لـحن عيناك كـبرق اصابني.

🩶🫂.

لحن زمت شفايفها على بعض ثم نطقت:مافيه شي
اورنس:لا الحين تاكدت
*لحن تعلمه باللي صار،اورنس عصب وسحب يدها يناظر فيها*
اورنس:انا قلت انتبهي بس مو يعني انك تعرضين نفسك للاذيه
لحن:صار اللي صار
اورنس يشوف عمق الحرق كيف صار جرح كيف ينزف:اركبي بالجهه الثانيه بوديك انا
لحن:طيب
*اورنس اخذها للمستشفى وعقمو يدها ولفوها لها*
.
.
____
٩:٣٠ بليل .
.

*الجده جلست بالحوش وجاء عندها الخال محسن وسهاج وحياد ونجمه والرغد وعايشه وتجمعو البقيه البنات والعيال *
غيام التفت بشرشف:يويلي برد
محسن:يبوك تدفي الدنيا برد 
الجده:والله انه جو كشتات وتخيمم
رتيل:والله اتفق معك ي جده
ملهم:طيب شرايكم نطلع للمخيم؟
حياد:اجل رتبو نفسكم ونطلع بكره
سهاج:تم شرايك نكلم هداج يطلع معنا
حياد:ايه اكيد
شـرار وعيونه على نود ويتبسم:يبه بالمخيم مانبي نجلس يوم يومين! نبي نقعد اكثر
حياد:هو في دوامات
غيام:بالنسبه لنا طلاب المدارس عندنا اليوم كان اخر اختباراتنا
عبدالرحمن:ايه بدا الويكند عندنا
سهاج:وانتن ي رمح ونود؟
رمـح:لا والله عندي الخميس اختبار
نود:بكره عندي اخر شي
سهاج:اجل اسبقونا وعقب نلحقكم
رمـح:لا م يحتاج يبه اطلعو وعقب انا ولحن واورنس نلحقكم .
حياد:صح ووالله
سهاج:اقول الاثنين ذول وينهم ؟
نـود تلتفت،غيام:لحن شفتها طلعت تقول بتروح
سهيل:راحت هي واورنس
سهاج طلع جواله بيدق عليهم ،شوي يدخلو من الباب.
لحن انخرشت:بسم لله شفيكم متجمعين كذا
عمير:الواحد يقول السلام مو يسمي كانه شايف جن
لحن:طيب انا فعلا شايفه جن ينصح بسلام
*والبنات والشباب  ضحكو عليه *
اورنس:السلام عليكم
عمير:تعلمي منه بس
لحن تقلده،سهاج:وينكم كنت بدق عليكم
اورنس ولحن:كنا بالاسطبل نشيك على الخيول *الاثنين ناظرو بعض كيف كذبو نفس الكذبه وهم مو متفقين*
رمـح:علطاري الخيول بروح لهم الحين
جمر:وانا بعد
عزيز:اورنس ترا بنكشت !
اورنس:وين للمخيم؟
سهاج:ايهه يبوك بس انت بتلحقنا انت ولحن ورمح
اورنس:عشان!
رمـح:عندي اختبار وبتاخر
لـحن:يبه م يحتاج ارونس انا ادل المكان بلحقكم بعدين خلي اورنس يساعدك
سهاج:تمام
اورنس:اجل يبه بطلع الان للمخيم وبشيد الخيام
سهاج ابتسم:والله كنت شايل همها
حياد:لاتشيل هم شي وعندك واحد م يتعوض
سهاج:اي والله الله يحفظه
جمر:يبه وشتقصد يعني احنا نتعوض
حياد:انت بذات بدور لك بدل فاقد
*الكل ضحك عليه*
جمر اخذها بروح رياضيه:اساسا انا نادر م تحصل لي بديل
حياد يناظر في ولده:عشان كذا يعجبني هالولد م يزعل زي شرار
شـرار يناظر في نـود ويتبسم،ثم استوعب كلام ابوه:ووش السالفه
حياد:ول ماهو صوبنا
عمير:اورنس اذا طالع الحين بطلع معك
اورنس:اي شوي بطلع
شـرار:خذوني معكم اساعدكم
اورنس:اللي يبي يمشي يجي وياخذ له لبس ثقيل ترا برد
.
الجده:عاد مكانكم ي سهاج انت وحياد يخوف والله
الخاله عايشه:لنا زمان م طلعنا للمخيم
نجمه:يوهه اجل فاتك بتشوفين العجب صدق
الـرغد:اي والله ذاك المره امشي ورا واحد احسبه حياد طلع بسم لله الرحمن الرحيم بس لفيت للمخيم ثم لفيت عليه اختفى .
