سلاسل الماضي

: مَشاهـد مُستقبليـة :

منين مَر بيك ألضباب وتيهتني ؟

________________ .⚜️⚜️⚜️⚜️. _______________

مشهـد أول :

::ـ خالوو ولله ولله ولله بعد ما ، ما اسويها ولله حباب

ـ وكف الماطور ونزل واني بعدني لازم برجلة واتسولـة

::ـ  عليك الله خا ، خالوو لا لا تعوفني والله اخاف هنا

ـ  دفرني مبعدني عنة و نزع الاحزام  اباوعلة و جسمي يرتجف "خوف وبرد ! "  الجو  بارد والشمس بدت تختفي صوت الچلاب السائبة لوحدة يخليك تحس بالخوف ووجود هل أنسان رُعب ثاني .

ـ لفيت وجهي على مصدر صوتهن ارجف وسعت عيوني احس دم ما بقى  بجسمي واني اشوفهن يتقدمن ناحيتنـا والشارع فارغ العالم تركو اسواقهم وراحو لبيوتهم ..

  ما حسيت غير لسعة الحزام خلتني افقد شكو طاقة بقت بجسمي واوگع بالگاع على  بُقـعة طين أثر المُطر الي صار البارحة

من الالم صرت اشهك بمكاني مابية اصيح وهو مستمر يضرب بكل قسوة ما باقي ذرة رحمة بگلبة الحجر

ما عافني الا ان تعب 

شاف الچلاب قربت حيل ركب الماطور و تفل علية و شغل الماطور وتركني بنص هل مكان وراح ..

ـ صوت الجلاب صار عالي و الدنية ضلمة نسيت كل الألم  الي " بروحي قبل جسمي  " و صرت اركض اريد الحك بي واعيـط بـ أعلى صوت بحنجرتي

::ـ خالوووو ليييييييشششششش

ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ𓋜𓋜'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ

مشهـد ثاني :

ـ مثل كل مرة انضرُب بيهـا وما عندي القُدرة ادافع على نفسي ولو بالكلام ..

ضامة نفسي بالـكنتـور بين ملابس بابا ادموعي تنزل حضنت الجاكيت و صرت العب بل أكمام مالتة
واسولف لـ بابا 

::ـ بابا اليوم خالو ضربني وصيح علية

ـ مسحت دموعي بـ إكمام السترة مال بابا وكملت
::ـ  بابا اني مشتاقتلك انتَ ليش ما تجي علية ؟ اخواني تجيهم بس اني ما تحبني حتى ما عشت مثل أخواتي ومشطتلي شعري مثلهم ،  بابا حتى لو انتَ ما تحبني اني احبك والله ..

ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ𓋜𓋜'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'ـ'
مشهـد ثالث :

ـ شارد ذهني أفكر شنو راح اجيب بالفلس الي ينطوهم الي اليوم وهنَ ميكفن رُبع المسواگ