علاقات مشبوهة

علاقات مشبوهة 31

#علاقات_مشبوهة
#بقلمي  : #مشاعر_مبعثره
الجزء الثاني
الفصل الثامن  (نقطة تحول)
الحلقه  (31)
شفتيه يا ماما ما كلف نفسو يجي يعتزر😫 وكمان عاوز يطلقني
تستاهلي ما تقولي ما نصحتك براك عملتي فيها مافي زيك و المرا الراجلا  ما بستغنى عنها قعدتي تدلعي فيه وكل ما يجي يعتزر لك تطرديه لمن هدا خلاك  : هو بغيظ فيني ما اكتر
هه يغيظك؟؟؟ والله إياد الشافتو عيني في المستشفى دا ما ياهو الانتي بتتكلمي عنو ما كان واحد بتسلى هو بالجد دافع عنها وما سمح لخالتو وابوه يقولو عليها كلمه واحده  : انا ما بخاف من واحده ذي 💁🏼‍♀️ ووجودا ما حايمنعني من انو اأدب إياد خليه يتسلى معاها شويه ولمن انا أقرر بجيني جاري براه ذي الحيوان الأليف🤣  : واحده زيك بتشبه راجلا بالحيوان والله ما بجي من وراها خير فاكراه بحبك قدر شنو هو عشان يتحمل منك دا كلو  : هو بتنفسني يا ماما فشنو انسي لي الاسما قشره دي وشيلي الولد دا انا عاوزه انوم
بعد النصري خرجوه من المستشفى وحنان مرتو اطمنت عليه جاتنا البيت ما خلت كلمه ما قالتا علي وتهدد ابوي وعلاءالدين طبعا ما فاهمين حاجه وامي بتحاول تهدي الوضع قالت لها انتي لو ما عاوزاني افضحكم لمي بنتك دي عليك ما عاوزه اشوفا حولين ولدي ولا ولد المرحومه اختي بسببا كانو حايموتو بعض خليها تخجل شويه ياخ كل يوم مع واحد فيهم  : احترمي نفسك وما تقولي عن بنتي كدا
ابوي طبعا زهج شديد وهو كرامتو دي فوق كل شي قام طردا قالت له
انت اصلا قاعد طرطور ساي ما جايب خبر بنتك لها يومين قاعده مع ولدي في شقتو الا مشى ولد خالتو جابا من هناك😠
ابوي ما كان مستوعب ابدا ولا حاول يصدق رد لها ب إنكار
بتقولي شنو انتي  : هديك امشي اسألا كانت وين وامها القدامك دي عارفه بس مشجعاها قبل اليوم زوجي وشاكر راجل اختي قبضوها مع إياد ولدو عريااااااانه دي كمان انكروها
ابوي دا عيونو بقت ذي الشرار من شدة الغضب اما هي مصره تحكي وتثبت
مالك بتعاين لي كدا هي لو صحي بنت ناس وعندها لسان خليها تجي تحكي فضيحتا في الشركه وفي الحي وفي بيت اختي المرحومه اي مكان تدوسو بتوسخو بسمعتا الكعبه خرابة البيوت شلبت الولد من مرتو وولدو ليوم الليله ما قادر يصالح مرتو بسببا
انا ما قدرت اتحمل وجيت طالعه  فعلا الكلام الكعب والسمعه بتلحق البنت بس الولد ما بريئ واكبر ظلم بمارسو في حق البنت انو بعاقبا على جريمه هي شريكه فيها ما مرتكباها براها وببرئ الطرف التاني ويلتمس له العزر بحجة انو اتعرض للأغواء او انو نفسو ضعيفه الغلط دا واحد وغلط المرا قدر غلط الراجل ونفس العقاب بغض النظر عن تبعاتو التانيه
دا الفهم الجيت طالعه به انا بعد احساسي بالظلم قلت لها ما تنسي انو ولدك دمر اختا للمرا الانتي بتدافعي عن حقوقا وراجلا وكمان خطفني وحاول يعتدي علي لو ما ضربتو هددنا بالسلاح وكان جاهز يقتل ولد خالتو لمجرد انو دافع عني وحماني منو ليه ما بتزكري اغلاطو انتي ومركزه علي😫😫😫😫😫😫😫😫