غـزيل:يويلي بسم لله اجل كنسل مانيب طالعه
لـحن:بتطلعين غصب والله
نجمه:تتذكري ي الرغد ذاك الصوت اللي ينادينا اخر الليل ؟
الرغد:اعوذبالله يانه يخوف
عزوف:مافي شي يخوف كثر وجه عبدالرحمن اذا عصب
*الكل ضحك*
عبدالرحمن يضحك:انقلعي ي الحيوانه
عمير:لحن الذيب حقك للحين موجود ولا خلاص راح
سهاج:شديد للحين عندها
لـحن وهي تفصفص:صدق انتبهو تراه صاير شرس بشكل مو طبيعي عشان كذا لاحد يقرب لمكانه
عزيز:صدق وش نوعه ذيبك ،هو ذيب بري ولا شنو بالضبط؟
لـحن:هو ذيب رمادي كندي .
عزيز:اف ماشاء الله اقوى نوع ذا كيف جبتيه؟
سـهاج:هذا الله يسلمكم كان فيه سياح كندين وكنت المرشد حقهم وكان معهم واحد مربي حيوانات مفترسه الوكاد انه يوم خيمو كانت لـحن معي وشافها الرجال كيف تطارد الكلاب واعجبته وجاء صوبها ويوريها حيواناته وشافت الذيب وعجبها وقتها هو قال بعطيه لك
عمير:وجابه لها؟
سـهاج:لا جاب ولد الذيب الصغير معه جوازه ومعه كامل مستحقاته وسلمه للحن ونبهها على اشياء فيه
غزيل:الذيب صار له جواز وانا للحين م سافرت حدي الديره
عزيز:من عيوني بسفرك برا السعوديه
غزيل:والله احبك ي احلى اخو
عزيز:وانا بعد
محسن:طيب الذيب هذا قدر يتعايش بديار ذي ؟
لـحن:ايه ربيته من الصغر بالبر علشان يتعود عليها
محسن:حلو حلو
اورنس وقف:يلا استاذنكم على الجلسه الحلوه ذي بروح للمخيم
نجمه وقفت وراه:يمه اورنس تعال ابيك
.
.
___
*نجمه واورنس بالمجلس الداخلي*
نجمه:فيك شي ي اورنس؟
اورنس:لا
نجمه:اكيد؟
اورنس يبوس راسها:كيف يصير فيني شي وقدامي اجمل ام في الحياه
نجمه تحضنه:الله يحفظك لي يارب ،اسمع انتبه في البر مو تسمع اي شي تتبعه سمعت؟
اورنس ياشر على عيونه:ابشريي من عيوني
نجمه:الله يحفظهم يارب
*نجمه اخذت فروه وجكيت وملابس داخليه ثقيله وحاطتهم بشنطه:اسمع لميت لك ملابس علشان البرد
ارونس مسك يدينه وقعد يبوسهم:الله يخليك يارب
دخل عليهم سهاج:وش تسوون ؟
نجمه:اسولف مع ولدي
سهاج يمسك اورنس من يده وتكلم بمزح:هذا ولدي انا
نجمه سحبته:لا والله ولدي انا
سهاج يسحبه صوبه:لا لا ولدي انا
نجمه تسحبه لها:لا ولدي انا
اورنس بينهم يضحك:خلاص طيب انا ولدكم كلكم
سهاج سحبه لحضنه وسحب نجمه لحضنه بعد:كلكم فوادي انتم
اورنس يبوس راسه:الله يخليك ذخر لنا طول العمر
رمـح دخلت:يلعنم الخيانه *نادت لحن ونود يجون يشوفون*
سهاج:اي ابلش بغيرة البنات
رمح ركضت ودخلت بحضن ابوها بين امها واورنس:الله حضنكم دافي
*نـود ولـحن دخلو وشافو المنظر ،نـود:هيه وانا ،جت من وراء اختها وضمتها *
لـحن وقفت تناظر فيهم وتبتسم،سهاج ناظر فيها:وانتي م تبين تجين
نجمه:من صغرها توقف وتناظر كذا
لـحن تجي لهم بسرعه:افا عليكم حضن عائلي م يتفوت .
