كتمان [ مكتملة ]

الحلقة 13

#كتمان

ساعات الدنيا تلاقينا بعباد مختلفين علينا وجامي تخيلنا في حياتنا انهم يقدرو يكون جزء منها.... لكن ترميهم الحياة في وجهك... صدفة.....يقدرو يكونو سبب في تغيير حياتك كاملة.... ولي صرا مع علاء كان واحد من التجارب هادي.... علاه هو بالذات لي منعها... وعلاه حبس ملول في هاديك البلاصة... علاه وكيفاه ؟؟؟ أسئلة تدور في بالو كيما قاعدة دور في بالي وبالكم....... هو لي يحارب فحياتو ويتمنا يموت

......... طبطبت بزربة على الباب وكلها شوق... توحشتو وتوحشت صوتو....و هي لي بقات عايشة غير على جالو..... تفتح الباب وخرجلتها مرة تجي اكتر منها في العمر..... شافت معاها ملفوق لللوط....
... "ختي ماعندنا منمدو... ربي ينوب عليك..."
وجات رايحة تقفل الباب..... حبستها بزربة،
".... لا اختي انا نحوس على الياس يخي لهنا يسكن...."
"..... وي لهنا.... شكون نتيا ؟ وش تستحقي منو"
"انا..... قطع عليها صوتو وهو جاي للباب
".... سلمى شكون لتما..... " حل شافها قدامو... صدمتو زادت كي شفها بهاديك الحالة.... متوقعهاش تجي هنايا من بعد ستة شهر... حاول يخبي صدمتو وجاوبها بصوت بارد...
".... شكون نتيا.... ختي معندناش شوفي جيهة خلاف..."
صدمها بردة فعلو... يعني نساها ونسا كلشي... تبسمت معاه وقالت بصوت حنين عاشق..
".... الياس هادي انا؟؟ معرفتنيش.. حبيبتك فتونة.... لي تحبك وتموت عليك وقعدت عايشة غير بش ترجعلك وترجع لحضنك يا عمري....."
"..... سلمى روحي جيبي سو ميل من جيب الفيستا..... "
شافت معاه وراحت دخلت... وهو دور خنزر فيها...
".... منين خرجتي درك.... فتون انا دركا مزوج.. روحي نسايني.... منقدروش نرجعو مع بعضانا وربي يرزقك براجل على قد نيتك نشاله "
تقدو تتخيلو حالتها درك، العبد لي حبتو من ست سنين.... تحدات عايلتها على جالو.... ضيعت حياتها في سبيطار مهابل وحاول تنتحر بش متزوجش بغيرو.... خسر عليها كلمة إنسايني..... كيفاه تنسى وشكون لي راح ينسيها...... هل خلق الحب للنسيان؟؟ من ذلك العاشق المزيف الذي اختلق تلك الكذبة البشعة...... ؟؟؟ متقدريش تنساي عبد بكيتي عليه ليالي وتحطمتي....
عينيها تعمرو دموع.... وشواربها يرجفو... تسما زوج ونساها...... رقد مع وحدة خلاف ومس وحدة خلاف...... ولادو رح يكونو معا وحدة أخرى..... أحلام المراهقة والشباب تبخرو والعالم الوردي لي عاشت فيه تسلل الأسود ليه....... صعيب بزاف الموقف لي تحطت فيه...
".... بصح انا نحبك.... تعيش متخلينيش نموت بلا بيك... والله ما مهو بيدي هما لي داوني لتما انا مكنتش مهبولة هئ هئ حبو يبعدوني عليك وحبو يهبلوني بسيف..... نبوسلك رجليك متخلينيش...... ديرني خدامة عندك.... لهم نقعد نشوفك كل يوم متحرمنيش منك.. هئ هئ"
".... فتون اسمحيلي.... وتمنيت نتلاقا بيك بظروف احسن مي هادا هو...، مكانش مكتوب بيناتنا الله غالب... "
قفل الباب عليها.... و الصدمة مزالت مكتسية وجها.... علاه دارلها هكدا علاه واحد ميحبها قد ما تحبو علاه يكرهوها ويتخلاو عليها.... مها لي كانت قدوتها.... ومبعد خوتها وباباها ثم الياس...... الحياة حبست بالنسبة ليها..... انها النهاية
..... لا بل تلك البداية.... 😈☠️🖤💓