لـحن عيناك كـبرق اصابني.

‏يَلوُح بارقّ غَلاك و تَمّطر مزُونـَك ♡

*بـرق انزعج داخلياً ولااهتم وفتح حسابه بالتيك يتفرج به ،وصادف اخته رعـد منزله مقطع حط لايك لها وقعد يتفرج في المقطع وشاف التعليقات،شده يوزر مكتوب لحن حاط كومنت قلب *
بـرق يتكلم بداخله:معقوله حسابها ؟ خنشوف .
.
.
—-
لحن تضمه اختها ويدخلو داخل البيت وتقفل الابواب .
رمـح جابت شرشفها ومخدته وحطته بصاله:اسمعي ننام هنا.
لحن ضحكت:ليه؟
رمح:احس خفت وهذا احسن مكان .
لحن:طيب ي الخوافه ذاكري يلا
رمح:جيعانه شنسوي اكل .
لـحن:فيه توست وجبن كلي منها
رمح:لاابي وجبه دسمه
لحن:خلاص اطبخي ندومي
رمـح :طيب *راحت تطبخ اندومي لها وللحن *
.
.
——
*سيارة شرار*
رتيل:شرار بالله وقف عند المحطه
شرار:طيب
رذاذ:افف ابي قهوه
نـود:وانا بعد
شـرار:ابشري عيوني لك
رتيل منصدمه:هي عيوني وانا طيب
شرار:اشش انتي
رتيل:تمييز من الحين
نـود:خلاص انا اللي عيوني لك
شـرار:لا والله عيونك لي انا مب لها
رذاذ:يعع خلاصص تراني مصدعه ابي قهوه اص
*شرار وقف عند المحطه وحصل فود ترك حق قهوه وطلب منهم قهوه للكل *
.
سيارة ملهم وقفت عند المحطه بعد ونزلو كلهم عدا ملهم اللي يعبي بنزين .
*دخلو السوبر كلهم،دخلو وراهم عمير وعبدالرحمن*
جمر اخذ الاشياء اللي يبيها واخذ لااخوه ،وقف عن المحاسب وحاسب اغراضه وانتبه لعزيز ومهنا عند الثلاجه يحلفون على بعض:ياليل المبزره ذول
عمير جاء واخذ اغراضه وحاسب ويناظر بجمر:شفيك
جمر يضحك عليهم:شف مهنا وعزيز
عمير يضحك:شفيهم يتضاربو هالخبول
دخل اورنس وعبدالرحمن:السلام
جمر مسك اورنس:تعال شف واضحك
اورنس يناظر على نظر جمر :شفيهم؟
عمير:يتهاوشون
اورنس:امشو خنشوف سالفتهم
*راحو صوبهم*
مهنا:والله م تاخذه
عزيز:والله لااخذه
مهنا يشده من يده:قلت ماتاخذه
عزيز يرجع يشده:وانت من عشان تحلف علي
مهنا يسحبه من يده:حلفت عليك ماتاخذه خلاص
عزيز يسحبه منه:والله لااخذه
اورنس يناظر فيهم وهم يتهاوشون عشان مشروب طاقه منصدم منهم:الحين الازعاج ذا كله عشان ذا؟ فيه غيره ترا
*جمر وعمير مفحمين عليهم *
اورنس جاب علبه ثانيه:خذو هدو نفسكم
مهنا دف العلبه:مهبول انت تجيبه للخبل ذا
عزيز:بفهم انت شدخلك من بيشربه انا ولاانت؟
مهنا:مالي دخل امك وصتني انت م تشربه
عبدالرحمن:عزيز سلامات صدق تراك ممنوع عنه
عزيز:عاد انا بشربه
مهنا:والله م تشرب
عزيز:والله لااشرب
جمر:ي عزيز خذ مشروب ثاني بطل عناد فكنا من مهنا وعناده عاد
عزيز:مااحب غير ذا
مهنا يقنع عزيز:شوف لو احنا في مدينه او بديره كان خليتك تشربه لكن طالعين بر وماحولك  مستشفى لاتشربه
اورنس:مهنا صادق ي عزيز بعدين انت توك مسوي عمليه تبي تهلك روحك
عزيز تنهد:افف طيب بس اغراضك انا بحاسب عنها
مهنا ابتسم:خلاص بخليك تحاسب
*راحو للمحاسب *
.
.
اورنس اخذ له وللي معه مشروبات ولاشعورياً اخذ حليب داناو وهو رايح استوعب ان لحن مو معه،ضحك ورد الحليب:يوهه تعودت عليك
*حاسب وطلع لهم*
.
.
