علاقات مشبوهة

علاقات مشبوهة 29

#علاقات_مشبوهة
#بقلمي  : #مشاعر_مبعثرة
الجزء الثاني
الفصل السابع  (حين امتزج الفرح بالدموع)
الحلقه  (29)
حسيت اني عايشه جوا حلم مستمر معاي ما عارفه لمتين قلت له إياد انت بتقول في شنو؟؟؟؟!!
نتزوج💍 بعد موافقتك طبعا انا حابي اكمل باقي عمري معاك واواجه بك الناس كلها
ساعتا دموعي نزلت وقعدت ابكي اثناء الكلام😭😭😭 امكن بصعوبه يقدر يفهمني
ايداب اتجرأت؟؟؟ كان لازم يحصل معاي دا كلو يعني؟؟ واتوجع بالصوره دي عشان انت تطلع الكلمه دي😭
أنا اسف ياسمر اصلا الحب كدا عذابو مستمر انا كمان اتجرعتو قولي موافقه وانهيه
قلت بصوت عالي
لا😫
شنو؟؟😲  : لا يا إياد ما موافقه  : انتي ما بتحبيني يعني؟؟  : انت عارف انا بحبك قدر شنو
نزل راسو لتحت وقال لي بجديه
فهمت عشان انا متزوج صح ✅ وعشان بابا شاكر فهمي وولد خالة امجد
قلت له كل الحاجات دي ما بتهمني كرامتي اهم من كل الناس ديل
طيب فكري يا سمر
قلت له لا يعني لا ما عاوزاك ابدا
كنت لسه مستمره في البكاء طبعا من جوا عاوزه وراغبه بس مجروحه منو
قمت من مكاني وطلعت برا المطعم قعدت في واحد من الارصفه وطلعت كل الجواي وهو يتصل ساااي كنسلتو
بعد خلصت بكيتي قمت ماشه على المواصلات طبعا زحمه رهيبه جات عربيه وقفت لي خفت اركبا بس في اتنين من الناس الواقفين معاي ركبو ساعتا انا اطمنت وركبت معاهم بعد خمسه دقايق بالضبط هم الاتنين نزلو وفضلت انا براي
سيد العربيه رفع القزاز وبقى جاري ذي المجنون مظلله طبعا انا طوالي خطر الحصل معاي اخر مره اكيد انخطفت تلفوني كان في يدي
طلعتو ورسلت رساله لأمجد لانو هو الانقذني المره الفاتت
كتبت له  انا انخطفت والعربيه جاريه بسرعه ما عارفه نفسي وين
حاولت بقدر الامكان ما ألفت انتباه السواق بس امجد اتصل انا خفت شديد صمت التلفون
السواق عاين لي بالمرايه وقال لي ردي يلا
فتحت وانا مرعوبه 😨 وقعدت اتمتم
ااالو
وجاني الرد من امجد بارد شديد
قلتي لي مخطوفه؟؟
عاينت للسواق وهو اصلا عينو ما شالا مني وبحاول اتوهو
قلت لامجد ايوا
لا انتي ما مخطوفه دا سايكو انا الطلبت منو يجيبك لي
شهقت بصوت عالي  شنو  قال لي عايني في وشو كويس معقول نسيتي الشكل دا
عاينت في المرايه قام هو طلع الطاقيه والنظاره وغمز لي
في اللحظة ديك انا حسيت بهبوط عام رميت التلفون من يدي وبحاول افتح الباب بس كان مؤمنو
قلت له انت موديني وين  : بيتك  : شنو😲
قلعت عيوني وعاوزه اتكلم جاني صوت امجد شكلو هو متصل به وفاتح الاسبيكر
قال لي بيتنا طيب قعدت اصرخ ومافي زول شايفني ولا حتى سامعني
الراجل سايق بسرعه انا حاولت اصارعو ومسكتو من رقبتو لمن العربيه فقدت توازنا قام ضربني بكوعو على صدري ضربه قويه شديد وطلع مسدسو
لو اتحركتي من مكانك تاني انا ما مسؤول عن حياتك
انا خفت بصراحه لانو الزول دا انا بعيوني شفتو بقتل وما اظن يتردد في انو يقتلني لو قاومتو فضلت هاديه لحدي ما وصلني الشقه المشؤمه  (بين الأنين💔)