ابوي حول نظرو اتجاهي وكان مصدوم 😳 قال لي بصوت رايح لمن متقطع
خطف واعتداء ورجال متشاكلين عليك يا سمر؟؟ دا شنو دا انا ما صدقت اي كلمه من القالتو المرا دي ومستحيل كنت اصدق بس انتي بتأكدي لي  : ابوي انا ح احكي لك الحاصل كلو
رفع يدو  🖐 بغضب عاوز يضربني جاء علاء الدين وسبقو ضربني ضربه اقوى
كنت مصدومه شديد ما قادره استوعب علاء الدين اخوي البدافع عني رفع يدو وضربني انا ما اتحركت نهائي من مكاني ولا حسستهم بألمي
ابوي طرد حنان وهي طلعت متكيفه بعد الشافتو دا ما كانت  متوقعه انو اهلي يحاسبوني ومشت بسرعه عشان تبشر شاكر والنصري وجمال
علاء الدين اخوي فقد السيطره وحالف الا يقتلني نبذني فضحني فضيحه ما خلى كلمه وبصرخ ب أعلى صوتو
انا سافرت بالسمبك عشان منو😡 ليه خاطرت بحياتي وابوي دا سافر وقاعد يشتغل ويعافر في العمر دا عشان منو نحن الاتنين سافرنا خليناك وخاتين فيك الثقه وانتي هنا عايشه حياة العاهرات ولافه بين الرجال الدنيا كلها عرفت فضيحتك
انا ما كان عندي جواب غير البكاء والدموع واصلا ما خلوني ادافع عن نفسي
علاءالدين دخل المطبخ وشال السكين وقال الا يقتلني عشان يتخلص من العار الحاله دي هو لسه ما عرف اني حملت واجهضت  امي قعدت تصرخ قفلتني جوا الغرفه وبتحاول تهدي فيه انا طوالي فتحت الباب وطلعت قلت خلاص لو دا البرضيك يا علاءالدين غسل عارك بدمي
هم كانو فاكرني ح أخاف واتخبى امي تجر فيني وانا واقفه ابوي لمن حس به حايتهور ويعملا وانا واقفه شال منو السكين وقال له ما تضيع شبابك عشانا عاينت  لابوي بثبات وقلت له انا عافيه له وانتو اكيد ما حاتطالبو بدمي المستباح قصاد ولدكم
علاءالدين قال لي انتي فاكره نفسك بتتحديني يعنى واني ما بقدر اعملا؟؟؟؟
امي جرتني لجوا غصب وعلياء بتهدي في علاءالدين
العملو علاء الدين دا كلو ما أثر فيني ولا وجعني قدر نظرة ابوي المكسوره ثقتو فيني انهارت خلاص
علياء بعد هدت علاء الدين وخلتو طلع برا بعداك مشت لابوي وحاولت تمتص الغضب الجواه كان مخبي بس ظاهر عليه محطم من جوا
ابوي الناس ديل ظلمو سمر شديد لانو ولدهم بحبا ما خلو حاجه ما عملوها فيها شوهو سمعتا بالعملتو والماعملتو لفقو لها مصايب كتيره هي بريئه منها ودا كلو عشان يكرهو فيها اما التاني دا غشاها من زمان ولمن عرفت نواياه تجاها فصلتو بس هو الفضل يجري وراها ويحاول يئذيها اخر حاجه خطفا وقال انها عايشه معاه ب إرادتا لو هم بالجد بقولو الحق المفروض يعترفو بالشافوه والله ي ابوي انا ما ببرر لها بس والله سمر عانت كتير بسببهم 
ابوي كان بفتش في كلاما دا على حاجه تشفع لي كان حاسي انها بتتكلم عن واحده تانيه ما ياها سمر بنتو الصغيره المحترمه والمستحيل تجتمع فيها المساوئ دي  عاين لها بعتاب