—-
عبدالرحمن يناظر بالجو:الله تمططر
اورنس ابتسم:تدفى بس
*عزيز ومهنا وجمر وعمير مشغلين الاغاني لااخر شي ويرقصون تحت المطر *
.
.
—-
وقفت سيارة هادف وقف وراه ميهاب يعبون بنزين.
*مـرعد شافهم ونزل يرقص معهم *
ميهاب:ياليل هذا وش وداه هناك
بـرق يناظر ب اخوه واللي يرقصون:يضحكون
ميهاب:مجانين والله ،بنزل اشتري تبي شي؟
بـرق:ايه مشروب طاقه بصحصح شوي
*ميهاب نزل للبقاله،واخذ اللي يبيه ورجع للسياره*
.
بـرق يتفرج في حساب اللي اسمها لحن م حصل ولا مقطع ولا صوره فيه:مافي شي وفيه فوق ٩٠ الف على وشو!!
صور له مقطع وهو ميهاب جالسين بسياره وصور معه الجو ونزله تيك .
*مرعد رجع وهو يركض تحت المطر بسرعه وركب بسياره*
.
.
—
*الكل حرك للبر*
.
*سيارة هادف مر بجانبها سيارة اورنس .
وطن سانده راسها على المرتبه وفاتحه الشباك تتامل الاجواء والامطار وكاشفه عن وجهها وشعرها ،مرت سيارة اورنس وانتبهت لااورنس وابتسمت يوم شافته اورنس التفت اتجاهها وناظر فيها وصد عطول ،وطن تضايقت من الحركه ورفعت الشباك *
وطن تتكلم في داخلها:ليش يصد عني ! شكله يحب وانا علقت نفسي بطريقه غلط معه .غمضت عيونها وتنهدت .
.
.
اورنس يستوعب شكل البنت اللي شافها لثاني مره ويهمس بداخله:ماشاء الله جميله .
.
.
—-
سياراتهم تمشي وراء بعض اول سياره سهاج وحياد ثم البقيه خلفهم ،وصارو يمشون على مهل بسبب الامطار .
.
*رعـد تصور الاجواء وترسل لرمح وتقهرها *
.
*الكل يصور الاجواء *
.
——
٥:٠٠ العصر .
وصلو للمخيماتهم وتوزعو كلهم ونزلو اغراضهم واللي راح يجمع حطب واللي يرتب فراشه واغراضه .
سهيل قرب لااورنس:كيف مقسم الخيام ؟
اورنس ياشر على الخيام:شف الخيام اللي على اليمين للبنات واللي على اليسار لنا وهناك خيام للمطبخ وهناك الخيام الجلسات .
سهيل:شرايك نجيب تيزار ونلف الخيام ذي كلها؟
اورنس:اقترحت هالشي على خالي سهاج وحياد بس رفضو
سهيل يحك راسه:هالشياب مشكله
اورنس:اصلا كذا احسن
سهيل:همم *اورنس يمشي من عنده يساعد سهاج*
.
.
—-
*خيام البنات*
*رتبو اغراضهم وجلستهم وكل شي وجلسو حول النار *
غزيل دخلت عليهم :يمه بنات المكان شكله بنهار يخوف شلون بليل
غدي:انتو اول مره تجون هنا؟
غرور:اي هذه اول مره نخيم هنا
غدي:والله توقعتكم دايم تخيمون .
غرور:لا والله حنا بالمدينه وهالاسبوعين جينا للشمال
هيام:يوهه عاد احب ناس لي ناس المدينه .
غرور:حبيبي
رتيل:افا واهل الشمال؟
هيام ضحكت:التوب عندي ذول
نـود ضحكت وهي تجهز القهوه:يعني ترقيع سريع
هيام ضحكت:لا جد ترا الشمال مالهم منافس عندي
رتيل:اصلا اللي م يحب الشمال واهلها م يفهم
هيام:بالضبط
غـدي عقدت حاجبها:نود انخطبتي؟
نـود ضحكت:اييه
هيام:مبروك قلبي بس مين ؟
غدي:خيانه ولاتعلمنا
نـود تناظر فيهم:على ولد عمي شرار
غدي:اها الله يبارك لكم
نـود:امين،والله صار كل شي فجاه ماكان بالبال
رتيل:اساس خطبتها المفروض شخص ثاني بس اخوي دخل في وجهه
هيام:الله قصة حب
.
.
—-
*عزوف ورعـد وغيام يلعبون تحت المطر *
جـمر يناظر فيهم ثم ركز نظره للبنت اللي رفعت شعرها وبانت رقبتها وملامحها ،ابتسم عطول من شافها وصار يتاملها *
جمـر يتاملها وهمس بداخله:كيوت بشكل مرهه يجنن .