نزلني هناك غصبا عني ودخلني جوا وانا بصرخ رماني في واحد من الكراسي شال تلفوني وبعداك اتحرك من قدامي  انا كنت متابعاه لمن وصل الباب طلع عاوزه اطلع وراه دفعني لجوا وقفل الباب بالمفتاح من برا وانا اصرخ واستنجد ضربت الباب دا لمن فترت زول جايب خبري مافي
انا عرفت هو ليه اختار المكان دا بالذات وعاء لجرائمو
فضلت قاعده في الارض ورا الباب ما عارفه اعمل شنو امجد لو جاء اكيد حايغتصبني ولازم اتصرف
إياد طبعا ما حب يضغط علي فلمن قمت من قدامو ما فكر يلحقني ولمن رجع الشركه وما لقاني اتصل بي التلفون طبعا كان في يد امجد فصلو  وطلع الشريحه رسل له منها رساله نصيه انا قاعده مع امجد لو سمحت ما تزعجني تاني
إياد قرب ينفجر من شدة ما زعل وانقهر 😣 ندم على عرض الزواج دا واتمنى الزمن يرجع به لورا 3 ساعات عشان يلغيه بس خلاص الكلام دا الحاجه الوحيدة الما بترجع بعد تطلع وهو حس انو صغر من نفسو واتسرع شديد في الخطوة دي
اما انا بعد تفكير طويل ما قدرت اصل لطريقه اطلع بها وزمن دوامو خلاص باقي عليه لحظات وامكن اتحرك وفي طريقو لهنا مشيت المطبخ شلت السكين 🔪 ختيتا على رجلي وغمضت عيوني بعداك مررتا بقوة لمن صرخت
كبت دم كتير عملتو على ملابسي ورجلي مررتو فيها اول ما حسيت بحرتو قمت جاريه الغرفه قعدت في الارض وحضنت رجولي
هو من جاء داخل ينادي فيني شاف باب الغرفه فاتح جاني داخل وعلى وشو ابتسامه خبيثه😈
سمر سمر سمر واخيرا انا وانتي وبيت الانين اجتمعنا دا مصيرنا المحتم انتي اتخلقتي عشاني انا يا بنت
انت عاوز مني شنو  : عاوزك كلك كدا بتلزميني  : امجد انا اتأهرت خليني امشي البيت  : انتي في البيت  : عاوز تحبسني هنا يعني  : ايوا وما حاتطلعي الا بعد ما انا اكتفي وازهج منك : امجد انت بتغلط معاي وانا ما حصل أذيتك : والله؟ انتي يا بنت فاكراني غبي؟ عاوزه تتسلقي على اكتافي عشان تصلي لإياد : انت ما عارف نفسك بتعمل في شنو اصحى انا ما حأحبك بالطريقه دي  : ما فارق معاي اصلا خلاص زمن بحبك وبموت فيك دا انتهى انا من اليوم حأنتزع حقي فيك انتزاع فاهماني؟ كل الوقت والطاقه الضيعتها فيك ح أعوضهم جاء زمن تدفعي حق كل لحظه دافعت فيها عنك وكل شي وصلتي له عن طريقي
وانا أرجف في الارض جاء يرفعني قلت له امجد ما تلمسني  : هه بتحلمي انتي
صوتو اتغير لصخب في نص الكلام ودا من كترة الشايلو في قلبو من ناحيتي
اي حاجه نفسي فيها حأعملا فيك الليله يا سمر حاخليك تندمي
اول ما مد يدو علي مسكت بطني وقعدت اتاواه بالم
اه اه 😣 
ما تمثلي لانك ما حاتقدري تخدعيني تاني
اتمددت في الارض وقلت له انا رجولي خدرانه يا امجد ما قادرة احركا حاسه بمغص شديد من قبيل
صرا وشو  مغص شنو كمان قلت له انت عارف  مغص شنو انا لازم امشي الصيدليه ضروري
صرخ فيني ما تكذبي يا حيوانه😡  : والله العظيم جاده😭 امجد انا محتاجه ادخل الحمام بس متألمه شديد ما قادره
جرا يدي بقوه عشان يرفعني وانا وقفت قدامو بتعب مصطنع لمن شاف الدم اقتنع
وعاين لي كدا🤢
دا شنو القرق دا ياخ اسي دا وقتو؟😡  : امجد انا متألمه شديد🥺 ما قادره اقيف والله
مسكني من يدي وهو بحاول قدر الامكان يخلي مسافه بيننا دخلني لجوا الحمام وواقف في الباب قلت له اطلع  : ولو ما طلعت حاتفضلي واقفه كدا🤔
