အပိုင်း (၈၆) နန်ချောင်းရွာသားများ၏စကားဝိုင်း-2
ဒါပေမယ့် ပိုင်မိသားစုအရှက်ရှိမရှိထက် တခြားအရာတွေကို ပိုစိတ်ဝင်စားတဲ့လူတွေလည်းရှိပါသေးတယ်။
တချို့က...
"နင်တို့တွေ သူများမိသားစုအတွင်းရေးကို ပြောမနေပါနဲ့ ငါကတော့ အဲတာထက် ပိုင်လီက ဘယ်တော့ ဇနီးတွေ ထပ်ယူမလဲကို ပိုစိတ်ဝင်စားတယ်နော်"
"ဟုတ်တယ် ပိုင်မိသားစုက ပိုင်ကျန်းပဲဖြစ်ဖြစ် ပိုင်ဝူပဲဖြစ်ဖြစ် အဓိကမဟုတ်ဘူး အဓိကက အခုအရမ်းသာနေတဲ့ ပိုင်လီပဲမဟုတ်ဘူးလား သူက အခုရှောင်ဟန်နဲ့ သူတို့သားတွေကို ကောင်းကောင်းဆက်ဆံနေရင်တောင် ရှောင်ဟန်ကို အရမ်းမကြိုက်တာကသိသာပါတယ် သူကသိပ်မကြာခင် ဇနီးတွေထပ်ယူလိမ့်မယ်လို့ငါတော့ထင်တယ်"
"အိမ်း...ရှောင်ဟန်က အနေအေးပြီး စိတ်သဘောထားလေးကလည်း မဆိုးဘူး ဒီတော့ ပိုင်လီရဲ့နောက်ထပ်ဇနီးတွေ ဖြစ်လာမယ့်သူတွေက ကံကောင်းမှာသေချာတယ် ဒါကြောင့် ငါ့မိသားစုက ကလေးကိုသာ ပိုင်လီကမျက်စိကျခဲ့ရင် ဒုတိယဇနီးနေရာဆိုရင်တောင် ငါလက်ခံပေးနိုင်ပါတယ်"
"ငါလည်းစဥ်းစားကြည့်နေတာ အခုပိုင်လီက သားနှစ်ယောက်ရှိပေမယ့် နှစ်ယောက်လုံးက ကောလေးတွေဆိုတော့ သားယောင်္ကျားလေးတစ်ယောက်သာ မွေးပေးနိုင်ရင် အဲဒီလူကို ပိုင်လီက မြောက်စားမှာသေချာတယ်မလား"
ဒါတွေကိုကြားတော့ တခြားသူတွေက ပြောတဲ့အမျိုးသမီးကြီးများကို ဝိုင်းကြည့်လိုက်ကျကာဖြင့်...
"နင်တို့က နင်တို့အိမ်မှာ လက်ထပ်ဖို့အရွယ်ရောက်နေတဲ့လူတွေရှိတာနဲ့ ဒါတွေပြောနေတာပဲ နင်တို့ပြောသလိုပဲ ပိုင်လီက ရှောင်ဟန်ကိုသဘောမကျရင်တောင် နင်တို့အိမ်ကကလေးတွေက ရှောင်ဟန်လောက်တောင် ကြည့်မကောင်းဘူးဆိုတာကို ငါသတိပေးလိုက်ချင်တယ်"
ဒီစကားထွက်လာတော့ လူတွေကဝိုင်းရယ်လိုက်ကျပြီး...
"အမှန်ပဲ ပိုင်လီက အခုအရမ်းချမ်းသာနေတော့ အချောလှတွေပဲလိုချင်တော့မှာလေ နင်တို့အိမ်က ကလေးတွေကို ဘယ်လိုလုပ် မျက်လုံးထဲမြင်တော့မှာလဲ စိတ်ကူးယဥ်နေရင်လျော့သင့်တယ် အဲဒီအစား ပိုင်ကျန်းဖြစ်ဖြစ် ပိုင်ဝူဖြစ်ဖြစ် ကြည့်တာက ပိုကောင်းလိမ့်ဦးမယ်"
YOU ARE READING
အမှိုက်ကောင်လေး၏ ပျော်ရွှင်ဖွယ်ဘဝ (Completed) အမွိုက္ေကာင္ေလး၏ ေပ်ာ္႐ႊင္ဖြယ္ဘဝ
Fantasyအမျိုးသားကိုယ်ဝန်ဆောင် "ကော"များပါဝင်သည်။ အမ်ိဳးသားကိုယ္ဝန္ေဆာင္ "ေကာ"မ်ားပါဝင္သည္။
