عند توق دخلت البيت وهي حاسه ان حياتها انتهت مع فواز وقفها صوت ابوها من نطق بحده : هذا اللي كان لازم يصير ياتوق
توق بسخريه : هذا اللي كان ودك يصير يابو خالد والحين رجعت انا تحت يدك وقمر مو موجوده شبتسوي الحين فيني ؟ بكمل خدمه لك ولا تبيني انذل لغيرك وش تبي يبه ؟ وش الي يرضيك ؟ اخذت مني كل شي اخذت حب حياتي واخذت ولدي واخذت كل شي مني دمرت حياتي كلها
ابو خالد : كل شي عشانك
توق : وش فرق بينك وبين اخوك انت بعد نفس الشي هو تركني والحين انت ظلمتني تفكرني بسامحك ؟ هذي وصيه امي اللي وفيت فيها ؟ ياقساوه قلبك يابو خالد
ابو خالد : لهدرجة تبينه ؟
توق : وش فايده الكلام ؟ انت ماجلست معاه وتفاهمت ولا حتى سمعته اخذتني من بيته بالغش والاحتيال جبتني على اساس بس جمعه واخر شي طلعت تبي تاخذني من بيت زوجي واللي تبيه وصار من انتم؟؟ من مفكرين نفسكم عشان تتحكمو بحياتي ؟؟ زوجتني اياه وانا ماكنت ابيه والحين طلقتني منه وانا مابي اتطلق ؟ ماكفاك ظلم ؟؟
رفع راسه ابو خالد وناظر بعين توق اللي مليانه دموع كسرت خاطره وحس بالندم على تسرعه قرب يبي يراضيها بس وقفته بقسوه : لا تقرب منيي ولا ابيك بحياتي لا تفكر اني بظل معك انا مابيك لا انت ولا ابي
فواز اللي تخلى عني بكل سهوله بسبب
ابو خالد : انا بجلس معاه واذا تفاهمنا بخليه يرجعك
توق بضحكه بوسط دموعها نطقت بسخريه : مين قالك ابيه من بعد اللي صار ؟ مابيه ولا ابيك اطلعو من حياتي ولا تفكر بيجي يوم وبرضا
ركبت غرفتها وحاسه قلبها مكسور مو اغلى ثنين بحياتها من ابوها ومن حبيبها
جلس ابو خالد بحزن على حال بنته جته شمس وجلست جنبه
شمس بحنيه : ندمان؟
ابو خالد: اللي يشوفني بالمحكمه لا يشوفني الحين ؟ ضعفت قدام دموع بنتي ياشمس
شمس : اجل وشوله خليتها تتطلق منه يابو خالد ؟ البنت تبيه وهو يبيها
ابو خالد : واخوي ؟
شمس : اخوك الله يغفر له اخد نصيبه من الدنيا وابو فواز ماسوا الا واجبه وبعدين لا تنسى فضله على بنتك توت والا يابو خالد؟ بتسمح لهم يقولو ابو خالد نسى فضل الرجال على بنته ؟ نسى اللي حمى بنته وحفظها؟
ابو خالد: والحل ؟
شمس : كلم فواز توق لسى بالعده يقدو يرجعها
ابو خالد: بس توق الحين ماتبيه
شمس : انت خلي توق علي وانت روح كلم فواز
ابو خالد : على خير
طلع متوجه لبيت اهل فواز
..........
عند فواز في البيت
خالد: شقلت ؟ تروح معي تكلمه ؟
فواز : واذا طردني ؟ وبعدين اختك ماتبيني ماشفت كلامها لي في المحكمه
توت : كلنا نعرف كيف توق تحبك ومتعلقه فيك وبعدين كل اللي صار سوء تفاهم وسببه ابوي
هديل : بصراحه انا معك توق اذا رفضت ترجع مافي بنت تبي الشخص اللي تخلى عنها بسهوله
خالد بحده: هدييل ؟
هديل : وشو وانا صادقه
فواز بنرفزه : على اساس انا تخليت عنها بمزاجي صح؟
هديل : مهما كان السبب كان المفروض تتمسك فيها ماتتركها
يوسف : هديل فكينا و انت ياخوي كلمه وشوف وش يقولك
قطع عليهم صوت جوال فواز رفع الجوال وارتسمت على ملامحه ابتسامه خفيفه
توت : توق ؟؟
فواز: لا ابوك توق فيها شي ؟
خالد : بسم لله عليها لو فيها شي مابيدق عليك كان بيدق علينا
توت : اي خالد معاه حق
يوسف : وش تنتظر رد
اخد فواز الجوال ورد : هلا
ابو خالد : وينك
فواز: بالبيت ليه ؟ صاير شي في توق
ابو خالد : خمس دقايق وانا عندك اجهز جاي اخدك
فواز بسخريه : ليه جاي تذبحني ؟
ابو خالد: وانا اقول توق اخذت طبع السخافه من مين اثاريه منك ؟
فواز : بالمختصر شتبي ؟
ابو خالد : واضح كلامي اذا تبي زوجتك اطلع لي
سكر الخط بوجه
خالد: شقال ؟
فواز بصدمه : قال اذا ابي زوجتي اطلع له
هديل : حلووو فرصتك جتك
توت باستغراب : ابوي ؟؟ قال لك اطلع ؟ طيب اذا يبيك ترجع توق ليه طلقها منك ؟
يوسف : بالضبط ليه؟
فواز : الحين اعرف منه السالفه كلها
طلع فواز وركب سياره ابو خالد كان عام الصمت بينهم ، قطع ابو خالد الصمت ونطق بهدوء: فهمني موضوع ابوك بالمختصر
فواز : كل شي واضح بالموضوع قلت لك كل شي ما اعتقد انك جايني عشان موضوع قديم
ابو خالد: جايك عشان بنتي
فواز : المعنى يابو خالد
ابو خالد : توق ما اجهضت الطفل بمزاجها انا من عصبيتي ضربتها وطاحت واجهضت وصار اللي صار وقلت لها انك ماتبيها بسبب اللي صار بين اخوي وبين ابوك يعني اللي صار كله سوء تفاهم
فواز وهو يحاول يمسك اعصابه : وش استفدت الحين ؟؟
ابو خالد : كانت لحظه غضب بس بعد ماهديت وفكرت طلع معاكم حق والحيين ابي اصلح غلطتي
فواز : شقصدك
ابو خالد : تبي توق والا لا ياولد عبد الله
فواز : لو مابيها ماكان شفتني معاك هنا
ابو خالد: حاول تكسبها مره ثانيه بعطيك مهله يومين اذا بعد هاليومين سالت بنتي وقالت ماتبيك هنا مالك عندي شي وهذا اخر كلامي
فواز: وشلون بتفاهم معاها وانت مو راضي تطلع
ابو خالد : توق بعد ساعتين عندها موعد في مستشفى ******* روح هناك بخليها تروح مع زوجتي وهي تتصرف بمعنى انها تخليكم لوحدكم
فواز: بس بنتك الحين ماتحل لي
ابو خالد:ماجيتك الا وانا عارف اني جيت عند رجال واعرفك انك عارف حدودك بالشرع وبالقانون
فواز تنهد بقله حيله: واذا رفضتني ؟
ابو خالد ابتسم وحط يده على كتف فواز بحنيه ونطق : توق تحبك شفت هالشي بعينها وبحزنها على فراقك اذا تحبها حاول عشانها والحين توكل على الله
نزل فواز من السياره وكله تفائل بانه بيرجع توق
............
