حينما التقينا

3_عمة اخرى!

Enjoy Reading❤.

#حينما التقينا
#الفصل الثالث
_________________

اسأل نفسي، حينما يُرهقني التفكير، لماذا لا يستطيع الإنسان الهروب من افكاره؟، ودائما تكون الإجابة مثل السؤال ولكن بدون كلمة لماذا.
سندس سيد|دانا🦋🩵"

اهم حاجة قبل ما تبدأو قراءة يا جماعة، اللي مأخر صلاة يقوم يصليها، الرواية مش هتنفعك لما متصليش، انا بقول الكلام دا علشان انتو متشيلوش ذنب، وانا مشيلش ذنب
دمتم سالمين💕.

‏﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنينَ ﴾
‏- سُبحان الله 🩵.
‏- الحَمد لله 🩵.
‏- لا إله إلا الله 🩵.
‏- الله أكبر 🩵.
‏- أستغفِرُ الله 🩵.
‏- لا حَول و لا قوة إلا بالله 🩵.
‏- سُبحان الله و بِحمده 🩵.
‏- اللهُمَ صَلِّ وَسَلِّمْ وَبارِك على نبينا مُحمد 🩵.
___________________

كان تميم يودعهم لكي يعود لمنزله، كان يودع والدته فقالت له بقلة حيلة:

_بردو مكلمتش ابوك، بلاش الموضوع دا يطول يا تميم

_والله يا أمي هو اللي زعلان، خليه يهدى الكام يوم دول وانا هبقى اكلمو
حركت رأسها موافقة بابتسامة، ابتسم لها ثم ذهب، توقف ليركب سيارته غافلاً عن الاعين التي تراقبه، كانت تجلس في الشرفة تبكي وهي تنظر له بحب، افاقت من شرودها على صوت الصغير وهو يقول:

_جنى انتِ بتعيطي لي
نظرت له وهي تمسح دموعها وقالت:

_مفيش حاجة يا يزن
قال يزن بنبرة طفولية حزينة:

_طب انتِ اتخانقتي مع ماما تاني، متزعليش منها ماما طيبة

_يزن، روح العب يلا عشان عاوزة اتكلم مع اختك في حاجة
قالت إيمان هذا الحديث بنبرة جامدة، حرك يزن رأسه موافقاً ثم ذهب، جلست إيمان امامها وقالت بنبرة شبه منفعلة:

_طول عمرك عبيطة ومبتعرفيش تتصرفي، وهتضيعيه من ايدك، خليكي قاعدة كدا حاطة ايدك على خدك وبتعيطي لغاية اما واحدة تانية تيجي تاخده

_طب وانا اعمل اي، اقولو حبني بالعافية، قوليلي اعمل اي، بتحسسيني ان ف ايدي الحل ومش عاوزة اتصرف
قالت جنى حديثها بانفعال، اجابت إيمان بنبرة خبيثة:

_المفروض تبقي ذكية عن كدا، لما يجي تقعدي معاه تفتحي اي موضوع، تسأليه عن الشغل مثلا، تهتمي بيه وتخليه يحب يجي هنا، بس انتِ مش بتشغلي دماغك، اسمعي كلامي بس وانتِ تكسبي
جلست تفكر في حديث والدتها ورأت انه صحيح، انها لا تهتم ب تميم ولا تتحدث معه ابداً الا عندما يُلقي عليها السلام، قررت تنفيذ حديث والدتها لترى ماذا سيحدث
________________