حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 5 -

دخلت ريماس الحمام وبقت آسيا بروحها مع نفسها...

آسيا في عقلها : ويييي تفشلت ، بس لحظة مو كأنه هذا مو كأنه هذا ، لحظه لحظه ، أنا شايفتنه في مكان بس وييين ؟! يارب ذكرني

خرجت ريماس من الحمام : يوووه بسك من متى وانتي منحرجة ترا ما صار شيء

آسيا : بمووت ريماس متفشلة

ريماس: أقول فكينا من ذي السالفة ، تبين من أي مطعم عشا؟!

آسيا : باكل من العشا يلي مسوتنه زوجة أخوك

ريماس: لااا وييه آسيا غيري كل يوم أكل بيت ، أحسني مشتهية برجر على ناجتس على بيتزا ، الللللللله جويييي

آسيا : خلاص طيب اطلب اللي تبينه واطلبيلي معك على ذوقك ، من بعد ما سفت غرفتك المزة ذي صرت أثق في ذوووقك الناار

ريماس: فديت يلي يثق في ذوقي والله

دق دق دق ✊🏻 ، صوت طرق باب ، مسكت آسيا بسرعة الغطاء وتغطت فيه لا يكون مرة ثانية واحد من اخوان ريماس ، وبالفعل طلع أمجد أخوها آخر العنقود وسمعتهم وهم يتكلمون ...

أمجد: أبي شاحن ، شحاني خربان

ريماس: أنت الخربان ، وش جايبك عند البنات

أمجد: بتعطيني بالطيب ولا تبيني أفشلك قدام صديقتك ذي الحين ؟!

ريماس: أصصصص قصر صوتك يالفشيلة ، انطر هنا دقائق وبجيب الشاحن لا تتهور وتدخل مو كافي السوات يلي صارت قبل

أمجد: وليه وش صار ؟!

ريماس: مالك دخل

أمجد : وتحسبيني بذبح نفسي عشان أعرف ، بالطقاق عليك

كانت آسيا تسمع هواشهم الأخواني ذا وهي تحت البطانية واستغربت من تصرفاتهم مع بعضم بكل قلة الادب ذي..

ريماس: " وهي تمد يدها تعطي معتز الشاحن " خذ بس لا يخترب هااه ؟!

أمجد : " بضحكة وهو يركض " اذا رجعلك أصلًا

ريماس: " بصراخ " قليل الأدب تعااال

دخلت ريماس بعدها الغرفة وهي تقفل الباب بقوة ..

آسيا : وش فيه ؟!

ريماس: أخواني المريضين

آسيا : حرام لا تقولين كذا ترا بس هواش أخوان

ريماس: انتي ما تشوفين بس لو تعيشين معنا بيطلعلك قرون وبدل القرن سبعة