يعني عاوزه تطلعي اختك بريئه  : ما كدا يا ابوي بس هي في النهاية انظلمت وكل ما تحاول تقيف على رجليها وترجع هم بئذوها  : وانا وين من دا كلو 😖 ليه ما وريتوني خلاص ما بقى عندي كلمه عليكم؟ ياريتني لو ما رجعت ولا شفت يوم ذي دا
امي كانت بتسمع في كلامهم من ورا الباب جات داخله قالت له ايوا ارجع اهرب تاني من المسؤوليه عارف انو عندك بنات في سن خطر سافرت خليتهم عشان تريح راسك من المشاكل بدل تقعد تحلها البنت دي بالذات انت عارفا متعلقه بك قدر شنو مشيت خليتا ما عارف عنها اي شي عايشه براها وسط ذئاب
ابوي طوالي صرخ فيها
انتي يا كوثر اخر واحده تتكلمي في الخصوص دا ما صدقتي اتطلقتي طوالي مشيتي اتزوحتي وشفتي حياتك وخليتيها براها في البيت البنت مكانا وين؟؟  ما جنب امها؟ 😡 انا سافرت عشان اأمن لها الحياة الانتي عاوزاها لها والفرضتي علينا كلنا نعيشا كان لازم اديها اكتر مما بتحتاج عشان انتي عاوزه انا ما سافرت وخليت وراي طفله يا كوثر انا بنت واعيه وعارفه الصح من الغلط بنتك عملت الغلط وهي عارفاه غلط
ابوي عيونو لمن بقت جاحظه وعروقو برزت وهو بقول الجمله الاخيره دي
(عملت الغلط وهي عارفاه غلط)
بعداك كمل كلامو
بسبب الحريه المطلقه الاديناها لها واسي خلاص وقعت الفاس في الراس
علياء قالت له مافي فاس وقعت يا بوي سمر ما فرطت في شرفا المرا دي كذابه عاوزه تشوه سمعتا ما اكتر
ابوي هز راسو لانو خلاص ما بقى عندو ثقه في اي كلام يتقال له
انا خليتو بعد هدأ مشيت له
رفض حتى يعاين لوشي  قعدت عند رجولو💔 اعترفت له بإنو انا غلطانه وجاهزه للحساب قال لي بصوت مكسور ولو حاسبتك ح استفيد شنو انتي👆🏻 ح ترجعي سمر بنتي البريئه؟؟
قعدت ابكي 😭😭😭😭😭
علاء الدين عاين للموقف دا بغيظ شديد وما راضي عن فكرة انو ابوي ما حاسبني ولا حتى سمح له هو يعمل كدا فسر سكوتو دا رضا وحنية علي ما عارف انو ابوي دا اكتر واحد بعاقبني بسكوتو الموت اهون علي
جاء وقف قدامو وقال له انا ي ابوي ندمان شديد لاني رجعت رجعت متأخر شديد كان المفروض اجي ابكر لا ما كان المفروض اسافر واقعد اأدب المغضوبه القدامك دي انا راجع خلاص بشكل نهائي انسوني
ابوي كبر امكن تاني عمر على عمرو بعد الكلام دا وحس انو عاش سنين عمرو دي عبث حاول يجمع مال اكتر في الوقت المفروض يجمع فيه الاسره المشتته دي البيت الكان جامعنا بحب بقى فاضي واتقفل اتفتح تاني وجمع اشخاص تاني غيرنا
مافي واحدا فينا ياهو نفسو الكان زمان بيتنا بقى بارد شديد وجاف خالي تماما من العواطف اي واحد عايش في عالمو وشايل مشاكلو وهمومو جبل كلها فوق راسو براه عبث كل حاجه حاتحصل بعدها عبث عبث ما أكتر دا الكان بفكر فيه وهو بعاين ل علاء الدين الشد الرحال وخلاص مغادرنا بدون رجعه مستعد يمشي في اي درب غير دربنا ولا بتمنا تتقاطع الدروب دي في يوم ونتلاقى