عند توق بالبيت كانت جالسه بغرفتها من بعد ماتروشت ابتسم بحزن من شافت شمس جت وصار تمشط لها شعرها بحنيه
شمس : تصدقين احلى فقره عندي ذي
توق : كنت متعوده امي تسويلي شعري وبعدها فواز كان يحب يسويلي شعري
شمس: توق انتي منجدك ماتبيه ؟
توق بحزن : تخلى عني عند اول مشكله وش يضمن لي ان مايرجع يطلقني
شمس جلست جنبها وضمتها بحضنها بحنيه : ياحبيبتي ياتوق كله سوء تفاهم وان شاء الله ينحل بس انتي لا تيأسي من رحمه الله وان شاء الله الامور كلها بتنحل
توق : الحمد لله على كل شي
شمس : اي بسم لله عليك كذا هذي توق اللي نعرفها والحين يلا حبيبتي قومي نروح موعدك
توق : بس باقي عليه
شمس : لين مانوصل الا جا وقته يلا
قامت توق وجهزت وهي جاهله مين الشخص اللي ينتظرها على باب المستشفى
...........
بعد مرور وقت عند المستشفى كان فواز بالسياره والحماس عنده عاليي وده يشوف توق ويتفاهم معاها ويرجعها له بعد هالايام اللي فاتت بعد دقايق وصلت توق ومعاها شمس ابتسم من شاف السياره وقفت قبال المستشفى قرر ينزل بس سرعان ما غير رايه من فكر برده فعل توق اذا شافته واحتماليه انهاا تسبب مشكلة بالمستشفى
وصلت توق للدكتوره وخلصت امورها بعد اقل من ساعه طلعت مع شمس
شمس : تبين ناخد شي قبل مانمشي
قاطعهم صوت فواز وهو ينطق : برايي زوجتي بتجي معي يا اخت شمس
توق لفت بصدمه ماكانت متوقعه ان بيجي نطقت بحده : انت شجابك هنا ؟ وبعدين شعرفك اني بكون بالمستشفى ؟؟
فواز : مو مهم شعرفني المهم انك بتجين معي
توق بسخريه : انت ميين مفكر نفسك عشان اجي معك ؟؟ ليكون مفكر انك لسى زوجي
فواز : مو مفكر الا انا منجد زوجك
شمس : توق قولي لا اله الا الله لا تعصبين واسمعي منه
توق بعصبيه : وش اسمع ؟؟؟ اسمع كيف تخلى عني بكل سهوله ؟؟ ياشيخه خلي اعذاره له مابيه
فواز : لو سمعتيني بتتفهمي وضعي
توق : والله لو تحلف لي من اليوم لبكرا مابصدقك توكل على الله ولا تحاول انك تطلع قدامي
تنرفز فواز من حركتها وشدها من ذراعها : امشي معي ياتوق احسن لك
توق بحده : انت هييي وخر يدك والا كسرتها لك وبعديين ان ماوخرت عني بصارخ وانت اللي بتخسر
فواز بسخريه : صارخي بشوفك
شمس : توق تكفيين حاولي تهدأي شوي
توق : دقي على ابوي ياشمس خله يجي يتصرف مع هالمعتوه ذا
فواز سحبها من يدها متوجهه للسياره فتح الباب واشر لها : ادخلي
توق : وجعع جعل يدك الكسر ياحيوان اقولك مابجي ماتفهم انت؟؟
فواز : لا ما افهم وبتركبين غصب عنك والا اقسم بمن احل القسم ياتوق انك مابتشوفين خير اخلصي اركبي
توق : مانيب راكبه وعلى مافي خيلك اركبه
فواز : والله ؟
توق : ايي
سحبها وركبها بقووه وركب وحرك السياره بسرعه تاركين شمس اللي ركبت سيارتها وهي كلها ثقه ان
توق بتتصالح مع فواز
..........
عند توق وفواز بالسياره
توق : يامجنوون تبي تموتنا سوق زي الناس
فواز: نسيتي اني جني؟؟؟ مو ذا كلامك ليي ؟
توق لفت عنه وهي متنرفزه وجا على بالها موقف لهم في شهر العسل
(فلاش باك عند توق وفواز قبل اشهر )
صحت توق من نومه عمييقه ابتسمت من حست نفسها نايمه بحضن فواز رفعت راسها وشافته غارق بنومه باسته بخفه ونطقت بهمس : ياجعلني ما اخلى من ذا الوجهه يابعد عيوني
قامت وجهزت سوت لها قهوه وراحت عند النافذه تشرب قهوتها وتصور لخواتها الاجواء فزت من حست بشخص يضمها من ورا ويبوس كتفها
فواز بضحكه: خوفتك ؟
توق بنرفزه : جني انت ؟ خوفتني ترا
فواز: ايي انا الجني العاشق
توق بخوف : يافوااز لا تتكلم عن ذي الامور لاني اخاف
فواز قرب وباس اذنها وهمس : بس انا الجني اللي يعشقك
توق بابتسامه نطقت بحب : اذا انت الجنيي اجل
مابخاف منك
فواز بنفس الهمس : ايي انا الجني ماتشوفيني كل ليله لاصق فييك ومابي افكك منيي ومابفكك بعد لاني احبك
لفت وضمته بقووه انفجع فواز من شاف دموعها
فواز: منجدك خفتي ؟
توق بضحكه وسط دموعها: لا بس تاثرت من حضنتك خايفه افقد ذا الحضن
فواز بمزح: هو انتي بتفقديه لان اذا نولدت بنتي بسحب عليك
توق بغيره ضربته على ظهره بقهر : فواااز
فواز بضحكه: ها ياعيوني
توق : مابي حبني بس انا
فواز بضحكه : زين زين ابشري بس ترا حبيبك جاع ماودك نطلع نفطر
توق : الا
فواز: لا اجل قومي اجهزي
توق : ثواني وبجيك
( الواقع)
فواز قطع الصمت اللي صار ونطق : وش صار ؟ ذكرتني ايامنا ؟
توق بمكابره : انا ما اذكر ولا تفصيل لك نسيتك انت وايامك
فواز : اها نسيتيني بهالسرعه
توق : ايي وبس اخلص عده بتزوج
فواز لف لها بعصبيه ونطق : عيدي اللي قلتي وشوفي وش بسوي فيك
توق : لك عين تهددني ؟؟ وبعدين ايي بتزوج رجال مايتخلى عني عشان احد
فواز بنرفزه ضرب الدركسون بقوه ونطق بصراخ: توووووق سدي حلقك لا اكفر فيك
خافت من عصبيته وسكتت وصدت للجهه الثانيه
ماتبي تعصبه زياده وهي عارفه فواز وعصبيته
........
