كان اسمه حبيبى

الفصل الثانى والعشرون

الفصل الثانى والعشرون

صعد لغرفته بعد وقت ليس بالقليل ولم يجدها بالغرفة،طرق على باب الحمام
_روان انتى جوا
.لم يجد رد، ففتح الباب ولم تكن بالداخل كذلك
_-راحت فين دى ؟
نظر من شرفة غرفته فراها تجلس على الارجوحة فى الحديقة 
وتضم ذراعيها حولها من البرد
تنهد بقوة وذهب اليها ، وضع  شال فوق كتفيها  
_الجو برد عليكى ، ايه اللى نزلك الجنينة فى الوقت ده ؟ انا مش قلتلك تنامى ؟
نهضت بغضب 
_مش جايلى نوم .وانا مش عبدة عندك  تقولى نامى هنام  .اصحى هصحى
ثم تركته وذهبت  غير  مبالية به ، فهتف بحدة وهو يتبعها
_انتى مش طفلة صغيرة علشان تتقمصى كده
خلعت حذائها وسارت على العشب بقدميها الحافيتين لعله يخفف من توترها ، اقتربت من حوض السباحة ثم حملت طرف ثيابها وجلست على حافته وانزلت  قدميها به
مسح على وجهه بغضب  ثم خلع هو الاخر حذائه وشمر اطراف بنطاله وجلس بجانبها على حافة الحوض فوجدها تبكى بصمت
_طب بتعيطى ليه دلوقتى؟
زادت فى بكاءها اكثر
_مش عارفة ، بس مخنوقة وحاسة انى عايزة اعيط
يعلم انه قد  ضغط  عليها كثيرا  فى اليومين المنصرمين ، 
ضمها اليه واضعا ذراعه حول كتفيها واسند راسها  على كتفه ، وظلا هكذا دون حديث ففى الصمت احيانا لغة ابلغ من الكلمات
وفى تلك الاثناء كانت هناك عينان حاقظة  تراقبهم من بعيد وهى تضع الهاتف على اذنها
ولاء بحسد
_لو تشوفيهم دلوقتى قاعدين فى حضن بعض   كانهم عاشق ومعشوق .استنى هصورهم وابعتلك الصورة
_"""""""""""""
_انتى لازم تتصرفى يا نانسى والا العيلة الصغيرة دى هتاكل عقله وتخليه  زى الخاتم فى صباعها ،وانسى بقى انك تعرفى ترجعيه ليكى تانى

_________________________
صباح اليوم التالى بالشركة

هتف بكر  قائلا  
_بتهيألى ان رحلة شهر العسل دى جت فى وقتها علشان تبعدو شوية عن الضغوطات اللى حواليكم  ،انتوا مسافرين امتى ؟
اجابه احمد
_اخر الاسبوع .بس متقلقش هو مش شهر ولا حاجة ،اسبوع بالكتير وهنكون هنا
  بكر باستنكار
_ومين قالك انى قلقان؟ .ياعم خد راحتك ان شاء الله يارب تقعد سنة . بس مقولتش هتعمل اية فى عشا الليلة ؟
لوى احمد شفتيه وهو يهتف  
_مش عارف .انت بردو معرفتش تلاقى مترجم
_لا والله .ثم اردف قائلا بحذر
_انا بقول تثق فى مراتك وتديها فرصة وكده كده الناس عزموها  معاك على العشا
اوما له احمد
_الظاهر ماقداميش غير كده ، وربنا يستر وتعدى على خير

_____________________
وصل لشادى تبليغ من المحكمة بموعد جلسة قضية الخلع المرفوعة من قبل ولاء فجن جنونه ،واخذ يحطم كل ماتطاله يده بالشقة
..انا تخلعينى انااا ، فكرانى ايه ضرس مسوس.قسما بالله ماهرحمك انتى ولا اخوكى اللى متحامية فيه ده وبكرة تشوفى. وابنى هخده منك غصب عنك وعنه ،  وهجيبك راكعة تحت رجلى تانى زى الكلبة
هاتف فيروز بالشركة وهو يسب ويلعن 
_فيه اية ياشادى على الصبح ؟
هدر بها بحدة
_طبعا ماانتى  ولا على بالك .الهانم رفعت عليا قضية خلع وانتى كل شوية تقوليلى اصبر اصبر ، .هصبر لحد امتى انا خلاص جبت اخرى .قاعد زى النسوان فى البيت  لا شغلة ولا مشغلة ،و محروم من ابنى الوحيد واللى عملوا فيا كده عايشين مبسوطين ولا على  بالهم .انا خلاص قررت اعمل اللى فى راسي  سواء ساعدتينى ولا لا
هتفت  بصوت خفيض حتى لاتلفت انتباه احد.
_طب اهدى بس  واسمعنى ، من شوية بكر قالى ان احمد بيه  مسافر شهر عسل اخر الاسبوع
ابتسمت بخبث وهى تردف 
_ اظن ده هيكون انسب وقت ننفذ فيه العملية .ايه رايك ؟
لمعت عينيه بشر
_اهو كده