قعدت ابكي طوالي هو طلع ورزع لي الباب لمن قلبي نقز
استحميت بسرعه والجرحه مألماني شديد مالاقيه حاجه اعقما بها ولا حتى شاش عشان الفا وكل ما تجي فيها المويه انا بطلع صرخات مكتومه هو طوالي جاء دق لي الباب
محتاجه حاجه؟؟  : انا لازم امشي الصيدليه ضروري : ليه؟ : ما غرضك بس لازم  : انا بمشي واجيب لك كل المحتاجاه
صريت وشي وصرخت فيه ما حاتعرف انا عاوزه شنو
بعرف اكتر منك انتي من الاول ما بتعملي حساب لنفسك ليه مالك ما عارفه يعني
عاوز يمشي قلت له استنى  : في شنو  : انا ما عندي حاجه البسا  : لو فتحتي الدولاب في الغرفه التانيه حاتلقي الف حاجه كلهم حلوين وعلى مقاسك كمان
خليتو بعد طلع مشيت الغرفه ديك وفتحت الدولاب لقيتهم نفس الملابس الشفتهم لمن جيت مع إياد نزلتهم على الأرض وانا ميته من شدة الغيظ😠
مشيت فتحت دولابو طلعت قميص وبنطلون من حقاتو لبستهم وقعدت لمن جاء وشافني قلع عيونو
دا شنو العملتيه دا  : عملت شنو  : لابسه ملابسي ليه؟؟ وكمان بقرفك دا
جاء علي بفضب وشايف الملابس الانا رميتهم على الارض قال لي ديل كلهم ما كفوك يعني؟ ورامياهم ليه بسرعه رجعي اي حاجه لمكانا عاينت له بحرقه قال لي وحياتك يا سمر حاتلبسيهم واحد واحد وكل يوم اشوفك في شكل مختلف انتي بس اصبري لي ياخ انا كنت ناوي اتزوجك واعلى من مقامك بس طلعتي ما بتستحقي حدودك  الشقق والفنادق
قعدت ابكي قال لي شيلي الكيس دا وامشي غيري اللابساه  : امجد انا ما بقدر البس من ديل🥺  : لا حاتقدري ونص غصبا عنك حاتقدري احسن تسمعي كلامي وما تخليني افضحك
ت تفضحمي؟؟؟  : ايوا كل الحصل بينك انتي وإياد في الشقه دي اتصور بالكاميرات ولو حاولتي انك تلعبي من وراي حاتلقي صوركم في كل مكان ومعاهم الفيديو كمان  : لا انت انت ما حاتعمل كدا😨  : لو ما سمعتي الكلام دا الحايحصل خليك واعيه واعملي كل البقولو لك بدون اخطاء  : ح حاضر بس انا والله العظيم تعبانه شديد😭 و............
قاطعني    عارف  يلا امشي بدلي ملابسك دي واتخمدي انا بنوم برا
مشى خلاني مرعوبه شديد وما مستوعبه معقول هو صور كل شي وساكت لحدي اسي انا اعمل شنو في الحاله دي راسي صدع من كترة التفكير فتحت الكيس شلت فوطه ورميتا في السله عشان يفتكرني استعملتا
عديت يومين في بيت امجد وانا ما عارفه الحاصل برا شنو لا قادرة اطلع ولا حتى اتواصل مع زول ما مديني اي مجال كل يوم بمشي الشغل الصباح ويقفلني في الشقه
اما إياد خلاص صدق انو انا بالجد عايشه مع امجد بإرادتي ولا فكر حتى يتصل تاني ولا يسأل انا ليه ما قاعده اجي الشغل اما امجد كل يوم بغيظو ويخترع قصص ما حصلت بيننا اصلا ذي ما كان هو بعمل معاه زمان يعني انقلبت الايه
امي خلاص غلبتا الحيله ما خلت مكان ما فتشت فيه وفتحت بلاغ في النهايه مشت لشاكر اتوسلتو لانها افتكرت انو عمل فيني حاجه ولا سفرني حسب تهديدو
كانت ردة فعلو معاها عنيفه شديد وطردا من دون ما يرد على سؤال واحد اما ام امجد قالت لها بتكون لفت لها مع واحد من البتعرفهم ديل انتي ادرى ببنتك وقلة ادبا
إياد لاقاها طالعه من بيتهم تبكي وحالتا كعبه مره واحده وقف وسألا قالت له