اتحركت بسرعه ولحقتو برا اترجيتو عشان يقعد وما يمشي تاني ما ادى اي اعتبار لوجودي لانو حرفيا ما طايق حتى يشوف صورة وشي ولا يسمع صوتي
آياد لمن سمع خالتو وابوه بتكلمو عن الموضوع وفرحانين بإنتصارهم علينا قرر يكسر حاجز الصمت ويتحدى نفسو لاول مره غادر السيف سايد وفضل المغامره
اخد مفاتيح عربيتو وطلع في قدامهم من دون ما يعاين لهم وهم ما ادو اي اعتبار لوجود
ساق عربيتو واتحرك في الشارع المحظور عليه ومليان عقبات خلاها ركام تحت إيطارات عربيتو بعد دعسا سكت قدام  الضجيج وصوت افكارو البتقول لا اسمع لصوت المنطق في اللحظه ديك هو ما سمع غير صوت قلبو الوصلو لحدي قدام بابنا نزل من العربيه وقعد يطرق في الباب بثقه وشايف عيون الجيران بتراقبو نفس العيون الكانت بتتفحصنا كل مره ونحن مع بعض وتشمئز مننا ما خاف ولا اتخبى منها
علاء الدين فتح له الباب وما كان عارف انو دا نفسو غريمو الهو متمني يطلع روحو بضربة غضب واحده  فضلو وسمح له يدخل بطيب خاطر ما كان عارفو ضيف منو اصلا ولا غرضو شنو
طلب يشوف ابوي وقعدو هم الثلاثه في الديوان بعد صمت طويل ازال الاستفهامات الكان شايفا في وجوهم الاتنين
انا إياد ولد اخت المرا الجات اتهجمت على بيتكم واسأت لبنتكم
ابوي اتضايق شديد وعلاء الدين قام على حيلو

وكمان عندك عين تجي داخل البيت دا يا كلب انت راجل انت ياخ قام عليه عاوز يضربو لو ما ابوي مسكو وابوي قي طبعو بميل لانو يسمع صوت العقل والمنطق في الظروف الذي دي
إياد قال له انا ح احكي لكم كل الحصل وبتمنى تسمعوني وتكونو على ثقه انو سمر هي الضحيه في الموضوع العداء بيني وبين امجد ولد خالتي ما جديد اصلا في تنافس بيننا انا الشغلت سمر وحبيتا بس بسبب اني متزوج ما قدرنا نكمل في المقابل امجد عاش معاها قصه ناقصه ما قدر يوصل معاها لمسمى العلاقه لانو ما كان جادي معاها حبتو وهو كان كل همو يئذيها بس بنت عمي كشفت لها الحصل قبل يحصل شي من المخطط له امجد ولد خالتي وانا بعرفو وبعترف انو زول كعب عندو شقه عامله بيت دعارة والبتدخلا تاني ما بتطلع منها سليمه لانو خاتي كاميرات في كل ركن فيها بصور الواحده اول ما تدخلا ويهددا بالصور دي عشان ترضخ له وتنفذ له رغباتو لحدي ما يزهج منها ويرميها💔 عمل الشي دا مع بنت عمي اللهي حماتي بس سمر ما قدر يطولا وبقت حسره في قلبو كل ما يعاين لها بتزكر انها حاجه بعيده شديد ومهما قرب ما بقدر يصلا عشان كدا خطفا وحاول يعتدي عليها هي خلصت نفسا بعد ضربتو الجرح موجود لحدي اسي في راسو واثار مقاومتا له واضحه في جسمو انا ما عاوز ادخل في تفاصيل اكتر لانو سمر بتكون حكت لكم كل العانتو بسبب امجد وامو ومع الاسف بابا كلهم كانو معارضين علاقتنا بس انا ما ح اتخلى عنها بسببهم يا عمو انا بعد موافقتك حابي اكمل مع بنتك سمر واتزوجا على سنة الله ورسوله
يتبع
وللحلال طعم اخر يتلذذه العاشقين ومن غاص في بحر الحرام مكابرا سيظل يامل شربة من كأسه