*جت جهة اورنس وضمها اورنس واختفت في حضنهم ،ضحك ارونس*:فار مو ادميه
سهاج وهو حاضنهم كلهم:الله يحفظكم ويخليكم لي يارب
*كلهم*:اميين
لـحن بعدت:يلا انا بروح انام
رمـح:وانا بطلع اشوف خيلي
نـود:انا بذاكر
سهاج:الله يوفقكم
اورنس:وانا بروح للمخيم
سهاج:تعال بوصيك على اشياء هناك *سهاج واورنس طلعو *
*ونجمه رجعت عند عايشه والرغد والجده .*
رمـح بدلت لبسها للبس خيول وطلعت عليها عبايتها الخفيفه :يلا بااي *تقولها للبنات والحريم*
جمر طلع وراها ويقلدها:يلا باااي *ينعم صوته*
رمح:طلع صوتك الانوثي
جمر:اي امشي ي قملتي *رمح اقصرهم*
*جمر ورمح طلعو من البيت وقابلتها رعد اللي فاله شعرها وتضحك مع مرعد*
رمح ابتسمت للرعد وتاشر لها بهاي،رعد جت صوبها وحضنتها:كيفك عيوني *جمر وقف يناظر فيها*
رمح:الحمدلله وينك مالك حس بسناب
رعد:والله اتابع مسلسلي
رمح:اها تمشين معنا؟
رعد رفعت نظرها لجمر وابتسمت على جنب ثم اكملت لرمح:لوين
*مرعد واقف يسولف مع جمر *
رمح:بنروح للاسطبل حقنا
رعد صفقت:الله زمان عن الخيول يلا بستاذن من ابوي واجيك
رمح:يلا
مرعد وجمر يناظرو بعض ،مرعد:شسالفه
جمرينعم صوته يقهر رمح:بنروح للاسطبل حقنا
رمح تسمعه:ياليل التقليد
مرعد دفه:يورع استرجل
جمر ضحك:شفيك انت بتروح معنا؟
مرعد:يوهه عاد انا قبل عندي خيول بس بعناها من نقلنا
رمـح شاركتهم السالفه:اح فيه احد يبيع خيوله؟
مرعد وعيونه عليها:ايه كنا مضطرين
رمـح:عوافي ان شاء الله تكون خيره
جمر حط يده على كتف مرعد:بس تعال نشوف الاسطبل
جت رعد تركض وطاحت قدامهم ،جمر ناظرها:بسم لله عليك
مرعد راح لااخته ومسكها:شفيك طايره
رعد تضحك وتبكي :كنت بجي اقول لرمح ان ابوي وافق
*جمر يناظرها ويتبسم*
*رمح جت ومسكت رعد وراحو سوا و وراهم مرعد وجمر *
.
.
———
*عند البنات*
متجمعات في صاله ومشغلات التدفئه ومسويات شاي ومكسرات.
رتيل تفصفص:بنات حرفيا ترا المكان يجنن لازم نرتب طلعتنا
عزوف:ايي من اليوم اقولهم بنزين جلستنا ونجهز الهبات
غيام:برد هناك؟
نـود وهي جالسه بينهم:حبيبي انتي تدفي حيل هناك مو برد هناك ثلج يضرب بالعظم
رذاذ:الحمدلله طلبيتي بتوصل بكرا
غزيل:الحمدلله طلبيتي وصلت قبل يومين
عزوف:اخيرا نص ملابسي معك ولاعلمتيني عنها
غزيل:توي تذكرت اصلا
لـحن طلعت من غرفتها وجلست عندهم:وش خططتم للمخيم!
غيام عبست ملامحها،رتيل:تونا كنا نرتب
لـحن شافت غيام:شفيك ي غيامي؟
غيام:مافي شي
عزوف:م حسبت حسابها بملابس الشتاء
لـحن:اما!
غيام:اي م جبت لي اصلا .
لـحن:اجل اسمعي بكرا تروحين معي السوق نشتري ملابس لي ولك!
غيام:والله؟
لـحن:ايي اصلا م عندي انا بعد
غيام ابتسمت:خلاص اتفقنا
غرور طلعت قائمه طويله من دفترها:بنات كتبت كل اللي نحتاجه بنروح بكرا نشتريه طبعا
نـود:بنات صدق بنات هداج جارنا بيجون معنا مخيمنا لازم نوريهم كل شي مرتب وجاهز ونظيف
غزيل:اي سمعت انهم جايين من رياض اكيد مخيماتهم هناك فخمه .
لـحن:بنات بلا غباء هناك مخيمات خيام عادي ودبابات وماتور كهرباء واحنا بيوت شعر وبعدين ترا يسمونه عزبة حلال مو مخيم
رذاذ:اص انتي قاتله للمتعه
رتيل:ي ذكيه اصلا اسمه مخيم بس يختلف مخيم بدو ومخيم حضر
لـحن تميل طرف شفتها:يع تفلسف .
رتيل:اص
لـحن:اص انتي
رذاذ:بنات اهجدو مو وقتكم
غـرور:المهم بكرا بنمشي نجيب الاغراض يعني ي لحن بتودينا
لـحن:نـود من يوديك للدوام
رتيل تغمز لها:شرار
لـحن:شف الكمخه اخوك طلع مع اورنس
رتيل:ايه صح
لـحن:بودي نـود بدري ثم اجي تكونو ونمشي
*البنات اتفقو مابينهم وجهزو اللي يبونه*
.
.
——
*مرعد واقف يحاول يخلي الخيل يتعرف عليه ،وكان يناظر بـرمح وهي تلاعب خيلها
وسرح فيها ونسى نفسه ،قاطعه صوت جمر*
جمر:هيه مرعد تعال يلا
مرعد ابتسم:يلا جاي
.
.