عند توت ويوسف بشقتهم كانت توت جالسه على اعصابها وهي من عادتها اذا توترت تقوم تشتغل بالبيت حست على يد يوسف تحاوط خصرها وقرب وباسها من رقبتها وهمس : ليه التوتر ذا كله ياروحي ؟
لفت له توت ونطقت بحزن: خايفه الامور ماتكون بخير عند توق وبنفس الوقت
رفعت راسها من سمعته ينطق : خايفه الموضوع يوصل لنا ويجبورني اطلقك؟
توت بغبنه: مابي افقدك وبنفس الوقت مابي اختي تتضرر
ابتسم بحزن من شاف دمعتها طاحت شدها له وضمها بقووه كان وده انه هالحضن يطمنها بس كانت تبكي بحرقه بعد اللي عاشته حست ان ربي عوضعها بيوسف وماتبي تخسره
يوسف بحنيه : والله لو اجتمعو علي كلهم ماخليتك لين تطلع روحي انتي النفس اللي اتنفسه ياتوت لا تفكري ولا تشغلي بالك محد يقدر يفرقنا
توت بهمس : وعد حبيبي ؟
يوسف بحب : وعد ياعيون حبيبك
...........
عند هديل كانت تقطع السلطه بالمطبخ وخالد جالس على الطاوله يفكر ابتسم من شافها لفت عليه وحطت الخيار بفمه
هديل : لا تشيل هم زي ما انا شايفتك بعد كم ساعه بيجو وبيقولو تصالحو
خالد: الله يسامح ابوي مو مخلي هالبنت ترتاح ابدا
هديل : يابن الحلال محلوله باذن لله وبعدين ربك قادر على كل شي شوف حنا كنت متوقع اننا ناخذ بعض ؟طبعا بس ربي كاتب لنا وهم صدقني بيجتمعو لو وقفو ضدهم العالم كله مو بس ابوك
خالد بخبث قرب لها وضمها من ورا ونطق : ايي بعض الناس كانو مفكريني خاطف
هديل بضحكه وخجل : وانا صادقه طيب
خالد : افا للحين
هديل ابتسمت غسلت يدها ونشفتها وقربت منه حاوطت رقبته بيدها ونطقت بحب : انت خطفت قلبي وذي جريمه ترا
خالد بابتسامه جذبت هديل : والله ؟
هديل بخقه بادلته الابتسامه : بس بابتسامتك ذي جالس تجنني كذا
خالد: ياجعلني فدا للجنون اللي بيجي منك زين؟
هديل بجرأه قربت وباستها بقووه وضمته بخجل
خالد بضحكه وعدم استيعاب : منجدك ؟؟ هذي انتي هديل ؟
هديل بضحكه: اففف خالد خلاص اسكت
خالد بضحكه ضمهاا بقووه وكلها ثواني وشالها بين يدينه : برايي طز بالسلطه وبالغذا انا ابي اكل شي ثاني
هديل بخجل : خالد تكفى امي بالصاله لا تفشلني قدامها
خالد: وشلون نروح غرفتك يامدام
هديل : خليها بعديين حبيبي تكفى نزلني
خالد: عيديهم وانزلك
هديل : وشو هم ؟
خالد بهمس : البوسه وكلمتك اللي قلتيها قبل شوي
هديل بعبط : اي كلمه بسم لله
خالد : اوكي بدينا استعباط يلا نقول بسم لله ونطلع
هديل بخوف : زين زين وشو خلاص بقولها
نطقت بخجل : حبيبي
خالد : تكلمين نفسك انتي
انزعجتت من تصرفه بس تبي الفكه خايفه امها تدخل عليهم قربت منه وباسته بخفه وهمست له : حبيبي يصير تنزلني ؟
خالد بحب: جالسه تجرمين فيني يابنت عبد الله
ضحكت من نزلها بسرعه بس سمع صوت امها
دخلت ام فواز ولحسن حظهم دخلت بعد ما نزلها
ام فواز : خالد يمه كلمت فواز شفت شصار معاه ؟
هديل : يمه وشوله يكلمه خليه يعتذر من البنت والله لو مكانها ما اسامحه الخايس
خالد: يابنت الحلال ليه النرفزه ذي كلها الرجال غصب عنه طلقها
هديل : كان يقدر يقول مابي اطلق بصراحه توق منحقها لو زعلت منه
ام فواز: والله متضايقه عليه حبيب امه بس معك حق المفروض مايطلقها ما اقول غير الله يصلح حالهم
........
عند توق وفواز وصل البيت ونزل فتح لها الباب
فواز بعصبيه : اخلصي انزلي
توق : هيي انت لا تجلس تامرني انا ماني زوجتك الحين
فواز: توق لا تعصبيني وانزلي
توق : مانيب نازله مكان واعلى مافي خيلك اركبه وهذي جلسه
تربعت بالكرسي وهي تناظره بتحدي كان معصب وعينه ماتشوف شي قرب منها بعصبيه وسحبها من ذراعها ونزلها بشده حملها وهيي تحاول تفك منه دخل البيت ونزلها على الكنبه
توق بعصبيه : مجنوون انت ؟؟
فواز بنفس العصبيه : قلت لك مليون مرره لا تختبرين صبري جالسه تعصبيني بالسياره بكلامك وكملتيها بعنادك وتبيني اسكت ؟ لييه خروف عندك انا ؟؟
توق : لييه ماصرت خروف عند ابوي من قالك طلق طلقت زيي الغبي
قرب ورفع يده فكرته يبي يضربها و بسرعه مسكت يده ونطقت بحده: اقسم بالله ان حاولت تمد يدك علي
لاكسرها لك فاهم ؟؟
فواز بعصبيه شدها له وحاوط خصرها ونطق : انتي تدرين اني اقدر اسوي فيك اشياء اعظم من الضرب صح ؟
توق بتحدي : انت تدري انك مو جالس تخوفني بكلامك ذا صح ؟
فواز: راسك العنيد ذا بكسره
توق : تخسي
فواز ضحك وهو يشوفها شادتها ومعصبه بس بنفس الوقت يشوفها متوتره من قربه ماتقدر تخفي نبضات قلبها السريعه
فواز: وليه خايفه كذا
توق: بخاف من مين منك ؟؟
فواز: وليه ماتخافي مني
توق: لانك ماتخوف
ابتسم بخبث وقرب منها بالحيل
توق بتوتر: شتبي مني
فواز بابتسامه وهمس : ابيك توق
توق : لو تبيني ماطلقني بس عشان كم كلمه من ابوي
فواز تنهد بضيق ونطق بحزن : طيب خلينا نتفاهم اذا ابوك وتراجع عند عناده انتي ليه للحين معانده ؟
توق بحزن : لانك خيبت ظني فييك انا قلت فواز مابيتركني ابدا بس انت من اول مشكلة طلقتني وش عذرك وانت حالف بربك انك ماتخليني ؟
فواز : كنت مجبور
توق : تدري عاد انت ماتحبني لو تحبني ماكان طلقتني عشان موضوع حنا مالنا يد فيه
فواز بعصبيه : شكي في كل شي الا بحبي لك لا تشكي فيه
توق : وخر عني النفس طابت منك
فواز: قوليها وانتي تطالعيني قولي انك ماتحبيني
توق : ماني قايله شي وخر
فواز : لا تحلمي تطلعي من البيت اليوم لين مانتصالح