قاطعه اخوه ملهم:ورع تعال ساعدني
*جمر مو معه يهوجس برعد*
ملهم بالحطبه ضربه فيها:ي ورع م تسمع انت!!
جمر يحك الضربه:خيير وش تبي
ملهم:تعال ساعدني على الحطب
*جمر راح يساعده*
.
.
——
البنات رجعو دخلو عندهم،رعد:يمهه بردد
عزوف دخلت بينهم عند النار:يجنن الجوو
غيام اللي جلست ترجف بشكل مو طبيعي ،جتها نود ونشفت شعرها وحطت عليها فروه :تدفي ي قلبي
رتيل جت عند نـود وغيام:نـود شفيك!
نـود وهي تجفف شعر غيام:مافيني شي بس اول مره اطلع بدون خواتي
رتيل:اي والله صدق انهم ملح الطلعه
غـدي:صدق ي نود وين اخواتك؟
نـود:م طلعو
غـدي:ليه؟
رعد:رمح تقول ماتبي يطلعون مايحبون البر
*رتيل ورذاذ ونود وغرور وغزيل وعزوف وغيام انصدمو*
رذاذ فهمت انهم مكذبات عليها :اي فعلا م يحبون البر
هيام:غريبه ياخي لحن سمعت انها دايم تطلع
نـود:ايه هي تطلع وترجع بنفس اللحظه
هيام:اها
رتيل:ايه خلونا نسوي فعاليات
غـدي:بكرا تبدا فعالياتنا الحين دخل علينا الليل
غرور:فعلا انا مع غدي
*التمو البنات حول النار ويسولفون سوالف عاديه *
.
.
——
*الشباب*
كلهم متكيين عند النار ويسولفون ويطقطقون على بعض .
.
.
—-
٩:٠٠مساء
*عند لحن ورمح*
منسدحات بصاله رمح تقلب بالجوال وشافت الحساب اللي زايرها مكتوب عنده بـرق بن هداج .
رمح:هيه لحن شوففي ذا برق زاير الحساب
لحن تقرب من اختها:وش عنده ذا
رمح تغمز لها:يتوقعه حسابك ،خنشوف حسابه
*رمح تدخل على حسابه وتتفرج بصوره ومقاطعه ولحن تطالع مع اختها*
رمح شهقت:ماشاء الله جسمه حلو مسجل بنادي
لحن:يع
رمح:خلينا نكون صريحين مافي احد والله جسمه بطل وهو حلو اصلا
لحن:مو ذوقي
رمح:محد سالك عن ذوقك قاعده امدحه انا
لحن تناظر في اختها:كلتبن شوفي شعنده يدخل حسابي
رمح ضحكت:يدور حسابك واضحه ي بدايات المحبه
لحن تنهدت:اعتقد انتي اكثر وحده عارفه ان الحب ارفضه ولاسيما من الاشكال ذي حيكون مقزز
رمح:اساسا مستغربه معضل وانتي تجلدينه
لحن:يبوي جاي من دوله اجنبيه تحصلينه نافخ نفسه ب ابر وقاعد يستعرض
رمح:شدراك انه جاي من دوله اجنبيه؟
لحن: اورنس سولف لي .
رمح تناظرها بطرف عينها:اها .
لحن:والله جعت قومي خلينا نفر ندور مطعم نطلب منه
رمح:يلا وعقب نمر نجيب قهوه عشان اصحصح اكثر
لحن:يلا مشينا
*رمح ولحن طلعو يدورو مطعم ،حصلو مطعم واخذو لهم اكل وقهوه ورجعو للبيت*
.
.
—-
*في المخيم*
تعشو وخلصو واللي راح ينام واللي يسمر واللي جالس.
.
اورنس:ي شباب بجيب حطب واجي
شـرار:زين
*طلع اورنس*
سهيل: يعيال دام الشياب نامو تعالو نزين الجلسه برا الخيمه
فاضل:واناا بعد اقول كذا
*كلهم قامو وسوو جلستهم برا جنب شجره وتجمعو الشباب*
*جاء اورنس وجاب الحطب عندهم *
ميهاب يناظر اورنس لابس بس ثوب ابيض وم عليه لاجكيت ولا فروه ولاشي:انت ماتحس بالبرد؟
اورنس:مابه برد والله انه براد
عزيز:هذا اورنس دايم كذا
جمر:اصلا البرد صدق مو الحين لما تثلج
هادف:طيب هم قالو فيه موجة ثلج راح تنزل هالايام
اورنس شب النار:ي عيال انا اذا اشتغلت م احس بالبرد
بـرق:كنت اتوقع البرد الصدق في جورجيا طلع ذي ابرد منها
جمر: يحبيبي اصبر م شفت شي
عمير طفش من سوالفهم البيض:ايه سمعت انها ديره رعب صدق!
