عفت علي ورحت وي سيلين واني خايفه دخلت للغرفه واشوف سيران واگعه بالحمام وتنزف
ليل: ش، شنوو هااي
سيلين: اجت تسبح ومن طلعت زلگت
رحت يم سيران وهيه كاضه بطنه وتبجي
ليل: سيران لازم نروح للمستشفى
سيران: ليش ابني بي شي
ليل: سيران فدوه اروحلج بس هدي كلشي من الله هله بي لازم نروح للمستشفى مايصير تبقين هيج
سيلين: بس شلون نطلع
ليل: هسه خل نغير ملابسه وبعدين اگلج
لبسناه وگعدته ع القنفه ونزلت لجوه
دخلت لغرفه عمتي واني اركض بس شافتني وگفت مخترعه
الماسه: خير يمة شبيج
ليل: عمه سيران اجته الشهريه وجاي تنزف كلش لازم ناخذه للمستشفى
بس سمعتني اجت تركض لبناته شگد اشتاقيت لامي مثل عمتي وحنيته
الماسه: يمةة بنيتي شبيج ولج من يمته تنزفين
دخلت وراه واشوفهن صافنات عبالهن گلتله
ليل: عمه هيه من البارحه گالت اني انزف هواي بس گلنه يمكن تغير هورمونات بس اليوم هم بقت تنزف بعد اكثر
الماسه: يمةة حبيبتي ليش ما گلتيلي وينج يمصخمه
سيلين: هاا هاا
الماسه: البسي عباتج ولبسي اختج يله خل ناخذه للدكتوره
سيلين: اي اي يله
عافتنه عمتي وطلعت تلبس وهنه يباوعلي بعدم فهم
ليل: هاي شبيجن گلتله عليه الشهريه وتنزف
سيلين: بس اذا مشينه وگالت الدكتوره بتكم حامل والطفل مات
ليل: شوفي هاي الشغله عليج انتِ من تمشين اخذي الدكتوره ع جه وطلعيلج جذبه بس هاا لازم الجذبه قويه بحيث الدكتوره تصدگ
سيلين: اي هاهيه اصلاً محد يلحگني بالجذب
احنه نسولف وسيران صافنه وتبجي اجت عمتي واخذنه واني لازمه گلبي لا ينكشف كلشي رجعت للغرفه لگيت علي يفتح بالكنتور
ليل: هاا حبيبي شعندك هنا هاا
علي: بااب
ليل: اي هذه باب تعال خل ناكل اكيد جوعان حبيبي
اخذت علي اوكله ورجعت خليته يلعب واني رحت للكنتور احاول افتح بالمجر المقفول ليش قافله بقيت ابحوش بالكنتور مالته بين ملابسه بس ماكوو شي سديته واني افكر شنو وره السبع علي نام نزلت اسوي عشه
بين مجاي اسوي ندگ باب المطبخ طلع هزبر رحت البس شال ورجعت
ليل: السلام عليكم
