أنتَ النّعيمُ لقَلبي والعذاب لَهُ

الجزء-8-

سبـحان الله ...🍀
والحمد للـه ...🍀
ولا إلـه إلا الله ...🍀
والله أكـبر ...🍀
—
الجزء -8-
انصدم جد هتان وهتان بطلب عبد العزيز وتوسعت عيونهم
جد هتان بضحكه: فاجئتني بطلبك ذا ي جار خبري ان الرجال هم اللي يطلبون مو العكس
عبد العزيز : الايام ذي تغيرت ي جار اهم شي تفكرون والله يكتب مافيه الخير
قام عبد العزيز سلم على جد هتان وخرج ووراه هتان
هتان : انتظر ي جار
عبد العزيز لف لهتان
هتان : اسمع انا وجدي بنسوي انفسنا ماسمعنا طلبك الغريب ذا !!!
عبد العزيز يناظرهتان بسكوت
هتان بحده واضحه : ابعد شرك عنا ي جار
عبد العزيز مسك كتف هتان بقوه
عبد العزيز : اسمعني ي هتان اظن ان جدك مايعرف انك دخلت بيتي بدون اذني وكشفت على زوجتي وبناتي
هتان :ب......
قاطعه عبد العزيز باستفزاز: اذا ماتزوجتها رح اشهر فيك عند الربع كلهم
هتان بغضب : انا جيت عشان افحص زوجتك المريضه واشوف حالتها والوالده كانت معي
عبد العزيز بضحك : الوالده هاه هههههههههه
خلهم يصدقون الوالده اللي بتحمي ولدها وبتكذب عشانه ههههههههههه
هتان بغيض : كف اذاك عني مابي بنتك ولاابي قربك رح في دربك وانا في دربي
عبد العزيز طالع هتان بحده : اعطيك يومين تفكر زين سامعني ي هتان
خرج عبد العزيز من البيت وعاد ادراجه لبيته بفرح وسرور
دخل البيت وجلس في الصاله
عبد العزيز في نفسه وهو يبتسم : زين الرجال اصل ونسب ووظيفته زينه طحت لي في غنيمه
—————————
هتان جالس في غرفته يفكر وش رح يصير وهو مبتلش لو درو اهل القبيله ماتركوه بحاله وابوه وجده مايقدرون يدافعون عنه لحالهم
واصلا بيطيح من عينهم جلس يفكر طول اليوم
———————-
اليوم التالي :
رجعت نوره من المستشفى بصحه وعافيه
كانت جالسه على الكنبه وشجون عند رجولها
شجون : الحمد الله يمه الحمد الله اشتقت لك كثيرر
نوره : وهي تمسح على راسها
دخلت ياسمين بالقهوه والتمر
ياسمين :شجون شوفي وش جبت لك
شجون ناظرت فيها حست انه شي له علاقه بالأكل
ياسمين طلعت من كفها شوكلت
ياسمين : عطتني اياها وحده بالمستشفى وحفظتها لك اعرفك تحبينها
شجون حضنت ياسمين لحضنها
شجون : ي زينك في اسوء الحالات تتذكريني
ياسمين قرصتها على كتفها: اقول اتركيني
شجون : ايي ي عديمه الاحساس الناس يتمنون حضن مني
ياسمين : وعع مين تعيس الحظ اللي يتمنى يحضنك
شجون بتكشيره : يمه شوفيهاا
ضحكت نوره على شجون وياسمين
وماكانو يدرون ان بعد ايام قليله سيحين الفراق بينهم
——————————————————
في اليوم التالي موعد ذهاب سلمى وهتان الى مدينتهم
هتان : يمه انتظري شوي عندي شغله وجاي
سلمى هزت راسها بموافقه
راح هتان وقابل عبد العزيز عند المسجد
هتان : ي جاررر
عبد العزيز التفت بابتسامه: هلا هلا برحيمي هلا
هتان : انا موافق
عبد العزيز بفرحه ومكر : على ايش بالظبط
هتان بغيض : على الزواج ببنتك
عبد العزيز بضحك والقليل من السخريه فتح يدينه لهتان بيحظنه: بارك الله لكما وبارك عليكما وجمع بينكما في خير
هتان : اتركني ترا الموافقه بدائيه مني انا شخصياً
رايح للمدينه بكلم الوالد
عبد العزيز : اكيد اكيد كلمه بس لاتتاخر
هتان : بسالك البنت تبي مهر ؟
عبد العزيز بضحكه : لا احنا اللي طالبينك المفروض نعطيك مهر هههههههههههه
عبد العزيز بعد النكته السخيفه: اكيد تبي مهر
هتان وهو يتمالك نفسه : كم؟
عبد العزيز بطمع : ١٠٠ ألف
هتان توسعت عيونه:وش؟
عبد العزيز : ليه منصدم وانت دكتور تدبرها ان شاء الله
التفت عبد العزيز : مع السلامه ي رحيمي لا تطول الغيبه
—————————————————————
فقره الكاتبه 🤍
شرايكم بخفه دم عبد العزيز 😂
وش تتوقعون يصير في الفصول القادمه ؟
هل وليد بيوافق على زواج هتان وشجون ؟
-
السموحه على قصر الفصل ولكن اوعدكم بالافضل ان شاء الله
ادعو لي انا حاليا في اختبارات 🥹💔
ضيفوني بحسابي في الانستا 😊 lina_shoshoo
ضيفوني بحسابي في التيك shosholina
حساب صديقتي روايتها تجنن شوفوها 😔🔥
yywmaq51
(صلو على النبي)🤍