سمر بنتي مفقوده  عاين لها بشفقه وقال لها اطمني قاعده مع امجد  : شنو😲
تقعد مع امجد كيف : ذي ما بقعدو الراجل ومرتو  : 😱 لا سمر بنتي ما بتعملا  : بس هي القلت لي كدا من يوم مشت له اتصلت بها رسلت لي رساله وامجد اكد لي انها معاه فاكراها حاتكون وين يعني
كانت قاعده طبعا قامت على حيلا وختت يديها على اكتافو بخوف وقالت له لو معاه معناها خاطفا سمر بنتي الانا بعرفا ما بتعمل كدا وبعدين تلفونا مقفول احتمال يكون عمل فيها حاجه  : لالا والله يا خالتي بإرادة قاعده ما تخافي عليها  
صرخت فيه  وديني بيتو دا😫 انا ما برتاح لو ما شفتا قدامي  : يا خاله.......  : عليك الله عليك الله انا بلغت الشرطه خليهم يقبضوه
والدة امجد طبعا ما كانت عارفاه خاطفني الابعد جية امي شاكر حكى لها قالت له كل العملناه انقلب ضدنا بدل تبعد قربت اكتر وكمان قاعده مع امجد ولدي في بيتو  : هو العاوز كدا نعمل له شنو  : انت لازم تتصرف ذي ما بعدتا عن ولدك بعدا عن ولدي  : والله الموضوع مختلف إياد هو الما عاوزا اما ولدك جاري وراها : ايواااا انا يداب فهمت انت كنت بتغشني استغليتني بحجة التعاون دي عشان تزيحا من طريق ولدك وفي نفس الوقت بترميها قدام ولدي
شاكر بكل برود قال لها الموضوع دا انتهى بالنسبه لي غضبت غضب شديد 😡 واتصلت ب امجد سالتو
قال لها ايوا معاي وحاتفضل غصبا عنكم
ما عرفت تعمل شنو وبقت تكلم نفسا يا ربي انا اتصرف كيف لو بلغت بكون ضريت ولدي وما ممكن اسكت لمن البنت دي تجيب لي مصيبه في راسي
طوالي اتصلت ب امي  قالت لها بنتك السفيهة قاعده مع ولدي في شقتو احسن لك تمشي تسوقيها بالحسنى والا والله العظيم افضحا وامرمط بكرامتا الارض
امي مشت لأياد في الشغل وما دخلوها طبعا عملت جوطه الا اتصلو به جاء مارق لها
_ نرجع لبيت الأنين
امجد انا م حأهرب منك تاني بس خليني امشي البيت واطمن امي علي لو غبت اكتر من كدا هي اكيد حاتتصل ب ابوي وتكلمو  : ويعني شنو🤔 
قلت له بصوت ضعيف كدا ومكسور
امجد انت ما بتحبني يعني عاوزني انفضح واهلي يتبرو مني؟ 🥺
كان راقد في السرير عاين تجاهي بعيونو بس من دون ما يحرك راسو ومد يدو قال لي تعالي
انا غصبت نفسي وقمت مشيت قعدت جنبو قلت له انا عارفه انك عاوز تخوفني بس وانا خلاص فهمت ما ح ازعلك تاني
قعد يضحك قال لي انتي فاكراني غبي ذي إياد😅 كل مره تخونيني وترجعي تكذبي علي واصدقك لا انا امجد النصري والمرا البتخوني بدوسا برجلي
انا ما خنتك يا امجد والله العظيم😢
جراني من شعري لمن رفع راسي لفوق وبقى قصادو
كنت متألمه بس سكت قال لي بطلي تمثيل لانك بتصغري في نظري أكتر إياد وراني بكل شي اي حاجه كنتو بتعملوها مع بعض هو بحكيها لي بالتفصيل من لمن شال مني مفتاح الشقه عشان يجيبك وحكى لي كل العملتوه اليوم داك حتى انو طلب لك اجازه تاني يوم  : إياد حكى لك🤔  : بالتفصيل عرفتي  : بس ما حصل شي هو قال كدا عشان يغيظك ما اكتر  : انتي فاكراني غبي؟
مش قلت الكاميرات صورت كل حاجه؟؟ معناها انت ما شفت التسجيلات امشي اتفقدا وحاتعرف بنفسك انو نحن ما عملنا شي اصلا إياد ما حصل عمل معاي علاقه ذ...........
