب اذني
سحبني وگعدني ؏ الرصيف واني مثل الالي اتحرك احس نفسي مخدرة
التفتت يمنة ويسرا شفت وليد هم واگف فوگ راسي ما حجيت اي شي مالي طاقة لاي شي حتى ما بية حيل اگوم
نزل على ركبة تقرب مني وگال بلهفة:
_اندلس أنتِ زينة..... احجي وياي... خوما تأذيتي... تسمعيني ليش ما تجاوبين؟!
ما بدرت مني أي حركة بس ايماء صغير برأسي
بقى گاعد گدامي وعلى ملامحة الخوف والتوتر وبس بقى يسألني انتي زينة انتي زينة احس كلش انثول وما يعرف شلون يعبر عن خوفة وقلقة
طلع بطل مي من جنطتة وصار يشربني ببطئ وبنفس الوقت يحجي وياي يحاول يأخذ أستجابة مني
باوعت لمحمد حسيت ما عاجبة الوضع وصار ينافخ
وخر وليد بهدوء وگال
_اخوية انت منو شعندج هنا گوم روح منا
جاوبة وليد بانفعال: وأنت منو واصلاً شيخصك؟
جاوبة ببرود: لا تدخل لان شي ما يخصك ورجاء گوم منا خليني مستعمل اسلوبي الزين وياك
وگف وليد يحجي وياه ويردة بانفعال وغضب
_هي شبيك تهدد وانت اصلاً منو وشعندج وياها شنو تقربلها انت علمود ادخل نفسك
صارت بينهم مشادة كلامية والجو توتر والمشكلة اريد اگوم علمود اروح للبيت بس رجلي ما احس بيهن
شفت زهراء اجت من بعيد هي وزوجها حسيت بأرتيارح وما حجيت أي شي خليتهم هم يتصرفون
تقربت مني وگالت بخوف: اندي شعندج گاعدة هنا وليش وجهج اصفر بيج شي