سهيل:رعب ولاشي جنبها
مرعد:ليه؟
سهيل:مره طلعت انا واخوياي بدوام بديار ذي الوكاد نمنا طبيعي تخيلو ان خوينا انسحب هو نايم بالبدايه عبالنا حيوان قاعد يسحبه صحى يسمي منخرش ومابه احد لااثر حيوان ولاشي
ميهاب:معقوله؟
سهيل:اي والله انسحب انسحاب فضيع متحرك من راس فراشه لين طرفه
مرعد:كانو بيتعشون عليه
ملهم:اساسا ذا ولاشي جنب اللي صار لجمر
كلهم التفتو لجمر،:وش صار؟
جمر نطق بهدوء :ذاك المرا خيمت مع اخواني بالبر الوكاد كلهم نامو عادا انا قلت بشب لي ضوء واسمر مع نفسي المهم وانا جالس بالبدايه جاء هوا حار ولااهتميت عقب والله ي عيال اني معطي الجبال ظهري مادري بشي الا اليدين بنت تمسك اكتافي يوم لفيت بشوف الا انهبد على راسي وم صحيت الا على المغذي عند راسي
مرعد:ي ساتر شكله يخوف
ميهاب:والله جووي عاد
شـرار:شف اورنس عندك معترف في الديار ذي اكثر من الديره
بـرق:وش السبب ؟
شـرار:من حنا صغار وهذا مكانه
فاضل يناظر باورنس:معليش على كلامي ي اورنس بس انت حرفيا شخص غريبب احس فيك شي
اورنس ابتسم:مو اول شخص يقولي كذا
بـرق اشتغل فضوله:ايه ليش تعتبر هذا مكانك؟
اورنس يناظر فيه:لاني ارتاح فيه
مرعد:ولاتخاف
اورنس:وش يخوفني
مرعد:يعني السوالف اللي تحصل ذي م تخاف منها
اورنس:لا
مرعد:احس يونس تدرون برنا في رياض عباره عن تراب وخيمه مافي جبال وشجر كذا ولا حتى البرد خفيف
عزيز:وانا كنت اذم برنا بالمدينه طلع فيه ناس متحطمه غيرنا
مهنا:لاتغلط على بر المدينه ترا فيه جبل جبلين
عزيز يضحك:بدور نحجزه
عبدالرحمن:بس اعرف اخوياي يقولو نبي نكشت يطلعون اماكن حلوه بالمدينه
ميهاب:صدق مره جيتها فيها اماكن للكشتات حلوه بس مو مثل الشمال
ملهم تثاوب:يلا شباب بنام
ميهاب:يلا وانا بعد والله نعست
بـرق:خذوني معكم والله من صبح صاحي
فاضل:اجل يلا كلنا خلونا ننام
*كلهم راحو نامو ،الا اورنس قعد يجمع حطب بزياده عشان سهاج الصبح م يروح *
.
.
—-
*البنات*
*نجمه ونسمه والرغد وعايشه والجده كلهم نامو*
*غدي نومت عيالها ونامت معهم وهيام بعد وغرور وغزيل وعزوف وغيام ورعد نامو*
.
*رتيل ورذاذ ونود و وطن صاحيات*
وطن تحك يدها:بنات من فيكم صاحيه
رتيل:انا
رذاذ تطلع راسهامن البطانيه:انا بعد
نـود:وانا
وطن ضحكت:شرايكم نسمر برا؟
نـود:يلاا
رتيل:بـرد
وطن:نشب النار ونجلس عادي
رتيل:تمام
رذاذ:تمام بس تشبون النار علموني عشان اجيب معي اكل
وطن:تمام
*طلعو البنات وابعدو شوي عن الخيمه*
نـود لابسه الفروه:بسوي كرك
وطـن:بجيب حطب واجي
*وطن راحت تدور عند الشجر حطب،ورتيل ونـود يرتبون جلستهم ورذاذ جابت بطاطس عشان تشويه*
.
.
*وطن تحاول تكسر الحطب بس مقدرت *
*اورنس مشى وشاف حركه بين الشجر وتقدم صوبه ومعه حديده،قرب بزياده*
وطن بعدت عن الشجر وشافته وصرخت،اورنس شافها وتنهد:شتسوين انتي هنا
وطـن انتبهت له انه اورنس:اجمع حطب
اورنس يناظر فيها وهي ترجف وخايفه:انا مجمع عندكم هناك
وطن:م كنت ادري *كانت بتروح*
اورنس:دقيقه انتي مين؟
*وطـن تناظره مستغربه*
اورنس:يعني من بنات خوالي ولا وش؟
وطـن:وطـن بنت هداج.