تاني رجعتي تكذبي انتي عاوزاني اقتلك يا بنت؟؟ وحملتي منو كيف؟؟  : هو قال لك كدا😱
ايوا جاء وقال لي سمر حامل منك امشي اتحمل مسؤليتك شايفه بايعك كيف؟؟
امجد فكني خلاص راسي بوجعني
شد من قبضتو وقربني اكتر
ومالو انوجعي شويه ولا انا بس المكتوب علي اتوجع بسببك  : طيب اقول لك شنو انت ما عاوز تصدقني : لانك كذابه نفسي بس مره واحده تكوني صادقه معاي  : ماقي حاجه بيني وبين إياد
فكاني اخيرا وكان في خصلات عالقه في يدو من قوة القبضه بعداك هو مشى
اما مشيت الحمام سمعت صوت الاذان اتوضيت وقعدت اصلي
فجاءة لقيتو قدامي لمن انخلعت
كان بعاين لي وفي وشو ابتسامه خبيثه
نضفتي يعني😈  : لالالا انا انا افتكرت كدا بس طلعت غلطانه
غلطانه كيف وانتي قاعده تصلي في قدامي هدا معناها خلاص المشكله اتحلت يلا قومي
ما تقرب مني  : قلتي شنو🤨
كان بقرب علي شويه شويه صرخت فيه
ما قلت لك ما تقرب علي بالغصب هو؟؟  : انتي ادرى
قلع قميصو انا طوالي قمت جاريه على الحمام قبل اقفلو جراه عليه
بقينا كل واحد بشد ناحيتو وطبعا هو اقوى مني رماني بدفعه واحده  لمن السله وقعت وشاف الفوط فيها مرصوصه ونضيفه عيونو بقت ذي الشرار
يعني كذبتي يا حيوانه انا حأربيك الليله
امجد😨  : هسسس🤫🤫🤫🤫🤫
كنت بقاوم فيه وهو بياخدني على السرير قعدت اترجاه عديل
عليك الله عليك الله ما تعمل فيني كدا يا امجد  : لو إياد كان حضنتيه ونمتي معاه مبسوطه
كنت لسه بترجى فيه واستعطفو بالدموع قال لي انتي ما بتتعبي من الاذلال كانك ما بتعرفيني يعني مش لو اترجيتيني والله لو ركعتي لي الليله ما أرحمك
جريت منو يدي بقوة وقمت جاريه وهو لاحقني ذي الحيوان المفترس وشايفني صيد قدامو بتخبى منو ورا الاثاث مرا الكرسي ومره الطاوله لحدي ما البيت دا كلو انقلب مشيت في اتجاه الباب وقعدت اضرب فيه بقوه واستنجد لمن صوتي راح
هو كان وقف بتفرج علي من بعيد ومستمتع بانتصارو
لمن تعبت من المحاولات الفاشله دي قعدت في الارض وانكمشت على نفسي
قعدت ابكي بحرقه😭😭😭
هو ساعتا عرف انو انا خلاص استنزفني وما فضل قدامي حل غير استسلم له جاء مسكني من يدي وسايقني وراه ذي الذبيحه الماخدنها على المقصله حتى مقاومتي قليله دخلني الغرفه ورماني على الكنبه بدون مجهود وبدأ ينفذ حكمو
كنت فارده يدي في الفراغ ويائسه فجاة حسيت انها ضربت في حاجه صلبه عاينت اتجاها لقيتو الابتوب على التربيزه ويدي الممتده واصله له رفتعو ونزلتو على راسو بقوه لمن داخ وانا قدرت اقوم وعيوني بتتفحص الطاوله  لقيت فيها ڤازه كبيره قبل يستجمع نفسو تاني ضربتو بها للمره التانيه وفي نفس المكان  ضربه خلتو واقع على الارض ودمو سايل 
انا خفت شديد وجسمي كلو كان برجف الباب مقغول طبعا وانا ما لاقيه المفتاح فتشت جيوبو لقيت فيهم التلفون بتاعو
وبحاول افتح فيه بس ما عارفه الرمز فكرت اتصل برقم الطوارئ بس خفت من العملتو اكتفيت بالمحاوله لحدي ما جربت اسمي وفتح معاي
اول شخص جاء في بالي اتصلت به وهو إياد طبعا
كنت ببكي بس لحدي ما هو رد وبسأل فيني بقلق شديد
سمر انتي وين😥 وليه بتبكي كدا اهدي وفهميني الحاصل معاك شنو
اخيرا نطقت بجمله هو يادوب قدر فهما
إياد انا قتلت امجد😭😭😭😭😭😭
يتبع