توق : اي اطلع بكرا
فواز : والله لو نجلس سنه مابتطلعي من البيت
توق : افففففف مابي اظل انا ليش جالسه اتكلم معك وين جوالي
راحت تبي تاخذ الشنطه بس سحبها منها بسرعه : قلت لك مافي
توق : وشو الموضوع بالغصب
فواز : ايي انثبري مكانك يا تسمعيني يا مافي طلعه
توق : انت ملاحظ اني مو زوجتك
فواز: انتي ملاحظه اني اقدر ارجعك صح ؟
توق : يعني ؟
فواز : يعني انتي فاهمه قصدي توق وبلا لف ودوران اجلسي يابنت الحلال خلينا نتفاهم
توق : واذا قلت لك مابيك
فواز: انا وانتي عارفين اننا نحب بعض ونبي بعض ليه نضيع وقت
توق بصراخ : اففف انت اللي تركتنيي مو انااا وانت عارف اننا توناا فاقديين الجنين اللي كان ببطني وفقدته عشان ما افقدك ومع ذلك ما اهتميييت لييي
فواز بعصبيه : ابووك اللي قال ليي انك اجهضتييه
حكا لها كل شي صار ظلت واقفه ودموعها تطيح
توق قربت منه بنفس العصبيه ونفس لصراخ : وانت غبيي ؟؟ ماتعرفني ؟؟ انا بذبح ولدي ؟ ولييه ؟ عشان مشكلة بيني وبين ابوه ؟؟ وياليت المشكلة لنا دخل فييها بعد
شدها له وباسها بقوه حس بدموعها تطيح بس ماوقف لانه يعرف انها تبيه بس تكابر كلها ثواني واستسلمت له بادلته بعد عنها وضمها بقوه
فواز بحزن : اسف
توق ببكى : بترجع تتركني ولو صارت مشكلة ثانيه
بترجع تسوي نفس الشي
فواز: لا اقسم بجلال الله اني ماعاد اعيدها صدقيني تكفيين لا تخلينا نتشتت تكفيين
توق رفعت راسها وناظرته قرب وباس عيونها ومسح دموعها ونطق : دموعك أغلى من جروحي ،لا تهلّينها
توق : توعدني هالمره ماتتركني ؟
فواز : اوعدك ما اتركك ليين ماتتركني روحي
توق : بسم لله عليك
فواز: طاح الحطب ؟
توق بابتسامه خفيفه : شوي
فواز: وشلون يطيح كله ؟
توق : امممم انت وشطارتك
فواز : تعالي معي يلا
مسك يدها ودخل غرفته ناظرته الغرفه وهي مشتاقه لها بالحيل حست بيده جالسه تشيل عبايتها مسكت عبايتها بقوه ولفت له : لااا
فواز: شفيك
توق : لبسي مو حلو
فواز : امممم زين انا احبك بكل حالاتك
توق : لا فواز مابي
فواز: زين تبين تتروشين ؟
توق : ايي طيب
فواز: انا بروح مكان وبرجع مابطول طيب تكفين لا تجرحيني وتطلعي من البيت تكفين
توق قربت منه بحب ونطقت :انا هالمره سامحتك لا تخليني ازعل منك مره ثانيه وما اسامحك عشان كذا لا تطول علي عشان مانتزاعل
فواز بحماس : جايك طيران
توق : بنتظرك بس فواز ابوي
فواز: ابوك ماعليك منه اموره تمام
توق : اكيد؟
فواز : اكييد وبعدين اذا جيت ابيك كاشخه عندي لك مفاجئه
توق بحماس : جد ؟ وشو هي
فواز : جيتي تشوفي
توق : اءء طيب والطلاق
فواز: انا رايح احل الاجراءات وبجيك
توق بابتسامه : طيب انتظرك
قرب وباسها بخفه وطلع وهو في خوف داخله خايف توق ماتنتظره وتطلع بعكس توق اللي كانت متحمسه صحيح لسى زعلانه منه بس بعد ماعرفت انه ماله ذنب وكل اللي صار سوء تفاهم دخلت تروشت وضبطت امورها طلعت لبست فستان ابيض ناعم طويل ومكشوف الظهر حطت لها كريماتها وتعطرت ضبطت المكياج لبست اكسسوارتها ونزلت حاولت تسوي لهم كم طبق خفيف وجهزت لهم طاوله وضبطت الاجواء كانت اجواء هادئه ورومنسيه وبعد ساعه كانت جاهزه تنتظر فواز كانت تطل على بوابه البيت من النافذه ابتسمت من شافت فواز جاي بس كان كاشخ لابس ثوب وشماغ ومعاه اكياس ما اهتمت للاكياس كثر اهتمامها بجيته رتبت شكلها للمره الاخيره التفت من سمعته يصفر ابتسمت وهي تناظره واقف وخاق عليها
فواز قرب منها وضمها بقووه له ونطق بحب : ياربي احفظ عقلي
توق بخجل : طولت وين رحت
فواز : خليك مني ممكن افهم حبيبتي وش ذي الكشخه ؟
توق : شوف من يتكلم الظاهر ماشفت نفسك كيف صاير تجنن
فواز : عيونك اللي تجنن بس ترا احس ناقصك شي
توق بتوتر : جد ؟ وشو ناقصني ؟
فواز: تعالي معي
دخل الغرفه وهو حامل الاكياس حط الكيس الاول وطلع منه علبه ابتسمت من شافت فيهم دبل
توق : فواز ؟
فواز : قلت بما اننا بنبدا حياه جديده ليه مانجدل الدبل بعد
قام وجلس على ركبته قدامها ونطق بحب : انا بصراحه اشوفك تتابعين افلام رومنسيه وتحبي ذي الاشياء وانا رجال ماعرف بذي الامور بس بتكلم لك عن اللي بقلبي
توقي ؟ انتي موافقه تكونين سندي بالحياه ؟ موافقه تكونين زوجتي وام عيالي وكل شي بالنسبه لي ؟
توق ودموعها بدت تطيح نطقت بحب : اكييد موافقه ياسند قلبي اكييد
قرب منها بحب وضمهاا بقووه اخذ الدبله ولبسها اياها ونزل باس يدها بكل حب اخذت الدبله ولبسته وهي تناظره بحب قربت وحطت راسها على كتفه ونطقت بهمس : احبك
فواز باس راسها ونطق : وانا اموت فيك بس بعد لسى في شي ناقص
توق بضحكه : وشو ؟
مسك يدها و وقفها قبال المرايا
توق : مافي شي فواز كل شي موجود
ابتسمت من شافته لبسها سلسال قرب منها وضمها وباسها من ورا
فواز: حسيته يناسبك
توق ركزت بالسلسال شافت فيه رسمه القمر
فواز: حلو؟
توق : اكييد حبيبي اكييد دامه منك احلى شي بالدنيا ذا
شالها وحطها على السرير واعتلاها قرب بيبوسها بس توق وقفته : فواز الاكل جاهز يلا ناكل
فواز بخبث : انا اكلي هناا مابي اكل ثاني
توق : بس انا مجهزه كل شي وبعدين شصار على الطلاق
فواز وهو يبوسها :توقي قلنا مانبي اكل والطلاق انا حليته خلاص انتي زوجتي الحيين
توق : اي بس
قاطعها وهو يبوسها اكثثر .......
وانتهت ليلتهم
............
