كتمان [ مكتملة ]

الحلقة 9

#كتمان
♣️🖤 الحلقة٩♣️🖤
"... فتون.... تهبلي يا عمري.... نشاله نلقاك لابستو في ليلة عرسنا... توحشتك... خليتي بلاصة كبيرة بزاف في قلبي..."
".... سامحني يا غالي هما سبابناوحبو يفرقونا.... هئ هئ اسناني متخلينيش.."
نضت علا صوت العياط برا... اكيد واحد من المهابل يتهاوشو كي العادة....
حاسة بنصي التحتاني مخدر..... وراسي يوجع بزاف....
نزلت من السرير ونتفكر في حلمتي...... اه يا الياس حبيبي توحشتك.... وش راك دير درك.... تفكرت كي كنت نهرب من الدار ونروح نتلاقاه.. ذكريات وسوفونير جامي يتنساو...
جاني أمل جديد بنو نقدر نخرج منا....

قعدت برا نحوس نحفظ البلايص لي نقدر نخرج منها.... عندي حل واحد هو نخرج فترة تبديل الحراسة...
خاولت نلقا حاجة تفكلي السناسل والباب فليل
..... قدرت نسرق مفك للباب والسناسل تع الحبس لي في رجلي..... حاسة روحي في فيلم ههه يا ربي عاوني لازم نرجعلو ونتزوجو انا وياه.....
لحق الليل حاسة بقلب رح يتوقف من الخوف لانو هادي هي الفرصة الاخيرة تاعي....
..... سنيت الحالة تهدا وشفت بنو الوقت لي نقدر نهرب فيه...... لمحت السلاسل والبيت بنظرة اخيرة..... علابالي مانيش رايحة نتوحشها..... العذاب لي عشتو في البلاصة هادي جامي رح ننساه....
هبطت فالدروج.... والذكريات قاعدين يجيو... شهور من الألم والجرح بأنواعه عشتو فهاديك البلاصة....

مكانش عسة كبيرة... كانت ساهلة الخرجة... وصلت للبوابة الكبيرة وتخبيت جيهة طموبيل العساس لي لداخل...اوف سنيت نص ساعة بش جا.... حل الباب تخبيت فلا مال قبل ما يشوفني...... اوه بسيف مانيش حاسة بالكور تاعي... سمعت الروض مشاو وقلبي مشا معاها...واخيرا خرجت من سبيطار المهابل..... ملجأ المجانين......

هدا اليوم هو بداية جديدة ليا..... منا ورايح انا والياس وبس.... واولادنا... بديت نخمم في أسماء ديجا..... ههه والله صح مهبولة انا.... هئ هئ توحشتو وبديت نبكي من جديد.... درك كيفاه ننزل من هنا..... سمعت الطومبيل حبست في بلاصة بلاك وصل للدار..... مي تبان طريق عامرة..... حليت بشوية لامال وطليت عليهم..... كانو حوانت بزاف..... مي الطريق فارغة.. هبطت بشوية.... وكملت نجري.... شفت راجل يشوف معايا خفت يلحقني.... جريت كتر من اي مرة في حياتي... دورت مورايا نعس حتا وصلت لطريق الطموبيلات.... كيفاه رايحة ندير درك....
في هداك الوقت، الدنيا خالية وقليل وين تشوف طوموبيل باقية تمشي بشوية.... ولي يشوفها يخاف تقول جنية معدية...... عدات طوموبيل فيها زوج رجالة ومرة معاهم..... يضحكو والغنا عالي في هديك اللوطو.... قدمت ولوحت بيديها بش يشوفوها ويوصلوها لبوس قريب.......
".... حبس شوف هاديك مش طفلة... تقول جنية ههه يا لطيف"
".... بصح كعبة بقلاوة..... حبس نديوها نشبعو بيها شوية..."
".... اسكتو علينا في زوج... ههه باينة مسكينة جايحة.... تي بلاك هربت من سبيطار المهابل... والله نديوها ونبيعوها لكاش بزنس مان...."
ضحكو في تلاتة وحبسو وتبسمو ليها تبسيمة الشياطين...... هي من الفرحة راحت تجري طول ليهم وقالتهم يوصلوها للمحطة.....
وهما بطبيعة قبلو... ومن ثقتها وتفاهتها ركبت معاهم..... مشافتش شكلهم ولا لبستهم..... شافت امل للنجاة والوصول إلى الحب.... مشات الطموبيل.... وهما يشوفو فيها ويتغامزو...... حالتها تبكي.... مي هما مشفقوش عليها..... مهبولة للاستغلال هههه
كملو الطريق حتا وصلو لبلاصة فارغة..... وكانت طوموبيل مركونة في الجانب..... شافو مع بعضاهم.. وقالو بنو كاين لقمة جديدة ليهم.... في هاديك البلاصة.... مشات البنت وطببت علا الكارو تع الطموبيل.... واحد ما رد.....