ليتك قدري الاول

آلبارت 17

آنا آلكاتبـه. مروه‍ مٱجد

قصه منقوله للكاتبه رفل الكناني

لجل عين تكرم عين واني تردين الصدك ما أمن عليج ال يم رجلج اخوتج غاسله اديه منهم سامعه المثل الي يكول ضل رجال ولاضل حايط عاد سلام اسمه رجلج وأبو جهالج اكيد ميذبج بس اخوتج والله علمود نسوانهم يذبوج وخذيهه مني عصام مراح يعوفج راح يضل وراج لاتخربين لا الخوه البينكم وتخربين رجلج عليج وتفلسين من الثنين اني امج أشكال شفت وتحملت ليش اكولج ارجعي الدنيه موخوش دنيه والمطلكه بوكتنه هذا اذا عدهه اهل بيهم خير واخوه تعيش والناس تهابهه وإذا عدهه مثل اخوتج صدكي راح يضلون يعيدون ويزيدون ويصفطون بلكلام وحتى اخوتج يصدكوهم

يعني سديتيهه بوجهي

ماسديتهه وهذا الصحيح زعلتي وصار فوك الشهرين والرجال بعده يريدج وهوه عنده مره بلبيت اليوم يريدج ويدز عليج باجر يمل وميكلبج ارجعي وبشرطج وخلي كرامتج محفوضه ومعزتج هيه هيه ويجوز أكثر سويتيله درس وعفتي وحرمتي من جهاله كل هاي الفتره هاهيه عرف قدرج وقيمتج ودليل كلام اخته ماسمعتي دتكلج عرك هوه وامه ليل ونهار يعني الرجال ممرتاح ولا انتي المرتاحه وجهالج ديكبرون ومصاريفهم دتزيد فرجعي احسن الج واله

كل كلمه كالتهه امي صحيحه وبمكانهه بس اني قافله عقلي مبنج وكلبي مغسول من سلام بس جهالي اوووف جهالي اكثر شي كسر ضهري همه اليل كله مانمت افكر وعصام يكولي باجر ترجعين يعني وين ارجع ارجع عل عمتي غير هل مره يمكن اذبحه وابتلي انوب المره المتزوجهه بلبيت واني راح ارجع وبوجودها لعد ليش طلعت وزعلت وسويت كل هذا زين اخلي يسويلي بيت وحدي هم موحل اذا بيت وحدي يعني راح يكابلني اكيد واني كارهته وإذا ردت ارجع ارجع لجهالي وبس زين وين اروح استغفر الله ياربي اوكف وياي لان كميت القهر الداشوفه فوك من طاقتي فكرت وفكرت وأفكاري مشوشه آخر شي اجتي عل بالي ايناس اي ايناس مرت بنفس التجربه احاجيهه بلكت ترشدني كمت عل فون طلعته من الجنطه لان من زعلت لحد الان غالقته اخاف يدك عليه جبته وخليته عل شحن باوعت الساعه 5الصبح ضليت كاعده انتضر الصبح يطلع والفون يشحن حتى اخابرهه واني وكاعده وراسي بين رجليه نايمه ومادري لحد مكعدتني امي شفته الساعه 7عزه هاي نايمه اني وكاعده من القهر كمت غسلت والجهال كعدو غسلتلهم وبدلتهم ورضعتهم ورجو نامو صارت 8بعد متحملت دكيت عل ايناس اول دكه شالته

الووو هلو ام قتيبه شلونج

هلو حبيبتي هباوي الحمدالله انتي شلونج

موزينه ايناس موزينه

جرت حسره وكالت

ادري بيج والله وحاسه بيج محد يعرف النار شكد تلسع ال المجوي بيها واني هاي النار لاسعتني

ايناس محتاجتج تكدرين تجين ادري بيج البارحه جيتي بس اني مكدرت احجي كدام ام رقيه مهما يكون يبقى اخوهه