عند شمس وابو خالد
كان جالس بالسطح يحاول يفكر بطريقه منطقيه ، بطريقه ماتخسره بناته دخلت عليه شمس وهي حامله دله القهوه ابتسم من شافها تناظره
ابو خالد: محد مهون علي هالايام غير ابتسامتك
شمس : يابعد عيني يلا تعال تقهوى
جلس جنبها وهي ملاحظه سرحانه حطت يدها على يده وشدت عليها ونطقت : لا تخاف توق امورها تمام
ابو خالد: ادري بس الحين بعد مافكرت باللي صار وبنتي بسببي فقدت ولدها والله معرف شسوي ياشمس
شمس: ماعليه يابو خالد والشيطان شاطر وكلها غمامه سوداء مرت علينا وراحت اهم شي الحين تحاول تكسب بناتك
ابو خالد: وشلون
شمس : شرايك بكرا نروح لهم وتجلس معاهم ونتفاهم شقلت ؟
ابو خالد: وتتوقعين بيستقبلوني ؟
شمس : اكييد والله ان بناتك مافي اطيب من قلبهم صدقني مابيطردوك
ابو خالد : ان شاء الله ياشمس ان شاء الله
ابتسمت ومدت له فنجان القهوه وبدت تحكي له وتحاول تغيير جوه وبالفعل بهالجلسه شمس رتبت افكاره ورجعته لوعيه صار يبي بس رضا بناته
كملو الجلسات وبعدها نزلو للنوم وانتهت ليلتهم
..........
يوم جديد على الابطال
صحت توق مدت يدها تدور فواز مالقت فزت من نومها خايفه فكرته تركها لبست الروب ونزلت تحت تركض تنهدت براحه من شافته بالصاله عند الايباد رفع راسه وشافها سانده راسها على الدرج فز لها وقرب بخوف
فواز: توقي شفيك
توق : مدري خفت لما ماشفتك جنبي
فواز بضحكه : اهخخ منك ومن لدراما حقتك
توق بنرفزه: انقلع انا الغلطانه اللي خفت اذلف بس
راحت الغرفه وهي معصبه منه : سخيف قال ايش قال دراما
دخلت تروشت وطلعت لبست بنطول عادي وبلوزه قصيره اشبه بالبدي رتبت شكلها قاطعها دخول فواز وبيده القهوه
توق: اطلع برا
فواز : بسم لله شفيك انتي تونا شزيننا
توق : انت اللي بديت
فواز قرب منها يبي يضمها : اي طيب شسويت ياعين ابوي قولي لي
توق بنرفزه وخرت يده بعنف : انقلع
فواز : متاكده ؟
توق : ايي قلت لك انقلع ماتفهم انت؟
فواز بعصبيه : انتي وش في راسك ليه كل ذا
توق : مو انا دراما ؟ خلاص اتركني
فواز : يليل منجدك انتي ؟؟
توق : ايي مو تقول دراما
فواز بتمثيل الزعل : انا كنت امزح معك بس الظاهر انتي كارهتني فخلاص ليه اتعب نفسي معك توكلي على الله
جلس على السرير وهو يشرب قهوته متجاهل نظرات توق له كانت تناظره بندم ماكانت متوقعه انه بيزعل
توق بهدوء: زعلت ؟
فواز بسخريه : على اساس يهمك يعني ؟
توق : فواز اكيد يهمني
فواز : توكلي على الله يلا
قربت وجلست على رجله وحاوطت رقبته بيدينها
توق بهمس : ناظرني
فواز : توك تقولين انقلع الحين ناظرني ؟ لو سمحتي قومي
توق بدلع : بس انا مابي اقوم ابي اظل بحضنك بتقومني بالغصب ؟
فواز بمكابره : اي يلا انقلعي
توق : انا انقلع ؟
فواز : اي يلا قدامي
توق : عناد فيك مابقوم يلا ها شبتسوي
صد عنها بمعنى مايبي يكلمها
توق : يعع بزر انت ؟
فواز : تبين رضاي ؟
توق : ابيك ترضا وبعدين انت شفييك قلبت الطاوله علي
فواز : يا ام لسان ماقلبت شي عليك بس انتي صايره دلوعه وحساسهز
توق وهي سانده راسها على كتفه : اففف طيب كيف ترضا ؟
فواز بهدوء وهو ماسك يدها : ابوك بيجي بعد شوي خلينا ننسى اللي صار
توق بعصبيه قامت و وقفت : وش تقول انت ؟؟ هالانسان ذبح ولدنا
فواز : توق ياعيني استهدي بالله وبعدين اللي صار قضاء وقدر
توق : ماتقدر تحط له اعذار
فواز : بس ظليتي ببيته انتي
توق : كنت ناويه اطلع من بيته ومن حياته ومن كل شي
فواز : يابنت الحلال هذا ابوك اللي رباك بتنسي كل اللي سواه عشانك ؟
توق بغبنه : يافواز انا مو جاحده بس اللي صار مايتنسى
فواز بحنيه اخذها وجلسها بحضنه وصار يمسح على شعرها ونطق : حبيبتي اللي صار شي مكتوب لنا والشيطان دخل بيننا والحمد لله ربك حلها اعطيه فرصه
توق بدموع : اخر مره شفت بعينك وش صار بالبدايه كان كويس ويانا وبعدين فجأه رجع فواز انا مابي اعطيه فرصه ويرجع لعادته وقساوته
فواز : اسمعيني طيب اعطيه ذي اخر فرصه وبعدين ياحبيبي مايصير تنسي فضله عليك بسبب غلطه صارت شقلتي ؟
توق ناظرته : كذا رايك؟
فواز : ايي وروقينا عاد ياحلوه ماصارت تونا عرسان
توق بهدوء: عرسان بدون عرس
فواز ابتسم وبعد شعرها عن عينها ونطق بحنيه : من قالك ؟
توق : شلون من قال لي ذا اللي نشوفه
فواز : مو كل شي تشوفيه تصدقيه
توق بفهاوه: وش يعني
ابتسم وباس راسها ونطق : اجهزي يلا اهلنا جايين
توق : ابوي وشمس ؟
فواز: الكل بيجي وخواتك عندهم لك مفاجاة
توق بحماس : جدددد ؟ وشو
فواز : انا طالع وانتي جهزي نفسك ومن ناحيه الضيافه لا تخافي كل شي جاهز بس انا اليوم مابتشوفيني الا
بالليل
توق بخوف : ليييش
فواز : لا تخافي بعدين بتعرفي كل شي
توق : يالله منك يافواز دائما ماخذ وضعيه الرجل الغامض
فواز وهو يرسل لها بوسه : قصدك الرجل العاشق يلا ياحلوه نلتقي بعدين
نزلت وراه وهي ناويه توقفه تبي تعرف كل شي بس وقفها صوت الباب تراجعت وركضت للغرفه تجهز بسرعه فواز ضحك من شافها تركض وتوجهه يفتح الباب لاهله واهل توق ماعادا تالين و عزام لسى ماجو
...........
عند تالين ببيتها كانت جالسه تجهز حور الصغيره دخل عليها عزام وهو مبتسم
تالين: حبي جهزت؟
عزام : اي ياعيوني بس عطيني النتفه ذي ابوسها
تالين : عزام تكفى خلها انا ماصدقت لين سكتت بتجي تبسوها بتقعد تبكي
فاجئتها حور اللي كانت ماده يدها لابوها بمعنى تبيه يحملها
تالين بشهقه : ذي البنت مو طبيعيه بتجنني
عزام بضحكه : يلا يلا قومي اجهزي ليين نطلع انا وحبيبه ابوها
تالين : اففف
عزام : ياورعه لا تتاففي
تالين : زين زين
قامت جهزت وكلها ثواني وطلعت لعزام
.........