اورنس عكش وجهه يوم عرف انها بنت هداج:اها والنعم *كسر الحطب برجله ومده لها وعطاها من اللي معه *خذي
*وطـن كانت بتتكلم بس قاطعهم صوت عواء الذيب وصرخت *
اورنس ياشر لها تسكت:لاتصرخين هذا شديد
وطن:من هذا
اورنس:ارجعي للخيمه واي وحده صاحيه قولي لها لاتطلع ابداً
وطن وقفت خايفه ،اورنس فهم انها خايفه ،مسك الحطب:امشي اوصلك سريع
*مشت هي واورنس لين وصلت الخيمه،دخلت وعيونها على اورنس ،اورنس تجاهلها وراح لخيام الشباب شيك عليهم حصلهم كلهم نايمين*
وطـن:ماشاءالله سبقتوني
رذاذ:حبيبي م سمعتي الصوت؟
وطن:ذيب ولا كلب؟
نـود:ذيب لحن
وطن:اما ذيب
رتيل:حبيبتي هذا اذا عواء يعني ممنوع التجول
وطـن:مافهمت؟
نـود:يعني انه في ذيابه قريبه ممكن تاكلك او انه طلع
وطـن:احس تحمست اشوفه
نـود تطلع جوالها وتوريها مقطع فيد للحن والذيب حقها ،وطن:يمهه ماشاء الله يخوف كبير مرهه
رتيل:ايه عشان كذا خلونا ننام
نـود:ايي
رتيل:تصبحون على خير
*البنات كلهم ردو عليها ونامو*
.
.
——
اورنس جالس بعيد عن المخيمات وفوق جبل قريب من مكان شديد ويناظره من فوق ،
.
شديد طلع مكشر انيابه وشاف قباله ضباع وقطعهم تقطيع بشراهه ،وصار يطارد له حيوان غريب لين طاح به واكله .
ثم رجع للكهف حقه .
.
اورنس تنهد:وينك ي لـحن تشوفينه كيف صاير قاسي
*شافه دخل مكانه ورجع للمخيم وجلس بفراشه برا *
.
.
—-
٤:٠٠ الفجر.
.
*لـحن نايمه جنب اختها في الصاله،وبدت تحلم بحلم غريب*
.
.
«في الحـلم»
لـحن تمشي بين بيوت قديمه مصنوعه من طين ومهجورهه كان الجو طبيعي ونهار فجاه أظلم وصار ليل ومليان ضباب ،ماصارت تشوف اللي قدامها ،صارت تسمع همسات غريبه وضحكات مخيفه لحن بدت تركض وتنادي بس ماتقدر صوتها مختفي ،طاحت على الارض وحاولت تقوم وتفاجأت ب افعى كبيره تلف على جسمها كامل وتكتمها ،تصرخ مافي احد يرد عليها .
فجاه تلاشى الضباب بخفه وتشوف السيف المضيئ بشعاع قوي اللي قطع الافعى بشكل كامل وحررها منه .
.
.
«في الواقع»
لـحن صحت مفزوعه وجسمها كله مبلل تناظر في المكان حولها واخذت نفس عميق ومسحت دموعها :الحمدلله انه حلم
*بقت بفراشها تناظر اختها وعقب رجعت نامت *
.
.
——
٤:٠٠ الفجر
أورنس اللي كان يحلم نفس حلم لحـن لكن كان في مكان مختلف.
.
.
«حلم أورنس»
بين بيوت قديمه وكان جالس في بيت من البيوت ذي وشاف لحن تمشي وكان يناديها ولاترد وشـاف الافعى تلحقها وكيف تلتف عليها ،كان بيقوم ويشوف نفسه مربط بجرير ثقيل يصرخ لكن مافي فايده ،يحاول يحرر نفسه منه بس مقدر لين شاف السيف مع شخص يطلع منه شعاع ابيض يقطع الافعى ،ثم تقدم له وحرره من القيود .
.
.
«في الواقع»
اورنس صحى ينادي لحن بصوت مبحوح ،بـرق جالس قريب منه:بسم لله عليك
اورنس فتح عيونه زين وشاف برق جالس ولاهو نايم وحاول يستوعب نفسه ،ثم ناظر بـرق:انت شتسوي قريب مني؟
.
.
——-
*تبون اكمل تفاعلو.