عند توق جهزت ونزلت عند الحريم تحت استقبلتها توت بحماس
توت : ياهلا والله ياعروستنا
توق بضحكه : اي عروس اي بطيخ
ام فواز بابتسامه قربت وضمها بحنيه ونطقت: ليه ماتدري ان اليوم عرسك ؟
توق : ايييش ؟؟ عرس ميين ؟ من متى بنسوي عرس ؟
ام فواز : الظاهر ولدي العنيد ماقال لك بس تراه حاجز كل شي من قبل ومضبط الامور كلها والليله عرسكم
توق : ياويلي بس انا ماجهزت شي ابدا كيييف ؟؟
هديل : ومن قال لك يحتاج تجهزي ؟
شمس : اي والله معاهم حق ياحبيبتي كل شي جاهز
توق بنرفزه : اييي وش بلبس بالله؟
توت بضحكه: تعالي تعالي
طلعت لها فستان ناظرته توق بصدمه
"فلاش باك بين توق وفواز في شهر العسل"
كانت توق منسدحه بحضنه وكانو يتابعو فيلم رومنسي
توق : فواز شوف كييف فستانها حلو
فواز : تبين مثله ؟
توق : تمزح معي اكيد فستان زفاف وش لي فيه
فواز : اي شفيها رجعتنا نسوي لنا زواج
توق : ايي والناس بتمسكنا مسخره
فواز وهو يلعب بشعرها: شعلينا من الناس اهم شي انا وانتي
توق : لا مابي وبعديين انت معي مابي عرس ابدا
فواز : منجد مثلا لو قلت لك بنسوي زواج لنا وش تختاري فستان
توق : امممم اصبر بطلعه لك
فتحت جوالها وطلعت له فستان ابيض ناعم مكشوف من الاكتاف كان خفيف وناعم بشكل جميل
توق : هذا شوف كيف خفيف وناعم
فواز : انا متاكد بيكون عليك احلى
توق : مو مهم العرس مو مهم شي اهم شي حبيبي عندي و ولدنا بيجينا قريب
" الواقع عند البنات"
توق بهدوء : جابه ؟
هديل : تتوقعي يوقفه شي ؟
توق لفت لها باستغراب : كنتي تعرفي ؟
هديل : قبل ماتصير المشاكل حجز كل شي بس بعد ماصارت المشاكل اجلها
ام فواز : والحين نبي نفرح فيكم ياتوق لا تحرمينا
توق : لا خالتي ليه احرمك بس يعني استغربت
توت : يووو ياتوق لا تقلبيها دراما عادي يلاا نقوم الحين نجهز وترا كل شي بيجي لك مكياجك وشعرك وفستانك و اكسسوارتك بس عليك تروحين القاعه
توق : وفواز
هديل : فواز لا تحاتيه يوسف و خالد وعزام ماقصرو
جهزو معاه كل شي
ام فواز : اليوم لا تفكري بشي غييرك يلا ياحلوه
شمس مسكتها بهدوء ونطقت بحنيه : ابوك يبي يكلمك برا يلا تعالي
تنهدت بضيق وطلعت معاها شافت ابوها جالسه وساند نفسه على الكرسي وباين عليه التعب
قربت منه وباست راسه ابتسم لها بحزن
ابو خالد : توق يبه انا
توق : تبيني اسامحك ؟
ابو خالد بحزن نزل راسه : اي
توق بحنيه ضمته بقوه ونطقت : خليك معي اليوم يبه خليك بيوم زواجي وسلمني له زي ماسلمتني اول مره له غصب عني اليوم سلمني له وانا راضيه يبه
ابو خالد بحب ضمها وباس راسها : ابشري يابوك ابشري
توق : تزفني له؟
ابو خالد : ابشري بعزك يابنت ابوك
توق : الله لا يحرمني منك
قاطعتهم تالين اللي تتهاوش مع بنتها وعزام اللي يحاول يهدا الوضع
تالين : يالله بتجلطني ذي البنت خلاااص
عزام : يابنت الحلال صوتك وبعدين يعني
دخلت توق مع شمس بسرعه
ابو خالد : اشوا انكم طلعتو صوت عشان تدخل شمس وتوق
عزام باحراج : والله اعذرني ياعمي
ابو خالد: ماعليك ماصار شي يلا ادخلو
قربت تالين بتدخل بس وقفها ابوها وهو ياخذ حور منها
ابو خالد : هاتي البنت وادخلي جننتيها
تالين : اناا اللي جننتها والا هي
عزام بضحكه : ادخلي ادخلي
دخلت تالين وتوجهو ابو خالد وعزام للشباب دخلو ورحبو بعزام قرب فواز واخذ حور من ابو خالد
يوسف وهو يناظر فواز بحضنه حور: والله ياولد يليق بك تكون اب
فواز رفع راسه وشاف ابو خالد يناظره بندم ابتسم له بمعنى ولا يهمك
فواز : الله يكتب لنا ولكم الذريه الصالحه
الجميع : اللهم اميين
ابو خالد : يبه فواز عزمت الناس والا
فواز : ايي ياعمي الكل بيجي وكلمت اهلكم بعد لا تحاتي
خالد بهدوء : وابو توق ؟
ابو خالد بحده : ابو توق انا وهذاني حاضر من باقي
فواز : محد ياعمي محد بس خالد قصده اخوك مانبلغه
ابو خالد : مانبلغه ولا نبيه وحتى لو بلغته مابيمديه يجيك خله يذلف
عزام بمحاوله تلطيف الجو : هاا يافواز كيف الحماس
فواز بضحكه واحراج : يعني ماشي الحال
يوسف بتسرع : وشوله يتحمس البنت وشايفها ودخل عليها بعد ليه يتحمس
خالد بضحكه رما عليه علبه الماي : استح ياولد ابوي موجود استح
ابو خالد بضحكه : الله يصلح حالكم ياعيال
............
عند توق بالغرفه
توق : يالله مررره متوتره
هديل : توق سدي حلقك ترا بتوتريني وياك
توت : اقول اجهزو وانتم ساكتين
توق : خالتي ام فواز وينها ؟
هديل : خالاتي تحت مع بناتهم ف ظلت معاهم
توق : وليه ماركبو بناتها معانا يجهزو
هديل : تكفيين مانبيهم
توت : والله حرام عليك البنات شزينهم
هديل : اقول اسكتي انتي وياها مانبي احد
تالين : توق حبيبي اخذي اشربي العصير
توت بعجله : لا لا وشو اللي اشربي مافي
توق : خييير ماتبيني اشرب شي تراني بجوعي
توت : حبيبي خلصي شعرك وبعدين ابلعي
توق : افففف
هديل : معاها حق
مر الوقت بسرعه وجهزو البنات كلهم وتوجهو كلهم للقاعه
توق كانت لابسه الفستان وطالعه زي الحوريات كان شعرها ويفي والطرحه ناعمه
هديل كانت لابسه فستان ازرق ومسويه شعرها كيرلي
توت وتالين مسويين شعرهم ستريت ، توت لابسه فستان اسود و تالين لابسه فستان بنفسجي
...........
توق بغرفه العروس كانت تناظر نفسها
توق : احس في شي بشكلي
توت : بدينا بهواجيس العروس
توق : ماله دخل
هديل : وش زينك تهبليين وبعدين اسكتو لا تعطلوني بروح اشوف الحب
تالين: يع يع اللي يسمعها مدري من بتشوفي كله خالد
هديل : يابنتي يازينه هالخالد ماخد حته من قلبي
توت بضحكه : قلبت اللهجة مصريه بعد
ضحكت هديل وطلعت لخالد برا
كان واقف وماسك جواله ابتسم من سمع صوتها
هديل بنعومه : اللي ماخذ عقل حبيبي يتهنى
خالد ضحك وقرب منها وشدها لها ونطق بحب
خالد: والله محد ماخذ عقل حبيبك غيرك
هديل بخجل : اممم طيب ماقلت لي شرايك بشكلي ؟
خالد : يحتاج اقول ؟ شهادتي فيك مجروحه
هديل : اجل انا وش اقول جمالك اخد حته من قلبي
خالد بضحكه : والله ؟
هديل ضمته بحب : افف اليوم جايني مشاعر حب تجاهك بشكل مو طبيعي ودي فيك
خالد بصدمه ضحك : ودك فيني كيف يعني ياحلوه؟
هديل : افهمها بالطريقه اللي تبيها
خالد ابتسم و همس باذنها : بفهمها بالطريقه اللي خبرك فيها
هديل بخجل : يمكن ذي الطريقه
خالد ضحك ومسك يدها : يلاا نمشي نروح البيت
هديل بضحكه : لا لا خليك
خالد: تبين تجننيني انتي ؟
هديل طلعت روجها من شنطتها وصارت تحط لها وهي تناظره ونطقت : ابي بالك يكون معي طول الوقت
حست فيه يبي يقرب لها ركضت ودخلت وهي تضحك
خالد اخذ جواله ارسل لها : اوريك ياهديل والله لانتقم منك
هديل : يامامي خفت بيخطفني خالد
خالد بضحكه : اذا ماودك اسوي لك فضيحه وادخل اسحبك منهم الليله تطلعين لي بدري
هديل: اي نشوف ياسوبرمان
..............
عند توت كانت تكلم يوسف مكالمه فيديو
توت : الحين خلك من ذا قول ليي شرايك فيني
يوسف : تكفين شقول ؟ اقولك عن عيونك الحلوه والا عن الفستان اللي بذبحك عليه
توت :يمه لييش بتذبحني؟
يوسف : ماتشوفينه مبين صدرك
توت : افف يوسف ترا حريم بين بعض
يوسف : اوريك يالمراهقه
توت : خف علينا بس وبعدين يلا سيوو ياحلو لا اتاخر ابي ارقص
يوسف : صوريلي وانتي تصوري
توت بضحكه : تخسيي يلا باي
..........
عند تالين كانت تجهز حور ، وحور اخذ اطباع ابوها عنيده فكانت تبكي ماتبي تلبس الفستان دخلت عليها شمس
تالين بضيق : الله جابك ياشمس
شمس بضحكه : كنت اعرف انك بتكوني منفسه
تالين: اففف مو قادره اتحملها صدقيني ذي البنت ماتحبني
شمس بضحكه : يابنت الحلال عادي ترا البنت بهالعمر تبكي
تالين : افف شسوي فيها
شمس اخذت حور وصارت تهدي فيها ليين هدأت ونامت اخذتها تالين ولبستها وهي نايمه
تالين: مدري وش فايده الفستان وهي نايمه
شمس : لا تخافي ترا مابتطول وهي نايمه
تالين : ياليت
شمس : يلا انا بروح اشوف توق تلاقيها خايفه
تالين: يلا روحي لها
اخذت حور بحضنها وصورت صوره لعزام كتبت تحتها الاميرات ينتظرون صوره اميرهم
عزام دق عليها ونطق بضحكه : الاميره الصغيره نايمه بس انا اخذت عقلي الاميره الكبيره ممكن تفهميني يامدام وش ذا الجمال
تالين بضحكه : امممم قلت يمكن تنتبه لي لو ارسلت لك
عزام : انتي بعقلي طول الوقت لو بكيفي الحين انتي بحضني
تالين بضحكه : لا لا لاتشط
عزام بهمس : احبك
تالين بخجل : افف عزام
عزام : عيون عزام وقلبه
تالين بخجل : افف تبي توقف قلبي انتي
عزام : يالي جمالك غير وعيونك شتات
انا عيونك دايم اذوووب فيها
تالين بخقه : يممه قلبيي بسم لله عليه
عزام : فديت القلب وصاحبه
تالين بحب : انت صاحبه
عزام : فداك صاحبه
............
عند توق كانت تناظر بنفسها للمره الاخيره لفتت انتباها جوالها كان فواز مرسل لها اغنيه
" جننت قلبي بحب يلوي ذراعي
لاهو بتايب ولا عبر تجاريبه
امر الله اقوى احبك والعقل واعي
ماجاب راسي سوى عشقك وتعذيبه"
فواز : جيتي في بالي وادري متوتره قلت اهديك شي
توق : اي والله صادق امر الله اقوى احبك والعقل واعي بس تراني مشتاقه لك متى بتجي
فواز: وانا مشتاق لك اكثر حبيبتي بس هديل تقول انها حجزت لنا مصوره متى تبين نصور ؟
توق : الحيين تعال تكفى
فواز : يلا الحين بكلمها
توق بغيره : نعم بتكلم ميين
فواز بضحكه : هديل هديل
توق : ايي اشوا بعد
فواز : يلا قومي بس جاييك عريسك
توق : ياجعلني فداه
تركت جوالها وهي متحمسه لرده فعل فواز اذا شافها
كلها دقايق ودخلت عليها هديل
هديل : يلا بنت فواز تحت بيصورو رده فعله
توق : ياويلي قلبيي
هديل بضحكه : مافيك الا العافيه يلا يلا
نزلت توق والمصورات كانو يصورونها وقفت ورا فواز حطت يدها على كتفه اخذ نفس وهو مبتسم ولف لها
طاحت عيونه بعيونها ابتسمت من شافت لمعه عيونه الواضحه قرب منها بحب وضمها بقووه وهو يشم شعرها ويبوس راسها
توق : ماني بحلم صح؟
فواز : تكفيين اذا بحلم لا تصحيني منه مابي اصحى
توق : خليني بحضنك كذاا تخيل بس انا وانت بالدنيا
فواز : ياليت بس انا وانتي بس
توق : ربي عوضني بكل التعب اللي عشته بحضنك ياحظي يافواز دامي صرت حرمك
فواز : يابعد عيون فواز وروحه وكل اهله انا اللي ياحظي فيك ياتوق
توق : حضنك مكاني وأماني وضياعي
بعد عنها وصار يتامل جمالها كان يتامل كل مكان فيها
توق بخجل : لا تناظرني كذا
فواز : عيوني مو قادر ابعدها عنك شسوي
قاطعتهم المصوره علشان تكمل التصوير وبالفعل كملت التصوير بوسط خجل توق من حركات فواز كانت الصور من اجمل الذكريات اللي بتكون لهم
خلصو الصور ومر الوقت وجا وقت الزفه كانت زفتهم بحيث ان يكون فواز ينتظرها وتدخل توق هي وابوها
دخلت توق وهي ماسكه ذراع ابوها تحت انظار الجميع كانو الجميع منبهريين فيها وصلت عند فواز
قرب بيضمها بس وقفه ابو خالد لفت له توق بصدمه
ابو خالد بحنيه قرب وضمها بقووه : يابعد عيون ابوك الف مبروك ياحبيبة خاطري مهما صار لك تاكدي ان بيت ابوك مفتوح لا تترددي وعسى اللي صار من قبل اوعدك مابيتكرر انتي بنتي وذكره من المرحومه امك حور وصدقيني لو هي موجوده كانت بتفرح لو شافتك كذا الله يتمم عليك ياحبيبتي ويرزقكم بالذريه الصالحه
ابتسمت توق بدموع وضمته بقوه ونطقت ببكى : الله لا يحرمني منك
لف ابو خالد لفواز وحط يده بيد توق ونطق : اول مره اعطيتك اياها غصب عنها وماكنت عارف قيمه بنتي بس الحيين اعطيك اياها بكامل ارادتها وانا عارف قيمه بنتي وبنتي لها مكانه عندي محد قدر يوصل لها لا تزعلها ولا تضايقها واذا انت مو كفو انك تسعدها اعطيني بنتي ياولد عبد الله وانا مستعد اسعدها ليين اخر يوم بعمري
فواز ناظر بتوق وشاف دموعها على خدها قرب ومسح دموعها وباس راسها ويدها اللي بيده ولف لابو خالد
فواز : انا يوم اني حبيت بنتك ياعمي ماعمري فكرت اني اضرها تطمن بنتك بالحفظ والصون واوعدك مابيجي اليوم اللي بتجيك وهي خاطرها مكسور
سلمو عليها كلهم لفت توت وحطت لهم اغنيه
خاصه اهداء من توق لفواز حاوطت رقبته بيدها وصارو يتمايلو وتوق تناظره وتغني له مع الاغنيه
"لما تشوفك عيني انا بنسى حياتي وبنسى سنيني
لما بكون وياك بلاقيني متطمنه حبك ذا مدوبني
وان زعلتك مره حاسبني ماهو لو ثانيه تروح وتسبني اموت انا قبليك ياما انا شفت عذاب وجراح بس ياقلبي خلاص من الليله ارتاح"
كان فواز بكل كلمه تقولها توق كان يناظرها بحب ويلعب بشعرها انتهت الاغنيه ضمها بقوه وباسها تحت انظار و تصفييق الجمييع وصراخ وحماس البنات
انتهت العرس وتوجهو توق وفواز لبيتهم.
...............
بعد مرور زمني تقريبا ١٠ شهور
كانت توق وفواز بالمستشفى بغرفه الاشعه
توق بحماس : صدقني ولد
فواز : اقولك بنت مابتعرفي بنتي اكثر مني
توق : خيير تراني امها
قاطعتهم الدكتوره اللي جت وهي تبتسم على نقاشهم
توق : تكفيين دكتوره يلا ابي اعرف بنت ولا ولد
حطت الجهاز على بطنها وبعد ثواني سمعو دقات قلب الجنين
توق : ياعيون امه
فواز: قصدك امها
الدكتوره بضحكه : انتي شرايك ياتوق قولتك بتكون بنت ولا ولد
فواز : ماعليك دكتوره انا اقول بنت
توق بنرفزه: ماسالتك تراا قالت توق انت توق ؟؟
فواز : ياكثر حنتك ياتوق
الدكتوره : لا انا مابقولكم شي لان بتجي ضيفه الحين رافضه انكم تعرفو
توق : نعم من ذي الملقوفه
دخلت عليهم توت بحماس : الملقوفه الخاله الحلوه توت
فواز : شتبين انتي يالملقوفه
توت : انطمو ثنينكم وانا بس بعرف الجنس عشاننا مجهزيين حفله تحديد الجنين
توق : افف مابي ابي اعرف تكفووون
توت : مافيي مجهزيين كل شي مو على كيفكم
قامت الدكتوره وكتبت بالظرف جنس الجنين وسحبته توت بسرعه وحطته بشنطتها
توق بنرفزه : تستهبليين توت ؟
توت : اسمعوني الساعه ٨ بتكونو في بيت خالتي ام فواز فاهميين ؟
فواز : انتي من جابك اصلا ؟
توت : الحب حقي ينتظرني تحت ومو شغلك ايها الاب السامج
طلعت توت ولحقوها فواز وتوق
........
نمرر الوقت ليين الساعه ٨ كانو الجمييع مجتمعيين
توق : توت تبين تجلطيني انتي ؟
توت : ايي بالضبط يلا انجلطتي ، تستهبليين توق لييه بجلطك ها شوفي جت تالين
جت تالين ومعاها البالونات والرشه
توق بنرفزه : خييير حتى تالين تعرف ؟
توت : هل تتوقعي اني غبيه بقول لاختك عن جنس الجنين ؟ اكييد لا ماقلت لها
تالين : خيير ترا حتى انا ابي اعرف
يوسف : يابنت اخلصي علينا نبي نعرف
ام فواز : ياتوت يمه يلا
هديل : يلا يلا خلاص كل شي هنا يلا فواز انت وتوق قومو يلا
قامت توق وهيي متحمسه كثيير تبي تعرف مسك فواز البالونه وبحماس فقعتها توق بحماس وظهر لهم جنس الجنين
توق بدموع الفرح : بنتتتت ؟؟؟
فواز بضحكه : كنت عاررفف
ضمها بقووه وبحماس وقرب يبوس بطنها قامو الكل
وباركو لهم
قربت توت وتالين ضمو توق بقووه بوسط دموعهم
تالين : متخيليين البنت اللي كانت لنا ام طول السنوات الحيين بتصيير ام لبنت ؟ افف غرت من بنتك الحيين
توت : انا متاكده ان بنتك بتكون محظوظه بتكون لها ام لطيفه ومضحيه وطيبه افف ياتوق مو مصدقه انك بتكوني ام
توق بدموع : الله لا يحرمني منكم وياحظ بنتي اذا انتم خالاتها
ضموها بقووه واتجهت نظراتها لفواز اللي اللي همس لها : احبك
توق بدموع وحب همست له : احبك اكثر
............
وانتهت قصه توق وفواز اجتمعو كلهم بحب
يوسف وتوت بعد معاناه توت ربي عوضها بحب واهتمام يوسف لها
هديل وخالد قصتهم بسيطه وكملو حياتهم بحب
تالين بطيبه قلبها ربي رزقها بحور الصغيره اللي نورت حياتها وحياه ابوها
قمر انتهت حياتها بالسجن
شمس وابو خالد عاشو حياتهم ببساطه
............
وبكذا اكون انهيت روايتنا وانهيت مشواري في عالم الروايات اتمنى اكون قدمت شي اعجبكم وشكرا مرره على الكلمات الجميله اللي توصلني منكم وبس قراءة ممتعه للجميع وموفقين 🤍.
